Connect with Us

Samiti i Ukrainës në mëshirë të Putinit

Bota

Samiti i Ukrainës në mëshirë të Putinit

Publikuar

-

Para takimit me Putinin në samitin e formatit të Normandisë në Paris presidenti i Ukrainës, Selenskyj ndodhet nën presion. Ai synon paqen, por duke bërë lëshime ai mund të rrezikojë duke shkaktuar kryengritje në vend.

Pritshmëritë janë të jashtëzakonshme. Qoftë në media apo në politikë, atmosfera është e njëjtë: Samiti për Ukrainën lindore në të ashtuquajturin formati i Normandisë të hënën (10.12) në Paris mund të jetë një pikëkthese. Kryesisht në Ukrainë ka shumë analiza për këtë, se çfarë duhet të kenë parasysh krerët e shteteve dhe të qeverive nga Rusia, Ukraina, Gjermania e Franca dhe se çfarë mund të dështojë. Opozita pro-perëndimore ukrainase e paralajmëron presidentin Volydimir Selenskyj, që të mos i kalojë vijat e kuqe, kur të takohet për herë të parë me shefin e Kremlinit Vladimir Putin. Presion shtesë vjen prej botës së jashtme, ku edhe presidenti i SHBA-së Donald Trump bën fjalë për një “përparim të madh”.

Përse Putin udhëton me ndjesinë e fitimtarit për në Paris

Arsyeja që ngjall shqetësim është gatishmëria e Selenskyjt, që për paqen në lindje të Ukrainës të hyjë në kompromise me Rusinë. Vendosja e paqes në një luftë që vazhdon nga viti 2014 – ky ka qenë premtimi kryesor i 41 vjeçarit ish-komikut televiziv – që në pranverë u zgjodh president i Ukrainës. Rruga për paqen është përcaktuar në Marrëveshjen e Minskut në vitin 2015, por që deri tani nuk është zbatuar. Moska, që mbështet separatistët  në lindje të Ukrainës dhe qeveria në Kiev fajësojnë reciprokisht palën tjetër.

Takimi në formatin e Normandisë nuk është zhvilluar që nga viti 2016, sepse Rusia e cilësoi si bllokues paradhësin e Selenskyt, Petro Poroshenko  dhe nuk donte ta pranonte më atë. Pas ndryshimit të pushtetit në Kiev, Moska u shpreh e gatshme për bisedime, por vendosi kushte për samitin në Paris: tërheqjen e trupave të ushtrisë ukrainase dhe të separatistëve në tri krahina të caktuara si dhe një pranim me shkrim të nismës politike nga ana e Kievit, që Moska e quan “formula e Steinmeier-it”. Me këtë kihet parasysh propozimi i ish-ministrit të Jashtëm gjerman, sot president i Gjermanisë, Frank-Walter Steinmeier për një status të posaçëm të territoreve të separatistëve. “Formula Steinmeier” përcakton, se kur dhe si duhet të hyjë në fuqi një ligj përkatës.

Ukraine Proteste in Kiew (DW/O. Sawytsky)Protesta në Kiev para samitit në Paris

Selenskyj i ka përmbushur kushtet e Putinit e kësisoj ka hequr dorë nga qendrimi i parardhësit të tij: fillimisht një armëpushim i qendrueshëm e më pas tërheqje e trupave. Edhe sot në lindje të Ukrainës vazhdojnë luftimet e çdo ditë vdesin ushtarë ukrainas. Nënshkrimi i “Formulës së Steinmeier” ngjalli valë protestash në Ukrainë. Në rrjetet sociale para samitit të Parisit aktivistët kërcënojnë me protesta të reja në rast se Selenskyj bën lëshime në takimin me Putinin në Paris.

LEXO EDHE:  A i mbështeti Vladimir Putin terroristët anti-perëndimorë kur ishte oficer i KGB-së?

Çfarë duan të arrijnë Selenskyj dhe Putin në Paris?

Paraqitja në Paris është një premierë për Selenskyjn: Para vitesh ai është paraqitur në skenë si aktor i një trupe humoristësh para presidentëve postsovjetikë, ndër të tjerë edhe para ish-shefit të Kremlinit, Dmitri Medvedev. Tani ai takon Putinin si president i Ukrainës.

Për Kievin në radhë të parë në Paris synohet të arrihet armëpushimi i plotë dhe një shkëmbim i të burgosurve, që me sa duket po shtyhet vazhdimisht. Së fundi në shtator pati një shkëmbim direkt mes Rusisë dhe Ukrainës, ku Rusia liroi kineastin ukrainas të dënuar me 20 vjet burg për terrorizëm, Oleg Senzov. Senzov u shpreh skeptik përpara këtij takimi dhe e paralajmëroi sërish Parlamentin e BE-së nga një kurth i mundshëm i Putinit në Paris. Edhe Olena Serkal, deri vonë zëvendësministre e Jashtme e Ukrainës, në bisedë për DW tha, se “kam dyshim në ndershmërinë e objeksioneve të Putinit.”

Paris Ukraine-Gipfel Merkel, Putin, Steinmeier und Lawrow (Reuters/E. Laurent)Edhe më parë janë zhvilluar samite për Ukrainën, këtu në samitin e tetorit 2015 me kancelaren Merkel

Shefi i Kremlinit është më pak nën presion se sa kreu i Ukrainës. Qëllimi i Putinit është ta verë në lëvizje Kievin për të bërë lëshime. Për këtë ai i var shpresat tek ligji për statusin e posaçëm për separatistët, ligj ky që është në fuqi deri në fund të vitit. Me sa duket ligji i deritanishëm duhet shtyrë sërish, përpara se të vendoset një ligj i ri. Moska do po ashtu që ta detyrojë Kievin për bisedime direkte me separatistët – me këtë Rusia do të paraqitet si ndërmjetësuese, e cila nuk është pjesë e konfliktit.

Por qëllimi kryesor i Putinit është të nxisë zgjedhjet në territoret e separatistëve dhe të legjitimojë përmes tyre statusin e autonomisë për to, kur dhe në çfarë kushtesh do të mundësohen zgjedhjet në Donjeck dhe Luhansk, nëse Ukraina do të marrë kontrollin ndaj kufijve. për këto do të bisedohet në Paris.

Tranziti për gazin përmes Ukrainës

Çështja që krijon tension në samitin e Parisit është rruga tranzite e kalimit të gazit përmes Ukrainës drejt Europës. Marrëveshja e deritanishme mes Moskës dhe Kievit skadon më 31 dhjetor, bisedimet për marrëveshjen pasuese deri më sot kanë dështuar. Samiti i Parisit do të jetë shansi i fundit, për të shmangur bllokimin e furnizimeve./ DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

SHBA-ja nënshkruan letrat e interesit me Kosovën dhe Serbinë për të investuar në Autostradën e Paqes

Publikuar

-

Nga

SHBA-ja nënshkruan letrat e interesit me Kosovën dhe Serbinë për të investuar në Autostradën e Paqes

Udhëheqësi i Korporatës Ndërkombëtare të Shteteve të Bashkuara për Zhvillim Financiar, Adam Boehler dhe udhëheqësja e Bankës për Eksport-Import, Kimberly Reed, kanë nënshkruar të martën letrat e interesit me Kosovën dhe Serbinë, përmes së cilave do të ndihmojnë në financimin e Autostradës së Paqes, që do të lidhë Nishin me Prishtinën.

Ky zotim ka qenë një prej pikave të marrëveshjes së nënshkruar më 4 shtator në Shtëpinë e Bardhë mes përfaqësuesve të Kosovës dhe Serbisë.

“Autostrada e Paqes do të nxisë zhvillim ekonomik dhe integrim rajonal, duke lidhur Nishin me Prishtinën. Po ashtu do të shërbejë si simbol i fuqishëm i marrëdhënies së re dhe transformuese të këtyre dy vendeve fqinje”, ka thënë Boelher.

