Connect with Us

Pse Rusia nuk ka interes për zgjidhjen përfundimtare të konfliktit Kosovë-Serbi

Bota

Pse Rusia nuk ka interes për zgjidhjen përfundimtare të konfliktit Kosovë-Serbi

Publikuar

-

Nga Maxim Samorukov “Carnegie.ru”

Serbia është përfshirë ndër dekada në një konflikt me Kosovën, provincën e saj të
shkëputur, që shpalli pavarësinë në 2008, pas përleshjeve të dhunshme etnike dhe ndërhyrjes ndërkombëtare në fund të viteve 1990.

Vitin e kaluar, një përpjekje e re diplomatike u ndëmorr nga këshilltari i atëhershëm i sigurisë kombëtare në SHBA, Xhon Bolton, që tha se administrata e presidentit amerikan Donald Trump, ishte gati të shqyrtonte ndryshimet në kufirin Serbi-Kosovë si pjesë e një zgjidhjeje.
Qeveria serbe e mirëpriti këtë ide, duke ngjallur shpresën se ishte potencialisht e mundur një zgjidhje e negociuar për konfliktin në Ballkan. Gjithsesi çdo lloj zgjidhjeje përfundimtare, do të jetë sërish e vështirë.

Shumë udhëheqës në Kosovë, nuk janë entuziastë për korrigjimin e propozuar të kufijve, që do të përfshinte një shkëmbim të zonave në veri të Kosovës të populluara kryesisht nga serbët etnikë, me disa komuna serbe në jug, të dominuara kryesisht nga shqiptarët etnikë.
Gjermania dhe anëtarët e tjerë të Bashkimit Evropian, e kanë kundërshtuar me forcë këtë ide, duke argumentuar se rishikimi i kufijve mund të rihapë “Kutinë e Pandorës”, me një efekt domino të paparashikueshëm.

Ndërkohë, është gjithnjë e më shumë e qartë se Rusia, që ka ruajtur prej kohësh një ndikim të madh në rajon, të mos dëshirojë zgjidhjen e këtij konflikti.
Për sa kohë që Serbia nuk e njeh zyrtarisht pavarësinë e Kosovës, ajo detyrohet të mbështetet në fuqinë e vetos ruse në Këshillin e Sigurimit të OKB, për të parandaluar njohjen e plotë ndërkombëtare të asaj që e konsideron ende si një provincë të shkëputur në mënyrë të njëanshme.

Kjo varësi i jep Moskës një ndikim të madh, si në rajon, ashtu edhe brenda vetë Serbisë. Dhe Kremlini druhet se përfundimi i konfliktit Serbi-Kosovës, do të zvogëlojë ndikimin e tij në Serbi, dhe do të minojë rëndë ndikimin e vet në Ballkan. Dhe Rusia është e mirë-pozicionuar në pengimin e procesit të zgjidhjes së këtij konflikti.
Presidenti rus, Vladimir Putin, gëzon një popullaritet të madh në pjesën më të madhe të shoqërisë serbe, dhe institucionet ruse politike dhe të sigurisë, kanë lidhje të ngushta me homologët e tyre në Serbi, që janë të prirur të kundërshtojnë me forcë çdo lloj kompromisi me Kosovën.
Sipas të gjitha gjasave, Moska shpreson ta përdorë ndikimin e saj mbi çështjen e Kosovës si një levë në marrëdhëniet e saj problematike me Perëndimin. Lufta e Kosovës, luajti një rol kryesor në forcimin e lidhjeve të ngushta aktuale midis Rusisë dhe Serbisë.

Kremlini, reagoi ashpër ndaj fushatës së bombardimeve të NATO-s kundër Serbisë. Ai shprehu ndërkohë mbështetje për Sllobodan Millosheviçin. Që të dyja vendet, e ringjallën narrativën shekullore të vëllazërimit sllav. Dhe kur Kosova shpalli pavarësinë në vitin 2008, Moska ndërhyri për të minimizuar pasojat për Serbinë.

Diplomatët rusë, e shfrytëzuan autoritetin e tyre në Këshillin e Sigurimit të OKB, për të parandaluar njohjen e plotë të Kosovës. Serbia e shpërbleu Kremlinin me qasje dhe përfitime ekonomike dhe politike. Kompania “Gazprom Neft”, mori nën kontroll 51 përqind të monopolit të naftës dhe gazit në Serbi.
Për më tepër, të irrituar nga elitat e tyre qeverisëse, shumë serbë e shohin Rusinë si një mbrojtëse më të besueshme të interesave kombëtare serbe. Ndaj, çdo udhëheqës serb që do të bënte lëshime domethënëse mbi çështjen e Kosovës, shqetësohet me të drejtë, për humbjen e mundshme të mbështetjes popullore.

