Connect with Us

FNSH zbarkon në Durrës/ Policia zbardh detajet e operacionit

Kronika

FNSH zbarkon në Durrës/ Policia zbardh detajet e operacionit

Publikuar

-

Policia e Shtetit ka zbardhur detajet e operacionit të ndërkombëtar “ROMANO 2017″, të zhvilluat sot në Shijak, nga Drejtoria Vendore e Policisë Durrës, në bashkëpunim me Departamentin e Policisë Kriminale dhe FNSH-në, në koordimin mes Interpol Tirana dhe Interforcës italiane në Shqipëri.

Në një njoftim për mediat, Policia e Shtetit bën të ditur se janë arrestuar me qëllim ekstradimi tre shtetas të kërkuar nga drejtësia italiane, për veprën penale  “Trafikim i lëndëve narkotike”.

Operacioni u zhvillua në të njëjtën kohë në Durrës dhe në Itali.

Gjatë operacionit janë ekzekutuar 18 masa sigurie dhe për njërin është bërë shpallja në kërkim ndërkombëtar.

Në vijim të operacioneve të përbashkëta që Policia e Shtetit zhvillon me homologët për goditjen e veprimtarisë kriminale, si dhe kapjen e personave të shpallur në kërkim ndërkombëtar, nga ana e Seksionit per Hetimin e Trafiqeve të Paligjshme dhe Narkotikëve në Drejtorinë Vendore të Policisë Durrës, në bashkëpunim me Drejtorinë Hetimore Qendrore në Departamentin e Policisë Kriminale, FNSH-në dhe Komisariatin e Policisë Durrës, në koordimin mes Interpol Tirana dhe Interfocës italiane në Shqipëri, u finalizua me sukses Plan – Operacioni “ROMANO 2017”, si rezultat i të cilit u bë i mundur lokalizimi dhe arrestimi i përkohshëm me qëllim ekstradimi i shtetasve të shpallur në kërkim ndërkombëtar: F. M., 30 vjeç, banues në Xhafzotaj Durrës, D. Ç., 27 vjeç, banues në Gjepalaj Durrës dhe L. B. 41 vjeç, banues në Xhafzotaj Durrës.

Zyra Qendrore Kombëtare Interpol Tirana është njoftuar nga Interpol Roma se këta shtetas janë shpallur në kërkim ndërkombëtar, pasi Komanda Provinciale Karabineri e Bergamos, Itali ka programuar ekzekutimin e masës së sigurisë “Arrest në burg”, dhënë nga Gjykata e Bergamos, Itali, për veprat penale “Trafikim i lëndëve narotike”, për 16 shtetas shqiptarë, italianë dhe marokenë.

LEXO EDHE:  I shpallur në kërkim ndërkombëtar/ Arrestohet 34 vjeçari në Durrës

Operacioni është zhvilluar në të njëtën kohë edhe në Itali, ku si rezultat në Itali  janë kapur dhe arrestuar 12 shtetas shqiptarë, italinë  e marokenë, si dhe janë ekzekutuar edhe tri masa sigurie, dy prej të cilave “Detyrim paraqitjeje” dhe një “Arrest në shtëpi”.

Ndërsa një shtetas është shpallur në kërkim ndërkombëtar, pasi nuk u gjet në banesë gjatë kontrollit të ushtruar nga FNSH-ja në Durrës.

Hetimi për këtë grup kriminal ka nisur në vitin 2017, pasi dyshohet se ky grup kryente trafikim të lëndëve narkotike nga vende të ndryshme drejt Italisë.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Tragjedia e trefishtë në Bulqizë/ Mbërrijnë në morg trupat e familjes Tola, pritet ekspertiza mjeko-ligjore

Publikuar

-

Nga

Kanë mbërritur në morgun e spitalit Rajonal të Dibrës tre trupat e pajetë të familjes Tolaj për t’iu nënshtruar ekspertizës mjeko-ligjore.

Ekspertët mjeko-ligjorë, qëndruan në banesën e tyre për sa kohë grupi hetimor kreu veprimet paraprake, ndërsa janë dashur disa orë udhëtim deri në Peshkopi për shkak se fshati Ostren i Madh ndodhet në kufi me Maqedoninë e Veriut në zonën e Gollobordës.

Tre pjesëtarët e familjes Tolaj, nëna 40 vjeçe, vajza e madhe 20 vjeçe dhe djali 15 vjeç dyshohet se humbën jetën nga asfiksia e rrjedhjes së gazit, por ekziston mundësia që asfiksimi i tyre të ketë ardhur nga mangalli apo të jenë helmuar nga ushqimi.

LEXO EDHE:  Rezulton fals alarmi për bombë në Durrës

LEXO EDHE:  Video - Dako shfaqet krah Ramës në Durrës/ Po bëj ndonjë gjë për ato letrat

Mësohet se drejt Peshkopisë është nisur një ekip i ekspertizës mjekoligjore që do të asistojë në përcaktimin e shkaqeve të vërteta të tragjedisë së rëndë./CNA.al

LEXO TE PLOTE

Kronika

Tragjedia në familjen Tola/ Asfiksia mund të ketë ardhur nga soba me dru

Publikuar

-

Nga

Janë zbardhur detaje të reja nga ngjarja e rëndë e ditë së sotme në Bulqizë, ku tre persona, anëtarë të një familje humbën jetën, si pasojë e rrjedhjes së gazit, ndërsa vajza e vogël 14 vjeçe ndodhet në spital në gjendje të rëndë.

Grupi i ekspertëve i cili ka shkuar në banesë për të bërë verefikimet lidhur me shkaqet e ndarjes nga jeta të nënës me dy fëmijët, ka hedhur dyshime që vdekja mund të ketë ardhur nga soba me dru, dhe jo bombula e gazit.

Nga verefikimet, bombola e gazit e cila ndodhej në ballkon, ka  rezultuar të ishte e mbyllur me siguresë, ndërsa në banesë nuk është ndjerë erë gazi, çka heq dyshimet e tyre se familja mund të jetë asfiksuar nga gazi.

“Kjo në foto është bombola e gazit në shtëpinë e familjes Tola në Bulqizë e gjetur nga grupi i ekspertëve të Inspektoriatit Shtetëror Teknik Industrial – ISHTI. Ajo ka qenë në pjesën e ballkonit të banesës. Kjo bombol mban rreth 10 litra gaz por në momentin kur është gjetur nga ekspertët ka rezultuar me 5 litra por me siguresë të mbyllur. Ndërkohë në pjesën e brendshme të shtëpisë në një dhomë të vogël grupi i ekspertëve ka evidentuar një sobë drush çka ka bërë që të dyshojnë që vdekja e anëtarëve të familjes Tola të ketë ardhur si pasoje e sasisë së madhe të druve dhe mbushjes së dhomës me sasi të madhe tymi.

LEXO EDHE:  Video – Dako shfaqet krah Ramës në Durrës/ Po bëj ndonjë gjë për ato letrat

LEXO EDHE:  Video - Dako shfaqet krah Ramës në Durrës/ Po bëj ndonjë gjë për ato letrat

Gjithashtu ekspertët e ISHTI thonë që në momentin që kanë shkuar në banesë por edhe nga komunikimet me fqinjët nuk kanë ndjerë erë gazi. Fakti që bombola e gazit ka qenë me siguresë të mbyllur i bën ata të presin rezultatet e ekspertizës për të dhënë përgjigjen e saktë sa i takon arsyes që i mori jetën nënës dhe dy fëmijëve të familjes Tola në Bulqizë”, bën të ditur ISHTI përmes një njoftimi për mediat.

 

LEXO TE PLOTE

Kronika

Të dehur në timon dhe pa patentë/ Ndalohen dy persona

Publikuar

-

Nga

Dy drejtues mjetesh janë arrestuar nga policia, pasi janë kapur duke drejtuar mjetin në gjendje të dehur, dhe pa patentë.

“Policia Rrugore e Qarkut Gjirokastër ka shtuar masat për konstatimin dhe procedimin e personave që drejtojnë automjetet në mënyrë të parregullt, si dhe shkeljet të cilat janë burim aksidenti, me qëllim parandalimin e aksidenteve dhe rritjen e sigurisë rrugore.

Specialistët e Sektorit të Qarkullimit Rrugor në DVP Gjirokastër arrestuan në flagrancë shtetasit:

LEXO EDHE:  Durrës/ Sekuestrohen 15 kg eksploziv, në pranga poseduesi

LEXO EDHE:  I shpallur në kërkim ndërkombëtar/ Arrestohet 34 vjeçari në Durrës

L., 32 vjeç, banues në Mallakastër, pasi në aksin rrugor Tepelenë-Memaliaj u kap duke drejtuar mjetin tip “Benz” pa leje drejtimi dhe në gjendje të dehur.

B., 32 vjeç, banues në Përmet, pasi në aksin Përmet-Këlcyrë u kap duke drejtuar në gjendje të dehur automjetin.

Materialet i kaluan Prokurorisë për veprime të mëtejshme”, njofton policia./CNA.al

 

LEXO TE PLOTE