Reed, në anën tjetër, ka thënë se ky projekt është një hap i rëndësishëm drejt bashkëpunimit në mes të Prishtinës dhe Beogradit.

“E përgëzoj punën e presidentit (amerikan, Donald) Trump dhe gjithë administratën e tij për këtë marrëveshje historike”, ka thënë ajo.

LEXO EDHE:  Artan Hoxha “plas bombën”/ Tregon praktikën që Rama dhe Basha mësuan nga Putin

LEXO EDHE:  Takimi Trump-Putin/ Ja cilat janë çështjet që do diskutohen

Delegacionet e këtyre dy trupave është thënë se do të vizitojnë Prishtinën dhe Beogradin më vonë gjatë këtij muaji, për të çuar përpara punën për Autostradën e Paqes dhe projekte tjera.



Përveç kësaj, është konfirmuar se Korporata Ndërkombëtare e Shteteve të Bashkuara për Zhvillim Financiar do të hapë edhe zyrën e saj në Beograd për të lehtësuar zbatimin e projekteve.

Kryeministri i Kosovës, Avdullah Hoti ka thënë përmes një postimi në rrjetin social, Twitter se ky njoftim përbën lajm të mirë, meqë përmes tij do të zbatohet marrëveshja e nënshkruar në Shtëpinë e Bardhë.

Kryeministri Hoti dhe presidenti serb, Aleksandar Vuçiq kanë nënshkruar marrëveshjen për normalizimin e marrëdhënieve ekonomike më 4 shtator në Shtëpinë e Bardhë, në praninë e presidentit Trump.

Dy palët, megjithatë, nuk i kanë hedhur nënshkrimet në dokumentin e njëjtë, por secila veç e veç i ka nënshkruar zotimet e saj.

Trump ka nënshkruar një letër, përmes së cilës i ka përgëzuar palët për guxim drejt normalizimit të marrëdhënieve./REL

LEXO TE PLOTE

Bota

Gjermania pritet të pranojë 1,500 refugjatë nga ishujt grekë

Publikuar

-

Nga

Gjermania pritet të pranojë 1,500 refugjatë nga ishujt grekë

Gjermania planifikon të ofrojë strehim për 1,500 migrantë që aktualisht janë në ishujt grekë, kanë thënë disa burime qeveritare për agjencinë e lajmeve AFP, ndërkohë që çështja e ndjeshme e migrantëve është përfshirë sërish në agjendën politike të Bashkimit Evropian, pasi një zjarr ka shkatërruar një kamp të stërngarkuar të migrantëve në ishullin grek Lesbos.

Rreth 12,000 ish-banorë të kampit Moria në Greqi janë duke jetuar aktualisht në ndërtesa të braktisura, apo rrugë, pasi kampi është shkatërruar më 8 shtator.

Teksa rritet presioni ndaj bllokut evropian për ta bërë punën e tij, Berlini veçse i është bashkuar iniciativës evropiane për të strehuar 400 fëmijë të pashoqëruar të këtij kampi.

Mirëpo përveç 150 fëmijëve tjerë, Gjermania po ashtu planifikon të mirëpresë familjet me fëmijë që tashmë kanë siguruar statusin e refugjatit dhe mund të mos jenë nga kampi Moria, është cituar një plan i miratuar nga kancelarja gjermane, Angela Merkel dhe ministri i Brendshëm gjerman, Horst Seehofer.

LEXO EDHE:  Raporti/ Cili ka qenë realisht roli i Vladimir Putinit në KGB-në sovjetike?

LEXO EDHE:  Takimi Trump-Putin/ Ja cilat janë çështjet që do diskutohen

Ky plan është thënë të jetë krijuar pasi qytetet gjermane i kanë bërë thirrje Berlinit që të bëjë më shumë.



Qeveria e Merkelit ka insistuar se duhet të gjendet një zgjidhje evropiane për këtë çështje në vend të individualitetit.

Shefi i Këshillit Evropian, Charles Michel, ka thënë në Athinë, teksa ka takuar kryeministrin Kyriakos Mitsotakis, se BE-ja duhet të ofrojë “përgjigje të fuqishme dhe efikase” për problemin e migrimit.

Greqia është duke rritur përpjekjet për të krijuar strehim të përkohshëm, ndërkohë që banorët lokalë janë duke u përgatitur për mbajtje të protestave kundër migrimit.

Të martën, ministria greke për Migrim ka thënë se rreth 800 banorë të kampit Moria janë strehuar në vendbanime të përkohshme në Lesbos.

Prej tyre, 21 kanë rezultuar pozitivë në testet për koronavirus, ka thënë kjo ministri.

LEXO TE PLOTE

Bota

Trump organizon ceremonitë e normalizimit të marrëdhënieve Izrael-Emirate-Bahrein

Publikuar

-

Nga

Presidenti Donald Trump pritet të udhëheqë ceremonitë e nënshkrimit të marrëveshjeve historike diplomatike mes Izraelit dhe dy vendeve arabe të Gjirit që mund të paralajmërojnë një ndryshim dramatik në dinamikat e Lindjes së Mesme dhe t’i japin atij një shtysë përpara për zgjedhjet e nëntorit. Në një ceremoni të martën në Shtëpinë e Bardhë, Presidenti Trump do të presë më shumë se 700 mysafirë të pranishëm në nënshkrimin e marrëveshjeve mes Izraelit, Emirateve të Bashkuara Arabe dhe Bahreinit. Presidenti Trump dhe aleatët e tij shpresojnë se ky rast do të theksojë aftësitë e zotit Trump si paqebërës në kulmin e fushatës së tij për rizgjedhje.

Kryeministri izraelit Benjamin Netanyahu dhe ministrat e Jashtëm të Emirateve dhe Bahreinit do të nënshkruajnë marrëveshjet para të pranishmëve, mes të cilëve përfaqësues nga trupi diplomatik në Uashington, por edhe personalitete të tjera nga përtej oqeanit. Në ceremoni janë ftuar edhe disa demokratë të Kongresit, të cilët kanë ofruar mbështetje në heshtje për këto marrëveshje.

Përveç marrëveshjeve bilaterale të nënshkruara nga Izraeli, Emiratet e Bashkuara dhe Bahreini, përfaqësuesit e të tre vendeve do të nënshkruajnë një dokument trepalësh, thanë zyrtarët. Marrëveshjet janë quajtur “Marrëveshjet e Abrahamit” për nder të patriarkut të tre feve kryesore monoteiste të botës. Presidenti Trump pritet të nënshkruajë si dëshmitar. Marrëveshjet nuk u japin fund luftërave aktive, por zyrtarizojnë normalizimin e marrëdhënieve tashmë të ngrohta të shtetit hebre me të dy vendet. Ndërsa nuk trajtojnë konfliktin e gjatë izraelo-palestinez, ato mund t’i hapin rrugën një afrimi më të gjerë arabo-izraelit pas dekadash armiqësie.



Skeptikët, përfshirë shumë vëzhgues të Lindjes së Mesme, mes tyre analistë, ekspertë dhe ish-zyrtarë, kanë shprehur dyshime në lidhje me ndikimin e marrëveshjeve. Ata thonë se marrëveshjet injorojnë palestinezët, të cilët i kanë refuzuar ato, duke i cilësuar si një thikë pas shpinë nga vendet e tyre partnere arabe.

LEXO EDHE:  Artan Hoxha “plas bombën”/ Tregon praktikën që Rama dhe Basha mësuan nga Putin

LEXO EDHE:  Trump dhe Putin shtrëngojnë duart

Ish-Nënpresidenti Joe Biden, rivali demokrat i Presidentit Trump, tha se ai mbështet qëndrimet që më shumë vende të normalizojnë marrëdhëniet me Izraelin si përgjigje ndaj një pyetje të bërë se fundmi nga Zëri i Amerikës, por ai shtoi se beson se “Izraeli duhet të jetë i përgatitur të punojë drejt një zgjidhje të sinqertë, me dy shtete” me palestinezët./DW

LEXO TE PLOTE