Connect with Us

Shqipëria bën hapa pas/ Korrupsioni, më keq se dhjetë vite më parë

Politikë

Shqipëria bën hapa pas/ Korrupsioni, më keq se dhjetë vite më parë

Publikuar

-

Instituti për Studime Politike, bën të ditur të sot, Dita Ndërkombëtare Kundër Korrupsionit e gjen Shqipërinë një vend me rekorde negative për shkak të nivelit të korrupsionit.

Sipas ISP, “sëmundja” e mandateve të dyta të mazhorancave dhe lidhja e fortë midis politikës dhe oligarkisë ka bërë që në Shqipëri gjatë viteve të fundit asnjë zyrtar i lartë i akuzuar për korrupsion të mos përballet me drejtësinë dhe asnjë politikan i përfshirë në akuza korruptive të mos largohet nga politika.

Po ashtu, ISP shprehet se progres është bërë vetëm me largimin nga sistemi i drejtësisë i një numri të madh prokurorësh e gjyqtarësh të korruptuar.

ISP gjithashtu, deklaron se sipas Transparency International, sa i takon korrupsionit, jemi më keq sesa 10 vjet më parë kur duhej të ishim 10 herë më mirë.

“Treguesi më simbolik i dështimit të premtimeve anti-korrupsion?

Le të shohim gjashtë prej tyre:

1. Dy politikanë të lartë të përfshirë në listën e zezë amerikane për akte korruptive vijojnë të jenë aktiv në vendimmarrjen e lartë politikë në parlament dhe në partinë që qeveris 100% në pushtet qendror e lokal, si dhe të preferuarit e kryeministrit;
2. Ministri përgjegjës për korrupsionin dhe koordinimin kombëtar të luftës ndaj korrupsionit është vetë në hetim nga prokuroria për korrupsion;
3. Partitë janë bërë gjithnjë e më shumë piramida financiare dhe përfaqësimi politik gjithnjë e më shumë çështje tenderi e klientele;
4. Në ditën anti-korrupsion ish guvernatori i shkarkuar për skandalin më të madh financiar në vend akuzon Shqipërinë në Strasburg dhe kërkon rikthim në detyrë;
5. Portali zyrtar ku qeveria fton qytetarët të denoncojnë korrupsionin është vetë i krijuar dhe i formatuar në kundërshtim me kërkesat e ligjit, pra në formë abuzive dhe korrupsioni politik,
6. Alternativa politike në luftën ndaj korrupsionit, opozita politike, është vetë nën hetim për financim të paligjshëm, pra për korrupsion!
Zgjidhja? Të gjithë sytë janë drejt SPAK, struktura që duhej të ngrihej më 2018 e që shpresohet të ngrihet më 2020, e cila do të ketë rol thelbësor në dhënien e përgjigjeve konkrete ndaj këtyre katër simbolikave zhgënjyese.”-thuhet ndër të tjera në deklaratë./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

E zbulon Ngjela/ Ja pse është bllokuar zhvillimi i Shqipërisë

Publikuar

-

Nga

Avokati Spartak Ngjela deklaron se, korrupsioni i lartë shtetëror ka ndaluar historinë evolutive të Shqipërisë.

Në një analizë, Ngjela thotë se korrupsionet kryeministrorë që pasuan njëri-tjetrin në Shqipëri kanë ndaluar evolucionin e shoqërisë dhe ingredientët e evolucionit që janë arsimi, prodhimi, shkenca, gjuha, komunikimi, liria shoqërore, liria politike, liria ekonomike, liria e shtypit, media, fjala e lirë dhe drejtësia.

Avokati pretendon se, të gjithë këta ingredientë në Shqipëri janë jashtë zhvillimit dhe kanë ndaluar evolucionin e koshiencës shqiptare dhe njëherësh, ka ndaluar vetë historinë.

Sipas tij, gjendja e rëndë e arsimit, nën cilësinë mesatare, nuk është një gjë që ka ardhur nga rasti.

“Cilësia arsimit u godit nga politika që në vitin 1992. Në fillim u godit universiteti, pastaj, me sistem, u godit në mënyrë drastike edhe shkolla e mesme. U trajtuan mësuesit e gjimnazeve si hamej rrugësh, dhe u fut në arsim injoranca në mësimdhënie. Pas kësaj filloi shitja e notës, dhe shitja e diplomave.
Për 15 vjet Shqipëria kaloi në injorancë, pa gjimnaze cilësorë, pa shkolla profesionale, dhe, hyri në analfabetizm me një përqindje që në Europë quhet shumë e lartë. E gjitha kjo ishte në fakt skema antintelektualiste e injorancës politike. Luftë kundër intelektit të kualifikuar, dhe sidomos luftë kundër akademizmit”, shprehet Ngjela.

