Connect with Us

KPK e konfirmoi në detyrë/ Ja pasuria e prokurorit të Apelit

Vetingu

KPK e konfirmoi në detyrë/ Ja pasuria e prokurorit të Apelit

Publikuar

-

Komisioni i Pavarur i Kualifikimit ka vendosur konfirmimin në detyrë të Genti Xholit, i cili është prokuror në Apelin e Tiranës. Trupa gjykuese arriti në përfundimin se Genti Xholi është i përshtatshëm për vijimin e detyrës, pasi kaloi të tre kriteret e Vettingut, atë të pasurisë, të pastërtisë së figurës dhe aftësitë profesionale.

CNA.al ka zbardhur më parë pasurinë e Xholit, i cili rezulton se të ardhurat i ka nga paga e tij dhe bashkëshortes, por edhe nga interesat e depozitave bankare.

Kështu në vitet 2003 dhe 2004 , Xholi deklaron vetëm pagën e tij si prokuror në Tiranë.

Ndërsa në vitin 2005 ai deklaron edhe një kredi (overdraft), në shumën 200 000 lekë. Një vit më pas ka hapur një depozitë me afat me vlerë 509 571 lekë, ku 50% e ka bashkëshortja. Po në të njëjtin viti ai deklaron edhe një autoveturë “Opel Astra” në vlerën 2 300 euro.

LEXO EDHE:  Ngec në sitë/ Vettingu i “pret” kokën kryegjyqtarit

Në deklarimin e vitit 2007, ai deklaron të ardhura nga interesat e depozitës me afat në shumën 16 453 lekë.

Në vitet pasardhëse, vërehet një shtim i depozitave bankare nga bashkëshortja e prokurorit, e cila deklaron vetëm pagën si ekonomiste dhe herë pas herë ndonjë overdraft, apo karta krediti.

Shtim të pasurisë së tij, ka në vitin 2010 pas emërimit në Apel, kur ka blerë një autoveturë Meecedez Benz, e markës S300, me vlerë 150 000 lekë si dhe apartament në Pogradec me sipërfaqe103.46 m2, me vlerë 4 000 000 lekë

Në vitin 2013 bashkëshortja  e tij ka blerë automjet me vlerë 2 000 euro.

Në linkun më poshtë pasuria ndër vite e Genti Xhilit, sipas të dhënave që CNA.al ka marrë nga ILDKPKI./ CNA.al

Pas emërimit në Prokurorinë e Apelit/ Gent Xholi blen apartament në Pogradec

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Vetingu

“Ka rekrutuar prokurorë që nuk duhej të ishin aty”/ Theo Jacobs sulmon SPAK për cilësinë e hetimeve

Publikuar

-

Nga

Përfaqësuesi i ONM-së Theo Jacobs gjatë një seance në KPK

Në një debat me gjyqtarin e Gjykatës së Apelit Shkodër, Selim Kryeziu gjatë seancës dëgjimore të këtij të fundit të enjten në Komisionin e Pavarur të Kualifikimi, përfaqësuesi i ONM-së, Theo Jacobs akuzoi Strukturën e Posaçme Kundwr Krimit të Organizuar dhe Korrupsionit për pushimin e shpejtë të çështjes ndaj Kryeziut dhe dy kolegëve të tij gjyqtarë, ndërsa la të kuptohej se hetimet nuk kishin qenë të plota.

Jacobs, i njohur për komentet e drejtpërdrejta dhe replikat të ashpra me subjektet, e bëri të qartë që “nuk i kishte pëlqyer” vendimi i SPAK ndërsa tha se çështja ishte e hetuar në vetëm 6 muaj, sipas tij kohë e shkurtër për këto raste dhe shtoi se ishte mbyllur nga “prokurorë që nuk duhej të ishin në SPAK”.

Jacobs po ashtu e akuzoi në tërësi SPAK dhe Gjykatën e Posaçme të Shkallës së Parë edhe për vendimmarrjen në çështjen ndaj gjyqtarit të Kolegjit të Posaçëm të Apelimit, Luan Daci duke thënë se prokurorë dhe gjykatës “që nuk duhej të ishin aty”, ngritën akuza për vepra penale që nuk ishin vepra penale.

Daci u pezullua nga detyra prej Gjykatës së Posaçme Kundër Korrupsionit me kërkesë të SPAK për akuzën e falsifikimit. Apeli i Gjykatës së Posaçme e rrëzoi vendimin e Shkallës së Parë, ndërsa tha se në çështje nuk kishte vepër penale.

I pyetur nga BIRN për këto komente drejtuesi i SPAK, Arben Kraja i kritikoi qëndrimet e Jacobs dhe mbrojti institucionin që drejton.

