Connect with Us

“Sistemi i drejtësisë nën pushtetin agresiv të Ramës”/Bylykbashi: Prokuroria, një kukull nën presionin e vetingut

Politikë

“Sistemi i drejtësisë nën pushtetin agresiv të Ramës”/Bylykbashi: Prokuroria, një kukull nën presionin e vetingut

Publikuar

-

Ish deputeti i Partisë Demokratike Oerd Bylykbashi ka folur për përplasjen Meta – Dovrani, duke dhënë qëndrimin e tij mbi këtë çështje, ku edhe thekson se Gjykata dhe Prokuroria janë nën kontrollin e Edi Ramës.

Ai shprehet se Partia Demokratike po bën një betejë për të mbrojtur Republikën kushtetuese, mirëpo kryeministri Rama ka koncentruar pushtetin duke kontrolluar institucionet e drejtësisë përmes presionit të vetingut.

Bylybashi u shpreh gjithashtu se Presidenti i Republikës i ka humbur kompetencat e tij, ndaj po lufton kundër pushtetit agresiv dhe të centralizuar që po ushtron Rama mbi institucionet.

“PD ka bërë një betejë të fortë edhe Presidenti i Republikës po bën një betejë në mbrojtje të Republikës Kushtetuese. Është shqetësuese që haptazi një nga figurat më të errëta të drejtësisë, qëndron anëtar i Gjykatës së Lartë, ikën Ardiani vjen Volani me short, vetëm që të kapet sistemi i drejtësisë që Gjykata Kushtetuese të jetë në dorën e Edi Ramës. Një reformë me një sistem të ri drejtësie në vend që të japë besim, shfaq një spektakël kushtetues. Mungesa e kontrolleve kushtetuese ka bërë që ne sot të jemi në këtë krizë të rëndë. Sot sistemi i drejtësisë është i orientuar nga pushteti agresiv i Edi Ramës. Kompetencat e Presidentit të Republikës janë hequr në 2016, edhe këto që i kanë lënë në reformë po ja marrin. Me të drejtë ai lufton për ndarjen e pushteteve, që Kryeministri të mos ketë këtë lloj koncentrimi pushtetesh. Prokuroria është një kukull përsa kohë është nën presionin e vetungit të Edi Ramës. Prokurorët janë të pavarur nga Prokurori i përgjithshëm por janë të varur nga frika dhe presioni nëse do kalojnë apo jo vettingun që e kontrollon Rama. Presidenti i Republikës ka humbur funksionin që kishte”, tha Bylybashi i ftuar në studion e Abc News./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

LRE e Galdinit bën publike 4 parimet për Kodin Zgjedhor!

Publikuar

-

Nga

Nëpërmjet një njoftimi për shtyp, LRE – Lëvizja e Re ka bërë publike 4 parimet bazë që kjo parti e djathtë, opozitare i gjykon si të domosdoshme për Reformën Zgjedhore.

Kryetari i LRE – Lëvizjes së Re, pedagogu Arian Galdini, deklaron se për zbatimin e këtyre 4 parimeve, LRE është e gatshme të bashkëpunojë më të gjithë faktorët politikë.

4 parime bazë për të cilat LRE synon të bashkëpunojë me cilind faktor politik për të ndikuar që të bëhen edhe pjesë e Reformës Zgjedhore dhe e ndryshimeve  në Kodin Zgjedhor, në mënyrë që në Shqipëri të garantojmë zgjedhje të lira, të ndershme dhe të barabarta.

1.  LRE – Lëvizja e Re beson se votimi elektronik, pra identifikimi biometrik, votimi dhe numërimi elektronik janë plotësisht të mundshme, të realizueshme dhe me kosto krejt të përballueshme për shtetin dhe taksapaguesin shqiptar.
Madje sipas ekspertit të LRE, matematikanit Pëllumb Pellumb Shahini, kostot për votimin elektronik janë më të ulëta se kostot e zgjedhjeve që kemi bërë deri sot.

Nëpërmjet votimit elektronik, sigurohet pjesëmarrje e lartë në votime, shmangen komisionet dhe numëruesit partiakë, eleminohet votimi familjar, zerohet shitblerja apo kërcënimi i votës dhe kemi dalje të rezultatit zgjedhor brenda 50 min deri 1 orë që nga mbyllja e votimeve.

Kauza e votimit elektronik ka qenë edhe kauza e Koalicionit Opozitar kur ne hymë në “Çadrën  e Lirisë”.

2. LRE – Lëvizja e Re beson se në Shqipëri nuk do të mund të kemi kurrë zgjedhje të lira dhe të ndershme nëse nuk ndërhyjmë në Kodin e Punës dhe në Reformën e Administratës Publike.

Po nuk e shenjtëruam të drejtën e punës, nuk ka zgjedhje të lira dhe të barabarta.

Në Shqipëri, pronarët privatë dhe administrata publike përdorin fuqinë mbi vendin e punës për të kërcënuar punonjësit e tyre për sesi duhet të votojnë.

Kush nuk voton sipas urdhërave të Pronarit apo Shefit, Drejtorit, Ministrit, humbet vendin e punës.

LEXO EDHE:  Foto-Rama publikon ankesat e dibranëve/Njëra prej tyre tërheq vëmendje

LEXO EDHE:  Kërcënimi i Ramës ndaj BE-së/ Bregu: Nuk shoh asnjë problem në atë deklaratë

Duhet ta shenjtërojmë vendin e punës në privat dhe shtet.

Askush nuk duhet të guxojë më të kërcënojë askënd me vendin e punës për votën.

Madje askush nuk duhet të guxojë të joshë askënd me vendin e punës për votën.

Nëse një qytetar kërcënohet apo joshet me vendin e punës, ai qytetar nuk është i lirê.

3. LRE – Lëvizja e Re beson dhe mendon se duhet ndërhyrje e domosdoshme në Ligjin e Partive Politike.

Demokracia e brendshme duhet garantuar dhe mbrojtur me Ligj.

Primaret në çdo parti duhet të jenë  detyrim ligjor.

Shpallja e kandidatëve që do të marin pjesë në Primare, duhet bërë domosdoshnërisht, së paku 1 vit para zgjedhjeve.

Vetëm kështu shfuqizojmë Kryetarët e Partive dbe fuqizojmë qytetarët.

4. LRE – Lëvizja e Re beson se parimi i transparencës së shpenzimeve elektorale nga partitë dhe kandidatët, duhet të ndërtohet mbi përcaktimin e tavanit dhe tabanit të shpenzimeve elektorale.

Psh, shpenzimet elektorale të një partie nuk duhet të kalojnë kurrë më tepër se 140 fishin e 140 kandidatë × paga mesatare (526 mijë lekë të vjetra).

Pra për secilin kandidat nuk duhen lejuar shpenzime më shumë se 140 x 526 mije lekë të vjetra = 73 milion e 640 mijë lekë të vjetra.

Ky tavan, favorizon logjistikisht kandidatin që mund ta shpenzojë këtë shumë, por me këtë shumë është e sigurtë se nuk blihen dot vota dhe njerëz.

Ndërsa tabani mund të jetë dhjetëfishi i pagës minimale, pra 10 × 260 mijë lekë të vjetra.

Me tavanin dhe tabanin e shpenzimeve, ne sigurojmë barazi të votës, sepse kështu avantazhi logjistik i kandidatëve që mund të shpenzojnë tabanin, mund të konkurohet me ide e frymë nga kandidatët që mund të sigurojnë vetëm tabanin e shpenzimeve.

Për mbështetjen e këtyre 4 parimeve LRE – Lëvizja e Re është e gatshme të bashkëpunojë me të gjithë faktorët politikë.

LEXO TE PLOTE

Politikë

Tërmeti tragjik i 26 nëntorit/ Holanda dhuron 3 milionë euro

Publikuar

-

Nga

Holanda dhuron 3 milionë euro rindërtimin e banesave të shembura nga tërmeti tragjik i 26 nëntorit.

Lajmin e bën të ditur ministri i Jashtëm i Holandës, Stef Blok, nëpërmjet një postimi në rrjetet sociale.

“Holanda qëndron në krah të Shqipërisë dhe do të dhurojë 3 milion euro për përpjekjet e rindërtimit, pas pasojave të tërmetit”, shkruan Blok.

Kujtojmë se tërmeti i 26 nëntorit shkaktoi 51 viktima dhe plagosi qindra të tjerë. Sipas shifrave të publikuara nga qeveria, dëmet shkojnë deri në 985 milionë lekë./ CNA.al

Tërmeti i 26 nëntorit/ Qeveria zbulon shifrën zyrtare të faturës së dëmeve

LEXO TE PLOTE

Politikë

Ish presidenti i tërheq vëmendjen Metës/ Nuk mund ta përfaqësosh nëse bëhesh palë me…

Publikuar

-

Nga

Ish-Presidenti Alfred Moisiu i ka dhënë një mesazh Ilir Metës, teksa e rekomandon këtë të fundit të mos bëhet palë por të debatojë në respektimin dhe në kërkesën për respektimin e kushtetutës.

“Përfaqësojnë unitetin e kombit dhe unitetin e kombit nuk mund ta përfaqësosh nëse bëhesh palë ose merr pjesë në debatet e ndryshme politike.

Presidenti bën debate kushtetuese për mbrojtjen e kushtetutës dhe interesave të vendit. Unë u përpoqa të jep një shembull, të cilin e ndjek sipas experiencës”, është shprehur ai për Ora News./CNA.al

LEXO TE PLOTE