Connect with Us

Nga Frrok Çupi/ Pse Lul Basha po i çon shokët në burg?!

Opinione

Nga Frrok Çupi/ Pse Lul Basha po i çon shokët në burg?!

Publikuar

-

Një ditë Lulzim Basha do të dalë mbi ujëra, por vetëm atëherë kur ‘deti’ të jetë tharë.

Vetë Basha, që siç ka lënë të nënkuptohet, u asfiksua nga ujërat ‘e pista’ që gjeti në PD, tani po punon pak nga pak që të thajë ‘moçalin’. Moçali i PD janë udhëheqësit e rinj, të cilët janë mbledhur nën ‘diktatin e Berishës’, që ishte kryetar jetë- gjatë i Partisë Demokratike!, të paktën kështu është lënë për të nënkuptuar gjatë viteve të fundit kur PD po shkon keq e më keq.

Kryetari i ri, i selektuar nga vetë Berisha, ka pranuar që gjatë gjithë këtyre kohëve ka tentuar (por pa sukses) që të ndryshojë lidershipin e PD. Pas vrasjes së Sokol Olldashit- njëri nga kandidatët për kryetar, Basha u ndje i lirë për të bërë gjithçka. Sigurisht që ky ishte një iluzion i ‘rioshit’, siç ndodh gjithnjë në adoleshencë. Të vetmen herë kur Basha tentoi të zgjojë ‘pleshtat’ e PD që ishin zënë që në kohën e liderit Berisha, ishte momenti kur hoqi nga Partia liderët që bënin hije me hijen e marrë nga lideri historik.

Zhduku Jozefina Topallin që mbante shpatën e Skënderbeut në mbrojtje të trashëgimisë së Berishës; zhduku Arben Imamin- armikun ‘hudhër’ të Berishës; zhduku ministrat me të cilët Berisha kishte ndërtuar skemat piramidale në vitin 1996 si dhe kryesuesit e Organizatës së dyshimtë financiare ‘Shqiponja’…

Basha, sapo bëri aktet, priti në tribunë që të merrte duartrokitjet e publikut; por kjo nuk ndodhi. Nuk ndodhi as që liderët ‘legjendarë’ të PD të shtrëngonin radhët dhe t’i suleshin Bashës e t’i merrnin partinë. Këtu nuk ishte Basha- bedenë e kështjellës, por vetë Basha u mbrojt nga ‘sulltani’ Berisha.

Ish- kryetari Sali Berisha, një aritmetiken shumë i dobët, di të bëjë perfekt matematikën politike. Ai e zgjidhi kështu: ‘më mirë të mbajë për vete një Bashë të qullët, se sa të rimarrë ministrat që ua dinte ku i kishin fshehur paratë’. Me një lëvizje të ‘atit’ Basha siguroi ‘kështjellën Berisha’ në PD.

Por megjithatë, edhe sikur një zog rose të ishte Basha, tashmë do t’i ishte zënë fryma nënë këto ‘ujëra të pista’. Kur kuptoi se dy liderë të tjerë, Meta dhe Berisha, po e përdornin si ‘Pal Mëlyshin’- një hero komunist i Sigurimit të Shtetit, që do të bënte ‘sikur’ ishte armik por do të merrte pushtet për të tjerët, atëherë Basha u zgjua- me sa duket. E kishin shtyrë që të hynte në zjarrin e luftës me bomba molotov dhe me vullnetarë nga Irani për të djegur Parlamentin, qeverinë, sheshin, udhëkryqet etj.

LEXO EDHE:  Basha bëhet i sinqertë për herë të parë/ Pranon dështimin me listat e deputetëve

Basha ishte gjithnjë i vetëm në krye të turmave të dhunshme, krahas Monikës që e kishte bërë ‘lanet’ i shoqi president. Me aktet terroriste Lul Basha po udhëhiqte legjionet që do të afronin një luftë civile si në vitin 1997 dhe do të shporrte përgjithmonë Amerikën nga influencat mbi këtë vend. Por njëkohësisht do të dërgonte në ferr veten me familjen. Derisa një ditë, nga Shtetet e Bashkuara mori mesazhin: ‘Luli, nëse ka dhunë në 8 korrik, mbi tarracën e selisë së PD do të jetë duke të pritur një helikopter, askush nuk e di ku do të shkosh’.

Lul Basha e kuptoi se po e mbyste llumi që kishte mbledhur vetë bashkë me shokët; dhe prandaj u betua para Zotit të tij- gruas dhe vjehrrit se ‘nuk do ta marrin më për hundësh’. Lul Basha i ka hyrë notit për të dalë nga moçalet e pista, por kjo do të ndodhë vetëm atëherë kur të thahen ujërat. Stili që ka zgjedhur sot për sot është ‘not qeni’, në kuptimin që do të kafshojë secilin nga rreth 500 anëtarë të lidershipit që ka grumbulluar- si të ishte parti kineze.

Mënyra e parë e sulmit është përdorimi i kamxhikut të ligjit kundër ‘sovjetikëve’ budallenj që ka në lidership. Këta janë treguar të gatshëm që të shkojnë në ferr duke kënduar ‘për Partinë’. Sot, teksa dënohej shoku i tij Salijanji, lëshonte thirrje bolshevike se ‘ju nuk ia mbyllni dot gojën trimit’. Në këtë mënyrë karikonte Salijanjin dhe ndërkohë iu bënte thirrje të tjerëve që e kanë radhën për në burg. Vetëm sot Lul Basha dërgoi në burg tre shokë: Babalen, Salijanjin dhe gazetarin spiun.

Pas këtyre e kanë radhën të tjerët; që nga Bardhi, Ristani, Balliu, Shehu e deri te Grida. Ai i puth të gjithë ‘para litarit’, pa e çarë kokën se Salijanji e ka fytyrën të yndyrshme apo se Grida i bën poçe si më e lexuar se Luli pa shkollë. Misioni i tij është t’i dërgojë në ferr. Prokuroria është e mbushur me ‘dosje menshevikësh’ nga radhët e PD. Ditën e Enjte Luli ka edhe një provë tjetër personale në prokurori: Akuzën për financime ruse në një lobing amerikan!

Nëse do të mund të shesë shokët për të shpëtuar nga akuzat kriminale, atëherë ne qytetarët duhet të na zërë frika se çfarë po ndodh. Por nëse Lul Basha po hap rrugën për vete që të dalë mbi ujë duke tharë ‘moçalin’, atëherë kjo ka një shpresë edhe për PD, edhe pse mund të jetë PD tjetër.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Opinione

Nga Bledi Mane/ Dua një puthje për Shën Valentin…

Publikuar

-

Nga

* Jam rrugëve sot, rrugëve të Tiranës me një buqetë të madhe trëndafilash. Eci më këmbë, takoj njerëz, u fal një lule, i puth dhe largohem.

Deri tani kam puthur një grua plakë që mbante rradhën te sporteli ku paguhen dritat, pastaj putha një tropojan të papunë që del çdo ditë të kërkojë punë te ura e Brrylit. Në Bllok putha një vajzë 21 vjeçare që silikoni e kishte rritur 20 vjet më tepër në moshë dhe pas puthjes më kërkoi 180 euro.

I ika vajzës dhe i dola para një qerosi kokëmadh nga Mamurrasi që ngiste një makinë BMW X6 ngjyrë qumshti. Sa hapi xhamin, zgjati pistoletën drejt meje e sapo filloi për të më sharë, e putha dhe ia ngriva fjalët në fyt.

Meqënëse Blloku është afër, shkova te godina e qeverisë. Gardistët vlonjatë nuk më lanë të hyja por i putha dermanët një e nga një, ua bëra pak qejfin siç e duan ata e ua prisha mendjen. U ngjita lart në katin e tretë dhe para më doli Vali Bizhga me Ëngjëll Agaçin. Nuk pret njeri Edi Rama, është pak i zënë-më thanë.