LEXO EDHE:  Kryetari i LDE Galdini takohet ne Prishtine me kreret e LDK dhe NISMA

Nëse Moska do të denonconte lëshime të tilla, kjo do të shkaktonte protesta të mëdha publike. Qeveria e Vuçiçit ka ngecur në një kurth që e ka krijuar vetë:Ajo nuk ka luksin që shfaqet si më pak e përkushtuar për Kosovën, sesa Rusia. Nga ana tjetër, kjo do të thotë që Kremlini mund të vendosë veton ndaj çdo zgjidhjeje të konfliktit, me të cilën ai nuk është dakord.
Në sytë e Kremlinit, Rusia ka shumë pak për të fituar dhe potencialisht gjithçka për të humbur, nëse zgjidhet konflikti Serbi-Kosovë. Njohja e plotë e Kosovës, do t’i jepte fund varësisë së Serbisë nga mbështetja e vazhdueshme ndërkombëtare e Rusisë.

Nëse nuk kufizohet më nga çështja e Kosovës, Serbia mund të përshpejtojë anëtarësimin e saj në BE, dhe të thellojë bashkëpunimin me NATO-n. Moska i akuzon shqiptarët e Kosovës për një seri veprimesh, që aspirojnë bashkimin me Shqipërinë, dhe të krijojnë të ashtuquajturën Shqipëri të Madhe.
Kjo është mënyra sesi Rusia e ushqen popullaritetin e saj tek publikun serb, ndërsa e detyron udhëheqjen serbe të ketë një qasje të ashpër. Por Vuçiç dëshiron shumë që vendi i tij të anëtarësohet në BE, edhe nëse kjo nënkupton lëshime të mëdha për Kosovën.

Lidhjet e Moskës me Kishën Ortodokse Serbe, mund të jenë gjithashtu të jenë rëndësishme, gjatë bisedimeve për zgjidhjen përfundimtare të mosmarrëveshjeve Serbi-Kosovë. Në nëntorin e vitit 2018, Asambleja e Shenjtë e Peshkopëve të Kishës Serbe, përsëriti kundërshtimin e saj të palëkundur ndaj çdo lëshimi mbi statusin e Kosovës.
Edhe Kisha Ortodokse Ruse, gëzon një autoritet të veçantë në Serbi. Gjatë bombardimeve të NATO-s në vitin 1999, patriarku i atëhershëm i Moskës Aleksei II shkoi në Beograd për të mbështetur serbët, ashtu siç bën sot patriarku Kiril.

Vuçiç dhe administrata e tij, janë të shqetësuar që falë popullaritetit të madh të Rusisë në mesin e elitave serbe por edhe publikut në përgjithësi, nuk e kontrollojnë më patriotizmin serb si një mjet politik për të drejtuar shoqërinë. Në këto kushte, Vuçi vazhdon të aplikojë një politikë të jashtme kryesisht pro-perëndimore, edhe pse huazon shpesh taktikat nga “manuali i lojërave” të regjimeve joliberalë si qeveria e kryeministrit Viktor Orban në Hungari.

Qeveria e Vuçiç i përdor gjestet pro-ruse, për të zbehur hendekun midis parullave të saj nacionaliste, dhe veprimeve në skenën botërore. Vuçiç thuhet se po përpiqet ta bindë Kremlinin
me idenë, se një zgjidhje e konfliktit me Kosovën, mund të lehtësojë një afrim të ri Rusi-SHBA. Gjithsesi, nuk ka ndonjë shenjë se Rusia e beson realisht këtë gjë. Përkundrazi, Kremlini pret që Perëndimi të dalë me një ofertë më konkrete mbi çështjen e Kosovës, që do të përfshijë edhe aspekte të tjera të politikës së jashtme./Përshtatur nga CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Ish-kryeministri konservator i Mbretërisë së Bashkuar kundër “rrymës”/ Nxit votuesit të refuzojnë Brexit

Publikuar

-

Nga

Ish-kryeministri konservator i Mbretërisë së Bashkuar John Major i ka kërkuar votuesve të votojnë për deputetët që nuk e mbështesin Brexit.
John Major mbajti një fjalim të premten gjatë një tubimi të zhvilluar në mbështetje të një referendumi për fundin e Brexit.

Ai nuk i tha në mënyrë të qartë elektoratit që të votonte kundër Partisë Konservatore, por 76-vjeçari filloi fjalimin e tij duke kritikuar Brexit me shprehjen “është jodemokratik”.

“Kur kombi votoi Brexit-in, ata e bënë këtë nga trillime dhe premtime të palejueshme. Ndërsa faktet bëhen të njohura, është e jashtëzakonshme që një votim i ri të refuzohet. E jashtëzakonshme, dhe sinqerisht, jodemokratike”, tha ai.

Major, i cili është një nga figurat më të njohura të Partisë Konservatore, u shpreh se Brexit është “vendimi më i keq i politikës së jashtme në jetën time”.
Ai shtoi: “Do të ndikojë pothuajse në çdo aspekt të jetës sonë për shumë dekada që vijnë. Dhe do ta bëjë vendin tonë më të varfër dhe më të dobët. Do të dëmtojë shumicën e atyre që kanë më pak.”

LEXO EDHE:  Kryetari i LDE Galdini takohet ne Prishtine me kreret e LDK dhe NISMA

LEXO EDHE:  SHBA nis lëvizjet/ Palmer urdhër të prerë për bisedimet Kosovë-Serbi

Major u shpreh, më tej, se Tori – David Gauke, Dominic Grieve dhe Anne Milton – do të marrin votën e tij në zgjedhje.

Të tre politikanët po kandidojnë si kandidatë të pavarur në votimin e parakohshëm, pasi votuan kundër qeverisë së Boris Johnson, në shtator.

Ai, gjithashtu, shprehu mbështetje për ish zv / kryeministrin, Michael Heseltine, pasi tha se do të votonte për Liberal Demokratët.

Por, pasi prezantoi ish kryeministrin Toni Bler, si folësin tjetër, Majori vuri në dukje se politika shpesh “hedh disa aleanca të çuditshme”.

“Brexit nuk është një gabim, unë do të dëshiroja të ishte. Është një katastrofë. Një fatkeqësi që vendi ynë nuk mund ta përballojë”, u përgjigj Bler./CNA.al

LEXO TE PLOTE

Bota

Macron sfidon presionin e BE ndaj Francës për negociatat me Shqipërinë dhe Maqedoninë e Veriut

Publikuar

-

Nga

Presidenti francez, Emannuel Macron, përsëriti në Londër qëndrimin se Maqedonia e Veriut dhe Shqipëria nuk janë gati për nisjen e negociatave me BE, duke e sfiduar strategjinë e presionit publik evropian ndaj tij.

Sikurse raporton media gjermane DW presidenti Macron dërgoi javën që po përfundon disa mesazhe në drejtim të Shqipërisë. Fillimisht, me një mesazh në shqip në rrjetin e twitterit ai njoftoi dërgimin e ekipit francez për rastet e katastrofave natyrore në Shqipëri. Pas kësaj, ai ofroi në një konferencë shtypi edhe që të organizojë një konferencë donatorësh për të ndihmuar Shqipërinë pas tërmetit.

Në Watford pranë Londrës, Macroni përsëriti njëkohësisht se nuk pranon që Shqipëria të ndahet nga Maqedonia e Veriut për nisjen e negociatave. Kjo në thelb është në favor të Shqipërisë, pasi dihet që Shqipëria ka më shumë kritikë në BE se Maqedonia e Veriut. Mosndarja e dy shteteve për nisjen e negociatave me BE është edhe qëndrimi i Gjermanisë. Me këto qëndrime Macroni sinjalizoi se nuk ka ndonjë antipati personale ndaj Shqipërisë.

Por të tërheq vëmendjen rrethana se në Londër ai e përsëriti jo-në e tij për hapjen e negociatave të BE me Shqipërinë dhe Maqedoninë e Veriut. Sipas burimeve të DW në Londër, Macroni tha fjalë për fjalë: “Unë e them shprehimisht se procedurat e anëtarësimit dua t’i reformoj përpara çdo negociate të ardhshme.”

Po në Londër Macroni tha se do të jetë edhe kundër çdo zgjerimi: “Që nuk shoqërohet me një reformë të thellë të mënyrës si funksionon BE”.

Pra, të paktën për momentin, po të nisemi nga fjalët e tij, Macroni jo vetëm nuk është larguar nga bllokimi i nisjes së negociatave. Por shkon edhe më tej, paralajmëron se nuk do të pranojë as zgjerim pa reformim më parë të BE. Nga kjo do të prekeshin aktualisht shtete kandidate që kanë avancuar më shumë në negociatat me BE: Serbia dhe Mali i Zi. Një sinjal i Macronit se për të reforma e BE ka vërtet rëndësi dhe se këtu ai nuk bën dallim midis shteteve?

LEXO EDHE:  25 milionë euro u keqplanifikuan nga institucionet e Kosovës

LEXO EDHE:  Mbante dele në Shtëpinë e Bardhë/ Çfarë nuk dini mbi presidentin amerikan Udrou Uillson

Njëkohësisht, Macroni nuk lë dyshim se i dëshiron shtetet e Ballkanit të lidhura ngushtë me BE. Por siç tha në Londër me këtë ai kupton “edhe një fazë partneriteti strategjik dhe investimesh më të mëdha.”  Pra Presidenti francez përsëriti atë që thotë dokumenti i punës i shpërndarë nga francezët në BE: ai kërkon një fazë më të ngadaltë afrimi të shteteve kandidate me BE, para anëtarësimit.

