Ish ministri i Financave, Arben Malaj ka njoftuar se nesër në orën 10:00 do të jetë në Komisionin Parlamentar të Ekonomisë për tu pyetur dhe për të pyetur sipas tij, mbi arsyet e propozimit nga ana e qeverisë për shkarkimin e tij nga Bordi Drejtues i Bankës së Shqipërisë.

Malaj paralajmëron se do ta fitojë të drejtën e tij deri në Gjykatën Evropiane te Drejtave te Njeriut ndërsa ka publikuar edhe një video ku Rama i referohet qëndrimit të tij mbi situata të vaktuara politike.

Malaj shprehet se në të gjitha angazhimete tij 27 vjeçare midis lirisë dhe karriges ka zgjedhur lirinë e mendimit dhe lirinë e fjalës se lire.

“Te nderuar kolege, nesër ne orën 10.00 jam thirrur ne Komisionin parlamentare te ekonomisë te Kuvendit te Shqipërie, per tu pyetur dhe per te pyetur rreth propozimit per shkarkim te bere personalisht nga Rama. Do te jem aty per te mbrojtur jo një karrike por pavaresine reale te BSH, pavarësi e cila ka qe nga 15 korriku 2019 qe është cenuar nga propozimi dhe zvarritja e kërkeses se 28 deputeteve te cilët me shpifjet e tyre kane cenuar pavaresine reale te një anëtari te KMBSH.
Ne te gjitha angazhimet e mija 27 vjeçare midis lirisë dhe karrigeve kam përzgjedhur lirinë e mendimit dhe lirinë e fjalës se lire,
Keto janë liri themelore dhe te mbrojtura me kushtetute qe nuk cenohet nga asnjë status tjetër publik e shkencore,

Ballafaqimin moral dhe profesional sic vlerëson z. Rama ne minutat 4-5 te kësaj video e kam te fituar perhere,
Kryeministri Rama me pezullon, shoku Rama si kryetar i PS me shkarkon – gjithë pushtetet ne një dore, por harrojne qe historia politike qindra vjeçare ka vërtetuar aksiomën se : “Pushteti absolut korrupton ne mënyre absolute”.
Ballafaqimin ligjore pa dyshim qe do ta fitoj, po qe e nevojshme deri ne Gjykatën Evropiane te Drejtave te Njeriut.

Ky është shërbimi im ndaj vendit tim kundër mentaliteteve qeverisëse jo demokratike apo ne kufijtë e neo-diktaturave, qe sipas studiuesve është një kërcenim real ne rritje sidomos ne disa vende te Evropës ish komuniste.
Banka e Shqipërie është institucion kushtetues dhe pavarësia reale e saj nuk mund te cenohet nga qejf-mbetjet personale te askujt,
Ju falënderoj nga zemra per mbështetjen dhe inspirimin tuaj te përhershme.
Mirënjohje”, shkruan Malaj./CNA.al

Ish-deputeti i Partisë Demokratike, Tritan Shehu, thotë se duhet të ndalet takimi i kryeministrit Edi Rama me Presidentin e Serbisë, por edhe me homologun e tij të Maqedonisë së Veriut, takim ky që pritet të zhvillohet me 21 dhjetor në kuadër të marrëveshjes së “Minishengenit Ballkanik”.

Sipas Shehut, një takim i tillë do prodhonte zhvillime negative për mbarë vendet e rajonit, ndërsa shton se opinioni publik duhet të reagojë me forcë. Ai thekson se aktualisht ka edhe një arsye tjetër që ky takim duhet të ndalet, ndërsa i referohet deklaratave të fundit të Vuçiç për masakrën e Reçakut, për të cilën presidenti serb tha se është një ‘histori e fabrikuar’.

“Të ndalet takimi konspirativ Vuçiç-Rama- Zaev i 21 Dhjetorit. Thirrja e sotme e katër forcave kryesore politike të Kosovës për të bllokuar këtë takim të Durresit për të ashtuquajturin “Shengen Ballkanik”, që godet interesat në tërrësi të shqiptareve, aspiraten europiane të Rajonit, si dhe vecanërisht zbeh pozitat e shtetit kosovar, ka ardhur në kohen e duhur dhe kërkon domosdoshmërisht mbështetje mbarë kombëtare, në Shqipëri, Kosovë, Maqedoninë e Veriut, Mal të Zi etj”, shkruan Shehu.

Ai shprehet se opinioni publik duhet të reagojë me forcë për të mos lejuar këtë “cfaqje” të shëmtuar.

“Tashti që kane ngelur 6 dite nga ai takim famëkeq për konkretizimin e asaj inisiative të Vuçiç, që do të shënonte një hap serioz drejt “Jugosllavise së Re”, larg bashkëpunimit të ngushtë rajonal që nevojitet në përmbushje të standarteve europiane, të domosdoshem në procesin integrimit të secilit vend e të Rajonit në tërësi”, shkruan më tej Spaho./CNA.al

Kryetari i PD, Lulzim Basha shprehet se akademia politike është një moment i rëndësishëm për Partinë Demokratike për të diskutuar me studentët sfidat politike te vendit, nga arsimi, ekonomia integrimi europian politika e jashtme etj.
Sipas Bashës, shumë prej të rinjve në Akademi vijnë nga terreni, ku prej 26 nëntorit po bëjnë gjithçka munden për të ndihmuar banorët e dëmtuar nga tërmeti dhe të lënë në mëshirë të fatit.

Basha thotë se kjo situatë tregoi se Shqiperia ka një rini të gatshme për të marrë në dorë drejtimin e saj me përgjegjshmëri maksimale.
“Sot pas një konsultimi të gjerë të zhvilluar me të rinjtë shpalosa një pjesë të programit tonë për arsimin, i cili jam i bindur do të pasurohet edhe me shumë gjatë diskutimeve që studentët dhe maturantët do të kenë me ekspertët më të mirë në vend gjatë akademisë politike.
Ne kemi nisur punën për një ligj të ri për arsimin e lartë me kontributin e pedagogëve dhe studentëve.
Parashikojmë një shtesë prej 75 milion dollarë në vit, në dispozicion për Arsimin e Lartë dhe Kërkimin Shkencor.
38 milion dollarë do të shkojnë për të financuar subvencionim 100% të tarifave të Bachelor dhe Master, për studentët që vijnë nga familje me më pak se 64 mijë lekë të ardhura në muajz Subvencionim në masën 50% për studentët që vijnë nga familje me të ardhura mbi 64mijë lekë dhe stazhe të paguara në masën 30 mijë lekë të reja në muaj, për 10 mijë studentë, çdo vit.
Do të fokusohemi tek orientimi i studentëve në degët për të cilat ka nevojë tregu i punës, në veçanti tek teknologjia e informacionit, ekonomi dhe administrim biznesi, inxhinieri, mjekësi, agro dhe veterinari, turizëm etj.
Ne do të kemi gati një paketë lehtësirash financiare për bizneset që punësojnë të rinj dhe bizneset e themeluara nga të rinj. Ne do ta nisim me anullimin e koncesioneve dhe PPP korruptive,- dhe paratë do të shkojnë për rritjen ekonomike, nxitjen e punësimit dhe arsimin.
Vetëm nga emigracioni, për vitin 2018, humbja për ekonominë është 560 milionë euro, nderkohe që në spitalet tona ska me mjek dhe infermier. Në programin tone parashikojmë të rrisim pagat e mjekëve deri në 1200 euro, ndërsa infermjerëve në 700 euro. Vetëm në këtë menyrë ne do te arrijmë të permbushim nevojat e vendit me staf mjekësore dhe për tu dhenë sherbime kudo ku jetojnë bashkëqytetarët tanë.
Por nëse nuk arrijmë të sigurojmë votën e lirë, ti japim fuqinë e kontrollit, ndëshkimit dhe vlerësimit përmes votës qytetarëve, asnjëherë nuk mund të kemi një qeveri të pergjegjshme që premtimet me të cilat merr votat ti bëjë realitet ose të largohet. Prandaj beteja jone per votën e lire është jetike për mirëqenien e qytetareve por dhe avancimin e Shqipërisë ne rrugën drejt integrimit në BE”, shkruan kryedemokrati.

Më tej ai thotë se sot kemi edhe një betejë tjetër atë për fjalën e lirë.
“Nismat ligjore për të penguar lirinë e shprehjes synojnë që të manipulojnë apo të mbajnë të fshehura të vërtetat e gjendjes se keqe ku e ka katandisur kjo qeverisje vendin.
Ne kemi humbur shumë mundësi deri tani për të avancuar projektin tonë për Shqipërinë si Europa. Në pranverë një tjetër shans pritet ti jepet Shqipërisë. Deri atehere ne do të duhet të përmbushim detyrimet tona, kushtet e Bundestagut janë udherrefyesi ynë. Koha nuk pret”, përfundon Basha.