Pa folur fare ua rroka kokat, ua afrova fytyrat te e imja, u përkula pak të arija gjatësinë e Ëngjëllit dhe fillova tu fus llapën të dyve mu aty në koridorin e lartë. Ëngjëlli vinte era Marlboro pa pullë, ndërsa Vali Bishga sapo kishte ngrënë hudhrën e mëngjesit. Një derë u hap pakëz dhe prej boshllëkut dallohej fytyra e skuthtë e Endri Fugës që më kërkonte te puthja edhe atë. Nuk i dhashë as lule e as puthje Fugës e pasi i lashë si krushq të ngrirë dyshen Bizhga-Agaçi nxitova matanë Lanës.

Te zyrat e PD-së kryetari nuk kishte ardhur ende e ndërkohë që Gaz Bardhi justifikohej duke thënë se Lul Basha nuk është gjumash, unë e putha fort Gazin e Kavajës. Sytë iu pushtuan nga lotët dhe pasi vari kokën në supin tim, psherëtiu:

-Kam 3 vjet që s’më puth askush. Për herë të fundit më ka puthur djali i Rexhep Meidanit në korrik të 2017-s kur isha ministër drejtësie. Mezi pres të vi më pushtet ti bie prapë qylit me puthje.

E putha edhe një herë Gazmendin e përvëluar dhe vrapova te shtëpia e doktor Berishës. Sa bëra të trokas në derë dëgjoja klithma dhe zënka. Liri Berisha i ishte turur burrit dhe e i urdhërohej plot maraz:

LEXO EDHE:  Bllokimi i reformës zgjedhore/ Zgjidhja, mesazh për Bashën

LEXO EDHE:  Bllokimi i reformës zgjedhore/ Zgjidhja, mesazh për Bashën

-Nuk ta jap, jo.

-Nuk ta jap, jo se ka 23 vjet që nuk të bën derman as viagra!

Puthja më doli huq te kjo shtëpi dhe pa përtuar u nisa drejt Bashkisë. Më buzëqeshën, më mirëpritën dhe më thanë të pres pak. Më orientuan zyrtarisht, nëse do puthësh Erion Veliajn si fillim do njoftohen 639 policë bashkiakë dhe orkestra frymore e qytetit. Njëkohësisht do urdhërohen të vinë 54 kamerat e 27 televizioneve, 370 gazetarët e 740 portaleve, 44 montazhierë, 1780 vullnetarët komentues të rrjeteve sociale madje do jetë i pranishëm edhe Trupi Diplomatik i akredituar në Tiranë.

Sapo u thashë “Po”, brenda 10 minutash gjithçka ishte gati. Lali Eri më priste në zyrë dhe sapo u hap dera kërciti puthja ime e bashkë me të blicet dhe dritat e kamerave. Nuk mi shkulte buzët e tij të thara nga buzët e mia e ndërsa rënkonte nën zë më pëshpëriti te veshi e më tha:

-Ti puth më mirë se babai i Dua Lipës!

Me trëndafilat e pakësuar në duar dola në bulevard dhe i ngrita dorën një taksie.

-Urgjent në Rinas, i dhashë urdhër shoferit dhe makina e verdhë vërdhoi drejt aeroportit.

-Lekë nuk kam por po të jap një puthje dhe një trëndafil, kusurin jepja pronarit tënd-bëra shaka me taksixhiun dhe u futa brenda terminalit të nisjeve.

Bosh, qetësi, altoporlantët nuk njoftonin pasagjerët, edhe sportelet bosh. Një polic dremiste brenda kabinës por e zgjova, i bërtita:

-Ej sheeeef, kuuuu jaaaanë njeeeerëëëzit?

Polici kaploi sytë, vuri kapelen mbi kokën e tij formë Skrapari dhe më ktheu përgjigjen që s’prisja:

Sapo ikën të gjithë në Londër, Boston, Frankfurt, Milano, Paris. Ikën, ikën, ikën, ikëëëën!

Veshët e mi buçitën si Hiroshimë, koka mu var prej gravitetit të turpit, krahët mu lëshuan, trëndafilat mu derdhën në tokë dhe bashkë me lulet e kuqe u plasa edhe unë…

U përmenda 10 minuta para mesnatës. Veten e gjeta në ambulancën e Vorës e teksa kërkoja ujë, përballë meje shikoja veten time nga ekrani i një televizori të vogël. Spikeri lexonte plot dëshpërim:

Grabitja në aeroportin e Rinasit ndodhi në mesditë. Trëndafilat e kuq të gazetarit dyshohet se i vodhën 3 persona të maskuar të cilët më pas larguan me një makinë të zezë dhe u fshehën në Fushë-Krujë. Policia u vu në ndjekje të keqbërësve!