LEXO EDHE:  Kryemadhi “shfajëson” opozitën/ I heq përgjegjësitë

LEXO EDHE:  Në pushtet dhe në opozitë/ "Pashallëku" i politikanëve shqiptarë në 29 vite

“Pikërisht në këtë kohë, kur arsimi cilësor kishte marrë fund, u hodhën në treg minimumi pesë universitete privatë që iu shisnin diploma kujdo.
Pas kësaj, ata që ishin krijuesit e kësaj gjendjeje, hapën dyert e administratës shtetërore për punësimin masiv të diplomës së blerë.
Pas këtij procesi disavjeçar injoranca pushtoi edhe administratën shtetërore.
Një tmerr i vërtetë: korrupsioni shtetëror u bë dominant në drejtimin e shtetit shqiptar. Injorantët e emëruar në “pikat e mjaltit” ishin vjelës të ardhurash korruptive, por edhe pagues të regullt të ministrave që i kishin emëruar”, vijon më tej avokati, teksa thekson se të gjitha kryeministrat u bashkuan me krimin e organizuar, ndërsa kryeministri aktual është kampioni i kësaj gjendjeje të kriminalizuar të administratës shtetërore.

Ngjela thotë se shkenca u godit si rrjedhojë e histerisë antidije që u vendos në Shqipëri. Ai pretendon se rrafshimi i arsimit dhe likuidimi i shkencës sollën një krizë të rëndë të intelektit.

Avokati ngre pyetjet nëse: “Do ta hetojë Byroja Kombëtare e Hetimit dhe SPAK këtë batërdi antishqiptare? Këta duhet ta hetojnë, sepse hetimi dhe agjencitë informative amerikane i kanë të faktuara, kurse shqiptarët duan të dëgjojnë të vërtetën nga hetimet: përse gjithë ky mllef antishqiptar kundër prosperitetit të shoqërisë shqiptare?”/ CNA.al

LEXO TE PLOTE

Politikë

“S’ka paqe me Ramën”/ Paralajmëron Paloka: Do ketë përballje në janar

Publikuar

-

Nga

Partia Demokratike vijon të shohë si të vetmen rrugë për zgjidhjen e krizës politike, zgjedhjet e parakohshme.

Nënkryetari i PD-së, Edi Paloka deklaron se kryeministri Edi Rama nuk mund ta zgjidhë krizën dhe kushtet që i janë vendosur nga BE, pa opozitën. Gjithashtu ai theksoi se po presin që hapin e radhës për Reformën Zgjedhore ta bëjë mazhoranca.

“Nëse nuk është dakort me propozimet tona të ketë një kundër propozim se duam atë tryezë që pranoni ju dhe të kemi tryezë tjetër por jo atë komision që ai përfaqëson parlamentin vetëm të një pale. Ne jemi të gatshëm. Ne nuk e shuajmë funksionin e komisionit se në fund fare kodi zgjedhor aty do miratohet”, theksoi Paloka gjatë një intervistë për Top Channel.

LEXO EDHE:  Një tjetër raport e nxjerr Shqipërinë më të korruptuarën në rajon

LEXO EDHE:  Basha “trash” zërin/ “Po bie muzgu i zi për qeverinë e korrupsionit”

Demokrati deklaroi, më tej se, nuk do të ketë paqe me Ramën dhe se janari do të ketë përballje me qeverinë./ CNA.al

LEXO TE PLOTE

Politikë

Gjesti skandaloz i Veliajt/ Vokshi thirrje organizatave: Reagoni

Publikuar

-

Nga

Gjesti skandaloz i kryebashkiakut, të Tiranës, Erion Veliaj që puthi në buzë një fëmijë në një emision televiziv, nuk është pritur aspak mirë nga qytetarët.

Ish-deputetja e Partisë Demokratike, Albana Vokshi është një ndër politikanët që ka reaguar ashpër ndaj këtij veprimi aspak të këndshëm.

Vokshi e cilëson skandaloz këtë gjest dhe kërkon reagimin e organizatave për mbrojtjen e të drejtave të fëmijëve, teksa thekson se “asnjë prind nuk do ta lejonte që fëmija e tij të puthej në buzë nga një i rritur, e aq më tepër nga një kryetar bashkie”.

LEXO EDHE:  Një tjetër raport e nxjerr Shqipërinë më të korruptuarën në rajon

LEXO EDHE:  Në pushtet dhe në opozitë/ "Pashallëku" i politikanëve shqiptarë në 29 vite

“Ku janë organizatat për mbrojtjen e të drejtave të fëmijëve? Pse nuk flasin? Apo Veliaj ua ka blerë heshtjen me para e projekte?

Ku është Agjencia për Mbrojtjen e Fëmijëve?

Në çdo vend tjetër të botës kjo ngjarje do ishte dënuar nga shoqëria dhe institucionet që mbrojnë të drejtat e fëmijëve”, shprehet Vokshi./ CNA.al

LEXO TE PLOTE