Connect with Us

Pritshmëritë e Olsian Çelës/ “Shkopi magjik” i një kryeprokurori

Politikë

Pritshmëritë e Olsian Çelës/ “Shkopi magjik” i një kryeprokurori

Publikuar

-

Kështu ndodh gjithmonë në Shqipëri, zgjedhja e një kryeprokurori të ri sjell shpresa të mëdha. A thua do bëjë hatanë, me shpatë në dorë do luftojë korrupsionin dhe krimin si askush tjetër. Prokuroria do jetë më e pavarur dhe shteti do bëhet më serioz. Politikanët do marrin ndëshkimin e meritur dhe trupa e prokurorëve do bëjë një betejë të vërtetë për të rikthyer autoritetin dhe frikën e ligjit për të zhdukur krimin e korrupsionin.

Olsian Çela, i zgjedhur Prokuror i Përgjithshëm nuk ka “shkop magjik”, pasi do i duhej një i tillë ti zgjidhte të gjitha këto. Nuk është as Xhovani Falkone, megjithëse Shqipëria ka nevojë më shumë se kurrë për një të tillë, por vështirë se gjendet dikush.

Çela është Prokurori i Përgjithshëm i radhës, që në fakt ka më pak kompetenca se paraardhësit e tij për të cilët kishte po kaq shumë pritshmëri. Ai është një figurë që në disa dalje mediatike ka reflektuar autoritet dhe bindjen se është i zoti në punën e tij dhe i ndershëm, por prova e tij fillon tani.

               Theodhori Sollaku

Kur u zgjodh Theodhori Sollaku kryeprokuror, politika buçiste, u ndez shpresë, atëherë Jozefina Topalli në parlament tha një fjali: “Futët dorën në qyp e gjetët një magjyp”. Sollaku u shkarkua nga qeveria Berisha pas një beteje të fortë. Në krye të prokurorisë erdhi Ina Rama. “Prokurorja e re do jetë Silvia Konti e Shqipërisë”, tha ish-kryeministri Sali Berisha.

Iku sërish pas betejës me qeverinë Berisha, për ti lënë vendin Adriatik Llallës, i vetmi kryeprokuror që i ndalohet të hyjë në SHBA dhe i akuzuar fort.

                              Ina Rama

Të gjithë këta të mësipërmit, kanë pasur të njëjtat pritshmëri me Olsian Çelën, vetëm se ky i fundit zgjidhet gjatë një Reforme në Drejtësi të shumë pritur, por edhe të deformuar dhe kapur deri diku nga qeveria dhe tentakulat e saj të korrupsionit, drejtuar nga Ëngjëll Agaçi e Fatmir Xhafaj.

Paraardhësit e Çelës, kanë qenë po kaq profesioniste, me pritshmëri të mëdha, por edhe me më shumë kompetenca për të bërë luftën e duhur, e cila në fakt nuk u bë kurrë për shkak të kapjes së gjithçkaje nga palët politike, mungesës së pavarësisë së institucioneve dhe deri tek përdhosja e tyre nga emërimet politike të shërbëtorëve të nesërm për mbyllje dosjesh korrupsioni e krimi.

LEXO EDHE:  Zululand/ Dashamir Shehi: Besoj se Berisha e ka kuptuar se duhet të ikë
Ish-kryeprokurori Adriatik Llalla
                    Adriatik Llalla

Sot Olsiani që po përceptohet si Falkone i Shqipërisë është një administrator i prokurorisë për një mandat 7 vjeçar, ai ka më pak kompetencat se paraardhësit dhe është më i kontrrolluar nga kupola që quhet KLP.

Prandaj vështirë se mund të kemi ndonjë ndryshim të madh, thjeshtë dhe vetëm shumë shpejt do kemi më shumë zhurmë nga SPAK e BKH, të cilat në fakt s’do i kontrrollojë Olsian Çela por Ambasada e SHBA, e cila është edhe frymëzuesja dhe udhëheqësja e Reformës në Drejtësi. Kryeprokurori do bëjë, siç i thonë në turqisht sehir, se nuk bën dot më shumë.