LEXO TE PLOTE

Opinione

Pse Elton Haxhi nuk është dora që urdhëroi rinovimin e liçensës së Duty Free!

Publikuar

-

Nga

Elton Haxhi zv.ministri që firmosi liçensën e re të Duty-Free dha sot dorëheqjen.

Nëse të gjithë thonë që liçensa është dhënë në shkelje të ligjit, atëherë logjika e thjeshtë e do që të arrijmë në konkluzionin që Elton Haxhi ka firmosur për korrupsion. Dilemat nuk i heq dorëheqja nga karrigja e pavlerë e zv.ministrit.

Ambasadorja e re sot e ndërroi parrullën dhe nga “duhet të vazhdojmë Reformën në Drejtësi” e zëvendësoi sot me “SPAK duhet të jetë i suksesshëm patjetër”.

Do bëhet Elton Haxhi subjekt i SPAK?

Pse Rama nuk i bën kallëzim penal Elton Haxhit në SPAK? A ka mundësi një copë zv.ministri “rrakeik” si Elton Haxhi që të ketë bërë gjithçka, pa dijeninë dhe OK e Ramës, apo të mëkëmbësit të Ramës, Engjëll Agaçit?!

Çështja e liçensës së Duty Free, sido që të shkojë çështja në gjykatë, nuk kalon më pa kosto për buxhetin e shtetit, përveç kostos në raport me partnerët gjermanë dhe amerikanë.

LEXO EDHE:  Zbulohet lëvizja e radhës/ Ja çfarë do të bëjë Lulzim Basha të hënën

LEXO EDHE:  Fahri Balliun e lëshojnë nervat/ Sulmon ndërkombëtarët

Pse Rama po lan duart nga ajo histori duke “dorëhequr” Elton Haxhin?

Ose Elton Haxhi është përgjegjës penalisht për firmën që ka vënë, ose nuk ka përgjegjësi fare. Ajo firmë është ose në përputhje me ligjin dhe Rama që gjykon çdo vendim gjykate, mund të gjykojë edhe firmën e “një cope zv.mimistri” të vetin, ose në kundërshtim me ligjin dhe Rama duhet të bëjë shembull “pizëvengun” që i prishi imazhin qelibar të qeverisjes.

Vështirë se mund të besojmë se “kokrra e zevendës ministrit”, vuri në lëvizje gjithë piramidën e Ministrisë së Financave dhe Drejtorisë së Përgjithshme të doganave që paketuan për 24 orë rinovimin e liçensës së Duty Free./CNA.al

LEXO TE PLOTE

Opinione

Tirana, midis ndryshimit dhe braktisjes

Publikuar

-

Nga

* 100 vite ne periudhen qe jetojme, eshte kohe e mjaftueshme per ndertimin e nje kryeqendre te zhvilluar qe i paraprin zhvillimit te te gjithe vendit. Kryeqytetet e kane shume me te lehte te ecin me hapin e kohes dhe te jene te krahasueshme me simotrat e zhvillura te kontinentit edhe kur jane qendra te shteteve shume me te prapambetura. Per fat te keq kete nuk mund ta themi per Tiranen ne njeqindvjetorin e shpalljes se saj Kryeqytet i Shqiperise.

Elementi i pare i vleresimit te zhvillimit te nje qyteti sigurisht qe mbetet aspekti i tij urban, shkaterrimi i te cilit pothuaj e ben te pakthyeshem jete e mot ringritjen e qytetit. Ndryshe nga problematikat e tjera te cilat jane te rikuperueshme, shkaterrimi urban per nje qytet eshte si nje semundje e pasherueshme qe do ta mundoje gjithmone e me shume pacientin.

