Connect with Us

“Anullo koncesionet”/ Rama i përgjigjet kërkesës së Bashës

Politikë

“Anullo koncesionet”/ Rama i përgjigjet kërkesës së Bashës

Publikuar

-

Kryeministri Edi Rama i është përgjigjur sot kërkesës së kreut të PD-së, Lulzim Basha, i cili një ditë më parë kërkoi që të anullohen kontratat koncesionare, me qëllim që ato para të përdoren për të rikuperuar dëmet e shkaktuara nga tërmeti i 26 nëntorit.

Gjatë mbledhjes së qeverisë, Rama refuzoi kërkesën e kreut të PD-së, ndërsa shtoi se “opozita nuk ka fantazi”.

“Opozita që pretendon të qeverisë vendin jo vetëm që nuk ka pranuar të ulet në tryezë për të ballafaquar idetë dhe nëse janë më të mirat do të marrim idetë e tyre. Deri tani jemi njohur me tre pika që do të qënkëshishin zgjidhja dhe është një komponent i gjithë ekranit të madh që dita fillon duke qarë dhe mbaron duke qeshur. Tre pikat janë ushqim për buzëqeshje, nuk dua të them gajasje se nuk dua të ndihen keq kolegët e opozitës. Por të thuash të mblidhen 500 inxhinierë, po pse 500 dhe jo 600? Pika e dytë, të bëhet urgjent identifikimi i dëmeve, po por bëhet, është bërë Durrësi si ajo lagja para OKB-së që dëgjon të gjitha llojet e gjuhëve dhe sheh të gjitha racat. Edhe ajo pika e tretë është qamet, të mos financohen oligarkët, vijon loja…dhe 150 mln të mos i marrin oligarkët. Po cfarë janë këto para, të ndalojmë kontrollin shëndetësor bazë, të ndalojmë dializën, financimin për instrumetet mjekësore, të marrim makina qepëse për të qepura barqe për ata që duhet të operojnë mëlçinë. Dhe t’u themi se kemi ca të pastrehë prandaj barkun po ua hapim me gërshërë dhe qepim me makinë qepëse. Do të ndalojmë analizat edhe të fusim edhe një sistem për të hedhur fall për të thënë se shiko se më duket e ke diku poshtë problemin se më del një kupë me kokë poshtë dhe se më duket se shtatzënë. Të ndalojmë edhe kantierin e Rrugës së Arbrit. Pse sepse nuk kanë fantazi më shumë se kaq. I mirëkuptoj se edhe ata kanë problemet e tyre nga tërmeti. I ftoj me përulësi të vijnë në tryezë të diskutojmë për idetë” tha ai./ CNA.al

Dëmet nga tërmeti/ Basha prezanton planin me tre pika

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Lajme

Në cilën moshë fillojmë të plakemi?

Publikuar

-

Nga

Në botën shkencore për vite ka ende diskutime në lidhje me faktin se kur fillojmë të plakemi. Disa shkencëtarë mendojnë se ajo fillon me ngadalësimin e rritjes së trupit dhe të tjerët supozojnë që ndodh me plakjen e organeve të brendshme.

Pleqëria fajësohet shpesh për harresën: vendosim gabim çelësat e makinave, harrojmë një fjalë apo humbasim trenin tonë të mendimit.

Por një studimi i ri tregon se shumë efekte të njohura të plakjes mund të fillojnë dekada para. Sipas shkencëtarëve, aftësitë tona mendore fillojnë të bien nga mosha 27 vjeç, pas arritjes së një kulmi në moshën 22 vjeçare, shkruan Insajder.com.

Kërkuesit shkencorë studiuan për 7 vjet sjelljen e 2 000 njerëzve të moshave 18 deri 60 vjeç. Të gjithë personat iu nënshtruan testeve, provave të fjalorit, arsyetimit, shpejtësisë së mendimit etj.

LEXO EDHE:  Rama zhvillon takime me kompani investuese të Wall Street

LEXO EDHE:  Sigmar Gabriel, Rama dhe precedenti Gruevski

Kërkuesit e Universitetit Virginia thanë se në 9 nga 12 provat, përgjigjet më të mira vinin nga 22-vjeçarët, ndërsa 5 vjet më pas u vu re rënie e rendimentit të trurit.

Rezultatet sugjerojnë se terapitë për të parandaluar plakjen duhet të fillojnë më herët.

Ka disa lajme të mira. Studimi thekson se aftësitë bazë të njohurive të akumuluara, të tilla si performanca për testet e fjalorit ose informacione të përgjithshme, rriten të paktën deri në moshën 60 vjeç.

Shkencëtarët, poashtu kanë aritur në përfundimin se vetmia mund të zvogëlojë seriozisht jetëgjatësinë dhe të rrisë dy herë më shumë rrezikun e vdekjes./CNA.al

LEXO TE PLOTE

Politikë

Berisha mesazh ngushëllimi për ndarjen nga jeta të ish-deputetit/ Humbëm një qendrestar guximtar

Publikuar

-

Nga

Ish-kryeministri Sali Berisha ka shprehur një mesazh ngushëllimi për ndarjen nga jeta të ish-deputetit demokrat Ali Gripshi.

Në një mesazh ngushëllimi në rrjetet sociale, Berisha shkruan se Gripshi ishte një qendrestar guximtar dhe i vendosur, i cili do te shenonte nje fitore te thelle elektorale ne kete rreth.

“Ali Gripshi ndahet nga jeta!

Te dashur miq, dje mbylli syte pergjithmone nga nje semundje e rende ish deputeti dhe veprimtari i palodhur i Partise Demokratike, qytetari i dalluar i Peqinit dhe prindi shembullor Ali Gripshi.

Pasardhes i nje familje te nderuar, mesues i respektuar Ali Gripshi do anetaresohej ne PDSH qe ne ditet e para te themelimiti te saj. Ai do te themelonte dhe do kryesonte degen e PD te Peqinit, qendrestar guximtar dhe i vendosur do te shenonte nje fitore te thelle elektorale ne kete rreth.

LEXO EDHE:  Letra e Bashës drejtuar bankave/ Adrian Civici: Shqetësim i ligjshëm, i shprehur në formë politike

LEXO EDHE:  FAKE NEWS/ Lulzim Basha s’ka vilë në Dardhë

Ali Gripshi do perfaqesonte me dinjitet qytetaret e Peqinit ne parlamentin e vendit dhe do mbetej gjithnje nje veprimtar i vendosur i PD, qytetar nderi i Peqinit, baba shembullor, mik dinjitoz.

Me kete rast shpreh mirenjohjen dhe nderimin tim per kontributin e tij dhe ndushellimet me te ndjera, familjes, miqve e te afermve te Aliut te ndjere dhe lutem se bashku me ta qe shpirti i tij i mire te gjeje paqen e merituar! sb”-shkruan Berisha.

LEXO TE PLOTE

Politikë

“Hesape të reja me numra të vjetër”/ Manjani “fshikullon” partitë politike

Publikuar

-

Nga

Ish-ministri i Drejtësisë në qeverinë “Rama 1”, Ylli Manjani ka hedhur kritika të forta në drejtim të klasës politike në vend.

Në një postim në rrjetet sociale, Manjani shkruan se partitë politike janë ende shumë të vjetra për të përballuar dekadën e tretë të shekullit që jetojmë.

Sipas Manjanit, na pëlqen ose jo, ky përceptim është gjerësisht i ngulur në mendjen e njerëzve.

“Na pëlqen ose jo, ky përceptim është gjerësisht i ngulur në mendjen e njerëzve. Dhe skanë faj, me thënë të drejtën.

Të njëjtat fytyra!
Të njëjtat parti!
Të njëjtat veprime!
Të njëjtat fjalë!

Njësoj! Si në fundshekullin e shkuar edhe në këtë dekadë të tretë të shekullit të ri.

Opozitarët thonë që qeveritarët janë më të këqinj se ne. Qeveritarët thonë se të këqijat e ish pushtetarëve janë më të këqija se të zezat tona! E mbani mend Shalsin e dekadës së shkuar?!

Njësoj! Gjithnjë koka pas.

Ishim më mirë kur ishim keq..!

Ftesa e vetme që i bëhet njerëzve është na zgjidhni ne se jemi më pak të këqinj. Kështu bëjnë të gjitha partitë, pa përjashtim!!!”-shkruan Manjani.

Më tej, ish-ministri thekson se nuk ka asnjë ndryshim, njerëzit thjeshtë votojnë, nuk zgjedhin.

LEXO EDHE:  Akuzat e forta/ Berisha zbulon tre “argatët” serbë në Prishtinë dhe Tiranë

LEXO EDHE:  Akuzat e forta/ Berisha zbulon tre “argatët” serbë në Prishtinë dhe Tiranë

“Ndërkohë njerëzit nuk vendosin, nuk zgjedhin, thjesht votojnë.

Asnjë ndryshim!

Partitë kanë krijuar një realitet virtual rreth vetes. Flasin për suksese dhe për dashuri ndaj popullit, duke sharë kundërshtarin.

Njësoj, me të njëjtin ritëm si më parë!

Kulmi është kur partitë bëjnë debat edhe për hallet e Amerikës, Francës e Gjermanisë si në faqen 4 të Zërit të Popullit dikur.

Asnjë lidhje me Shqipërinë reale, me shpopullimin e frikshëm, me polarizimin ekstrem ekonomik e social, me ndasi të rënda sociale, pa shtet dhe me demokraci të dhunuar.

Asnjëra parti nuk thotë se si zhvillohet Shqipëria reale!!! Të gjitha merren me veten duke bërë ato hesapet e vogla elektorale.

Hesape të reja me numra të vjetër.

Njësoj, si gjithmonë!

Keq boll, me thënë të drejtën!

“Ma za ma keq”- thonë andej nga Shkodër-Lezha. Veçanërisht me ligjin anti-shpifje, keq është kjo puna e “zërit”…”-shkruan ish-ministri.

Por, pavarësisht kësaj, Manjani insiston që të ketë rotacion politik nëpërmjet zgjedhjeve politike.

“Megjithatë, vijoj të mbështes idenë e zgjedhjeve politike që kthejnë pluralizmin dhe garantojnë rotacionin!

Me atë që na ndodhet do kavërdisemi…”-përfundon postimin e tij Ylli Manjani./ CNA.al

LEXO TE PLOTE