LEXO PA REKLAMA!

SHKARKO APP

Kishte të njëjtin problem fizik si Hitleri, nxiti bumin ekonomik në vend/ Kush ishte diktatori spanjoll Francisko Franko

7 Dhjetor 2019, 07:48, Blog CNA
Kishte të njëjtin problem fizik si Hitleri, nxiti bumin ekonomik

Gjenerali Francisko Franko, i udhëhoqi forcat nacionaliste drejt fitores kundër republikanëve gjatë Luftës Civile Spanjolle të viteve 1936-1939. Më pas ai e sundoi Spanjën për 36 vite, përmes një diktature të hekurt. ?Fantazmat? e Frankoizmit, janë të pranishme edhe sot në këtë vend. Shumë familje po kërkojnë ende familjarët e tyre, që rezultojnë të vrarë dhe më pas të zhdukur nga forcat frankoiste gjatë Luftës Civile. Po kush ishte Franko?

Vinte nga një familje detarësh

Francisko Franko Bahamonde lindi më 4 dhjetor 1892 në qytezën Ferrol në krahinën e Galicisë, në një familje detarësh. Ajo kishte nxjerrë për 6 breza me rradhë oficerë detarë, duke përfunduar deri tek babai i Frankos, Nikolas Araujo. Franko nisi studimet në një shkollë detare në moshën 12-vjeçare, duke shpresuar të ndiqte gjurmët e paraardhësve të tij. Por në vitin 1907, qeveria spanjolle, e dëmtuar rëndë nga lufta me SHBA-në, e pezulloi pranimin e rekrutëve të rinj në akademinë detare. Kjo e detyroi Frankon t?i bashkohet Akademisë Ushtarake.

Ashtu si Hitleri kishte vetëm një testikul

Ashtu si aleati tij gjerman, Adolf Hitler, raportohet se Franko kishte vetëm një testikul në organet e tij gjenitale. Një libër i botuar në vitin 2009, tregon sesi Franko e kishte humbur njërin nga testikujt në betejën e El Biutz, pranë Seutës në vitin 1916. Këtë e konfirmon në një libër mbesa e mjekut të tij personal, që shton se kur ishte i ri Franko ishte shqetësuar, se kjo do të ndikonte në aftësinë e tij për të pasur fëmijë.

Kërkoi të futë Spanjën në LDB, po u refuzua nga Hitleri, për shkak të kushteve të shumta

Franko dhe Hitleri u takuan fshehtazi më 23 tetor 1940 në Francën Jugore, për të diskutuar mundësinë e bashkimit të Spanjës me fuqitë e Boshtit në Luftën e Dytë Botërore. Ata diskutuan mbi 7 orë rreth kushteve të Spanjës për t?iu bashkuar luftës, por u ndanë pa arritur asnjë marrëveshje.

Sipas dokumentave të kohës, Hitleri mendonte se Franko po bënte shumë kërkesa, nga anksimi i disa territoreve, përfshirë Gjibraltarin, deri tek furnizimet me ushqime, karburant ??dhe armë për të ndihmuar Spanjën, që në atë kohë ishte e rrënuar nga lufta e saj civile.

Ndryshoi orën për t?u solidarizuar me nazistët

Gjatë Luftës së Dytë Botërore, Franko ndryshoi orën lokale të Spanjës me një 1 orë, në shenjë solidariteti me aleatët e tij nazistë, dhe nuk e ndryshoi kurrë më pas. Kjo bëri që Spanja të ishte teknikisht në zonën e gabuar kohore.

Ajo duhej të kishte të njëjtën orë si Londra dhe Lisbona. Por në fakt, mbajti orën e Evropës Qendrore. Ky ndryshim kohor, ka bërë që Spanja të ketë mëngjese të errëta dhe mbrëmje ende me dritë. Kjo ka kontribuar edhe për orarin e vonë të ngrënies së darkës për spanjollët.

Ndaloi gjuhët rajonale, dhe promovoi simbolet më të famshme të Spanjës

Si pjesë e misionit të tij për të zhdukur diversitetin kulturor, me shpresën e promovimit të nacionalizmit spanjoll, Franko vendosi kufizime të forta mbi përdorimin e gjuhëve rajonale të vendit. Ai ndaloi gjuhën baske, atë katalunjase, dhe madje edhe gjuhën e rajonit të tij, galiciane. Gjithashtu, ai ndaloi emrat tipikë të këtyre rajoneve për foshnjat e porsalindura, mësimin e gjuhëve rajonale në shkolla. Në funksion të një vizioni nacionalist të Spanjës, Franko promovoi përleshjen me dema dhe kërcimin flamengo, si simbole të forta kombëtare, edhe pse flamengo ishte në fakt një traditë andaluziane.

Në kohën e tij, ekonomia spanjolle përjetoi një bum të madh

Në vitet 1960, ekonomia spanjolle kishte me rritjen më të shpejtë në botë pas Japonisë. Falë rregulloreve të pakta, taksave të ulëta, krahut të lirë të punës dhe ndalimit të grevave, shumë kompani të huaja nisën të ndërtonin rrjetet e dyqaneve të tyre në Spanjë, duke e forcuar ekonominë e vendit, në atë që u bë e njohur si ?Mrekullia Spanjolle?. Po gjatë asaj kohe, pati një bum të madh të turizmit, për shkak të ?Paketave të pushimit?, që tërhoqën miliona turistë të huaj, dhe e rigjallëruan jetën dhe ekonominë e fshatrave më të humbur të vendit.

Pati vetëm një fëmijë

Fëmija i vetëm i Frankos është vajza Maria. Bashkëshorti i saj, Kristabal Martinez-Bordiu, ishte një kirurg i shquar i zemrës. Ai kreu transplantin e parë të zemrës në Spanjë në vitin 1968. Shumë nga nipërit e Frankos, janë edhe sot e kësaj dite anëtarë të fisnikërisë spanjolle.

Vendi ku prehet, është një nga monumentet që përkujton ngjarjen më të tmerrshme të Spanjës

Franko e ndërtoi Luginën e Të Rënëve, për të përkujtuar ata që vdiqën gjatë Luftës Civile Spanjolle. Edhe ai vetë është varrosur atje, dhe është i vetmi person midis 33.000 të vdekurve që prehen atje, që nuk është vrarë gjatë Luftës Civile. Lugina, mbetet edhe sot e kësaj dite një vend pelegrinazhi për mbështetësit e Frankos./ Theculturetrip.com-Përshtatur nga CNA.al

Lajmet e fundit nga