Periudha diktatoriale, edhe pse i imponoi Kryeqytetit nacional-komunizmin dhe ndertimet joestetike te objekteve qe e shemtuan ate, te pakten nuk demtoi urbanistiken e tij. Ne vitet 90 sistemi monist trashegoi nje qytet te zymte e te varfer, mbi te cilin me pak perpjekje mund te ndertohej lehte nje qytet Europian. Nese levizjet migratore demtuan rende periferine e Tiranes me ndertime pa leje dhe kaotike por gjithsesi te ulta, ato qe i dhane goditjen fatale zhvillimit urban te qytetit ishin te ashtuquajturat “ndertimet shumekatshe me leje pjesore” ne qender te tij.

Ne te dyja rastet Tirana u shfrytezua politikisht per arsye elektorale. Ne kryeqytet jo vetem u lejua ndertimi i qindra objekteve paleje, por u be edhe legalizimi i tyre pa ju nenshtruar me pare asnje studimi urban. Ne me pak se 20 vite, tre nga politikanet kryesore te vendit ne rolin e kryebashkiakut, dhane pa kriter leje ndertimi abuzive. Keto leje prodhonin begati per karrieren e tyre politike por shkaterrim per qytetin. Fale ketyre politikave rrenuese te nderrmara vetem per qellime elektorale, sot Tirana e ka pothuaj te pamunder ndertimin e nje rrjeti tramvai edhe ne qendren e saj. Kemi nje qytet jo vetem pa hapsira publike, por qe ngjason me nje vendgrumbullim betoni te shperndare ne menyre te rastesishme. Dhe gjithashtu nje Kryeqytet qe ne 100 vjetorin e tij si ka mbetur pothuaj me asnje vlere identitare prej periudhes se themelimit.

Dhe si per te na bindur perfundimisht se ajo eshte shkaktarja qe ne kete pervjetor Tirana nuk ka pothuaj asgje nga shkelqimi i merituar, politika na ka dhene edhe nje prove te fundit uleritese. Fal politikes se mbrapshte te viteve te fundit, Tirana sot nuk mund te konsiderohet me qytet as ne kuptimin formalo-thelbesor, sepse i mungon “demosi”, pra demokracia si forme organizimi. Nese qytetet linden dhe u zhvilluan si nevoje e drejtimit te perbashket nga qytetaret e tyre, Tirana sot drejtohet nga nje njeri i vetem, me organe totalisht njepartiake dhe jo pluraliste. Kush mund ta mendonte se kryeqyteti i nje vendi Europian, me i aferti gjeogradikisht me Athinen ku dhe lindi demokracia, do te riperseriste veten pas 30 vitesh nga permbysja e komunizmit dhe cdo vendim te qytetit do ja linte ne dore nje njeriu te vetem.

LEXO EDHE:  Rrëmbimi i kuksianëve/ Avokatja e Lulit ndihmon qeverinë të fshehë çështjen

LEXO EDHE:  Murrizi kërkon shtëpi për deputetët e "pavlerë" të Lulit

Dhe nese dikush mund te kundershtoje kete konstatim duke thene se te pakten Tiranes sot i mungon shtatorja e njeshit ne qender te qytetit, gabohet. Eshte edhe me keq se kaq. Sot ne 100 vjetorin e shpalljes Kryeqytet nga Kongresi i Lushnjes, ngjarja me perparimtare e Shqiperise qe nga Pavarsia,Tirana e ka me veshtire se me pare te jete shprehje e nevojes se shoqerise per ndryshim. Tre Kryebashkiaket e fundit te Tiranes kane nje rol deciziv ne kete proces ku nje grup individesh qe nuk e kalojne dyzinen, kane themeluar nga Tirana nje sistem pothuaj oligarkik. Ata perfitojne nga cdo gje qe ndodh ne qytet, asgje sbehet pa lejen e tyre dhe ceshte me e keqja, ata behen gjithmone bashke perballe ndryshimit. Dhe per dreq, ky sistem i mbrapshte nuk ka as shtatore te ngritur qe te mund te permbysej me nje te rene. Ndaj qytetaret midis dilemes per tju nenshtruar apo ndryshuar, gjithmone e me shpesh po zgjedhin ta lene Qytetin.

Nga Fabian Topollaj

Keshilltar i Keshillit te Bashkise Tirane
Perfaqesues i Partise “Bindja Demokratike”

LEXO TE PLOTE