Politikë
“Buxheti do të jetë i monitorueshëm”/ Rama: Disa banorë të Durrësit do të akomodohen në periferi të Tiranës
Kryeministri Edi Rama, sot në mbledhjen e Dytë të Komitetit Kombëtar të Rindërtimit foli për progresin e bërë deri tani nga qeveria për rregullimin e situatës së rëndë pas termetit të 26-nëntorit.
Në lidhje me Fondin e të ardhurave dhe donacionet, Rama tha se pritshmëritë janë të konsiderueshme. Në lidhje me buxhetin, Kryeministri përmendi se buxheti do të jetë i monitorueshëm nga të gjithë. Më pas, ai dha një bilanc për familjet e akomoduara deri tani, duke thënë se për shkak mungese banesash, disa prej banorëve të Durresit do të duhet të akomodohen në periferinë e Tiranës.
“Pritshmëritë për donacione janë të konsiderueshme. Pjesën e parë të shkurtit do të realizohet konferenca e madhe e donacioneve. Do të jetë një buxhet i veçantë dhe do të jetë i monitorueshëm nga institucionet dhe shoqëria.
666 familje kanë përfituar fondin e qerase, për momentin ka mungesë apartamentesh por po punojmë për një zgjidhje jashtë Durrësit në periferitë e Tiranës. Në Tiranë nga 1120 familje, 922 janë të akomoduara, të tjerat në akomodim e sipër”, u shpreh Rama.
Kryeministri tha se nuk ka ende një raport përfundimtar rreth dëmëve, duke përmendur se një i tillë do të bëhet publik në fund të muajit janar.
“Nuk ka ende një raport paraprak të dëmëve. Raportet post katastrofë kërkojnë kohë. Do të kemi raport paraprak, të dytë dhe final në fund të muajit janar për t’i hapur rrugë konferencës së donatorëve”, u shpreh Edi Rama.
Rama premton se shtëpitë e reja që do të ndërtohen do të kenë kushte shumë më të mira se sa ato që kishin banorët e prekur nga termeti, gjë që sipas Ramës, do u’a përmirësojë jetën.
“Po përgatitet ligji i posaçëm për rindërtiminqë ka për qëllim të krijojë një kuadër ekskluziv për aspektet që kanë të bëjnë me rindërtimin, kemi një grup pune non stop, një draft të parë e kemi gati dhe po bashkëpunojmë me komisionin e ligjeve. Konferenca e donatorëve ka një shpjegim: institucione vullnetare, dosjet e objekteve për rindërtim, ekzistojnë 386 dosje projektesh për rindërtim, janë bërë gati në mënyrë që të punohet në mënyrë të organizuar, të mos humbim kohë”, u shpreh mes të tjerash Kryeministri Rama./CNA.al
Politikë
“Rama të hetohet për 21 janarin”/ Ish deputeti i PS: Ja kush e paralajmëroi gjakun që do derdhej
Ish-deputeti i PS-së në qarkun e Elbasanit, Taulant Dedja thotë se i pari që duhet të hetohet për ngjarjen e 21 janarit, është kryeministri Edi Rama.
Sipas tij, Rama është nxitësi numër një i dhunës së 21 janarit të vitit 2011, ndërsa thekson se gjakun që do derdhej e paralajmëroi Spartak Ngjela.
“I pari njeri që duhet të hetohet për 21 Janarin është Edi Rama! Në demokraci dhuna mbi institucionet shtetërore është e ndaluar! Edi Rama është nxitësi Nr. 1 i dhunës së 21 Janarit 2011! Gjakun që do derdhej, si vegël qorre që ka qenë historikisht, e paralajmëroi Spartak Ngjela!”, shkruan Dedja në një postim në rrjetet sociale./CNA.al
Politikë
“Mileti nuk e sheh opozitën si varkë shpëtimi”/ Manjani “zbërthen” sondazhdin për zgjedhjet
Ish ministri i Drejtësisë, Ylli Majnani ka reaguar lidhur me sondazhin e Euronews për zgjedhjet e 25 prillit.
Sipas Manjanit ky sondazh tregon se “ose miletit i pëlqen dajaku, rrena e hajnia, ose vërtetë nuk e sheh ende opozitën si varkë shpëtimi”.
Përmes një postimi në rrjetet sociale, Manjani thekson se të parët tanë mbajtën në kurriz Enverin, ne rrezikojmë të na mbetet në kurriz Edveri.
“Sondazhi i Euroneës na tregoi se:
–60-70% e shqiptarëve mendojnë se ekonomia kombëtare është burrnut dhe se vendi po shkon në drejtimin e gabuar.
— Por, jo e njëjta shumicë është e bindur ende, për të larguar drejtuesin e drejtimit të gabuar.
******
Pra ose miletit i pëlqen dajaku, rrena e hajnia, ose vërtetë nuk e sheh ende opozitën si varkë shpëtimi.
Në çdo rast, nëse ky përceptim kthehet në vendim, pasojat e drejtimit të gabuar janë të gjitha në kurrizin tonë.
Të parët tanë mbajtën në kurriz Enverin, ne rrezikojmë të na mbetet në kurriz Edveri.
Të shohim…”, shkruan Manjani./CNA.al
Politikë
U shkatërrua nga tërmeti, Rama nxjerr videon e lagjes së re në Fushë Krujë
Kryeministri Edi Rama e ka nisur ditën me një video nga kantieri i ndërtimit në Fushë-Krujë ku po hidhen themelet për ndërtimin e lagjes së re.
Rama shkruan se hap pas hapi, ajo po merr formën e një zone cilësore rezidenciale për familjet e prekura nga tërmeti. Kujtojmë se kjo lagje u dëmtua nga tërmeti i 26 nëntorit 2019.
“Mirëmëngjes dhe me lagjen e re te Rilindjes së Fushë-Krujës, që pas tragjedisë së një viti më parë, po merr hap pas hapi formën e një zone cilësore rezidenciale për familjet e prekura nga tërmeti, ju uroj një ditë të mbarë” – shkruan Rama./CNA.al
Lajme të Rekomanduara:
Tjetër skandal nga Ervin Salianji/ Kapet në mashtrim
Ditën e djeshme, gjatë prezantimit të Edmond Spahos si drejtues qarku në Korçë, janë dy detaje që bien në sy nga fjala e Ervin Salianjit,...
Sondazhet qesharake e bëjnë kryeministër/ Basha duhet të ndërrojë “rrobaqepësin”
Mbrëmjen e djeshme CNA.al publikoi të dhëna dhe fakte mbi sondazhin e publikuar dje në televizionin e Çim Pekës, Syri Tv, sipas të cilit 52%...
