Connect with Us

Dëmet nga tërmeti/ Fondacioni Global Shqiptar nis përpjekjet për mbledhjen e fondeve

Sociale

Dëmet nga tërmeti/ Fondacioni Global Shqiptar nis përpjekjet për mbledhjen e fondeve

Publikuar

-

Fondacioni Global Shqiptar ka nisur përpjekjet për mbledhjen e donacioneve me qëllim, që të ndihmohen banorët e prekur nga tërmeti katastrofik i 26 nëntorit në Shqipëri.

Në një njoftim të bërë nga ky fondacion, kërkohet që të dhuroni dhe ndihmoni me programin e barazimit të fondeve të korporatave për të martën dhuruese (giving tuesday) më 3 dhjetor.

Ndër të tjera, theksohet se “E marta dhuruese, më 3 dhjetor është dita më e madhe e vitit për dhurime, ku priten rreth $400 milionë dollarë në javën e ardhshme, dhe neve na nevojitet ndihma e juaj që të mund të drejtojmë sa më shumë të holla nga kjo shumë drejt kauzës sonë të përbashkët për Shqipërinë.”.

Fondacioni Global Shqiptar thekson se ndihma e secilit do të jetë e decentralizuar dhe jetike, për personat që kanë mbetur të pastrehë.

“Ndihma e juaj e decentralizuar do të jetë jetike, pasiqë ne nuk mund ta bëjmë një gjë të tillë të vetëm pa ju. Le të shfrytëzojmë fuqinë e rrjeteve social që të bëjmë diçka magjike së bashku.

Në qoftëse ju punoni në një kompani e cila barazon dhurimet (donacionet) e punëtorëve ne ju inkurajojmë që të mobilizoni kolegët e juaj shqiptarë e në veçanti ata jo-shqiptarë që të dhurojnë për kampanjën tonë të përbashkët.”-thuhet në deklaratë.

LEXO EDHE:  U dëmtua nga tërmeti!/ IKMT hedh në erë pallatin 14 katësh në Durrës

Për ata që nuk kanë njohuri për të martën dhuruese, sqarohet se ky program nënkupton që çdo person që do të dhuronte një shumë të hollash për kampanjën tonë në lehtësim të gjendjes pas tërmetit të fuqishëm në Shqipëri, mund të bëjë kërkesë tek kompania/korporata ku ata punojnë, që të barazojë shumën e dhuruar nga ju, që do të thotë që ne së bashku do të arrijmë të dyfishojmë shumën që do të dhurojmë tek të prekurit e këtij tërmeti.

“Çfarë ne duam dhe duhet të bëjmë, është të shfrytëzojmë rrjetin tonë të gjërë të Diasporës Shqiptare dhe vullnetin e mirë të korporatave Amerikane që të ndihmojmë në lehtësimin e gjendjes në atdhe dhe ky program na mundëson shumë në arritjen e qëllimit tonë.

Shpërndani këtë shkrim dhe etikoni sa më shumë njerëz që mund të ndihmojnë, dhe ju falenderojmë paraprakisht për kontributin e juaj.  Poashtu, shpërndani këtë ide me organizatat e tjera shqiptare që planifikojnë të mbledhin fonde dhe të ju bëni me dije që mund të përdorin strategjinë e njejtë. “-përfundon deklarata.

Këto janë dy linqet që mund të përdoren për dhurime:

https://www.facebook.com/628606044183159/posts/992398221137271?vh=e&d=n&sfns=mo

https://www.paypal.com/us/fundraiser/charity/3648649

Informatat rreth organizatës sonë janë këto:

EIN: 830619972

Global Albanians Foundation

Suite #419

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Sociale

“Sot Shkodra ka humb një margaritar”/ Gazetarja përlot me fjalët, pas ndarjes nga jeta të Anila Dushit

Publikuar

-

Nga

“Sot Shkodra ka humb një margaritar”/ Gazetarja përlot me fjalët, pas ndarjes nga jeta të Anila Dushit

Gazetarja e njohur nga Shkodra, Anila Dushi ka humbur betejën me Covid-19, duke ndërruar jetë ditën e sotme.

Dushi ka qenë e shtruar në repartin infektiv të spitalit të Shkodrës prej ditësh por pavarësisht përpjekjeve të mjekëve nuk ka arritur të mbijetonte.

Miq, kolegë e të njohur kanë shprehur ngushëllimet për këtë humbje të madhe. Një ndër ta është dhe gazetarja e njohur e kronikës, Nikoleta Kovacci e cila duke konsideruar si ‘vrasje’ shkruan se Shkodra ka humb një margaritar, media një mendje të lirë e të afërmit e miqtë një grua të pazakontë, e gjitha mirësi!

Kur humbet një mike fjale….

-Anilë ç`a asht ajo vrasje? Ç`a ka ndodh? A dihen rrethanat? Pse po i ndodh Shkodrës kjo gja? A mundena me pas foto nga vendi i ngjarjes sonte? Po ndonjë dëshmi?- ky ishte komunikimi i vazhdueshëm në rast ngjarjesh të randa që trondisnin Shkodrën e me ta krejt opinionin publik. Anila gjithmonë e në çdo orë e hapte telefonin, përgjigjej, jepte zgjidhje dhe një opinion krejt real për atë çka ndodhte, ç`a kishte ndodh ma herët dhe ç`a pritej të ndodhte në vazhdim!

Ashtu, me atë shëndetin gjithnjë kërcënues, Anila gjente zgjidhje! Mi niste materialet që të nesërmen gazeta jonë të ishte në lartësinë e asaj ç`a na kishim në mendje dhe zemër! Ashtu vazhduam, gjatë, prej shumë e shumë kohësh duke u rropat me thanë të vërtetat, ato të idhtat që rrallë thuheshin; rrallë guxoheshin të mendoheshin e jo ma të shkruheshin e të mbesnin në letër! Bashkë dinim t`i thurnim mirë faktet, t`i ruanim e t`i transmetonim. Edhe atëherë kur kishte pengesa, edhe atëherë kur autocensura dhe censura ishin ul kambëkryq në ‘llojin’ tonë, edhe atëherë kur në fakt duhej të fshihnim diçka për të nxjerrë diçka tjetër.

Anila kishte gjithnjë shpirtin e madh të mirëkuptimit si pak kush në bashkëpunime të tilla. Gëzohej si fëmijë kur të nesërmen në gazetën tonë Shkodra e saj kishte hapësirën e duhun, ndonëse shpesh konsiderohej periferi. Tirana ka akumulu frikë dhe një lloj droje tek njerëzit që katapultohen në sajë shërbimesh të ulëta ndaj eprorëve të çfarëdo llojë qofshin. Por, na bashkë, mundëm të mbesnim në sipërfaqe në sajë të latimit të rrallë të fjalës, besimit të verbër në njana-tjetrën, besimit sublim mbi atë që duhej të ishte e pranishme, ani pse e ndalueme.

Anila ishte e lodhun me vrasjet, me indtrigat që mbillnin krim e pabesi e shpesh më thoshte: “Aman, se Shkodra nuk e meriton këtë çmenduri! Po unë sod due ma ba një reportazh për Kosmaçen. Ka investu një banor i zonës e ka ba një vneshtë të madhe! Pak ma përtej asht edhe një artizan i rrallë. A mundena të bajmë një histori?”

E ashtu vazhdonim, duke iu sjell rrotull Shkodrës së saj që sot e humbi! E qetë, e mençur, e papërtueshme, dashamirëse, kurajoze e me një kujtesë brilante, Anila jetonte çdo sekond me median, me faktin, me lajmin, me reportazhin, me fjalën! Ishte si të thuash një shkamb në Shkodrën e trazueme, që asnjëherë s`ndejti duarkryq, asnjëherë nuk heshti, e asnjëherë nuk u ankua për gjithë prapësinat e randa që i ndodhnin medias kudo nëpër këtë vendin tonë të marrun peng nga mungesa e të vërtetës.

…Sot Shkodra ka humb një margaritar, media një mendje të lirë e të afërmit e miqtë një grua të pazakontë, e gjitha mirësi! Para një jave pata komunikimin e fundit me të; mu ankue! Jo për veten, as gjërat e veta, por për kohën e vendin! Më tregoi se “gjërat në komunitetin tonë gjithnjë po bahen ma të paqarta! Shkodra është në kaos dhe se gjithë politika aty luan teatrin e turpit të vet”! Anila e donte Shkodrën si jetën! Çudi pse nuk e deshën edhe pak ma shumë te dyja! Te dyja ia patën me hile, te dyja nuk e anashkaluan peshën e fjalës së saj!

Anila e la gjurmën, emnin, mirësinë dhe dashurinë, te kushdo që e njohu, por edhe tek Shkodra dhe jeta..!

Lamtumirë mike dhe bashkëudhëtare fjale….

 

LEXO TE PLOTE

Sociale

Ndahet nga jeta kreu i shoqatës “Çamëria”/PDIU: Humbëm një patriot të madh

Publikuar

-

Nga

Ndahet nga jeta në moshën 75-vjeçare kryetari i Shoqatës Patriotike “Çamëria”, Hektor Sejko.

Mësohet se Sejko ka ndërruar jetë teksa ndodhej në terapi post-COVID, pasi kishte kaluar virusin e rrezikshëm nga i cili ishte infektuar disa javë më parë.

Në një reagim për mediat, PDIU dhe Shoqata Patriotike “Çamëria” theksojnë se ndarja nga jeta e Hektor Sejkos ka hidhëruar të gjithë përfaqësuesit e komunitetit çam dhe jo vetëm.

LEXO EDHE:  Humbën jetën nën rrënoja/ Nesër mbahen homazhet për 8 anëtarët e familjes Lala

LEXO EDHE:  “Me mua s’ka premtime, por plan”/ Basha me banorët në Kombinat: Do t’i japim fund kalvarit tuaj të vuajtjeve

“Përtej trishtimit që sjell çdo humbje, lajmi për largimin nga jeta të Hektor Sejkos, kryetarit të Shoqatës Patriotike “Çamëria” na ka hidhëruar thellësisht. Ne humbëm sot një patriot të madh, një burrë fisnik dhe një mik të çmuar që nuk rreshti së punuari për amanetin e Çamërisë”, thuhet në mesazhin e PDIU dhe Shoqatës Patriotike “Çamëria”./CNA.al

LEXO TE PLOTE

Sociale

E infektuar me Covid/ Humb jetën gazetarja e njohur nga Shkodra

Publikuar

-

Nga

Covid-19 i ka marrë jetën gazetares së njohur nga Shkodra, Anila Dushi.

Dushu nuk ka mundur të fitojë dot betejën me virusin e rrëzikshëm. Lajmin e hidhur e kanë bërë të ditur në rrjetet sociale kolegët e saj.

Vetëm pak ditë më parë gazetarja, shkruante në Facebook, se lufta me COVID, ishte një tmerr.

LEXO EDHE:  Basha i jep merita vetes/ Më shumë kontenierë kam çuar unë tek banorët e prekur nga tërmeti se sa qeveria

‘Kam besuar qe ne fillim se Covid 19 eshte nje lufte boterore. Kam degjuar mjaft nga ata qe e kane kaluar. Por qenka Tmerr.’- shkruan Anila Dushi me datën 4 prill në Facebook./CNA.al

LEXO TE PLOTE