Krimi dhe bandat janë rrugëve dhe të lidhur me shtetin e politikën në çdo anë, dosjet e korrupsionit, konçesioneve, shit-blerjes së votës, janë aty. Të gjitha janë aty, por ato nuk i heton Kryeprokurori. Ai nuk mjafton për atë që shpresojnë shqiptarët, një përmbysje apokaliptike në poilitikë.

Prandaj pritshmëritë më shumë sesa te Çela duhet të jenë diku tjetër.

Olsjan Çela nuk është as Xhovani Falkone e as nuk ka një shkop magjik. Ai do bëjë disa lëvizje administrative fillimisht dhe më pas do duhet shumë kohë të na tregojë se vlen sa pritshmëritë e publikut. Këto të fundit deri më sot si ka plotësuar askush.

Ndërsa mori zyrtarisht detyrën e kryeprokurorit, sot Olsian Çela tha se “Njerëzit sot kërkojnë drejtësi, kërkojnë që më në fund gjërat në këtë vend të bëhen konkrete, puna jonë duhet të jetë në lartësinë e asaj që njerëzit kërkojnë nga ne”.

Kjo fjali e kryeprokurorit tregon se dhe ai vetë e di cilat janë pritshmëritë. Por, është ende në delirin e zgjedhjes dhe akoma nuk është ulur në karrige. Ajo do tule të forta.

Pa e paragjykuar të shpresojmë se kryeprokurori i ri do jetë diçka më shumë se paraardhësit, por me kompetencat që ka është thjeshtë një ëndërr./ CNA.al

Kryeprokurori i ri/ Kush është Olsian Çela, prokurori i “dosjeve të nxehta”

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Habit Klevis Balliu/ Sulmon minishengenin duke kopjuar Presidentin serb

Publikuar

-

Nga

Nga studioja e intervistes, në TV Ora, ish deputeti i listës Basha, Klevis Balliu, ka folur edhe për rolin e opozitës në minishengenin ballkanik. Ndonëse asnjëherë nuk e ka ushtruar rolin e ekspertit të çeshtjeve të jashtme Balliu ka theksuar se minishengeni është një marrëveshje e pamundur të realizohet për sa kohë përfiton vetëm Serbia.
Por çudia në analizën e tij, lidhur me këtë çështje, qëndron tek fakti se për të “dërrmuar” iniciativën rajonale çuni i Fahriut ka përzgjedhur t’i referohet presidentit serb, Aleksandër Vuçiç.
 
“Shengeni Ballkanik nuk ekziston. Është një fjalë e shpikur. Këtë nuk e them vetëm unë. Ka një Shengen, që e ka thënë dhe Aleksandër Vuçiç për mediat amerikane që “është projekti im për rikthimin e jugosllavisë me Shqipërinë brenda”.
 
Kjo nuk është në interes të Shqipërisë. Ne jemi një vend që importon 50% më shumë se eksporton, ashtu është dhe Kosova dhe kush përfiton, përfiton Serbia që eksporton shumë herë më shumë dhe kërkon të mbysë tregjet Shqiptare”, ka thenë Balliu i ri./ CNA.al
LEXO TE PLOTE

Politikë

Çuni i Fahri Balliut “zbulon” pse ka vdekur ekonomia

Publikuar

-

Nga

Megjithëse nuk është ekspert ekonomie, çuni i Fahri Balliut, Klevisi, ka zbuluar shkakun pse ekonomia është rrënuar.

Sipas tij, ekonomia është rrënuar sepse profesionistët janë larguar nga vendi dhe për këtë nuk preferoi të japë shifra konkrete.

“Zgjedhjet e parakohshme tanimë kërkohen nga ekonomia e vendit, nuk ka besoj asnjë qytetar që nuk e ka ndjerë rrënimin ekonomik të shtetit dhe të vetin personal, marr shkas nga fakti tronditës që janë larguar qindra qytetar sepse këtu faktikisht ekonomia ka vdekur. Ajo po ashtu u tregua dhe nga një fatkeqësi natyrore që mund t’i bjerë çdo shteti po çdo shtet do kishte patur mjetet dhe buxhetin e duhur për t’u përgjigjur, që qeveria nuk e ka patur dhe nuk e ka e sot akoma nuk kemi shifra konkrete sepse nuk ka profesionistë, janë hequr, janë larguar”, tha Klevis Balliu, në RTV Ora./ CNA.al

LEXO TE PLOTE

Politikë

E zbulon Ngjela/ Ja pse është bllokuar zhvillimi i Shqipërisë

Publikuar

-

Nga

Avokati Spartak Ngjela deklaron se, korrupsioni i lartë shtetëror ka ndaluar historinë evolutive të Shqipërisë.

Në një analizë, Ngjela thotë se korrupsionet kryeministrorë që pasuan njëri-tjetrin në Shqipëri kanë ndaluar evolucionin e shoqërisë dhe ingredientët e evolucionit që janë arsimi, prodhimi, shkenca, gjuha, komunikimi, liria shoqërore, liria politike, liria ekonomike, liria e shtypit, media, fjala e lirë dhe drejtësia.

Avokati pretendon se, të gjithë këta ingredientë në Shqipëri janë jashtë zhvillimit dhe kanë ndaluar evolucionin e koshiencës shqiptare dhe njëherësh, ka ndaluar vetë historinë.

Sipas tij, gjendja e rëndë e arsimit, nën cilësinë mesatare, nuk është një gjë që ka ardhur nga rasti.

“Cilësia arsimit u godit nga politika që në vitin 1992. Në fillim u godit universiteti, pastaj, me sistem, u godit në mënyrë drastike edhe shkolla e mesme. U trajtuan mësuesit e gjimnazeve si hamej rrugësh, dhe u fut në arsim injoranca në mësimdhënie. Pas kësaj filloi shitja e notës, dhe shitja e diplomave.
Për 15 vjet Shqipëria kaloi në injorancë, pa gjimnaze cilësorë, pa shkolla profesionale, dhe, hyri në analfabetizm me një përqindje që në Europë quhet shumë e lartë. E gjitha kjo ishte në fakt skema antintelektualiste e injorancës politike. Luftë kundër intelektit të kualifikuar, dhe sidomos luftë kundër akademizmit”, shprehet Ngjela.

LEXO EDHE:  Debatet për kryeprokurorin/ Franca del kundër SHBA-së

LEXO EDHE:  Pro dhe kundër/ Shqipëria në garë me kohën për reformën në drejtësi

“Pikërisht në këtë kohë, kur arsimi cilësor kishte marrë fund, u hodhën në treg minimumi pesë universitete privatë që iu shisnin diploma kujdo.
Pas kësaj, ata që ishin krijuesit e kësaj gjendjeje, hapën dyert e administratës shtetërore për punësimin masiv të diplomës së blerë.
Pas këtij procesi disavjeçar injoranca pushtoi edhe administratën shtetërore.
Një tmerr i vërtetë: korrupsioni shtetëror u bë dominant në drejtimin e shtetit shqiptar. Injorantët e emëruar në “pikat e mjaltit” ishin vjelës të ardhurash korruptive, por edhe pagues të regullt të ministrave që i kishin emëruar”, vijon më tej avokati, teksa thekson se të gjitha kryeministrat u bashkuan me krimin e organizuar, ndërsa kryeministri aktual është kampioni i kësaj gjendjeje të kriminalizuar të administratës shtetërore.

Ngjela thotë se shkenca u godit si rrjedhojë e histerisë antidije që u vendos në Shqipëri. Ai pretendon se rrafshimi i arsimit dhe likuidimi i shkencës sollën një krizë të rëndë të intelektit.

Avokati ngre pyetjet nëse: “Do ta hetojë Byroja Kombëtare e Hetimit dhe SPAK këtë batërdi antishqiptare? Këta duhet ta hetojnë, sepse hetimi dhe agjencitë informative amerikane i kanë të faktuara, kurse shqiptarët duan të dëgjojnë të vërtetën nga hetimet: përse gjithë ky mllef antishqiptar kundër prosperitetit të shoqërisë shqiptare?”/ CNA.al

LEXO TE PLOTE