Politikë
Eni Vasili nuk përmbahet ndaj Ngjelës/ Më njeri të paedukatë s’ kam parë
Është shoqëruar me debate dhe tensione emisioni “Open”, ku mes të ftuarve është edhe avokati i njohur Spartak Ngjela.
Gjatë gjithë emisionit Ngjela ka marrë fjalën me radhë dhe paradhë teksa e ka ngritur më tej zërin lidhur me situatën që është krijuar pas tërmetit dhe padrejtësitë, që, sipas tij, po bëhen nga qeveria.
Teksa Ngjela po diskutonte lidhur me fondin që qeveria ka për qytetarët e prekur nga tërmeti, moderatorja Eni Vasili tentoi disa herë t’i ndëpriste fjalën.
Ndërkohë Ngjela vazhdonte të shtjellonte mendimin e tij pa marrë për bazë fjalën e Vasilit, e cila nuk ka duruar dot më shumë këmbënguljen e Ngjelës për të vijuar fjalën dhe i është drejtuar ashpër me shprehjen aspak të denjë: Më njeri të paedukatë nuk kam parë!
Nga ana e Avokatit nuk pati një reagim kundërpërgjigjës, por ai ngriti gotën për të pirë ujë./CNA.al
Politikë
Dëmet nga tërmeti/ Arben Malaj: 85% e të ardhurave do mblidhen nga taksapaguesit
Ish ministri i Ekonomisë dhe Financa, Arben Malaj ka folur lidhur me situatën ekonomike në vend pas tërmetit të 26 nëntorit.
Malaj u shpreh se ai nuk hyn në grupin e ekonomistëve që thonë se kjo situatë do e futë vendin në krizë më të thellë.
“Gjëja e parë që këshillohet është qe të rishikohet buxheti. Rreth 85% e të ardhurave do mblidhen nga taksapaguesit shqiptarë. Nuk besoj se dëmet arrijnë shifrën 1 milardë dollar”, u shpreh Malaj i ftuar në “Provokacia”./CNA.al
Politikë
Braçe i prerë/ Lefter Koka dhe Vangjush Dako duhet të hetohen një për një
“Lefter Koka dhe Vangjush Dako duhet të hetohen një për një”.
Kështu deklaroi zëvendës-kryeministri Erion Braçe në emisionin “Provokacija”, teksa po fliste për akuzat e ngritura ndaj socialistëve se kanë dhënë leje ndërtimi në zonat bregdetare.
Braçe cilësoi si gënjeshtra edhe për pretendimet e opozitës se ish-kryebashkiaku i Durrësit Vangjush Dako zhduku provat e dy kateve pa leje në hotelin e tij.
“Është gjëja më e lehtë për t’u verifikuar, të shkojnë në Durrës dhe t’i verifikojnë”, nënvizoi ai.
“Hotel Lubjana nuk është me leje të Vangjush Dakos, s’e them dot tani. Është hotel Mira Mare, edhe ky nuk është me leje të Vangjush Dakos. Është përgjegjëse pronarja vetë”, deklaroi më tej zv.kryeministri./ CNA.al
Politikë
Braçe e thotë troç/ Irritimi im është me pronarët e portaleve, nuk kanë gazetarë
Zëvendës-kryeministri Erion Braçe në emisionin “Provokacija” ka treguar arsyen se përse nuk ka dalë shumë në media në këto ditë pas tërmetit dhe përse qeveria i ka sulmuar gazetarët.
Braçe i tha moderatorit të emisionit se irritimi i tij nuk është me gazetarët e terrenit apo moderatorët, por është me drejtuesit e portaleve dhe gazetarët e tyre.
“Irritimi më i madh nuk është me gazetarët e terrenit, irritimi më i madh nuk është me ju, irritimi më i madh është me drejtuesit e portaleve të cilët nuk kanë gazetarë, nuk kanë pasur dhe nuk kanë. Janë gazetarë të cilët bëjnë komente dhe analiza duke mos ditur shumë për atë që flasin”, tha zv.kryeministri, ndërsa tregoi edhe arsyen se përse nuk ka dalë emisione televizive.
“Me thënë të drejtën nuk ia vlen, unë nuk kam dalë deri tani të flas për shumë arsye dhe njëra prej tyre është se kam qenë në punë, kam fjetur në makinë në Thumanë, me orë të tëra kemi ndejtur atje derisa u nxorr viktima e fundit, pastaj shkova në Bubq.
Nuk kam dalë në media sepse së pari duhet të jem unë plotësisht i informuar dhe duhet të jenë dhe të tjerët të mirëiformuar se nuk ia vlen të debatosh me dikë që nuk është i informuar”, u shpreh Braçe./ CNA.al
Lajme të Rekomanduara:
Lleshaj tha se është i sigurtë/ Publikohen fotot e pallatit të shkatërruar në Lezhë
Zëdhënësja e Partisë Demokratike, Ina Zhupa ka publikuar disa foto nga pallati në Lezhë për të cilin ministri i Brendshëm, Sandër Lleshaj, u përplas dhe...
Bojaxhiu i 99-shave!
Dy ditët e fundit në rrjet ka qarkulluar një video, ku bojaxhiu i 99-shave, ai që pretendon se është kryebashkiaku i Tiranës, që merr urdhër...