Në thelb do t’i ngjante një mrekullie që Macroni ta tërhiqte kaq shpejt bllokimin për nisjen e negociatave me shtetet ballkanike.  Ai nuk është tërhequr as nga deklarata se NATO-ja është në gjendje vdekjeje klinike. Përkundrazi, në Londër Presidenti francez tha se është i kënaqur që fjalët e tij kanë nxitur një debat.

Nevoja e Macronit për ta përsëritur publikisht bllokadën franceze për nisjen e negociatave me dy shtete të vogla ballkanike është një sfidim i ri i vullnetit mbizotërues në BE, pro hapjes së negociatave me Shqipërinë dhe Maqedoninë e Veriut. Kjo megjithëse shtetet që duan nisjen e negociatave të BE me Shqipërinë duket se po ndjekin një strategji të presionit publik mbi Francën. Franca përmendet vazhdimisht si bllokuese…

LEXO TE PLOTE

Kosova & Rajoni

Presidenti i Kosovës kritika BE-së/ Thaçi: Bllokon bashkëpunuesit, shpërblen shantazhuesit

Publikuar

-

Nga

Presidenti i Kosovës, Hashim Thaçi, kritikoi të premten Bashkimin Evropian për standarde të dyfishta duke vënë theksin tek qasja ndaj Serbisë e cila anon nga Moska dhe mohon krimet e luftës në Kosovë.

Sikurse raporton korespondenti i radios amerikane VOA, Thaçi i bëri këto komente në një konferencë të organizuar nga Instituti “Lindje-Perëndim” në Berlin, duke folur për procesin e bisedimeve ndërmjet Kosovës dhe Serbisë.

Ndërkohë nga një njoftim i zyrës së tij, presidenti Thaçi citohet të ketë thënë se: “pikërisht kur po mbahej samiti i NATO-s në Londër, Presidenti i Serbisë udhëtoi për në Rusi. Ky është mesazh për orientimin e Serbisë. Po ashtu, gjatë ditës së djeshme kemi dëgjuar deklarata nga liderët serbë, duke i mohuar krimet dhe gjenocidin në Kosovë”, tha ai.

Marrëdhëniet e Kosovës me Serbinë, tha presidenti Thaçi, nuk ndikojnë vetëm në rrafshin dypalësh por edhe në qëndrueshmërinë e rajonit dhe Bashkimit Evropian, duke theksuar se Kosova duhet të marrë liberalizimin e vizave sa më shpejt të jetë e mundur dhe hapja e negociatave me Maqedoninë e Veriut dhe Shqipërinë duhet të bëhet në të ardhmen e afërt.

“Bllokimi i negociatave ishte mesazh i keq për gjithë Ballkanin Perëndimor”, tha presidenti Thaçi, i cili ka adresuar kritika ndaj BE-së duke e fajësuar për standarde të dyfishta.

LEXO EDHE:  Çfarë do të thotë “kompromis” në dialogun Serbi-Kosovë?

LEXO EDHE:  Video/ Njihuni me 34-vjeçarin e verbër shqiptar që krijon aplikacione

“Derisa Kosova bllokohet në liberalizim dhe Maqedonia me Shqipërinë bllokohen në hapjen e negociata, Serbisë i premtohet hapje e kapitujve të rinj. Shohim pra që ata që shpërblehen janë ata që shantazhojnë BE-në me raportin me Rusinë”, tha ai.

Sipas presidentit Thaçi, kur kanë nisur bisedimet Kosovë – Serbi në vitin 2012, një nga rregullat e pashkruara ka qenë që s’do ta kushtëzohet procesi, ndërsa tash tarifat (ndaj mallrave serbe) po përdoren për ta kushtëzuar dialogun. Arsye kjo e mjaftueshme që bisedimet dhe marrëveshja përfundimtare Kosovë – Serbi, nuk ka për të patur alternativë për qëndrueshmërinë e Ballkanit.

Deklarata e Thaçit vijnë ndërsa gjashtë vendet e Ballkanit Perëndimor synojnë anëtarësimin në Bashkimin Evropian. Por ndërsa Serbia dhe Mali i Zi kanë hapur negociatat për anëtarësim, pritjet e Shqipërisë dhe Maqedonisë së Veriut për hapjen e tyre në tetor, u bllokuan nga disa vende anëtare ku rolin kryesor e luajti Franca.

LEXO TE PLOTE