“Prokurorët e SPAK janë të gjithë prokurorë që kanë kaluar vetingun me formë të prerë, përfshi kontrollin nga KLP dhe vetë Operacioni Ndërkombëtar i Monitorimit, ONM,” tha Kraja.

“ONM nëse ka pasur më të voglin dyshim për ta duhej ta kishte thënë atëherë. Nëse nuk e ka thënë ka bërë shumë gabim. Por unë nuk e besoj këtë, unë besoj që të gjithë prokurorët e SPAK janë të pastër”, shtoi ai.

Kraja tha se prokurorët ishin të pavarur në vendimet e tyre dhe se i vetmi kontrollues ishte gjykata, ndërsa kritikoi komentet e Jacobs.



“Në lidhje me çështjen ndaj Dacit, Jacobs është prokuror vetë dhe e di shumë mirë që nuk ka të drejtë t’i komentojë vendimet e gjykatës sepse është ndërhyrje në sistemin e drejtësisë”, tha Kraja.

LEXO EDHE:  Ngec në sitë/ Vettingu i “pret” kokën kryegjyqtarit

LEXO EDHE:  Ngec në sitë/ Vettingu i “pret” kokën kryegjyqtarit

Ndërkohë prokurori që hetoi rastin e gjyqtarit Kryeziut, Ened Nakuçi tha se “pushimi i çështjes ishte korrekt”. Nakuçi shtoi se vendimi ishte marrë nga gjykata, ndërsa për komentet e Jacobs deklaroi “nuk di çfarë të them”.

Prokurori Klodian Braho, që ndoqi hetimet dhe ngriti akuzën në rastin e Luan Dacit, nuk qe i arritshëm për koment deri në përfundimin e këtij shkrimi.

Nga sa u prezantua në seancë dëgjimore nga Komisioni i Pavarur i Kualifikimit akuzat për mitmarrje ndaj Kryeziut dhe anëtarëve të tjerë të trupës ishin bërë nga një prokurore e Shkodrës. Gjyqtari dhe kolegët kishin vendosur pezullimin e dënimit ndaj një të akuzuari për plagosje të rëndë, duke e lënë atë të lirë me kusht.

I akuzuari ishte gjetur fillimisht fajtor dhe dënuar me 4 vjet burg nga Gjykata e Shkallës së Parë Shkodër dhe përfudimisht me 2.8 vjet pas aplikimit të gjykimit të shkurtuar. Çështja ishte apeluar nga prokuroria që kishte kërkuar dënimin me 7 vjet burg. Por Gjykata e Apelit, në një trup gjykues ku Kryeziu ishte anëtar, pasi ka marrë çështjen në shqyrtim vendosi që ta lirojë të akuzuarin me kusht.

Gjyqtari tha në seancë se vendimi ishte i drejtë dhe se ndaj të akuzuarit nuk kishte rrethana rënduese siç pretendonte prokuroria, ndërsa shtoi se ai ishte pajtuar me viktmën dhe se ky i fundit kishte pranuar normalizimin e marrëdhënieve mes palëve në gjykatë. Kryeziu po ashtu ngriti dyshime se akuzat ndaj tij lidheshin me një prokuror të Shkodrës i cili u dërgua nga KPK në shkollën e magjistraturës për mungesë aftësish në punë dhe bashkëshorten e tij.

Jacobs këmbënguli të dinte ndërkohë se si ishte zbutur vendimi i Gjykatës së Shkallës së Parë në atë mënyrë. Ai këmbënguli të dinte se si justifikohej vendimi i trupës në të cilën Kryeziu ishte pjesë. “Nuk dua ta di se çfarë ka bërë SPAK”, tha Jacobs disa herë, ndërsa Kryeziu u përgjigj duke iu referuar Kodit Penal dhe faktit që i dënuari përfitonte nga e drejta e lirimit me kusht./ Vladimir Karaj-Birn

LEXO TE PLOTE

Vetingu

Kandidate për Gjykatën e Lartë/ ILDKPI, dyshime të forta mbi pasurinë e Alma Hickës

Publikuar

-

Nga

Kandidate për Gjykatën e Lartë/ ILDKPI, dyshime të forta mbi pasurinë e Alma Hickës

Gjyqtarja Alma Hicka duket se ka marrë mbështetjen e Edi Ramës për t’u emëruar si anëtare e Gjykatës së Lartë, pavarësisht dështimeve spektakolare të saj në drejtimin e Avokaturës së Shtetit dhe pas problemeve me pasurinë, të cilat janë konstatuar nga Inspektorati i Deklarimit të Pasurive, në kuadër të procesit të Vetingut.

Këshilli i Lartë Gjyqësor e miratoi së fundmi emrin e Hickës si kandidate potenciale për të marrë një vend vakant në Gjykatën e Lartë, ndërkohë që strukturat e Vetingut po vonojnë, në dukje qëllimisht, procesin e rivlerësimit të gjyqtares së Tiranës.

Të dhëna konfidenciale, të siguruara nga “Boldnews.al”, tregojnë se Inspektorati i Lartë i Deklarimit dhe Kontrollit të Pasurive e Konfliktit të Interesave (ILDKPKI) ka dorëzuar pranë institucionit të Vetingut një raport tejet problematik për Alma Hickën dhe bashkëshortin e saj, Envi Hicka, i cili nga ana e tij ka aplikuar dhe shpreson për një vend në Gjykatën Kushtetuese.

Por, megjithëse ILDKPKI ka dorëzuar raportin e tij prej disa muajsh pranë Komisionit të Pavarur të Kualifikimit (KPK) dhe Këshillit të Emërimeve në Drejtësi (KED), procesi i Vetingut për bashkëshortët Alma dhe Envi Hicka ka mbetur pezull.

Probleme me pasurinë

“Boldnews.al” ka mësuar se ILDKPI, në raportin e tij për gjyqtaren Alma Hicka, ka konstatuar se deklarimi i saj:

1. Nuk është i saktë në përputhje me ligjin;

2.Nuk ka burime financiare të ligjshme për të justifikuar burimin e shumave hua nga babai;

3.Ka kryer fshehje të pasurisë;

4.Ka kryer deklarim të rremë;

5.Subjekti ka ushtruar funksionin në kushtet e konfliktit të interesve.

Burime konfidenciale të redaksisë shprehen se ILDKPI, gjatë kontrollit të pasurisë së subjektit Alma Hicka, ka zbuluar problematikat e detajuara, si më poshtë:

– Mosdeklarim i burimit të pasurisë për apartamentin me sip. 120.3 m2, Rr. Artan Lenja”, Tiranë, në vitin 2015;

– Mungesë dokumentacioni justifikues ligjor dhe burimi të ligjshëm financiar për krijimin e huasë në shumën 5.000.000 Lekë nga babai i gjyqtares Alma Hicka, në vitin 2015;

– Fshehje e apartamentit të banimit me sip. 90 m2 me adresë në rrugën “Brigada e Tetë”, Tiranë, në posedim të gjyqtares Alma Hicka;

– Përfitim i apartamentit me sip. 90 m2 me adresë në rrugën “Brigada e Tetë”, Tiranë, sipas aktmarrëveshjes për cedim kontrate nr. xxxx Rep., nr. xxxx Kol., datë 17.12.2012 në mënyrë të dyshimtë, pasi mungon dokumentacioni justifikues ligjor për marrëdhëniet juridike të babait të gjyqtares Alma Hicka me persona të tretë;



– Deklarim i rremë i të ardhurave rreth 12.000 Euro nga qira apartamenti për periudhën 2009 – 2011 në deklarimet e interesave private Periodike Vjetore 2009 – 2011 të gjyqtares Alma Hicka. Mungon dokumentacioni justifikues ligjor (kontratë qiraje) për këtë periudhë;

– Mosdeklarim i burimit hua në shumën 1.800.000 Lekë, nga babai i gjyqtares Alma Hicka për blerjen e automjetit Ford Kuga në vlerën 23.900 Euro;

– Shitja dhe blerja nga bashkëshorti i gjyqtares Alma Hicka për 5000 Lekë e aksioneve të një biznesi, që realizon xhiro tepër të konsiderueshme vjetore, është e dyshimtë. Mungon kontrata e shitjes nga z. Envi Hicka për 5 % të aksioneve në shoqërinë “Haxhia & Hajdari”si dhe nuk është deklaruar vlera e shitjes së tyre.

– Është e paqartë vlera 2.100.000 Lekë e paguar nga bashkëshorti i gjyqtares Alma Hicka si taksë regjistrimi në ZVRPP në vitin 2015;

Megjithatë, pavarësisht këtyre problematikave të shumta, Alma Hicka vijon të ushtrojë detyrën e gjyqtares së Tiranës, ndërkohë që po pret që Këshilli i Lartë Gjyqësor të “formalizojë” emërimin e saj si anëtare e Gjykatës së Lartë.

LEXO EDHE  Rrezik për përhapjen e COVID/ Qytetarët torturohen në pritje të aplikimeve të granteve për tërmetin (VIDEO-FOTO)

Dështime dhe konflikt interesi

LEXO EDHE:  Panik në radhët e drejtësisë/ Vettingu “ekzekuton” kreun e Kushtetueses?

LEXO EDHE:  Panik në radhët e drejtësisë/ Vettingu “ekzekuton” kreun e Kushtetueses?

Hicka, një juriste e njohur për bashkëpunimin me Erion Veliaj gjatë kohës që kryebashkiakut aktual i Tiranës drejtonte organizatën “Mjaft”, u katapultua në postin e Avokates së Shtetit nga Edi Rama, në vitin 2016.

Gjatë kohës që Avokatura e Shtetit u drejtua nga Hicka, institucioni u përfshi në një seri skandalesh profesionale, të cilat u pasuan me dështimin e shtetit shqiptar në procese të ndryshme Arbitrazhi dhe para Gjykatës Europiane për të Drejtat e Njeriut (GJEDNJ).

Së fundmi, qeveria shqiptare miratoi fondin prej 109 milionë euro, të cilat i duhen paguar biznesmenit italian, Francesko Beketi, pasi Avokatura e Shtetit, e drejtuar nga Hicka, dështoi të mbronte interesat e Shqipërisë.

Por, skandali më i rëndë që përfshiu mandatin e Hickës ishte dështimi i Avokaturës së Shtetit në Arbitrazhin ndërkombëtar përballë kompanisë “CEZ”.

Shqipëria humbi përballë kompanisë çeke, kryesisht për fajin e mbrojtjes së dobët të kryer nga Avokatura e Shtetit.

Për rolin e saj të dyshimtë, Kontrolli i Lartë i Shtetit e kallëzoi penalisht Hickën dhe zyrtarë të tjerë, pasi nga verifikimet rezultoi se marrëveshja e dështuar për shtetëzimin e kompanisë elektroenergjitike i shkaktoi shtetit shqiptar një dëm prej më shumë se 400 milionë euro.

Por, dështimi përballë “CEZ” është dyfish i rëndë për integritetin e gjyqtares Alma Hicka, në atë kohë Avokate e Shtetit.

Të dhënat e publikuara në media zbuluan se bashkëshorti i saj, Envi Hicka, kishte shërbyer shpesh si mbrojtës i interesave të kompanisë çeke “Cez”, duke ngritur dyshimet për konflikt interesi mes bashkëshortëve.

Këto dyshime janë konfirmuar zyrtarisht. Në raportin për pasurinë e Alma Hickës, drejtuar Komisionit të Vetingut, ILDKPKI ka konstatuar se “… bashkëshortët Alma dhe Envi Hicka kanë ushtruar funksionin në kushtet e konfliktit të interesit…”.

LEXO TE PLOTE

Vetingu

Kishte probleme me drejtshkrimin dhe nuk njihte ligjin/ KPK shkarkon prokurorin

Publikuar

-

Nga

Shkarkohet nga detyra Spartak Çoçoli prokuror pranë rrethit gjyqësor në Gjirokastër. Sipas KPK-së Çoçoli ka probleme me njohuritë ligjore dhe po ashtu i janë evidentuar probleme me drejtshkrimin.

Spartak Çoçoli e ka filluar karrierën në sistemin e drejtësisë në vitin 1991 dhe ka punuar për më shumë se dy dekada në Prokurorinë e Gjirokastrës. Në janar 2019, Çoçoli u pezullua nga detyra pas përfshirjes së tij në një hetim të Prokurorisë së Krimeve të Rënda, ku dyshohej për veprën penale të korrupsionit. Aktualisht, çështja e tij ndodhet në SPAK, ndërkohë që Çoçoli ka mohuar akuzat.

LEXO EDHE:  Panik në radhët e drejtësisë/ Vettingu “ekzekuton” kreun e Kushtetueses?



Çoçoli iu nënshtrua vetingut në seancë dëgjimore me 14 korrik, ku u përball me tre kritere klasike të verifikimit atë të ligjshmërisë së pasurisë dhe kriterit etik dhe profesional.

LEXO EDHE:  Vettingu/ Balla del në mbrojtje të KPK

Trupa Gjykuese e përbërë Xhensila Pine, Lulzim Hamitaj, Valbona Sanxhaktari pasi vlerësoi provat dhe faktet vendosi shkarkimin e tij nga detyra në mungesë, pasi Spartak Çoçoli, prokuror pranë Prokurorisë së Rrethit Gjyqësor Gjirokastër nuk ishte i pranishëm në seancë./CNA.al

LEXO TE PLOTE
Lajme të Rekomanduara: