Connect with Us

Denoncimi/ Godina dëmtohet nga tërmeti, punonjësit e ASHK mbahen në punë

Denoncim

Denoncimi/ Godina dëmtohet nga tërmeti, punonjësit e ASHK mbahen në punë

Publikuar

-

Ish kryeministri Sali Berisha ka bërë publik denoncimin e një qytetari i cili shkruan se 500 punonjës të Agjencisë Shtetërore të Kadastës po mbahen me detyrim në godinë, ndonëse nga ispektimi ka rezultuar se kolona kryesore është dëmtuar.

ASHK është në të njëjtën godinë me Drejtorinë e Tatimeve, e cila që prej 26 nëntorit është mbyllur.

LEXO EDHE:  Ulja e dënimit për Dritan Dajtin/ Rama kapet “mat”?

Në mesazhin e denoncuesit, shkruhet gjithashtu se punonjësve po flitet ti mbahet edhe gjysma e rrogës  me detyrim.

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

“Fiks Fare” sjell peripecitë e të dëmtuarve nga tërmeti/ Shtëpitë me qira në Durrës fillojnë nga 300 euro…

Publikuar

-

Nga

Banorët e prekur nga tërmeti në Durrës e kanë shumë të vështirë të gjejnë shtëpi me qira në qytet. Emisioni”Fiks Fare” bëri një vëzhgim në qytetin bregdetar, ku çmimet e apartamenteve me qira fillonin nga 300 euro në muaj. Megjithëse Bashkia e Durrësit, por edhe Shtabi i Emergjencave, ka nxjerrë listat e para për bonusin e qirasë, mijëra familje ende jetojnë në shtëpitë e shkatërruara, pasi në qytet s’ka shtëpi me qira. Por, edhe ato që janë, jepen me çmime të kripura.

Gazetarët e “Fiks Fare” shkuan në një pallat në afërsi të Shkollës së Muzikës në Durrës. Pallati është shkatërruar, ndërkohë që ka pasur probleme me vlerësimin, ku disa apartamente janë shpallur të pabanueshme dhe të tjerat të banueshme, megjithëse ka probleme shumë të dukshme.

Zonja Majlinda banon në katin e parë, bashkë me dy prindërit e moshuar dhe dy vajzat e saj, njëra prej të cilave invalide. Ajo tregoi se në momentin e tërmetit shtëpia është e prishur, ndërkohë që vajza invalide është dëmtuar, i ka rënë një pjesë e murit në kokë dhe është mjekuar më pas në spitalin Durrës. Pas tërmetit, prindërit e moshuar dhe vajzën invalide i ka dërguar në Itali te të afërmit e saj, ndërkohë në shtëpinë e shkatërruar banon me vajzën tjetër. Ajo thotë se me luftë mezi ka marrë një vërtetim nga njësia administrative që shtëpia është e pabanueshme. Sipas saj, kanë ardhur disa vlerësues dhe fillimisht këto vërtetime nga njësia nuk janë dhënë për të gjithë, por për disa. Më pas, ka shkuar disa herë në njësi dhe më në fund e ka marrë. Por, askush nuk i ka treguar rrugën. Megjithëse po bën disa ditë që e ka marrë ajo nuk e di sa bonus qiraje do ti paguajë shteti dhe sa do të paguajë vetë. Madje, tregon se në zonë nuk ka shtëpi me qira, ka kontaktuar me dikë dhe i kanë thënë se qiraja është 300 euro. “Nuk e di deri sa paguan shteti” thotë ajo, ndërkohë që në bashki ka marrë edhe një kontratë tip qiraje. Zonja thotë se nëse e plotëson këtë kontratë dhe nëse nuk i miratohet kredia nga bashkia, atëherë është e detyruar që të paguajë këtë qira.

Gazetarët e “Fiks Fare” shkuan edhe në banesën e Fatmirit, i cili është invalid. Ai thotë se në shtëpinë jetojnë 5 persona, madje kanë edhe një fëmijë të vogël. “Kam marrë një vërtetim nga komuna, po s’po më jep njeri lekë. Po jetoj te krushku, vijmë ditën këtu dhe natën shkojmë atje. Ka një shtëpi me qira që po e paguajmë ne” thotë Fatmiri. Sipas tij, deri tani s;kanë marrë asnjë gjë.

LEXO EDHE:  Takimi në Përmet/ Rama “terrorizon” administratën

LEXO EDHE:  Takimi në Përmet/ Rama “terrorizon” administratën

Pas ankesave, gazetarët e “Fiks Fare” shoqëruan zonjën Majlinda në agjencitë imobiliare në Durrës. Qytetarja takoi një agjente, e cila i tregon se në këtë moment ka shumë pak shtëpi me qira. “Kemi disa variante, po fillojnë nga 300 mijë lekë dhe 300 euro. S’kemi më poshtë” i thotë ajo. Sipas agjentes, gjatë kësaj kohe ka pasur fluks të madh kërkesash dhe aktualisht nuk ka shtëpi me qira në Durrës.

Më pas, gazetarët e Fiksit marrin një gazetë dhe kërkojnë shtëpitë me qira. Në gazetë janë fare pak variante, ndërsa disa prej tyre janë zënë. Disa numra dalin të padisponueshëm, ndërkohë njëri prej tyre thotë se e ka dhënë shtëpinë me qira, me një çmim prej 300 eurosh.

Fiks Fare u interesua edhe në Njësinë Administrative Nr.1 në Durrës, ku administratori thotë se në pallatin në fjalë kanë shkuar disa ekspertë. Sipas administratorit, ekspertët kanë pasur mendime të ndryshme. I pyetur se përse janë dhënë këto vërtetime shtëpish selektive, ai thotë se vërtetimi i parë i është dhënë një familje që ishte në çadër. Më tej shton se emri i i familjes së parë i erdhi në telefon. Në lidhje me bonusin e qirasë, administratori thotë se çdo familje duhet të aplikojë vetë në bashki. “Në këtë njësi marrin një vërtetim dhe me vërtetimin, plus aktin e konstatimit, kontratën e qirasë dhe kërkesën duhet ta çojnë në bashki. Më pas, këshilli bashkiak vendos nëse do miratohet apo jo. Por, kontrata e qirasë duhet të jetë e plotësuar” thotë ai.

Kontrata e qirasë është e domosdoshme që të përfitohet bonusi i qirasë. Këshilli bashkiak i Durrësit ka miratuar një vendim ku thotë se për shtëpitë me qira 1+1 bonusi është 20 mijë lekë të reja, për 2+1 është 25 mijë lekë dhe për 3+1 është 300 mijë lekë. Pa kontratën, nuk plotësohet dot dosja. Megjithatë, mungesa e shtëpive me qira ka detyruar mijëra familje në Durrës që të jetojnë ende në shtëpitë e rrënuara.

LEXO TE PLOTE

Denoncim

Aksidentoi për vdekje një njeri/ Rama e emëron kryeprokuror

Publikuar

-

Nga

Ish-kryeministri Sali Berisha ka publikuar sot denoncimin e një avokati, i cili hedh akuza të forta në drejtim të Kreshnik Ajazit, i sapozgjedhur në krye të Prokurorisë së Elbasanit.

Sipas Denoncuesit, Kreshnik Ajazi akuzohet se ka shtypur për vdekje një person, ndërsa drejtonte mjetin në gjendje të dehur.

Por, sipas tij me manipulimin e dosjes dhe me ndihmen e te atit ka marre pafajësinë.

Gjithashtu, denoncuesi shkruan se kreu i KLP-së, Gent Ibrahimi me urdher te Ramës emeroi drejtues prokurorie Kreshnik Ajazin, i cili sipas tij është vellai i Besian Ajazit Keshilltari i Taulant Balles.

“I nderuar Doktor. Jam nje avokat ne Elbasan. Doja tju vija ne dijeni sesi Gent Ibrahimi me urdher te Rames emeroi drejtues prokurorie Kreshnik Ajazin, i cili eshte vellai i Besian Ajazit Keshilltari i Taulant Balles.

Kreshniku ka punuar fillimisht ne Vlore ku aksidentoi me vdekje nje person pasi ishte ne gjendje te mire, por i ati i vet eshte ekspert autoteknik dhe bashke me shoket e tij qe u caktuan eksperte te ceshtjes e nxoren pa faj.

LEXO EDHE:  Sherri në Itali/ Balla fiton gjyqin me dhëndrin e Berishës

LEXO EDHE:  Takimi në Përmet/ Rama “terrorizon” administratën

Pas kesaj ngjarje u emerua prokuror ne Elbasan. Pas nderhyrjeve te shumta u caktua perkohesisht ne Tirane dhe aktualisht u zgjodh drejtues prokurorie.

Kunati i KLP, Gent Ibrahimi nuk ka marre parasysh ne perzgjedhje as karrieren ,punen ,integritetin . Gjithashtu Besian Ajazi eksponent i PS eshte mik me zv.kryeministrin Erion Brace, i cili dihet boterisht se eshte miku i Mimi Kodhelit, kunata e Gent Ibrahimit.

Prandaj ka dale dhe shprehja kunat KLP. Bashkelidhur po ju coj disa foto qe pasqyrojne sa me siper si dhe ca lidhjesh ka personi qe u zgjodh drejtues prokurorie ne Elbasan. Dhe nuk eshte cudi pse Gent Ibrahimi i dha voten atij. Rrofte Reforma me kunat KLP. Ta gezoje Elbasani prokurorin qe zgjodhi cifti Taulant Balla-Qazim Sejdini.

Ps Ky me syze eshte Kreshniku. Ai ne mes eshte Besian Ajazi keshilltar i Balles dhe kandidat per deputet i PS ne Gramsh. Ai tjetri eshte Gezim Ajazi eksponent dhe i lidhur me PS. Mjafton te shihni profilet e tyre ne fb dhe instagram.”-shkruan denoncuesi./ CNA.al

LEXO TE PLOTE

Denoncim

Rama mashtron pensionistët/ Nuk ka shpërndarë as pensione, as shpërblim

Publikuar

-

Nga

Ndonëse kryeministri Edi Rama tha se pensionistët do të marrin shpërblim për festat e fundvitit bashkë me pensionet, duke se shpërndarja e tyre nuk ka filluar, pavarësisht se është thënë e kundërta.

Këtë e denoncon ish-kryeministri Sali Berisha, i cili duke iu referuar mesazhit të qytetarit dixhital, deklaron se në disa rrethe nuk janë shpërndarë as pensionet, aq më tepër shpërblimet.

Berisha ka publikuar mesazhet e disa qytetarëve, të cilët pretendojnë se nuk kanë marrë as pensionet e invalitetit.

“Përshendetje zoti Doktor profesor Sali Berisha, unë që po të shkruaj jam nga Kukësi dhe këtu Kukës na kanë bërë një padrejtësi nuk na kanë ndarë pensionet e invalitetit, kam shkuar e kam pyetur te Bashkia e më thanë nuk ka fond si këta kriminel të lënë të sëmurit pa festën e vitit të ri dhe pa ilaçe, unë ju shkrujta juve që ta publikoni këtë mesazh se kjo qeveri ka mbaruar mos pyet për popullin shqiptar në dorë të kujt kemi rënë, me respekt për ju. Ju uroj gëzuar festat e fundvitit”, thuhet në një denoncim, ndërkohë që pretendohet se e njëjta gjë ndodh edhe në Nikël, Bubq e Pogradec.

LEXO EDHE:  Ulja e dënimit për Dritan Dajtin/ Rama kapet “mat”?

LEXO EDHE:  Edi Drama, ters/ Të ndalohet prania e tij deri në fund të Euro 2016!

Në një mesazh tjetër qytetari shkruan: “Përshëndetje zoti Berisha, kam një denoncim në lidhje me pagat e invalidëve nuk ju kanë dhënë asnjë lek as Niklës as Bubqit, ju kanë bllokuar hajdutat e kryeminstrit që ka mbase vetë nuk kanë lekë as për vitin e ri ju faleminderit shumë anonim ju lutem”.

Gjithashtu ish-kryeministri Sali Berisha ka publikuar edhe disa denoncime të tjera, ku thuhet se nuk ka para as për shpërblimet dhe as për pensionet edhe në Kavajë./ CNA.al

LEXO TE PLOTE
Lajme të Rekomanduara: