Connect with Us

Zjarrfikësi që kërkon nën rrënoja kushërinjtë e tij: Janë në dorë të Zotit

Sociale

Zjarrfikësi që kërkon nën rrënoja kushërinjtë e tij: Janë në dorë të Zotit

Publikuar

-

Arben Cara, Zjarrfikes

Arben Cara, është një nga efektivët e repartit zjarrfikës i cili që prej orës 5 të mëngjesit të së martës, është pozicionuar në Thumanë për të shpëtuar jetë njerëzish që ndodhen nën rrënoja pas tërmetit të fortë.

Në emisionin Opinion, ai tregoi si po ecin kërkimet në pallatin e shembur në Thumanë, ndërsa ajo që e rëndon operacionin është fakti se nën rrënoja janë kushërinj të tij, me mbiemrin Cara.

Nga operacioni i kërkim-shpëtimit që ne po zhvillojmë, ata që janë aty janë në dorë të Zotit, kemi gjithë ditën që po punojmë. Është e çuditshme që njëra anë e pallatit nuk është shembur. Kjo e ka bërë shumë të rrezikshme punën e shpëtimit, aktualisht jemi në finishin e kërkimit të 4 trupave të familjes Cara dhe një fëmije tjetër që pretendohet të jetë nën gërmadha”, tha drejtuesi i një prej ekipeve zjarrfikëse.

***

Blendi Fevziu: Zoti Cara prej sa kohe qëndroni në operacionin e kërkimit?

Arben Cara: Unë ndodhem që dje që në pesë të mëngjesit.

Blendi Fevziu: Akeni lidhje farefisnore me familjen Cara?

Arben Cara: Po, kemi! Të shtatë pjesëtarët që kanë humbur janë kushërinjtë e mi.

Blendi Fevziu: Keni shpresë të jenë gjallë?

Arben Cara: Janë në dorë të zotit, është pothuajse e pamundur me aq sa ne po shikojmë me sy. Kemi gjithë ditën që punojmë te pallati që është shembur nga tria anët e tij. Është e çuditshme që njëra anë e pallatit nuk është shembur dhe ka mbajtur të gjithë peshën e paneleve të betonit dhe na e ka bërë të rrezikshme punën e kërkim shpëtimit deri kur arritëm ti shkëputnim një e nga një dhe aktualisht jemi pothuajse në finishin e kërkimit e nxjerrjes së katër trupave të familjes Cara dhe një fëmije tjetër që pretendohet që mund të jetë në gërmadha.

Blendi Fevziu: A dihet saktësisht se sa persona janë nën gërmadha?

LEXO EDHE:  Nga Blendi Fevziu/Çfarë do ndodhë më tej?

Arben Cara: Saktësisht di vetëm për katër pjesëtarë të familjes Cara që janë në gërmadha. Për fëmijën nuk jemi të sigurt pasi nuk kemi një informacion të saktë nga banorët, po kërkojmë në pallatin ngjitur pasi jemi dy grupe shpëtimi në dy pallate ngjitur me njëra-tjetrën, po kërkojmë dhe për dy trupa të tjerë të cilët akoma nuk janë lokalizuar.

Blendi Fevziu: Zoti Cara, ju thatë se keni që nga ora pesë të mëngjesit e ditës së djeshme, janë vetëm e kërkimit shqiptarë apo keni dhe grupet e kërkimit ndërkombëtar që ju ndihmojnë?

Arben Cara: Nuk jemi vetëm ne. Ne jemi 60 zjarrfikës nga disa bashkitë e vendit si Shkodra, Malësia e Madhe, Klosi, Burreli etj, kemi kërkues shpëtimi nga Greqia, Italia dhe Serbia që na kanë ndihmuar shumë me pajisjet e tyre më të sofistikuara.

Blendi Fevziu: Keni që prej orës pesë të mëngjesit pa pushim?

Arben Cara: Qëndrojmë që në orën 5 të mëngjesit pa pushim. Unë si drejtues operacioni më është dashur të jem më në qendër të operacionit për shkak të specifikave që ai ka, pasi ne vërtet jemi përballë një tragjedie, kemi humbur shumë jetë njerëzish ndoshta dhe të afërmit tanë,por jemi të predispozuar që këta njerëz që punojnë në kërkim shpëtim të mos i lëndojmë. Ka ndodhur çfarë ka ndodhur dhe ne nuk e zhbëjmë dot.

Blendi Fevziu: Mendohet se ka, jo vetëm në atë pallat, dhe në zonë persona të tjerë të humbur?

Arben Cara: Siç e thash dhe më parë grupi i kërkim shpëtimit nga Greqia me qenin e tyre kanë lokalizuar dhe dy persona të tjerë te pallati ngjitur.

Blendi Fevziu: I bie që të jenë dhe 6 persona të tjerë në rrënoja në Thuman?

Arben Cara: Nga informacionet që kemi, po./ Opinion

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

“Ligji i ri i migracionit një hapje e madhe e Gjermanisë”/ Ndryshimet dhe procedura e aplikimit

Publikuar

-

Nga

Këshilltari i emigracionit nga organizata “Plan B” në Esen, Blerian Kushta – shpjegon ndryshimet që do të sjellë ligji i ri i migracionit dhe procedurën për aplikim nga 1 marsi 2020 për viza pune.

DW: Për çfarë shërbimesh drejtohen klientët tek ju për këshillim?

Blerian Kushta: Tek ne drejtohen kryesisht persona nga Ballkani Perëndimor me synimin e gjetjes së punës në Gjermani dhe integrimin në këtë sektor. Por edhe gjetja e shkollës profesionale është një temë, e cila viteve të fundit ka marrë një hov të madh. Gjetja e punës, gjetja e kurseve të gjuhës dhe njohja e diplomave janë pikat kryesore, me të cilat klientët vijnë këtu dhe që për ne janë shumë nxitëse dhe sfiduese.

Çfarë do sjellë ligji i ri i migracionit që do të hyjë në fuqi nga 1 mars i këtij viti në Gjermani?

Në Gjermani momentalisht kemi 10.000 vende pune të pa zëna në sektorin e mjekësisë, veçanërisht përkujdesjen ndaj të moshuarve – infermeriesë. Gjermania ka mungesa të theksuara personeli, prandaj edhe koalicioni qeverisës pati i idenë për ligjin e migrimit me qëllim plotësimin e këtyre vende pune vakante pune. Këtu bëjnë pjesë disa sektorë, në radhë të parë mjekësia, ndërtimtimi që pasohet nga gastronomia dhe pjesë të tjera, ku mungojnë prurjet. Ligji i ri hyn në fuqi në datën 1 mars të këtij viti dhe parashikon një emigracion të krahut profesional të punës nga shumë vende të botës, përfshirë këtu edhe vendet e zhvilluara. Në ato profesione ku Gjermania ka nevojë akute për prurje të reja të nxisë migracionin e personave të kualifikiuar. Ky ligj u drejtohet në mënyrë të veçantë atyre që kanë përfunduar studimet e larta dhe janë  të diplomuar ose kanë shkollë profesionale prej më së paku dy vjet.

Me futjen në fuqi të ligjit të ri për migracionin, a do të zvogëlohen problemet që migrantët hasin gjatë emigrimit?

Ne kemi problemin që si ambasadat në rajon e edhe në Shqipëri, si zyra për migracion e qytetit nga personi është nisur, kanë kapacitete shumë të kufizuara dhe është pikërisht çështja e informacioneve të mëtejshme që mungojnë. Mund ta imagjinojmë kështu, në zyrë të emigracionit çdo punonjës që i mbikqyr të ardhurit, ka 15 deri në 20 minuta kohë për çdo person, dhe aty nuk bëhet fjalë për çështje të mëtejshme, por thjesht vetëm për nxerrjen e lejes së qëndrimit. Aty lind gjithmonë nevoja për informacione shtesë, për të cilat zyrat publike nuk kanë mundësi t’ua japin personave aplikues.  Në këtë rast vjen në funksion organizata që unë përfaqësoj Plan B që ka shumë partnerë të tjerë dhe organizata me të cilat bashkëpunojmë dhe ku drejtohen njerëzit për këshillime.

Ka shumë ankesa për pritjet e gjata në ambasadat pëkatëse në Kosovë dhe Shqipëri, a merren parasysh pritjet e gjata në procesin e vizës në ligjin e ri?

Koha e pritjes duhet shkurtuar patjetër dhe ka projekte të qeverisë gjermane që me hyrjen në fuqi të ligjit të ri, të shtohen në mënyrë të jashtëzakoshme edhe kapacitet e ambasadave atje për të garantuar që gjithë këto lehtësi ligjore në Gjermani vërtetë të vihen në zbatim dhe apilkuesit të mos hasin në pritje të gjata për vizën përkatëse.

Cilat do të jenë hapat ligjorë, sipas ligjit të ri, që një i interesuar nga rajoni duhet të ndjekë për të siguruar vendin e punës në Gjermani?

Nëse e marrim një shembull të një infermieri apo infermiereje nga Shqipëria, sektor ku ka interes në Gjermani: Ai ose ajo ka mbaruar shkollë të lartë atje dhe në rastin më të mirë të ka edhe përvojë pune, atëherë paraqitet fillimisht kërkesa në ambasadë dhe në të njetjën kohë dërgohen edhe dokumentat në Gjermani për aplikimin për njohjen e diplomës. Në landin e Renanisë Veriore – Vestfalisë (NRW), është Këlni, qyteti ku do të shqyrtohet procedimi i këtyre rasteve. Pas dërgimit të dokumenteve pritet përgjigjja, që mund të zgjasi deri në katër muaj. Nëse diploma e marrë nga Shqipëria ose vendet e rajonit, njihet një për një me atë të Gjermanisë, lajmi pozitiv i shkon ambasadës dhe në këtë rast ambasada fton aplikuesin për të marrë vizën. Më pas personi vjen këtu dhe gjen punë. Ka dy mënyra ose personi e ka të gjetur punëdhënësin dhe vjen këtu me informacionin që do të shkojë tek një kompani e caktuar ose një person që është i kualifikuar vjen për të kërkuar punë në Gjermani. Në të dy rastet njohja e diplomës në sektorët ku profesioni është i mbrojtur me ligj është një kusht parësor i ligjit të ri të migracionit. Pra nëse nuk njihet diploma, personi e ka thuajse të pamundur që të marrë vizë.

A do të mundësojë ligji i ri gjetjen e punës brenda gjashtë muajsh këtu në Gjermani?

Është një hapje e madhe në aspektin e ligjit të qëndrimit, gjë që ka qenë përpara pothuajse e pamundur. Këtu bëhet fjalë për persona që janë të kualifkuar, që nuk kanë një ofertë apo kontratë pune. Si kusht është njohja e gjermanishtes në nivelin B1, shkallë mesatare e gjuhës dhe sigurimi i jetesës nga vetë personi. Pra me ligjin e ri një person që është i kualifikuar, ka nivelin B1 të gjermanishtes dhe ka mjetet e mjaftueshme financiare mund të vijë në Gjermani për gjashtë muaj për të kërkuar punë. Në rast se ai gjen punë mund të merret menjëherë e drejta e punës këtu në Gjermani dhe nuk është e nevojshme që personi të rikthehet në venddlindje përsëri për të ardhur këtu me vizë pune.

LEXO EDHE:  Nga Armir Shkurti/ Po pordhë, sa ka Prokurori i Përgjithshëm i Përkohshëm?

LEXO EDHE:  Thirrja e fortë e Jozefina Topallit/Ju që fshihni listat e anëtarësisë, mos përbuzni demokratët!

Si do të organizohet puna e institucionale në Këln për dhënien e së drejtës për punë pas njohjes së diplomës atyre që do të aplikojnë për këtë?

Në landin e NRW është caktuar zyra e migracionit në Këln si pikë e centralizuar për të marrë përsipër shqyrtimin e të gjitha kërkesave për vizë. Në rastin kur duhet të vendoset fillimi i punës, çështjen e trajton agjencia e punës, e cila vendos nëse i jepet apo jo e drejta aplikuesit për të filluar punën. Këlni është përgjegjës edhe për njohjen e diplomave. Këtu bëhet fjalë për një strukturë që mund të ketë deri në 200 – 250 të punonjës, për t’i bërë ballë kërkesës së madhe që do ketë nga marsi e më tej.

Çfarë shqetësimesh apo kërkesash ngrenë kryesisht migrantët gjatë procesit të marrjes së lejes së qëndrimit tek qendra, që ju përfaqësoni?

Atë që ne perceptojmë është një pakënaqësi jo e vogël tek personat që emigrojnë në Gjermani për arsye pune. Nisur nga fakti që shumë persona, sidomos në sektorin e ndërtimit, lidhen me ndërmarrje shqipfolse ku në disa raste ka edhe shfrytëzim të krahut të punës. Aty ka shumë pakënaqësi dhe ne mundohemi që të respektohet kodi i punës, i cili është një sektor shumë i madh dhe kërkon shumë impenjim, që t’i informojmë këta persona për të drejtat që kanë. Në rastin kur një person vjen këtu me një kontratë të caktuar pune për një punëdhënës të caktuar, ai megjithatë ka të drejtë të paraqesë kërkesë në zyrën  e migracionit dhe të fillojë një procedurë të re për një punë tjetër. Nuk është kusht që personi të qëndroj në një punë, nëse është i pakënaqur me të.

Pra nuk ka kushtëzim të punosh për një ndërmarrje të caktuar për të mundësuar ardhjen në Gjermani?

Është e rëndësishme që në vizën që i jepet personit të shkruhet  edhe emri i punëdhënësit, por me aplikimin për një punë të re, nëse plotësohen kushtet, atëherë mund të ndryshohet punëdhënësi (kjo shënohet në lejen e qendrimit) dhe mund të fillohet puna e re. Ky është hap shumë pozitiv për persona, që përballen ndonjëherë me kushte thuajse si skllavëri punësimi. Ky proces i ndryshimit të titullit të vendit të punës dhe sipërmarrësit mund të zgjasë deri në 1 apo 2 muaj.

Pse pritet konkretisht në landin e NRW një rritje e madhe e kërkesave për leje pune nga vendet e Ballkanit?

Rritja pritet, sepse në këtë land të Gjermanisë, vetëm qytetarë nga Kosova, nënshtetas me pasaporta të Kosovës, janë rreth 90.000, por shumë të tjerë që kanë pasaporta gjermane nuk figurojnë në këto statistika. Duke u pasuar nga 15.000 nënshtetas shqiptarë dhe rreth 25.000 nga Maqedonia e Veriut. Pra për këtë arsye pritet që edhe në bazë të lidhjeve familjare dhe numrit të migrantëve që duan të vijnë në këtë land të jetë masive kërkesa për viza./ DW

LEXO TE PLOTE

Sociale

Manastirliu në laboratorin e ISHP/ Forcojmë kapacitetet, realizohet analiza e plotë për koronavirusin e ri

Publikuar

-

Nga

Ministrja e Shëndetësisë dhe Mbrojtjes Sociale Ogerta Manastirliu ka inspektuar sot Laboratorin e Virologjisë në Institutin e Shëndetit Publik, ku po kryhet nga sot diagnoza e plotë konfirmuese për koronavirusin COVID-19.

Manastirliu u shpreh se realizimi i identifikimit dhe zbulimit të Koronavirusit COVID-19 në laboratorin e ISHP, vjen në kuadër të përforcimit dhe rritjes së kapaciteteve për zbulueshmërinë e koronavirusit të ri.
“Jemi sot një hap përpara për forcimin e kapaciteteve tona për identifikimin dhe zbulueshmërinë e koronavirusit të ri, pasi, pas kryerjes së koronaviruseve, edhe analiza e konfirmuar kryhet në laboratorin e ISHP, i njohur nga Organizata Botërore e Shëndetësisë”, deklaroi Manastirliu.

Forcimi i kapaciteteve të sistemit shëndetësor shqiptar u konfirmua edhe nga Indeksi Global i Sigurisë Shëndetësore, i publikuar nga The Economist.

“Shqipëria renditet në vendin e 39 për sigurinë shëndetësore, ndër 195 vende të vlerësuara, për përgjigjen e sistemeve shëndetësore për trajtimin e pacientëve, për  zbulimin dhe reagimin e shpejtë ndaj epidemive, etj”, tha Manastirliu.

LEXO EDHE:  Gjata: Rama e kishte të lehtë ta gjente një prokuror që të mos e arrestonte Tahirin

LEXO EDHE:  Thirrja e fortë e Jozefina Topallit/Ju që fshihni listat e anëtarësisë, mos përbuzni demokratët!

Teksa rikonfirmoi se në vendin tonë nuk ka asnjë rast me koronavirus, Manastirliu u shpreh janë gati planet e reagimit sipas shkallës së rrezikshmërisë. Ministria e Shëndetësisë dhe Mbrojtjes Sociale ka vënë në zbatim një plan parapërgatitjeje të masave ndaj koronavirusit sipas rekomandimeve të OBSH.Janë trajnuar 475 punonjës të sistemit shëndetësor dhe vijon trajnimi kaskadë. Nga ekipet e urgjencës kombëtare, epidemiologët në të gjithë vendin për forcimin e survejancës ALERT, menaxhimin e transportit të një rasti suspect me koronavirus të ri si dhe është saktësuar procedura se si veprohet me ndjekjen e kontakteve.

Shqipëria ka ndërmarrë masa të cilat u mbështetën edhe nga Zyra e Organizatës Botërore të Shëndetësisë.

LEXO TE PLOTE

Sociale

14 naftëtarë në grevë urie për 27 paga të mohuara/ Protesta që i ç’jerr maskën klasës politike

Publikuar

-

Nga

Konfederata e Sindikatave të Shqipërisë ka reaguar sërish në lidhje me grevën e urisë të naftëtarëve në Fier.

Në një deklaratë për mediat, KSSH shpreher se 14 naftëtarë janë futur në grevë urie, jo për makinën e blinduar të Ramës, as për qeveri teknike, por 27 paga të mohuara.

KSSH hedh akuza ndaj mazhorancës dhe opozitës, ndërsa thekson se kjo protestë i çjerr fasadën kësaj klase politike së cilës sa herë i jepet mundësia tregon eunukërinë përballë biznesit dhe dhëmbët përballë punëtorit të thjeshtë.

“Prej 3 ditësh 14 naftëtarë të nënstacionit Poçemit pjesë e uzinës së Ballshit kanë hyrë në grevë urie si masë ekstreme e moszgjidhjes së problemit të tyre.
Halli i tyre nuk makina e blinduar e Ramës, as kërkesa e opozitës për qeveri teknikë sa herë ka zgjedhje, por shqetësimi i tyre janë pagat e 27 muajve që biznesmenët oligarkë që fshihen pas lloj- lloj emrash kompanish of shore nuk u’a japin.

Besnik Sulaj është biznesmeni që duhet të japë llogari përpara naftëtarëve dhe përpara shtetit për këtë ngërç dhe abuzim me djersën e këtyre burrave.
Kjo protestë i çjerr fasadën kësaj klase politike së cilës sa herë i jepet mundësia tregon eunukërinë përballë biznesit dhe dhëmbët përballë punëtorit të thjeshtë.
Është kjo klasë politike që paguan në media për të diskretituar sindikatat, e për ironi të fatit sindikata është e vetmja që po përpiqet ti japë zgjidhje problemit të këtyre naftëtarëve të lënë në mëshirë të fatit që u mohet djersa e tyre.

LEXO EDHE:  Reflektim në ditë festash si këto/ Nga Arian Galdini

LEXO EDHE:  Nga Blendi Fevziu/Çfarë do ndodhë më tej?

Pavarësisht se këta punëtorë janë mashtruar nga pronari për të nënshkruar kontrata kolektive abuzive më një sindikatë që ende është në gjumë dimëror sërish KSSH është pranë tyre pasi për në, e drejta e punëtorëve shqiptar është mision, e më pas profesion.
Mediave u bëj apel të hapin dyert e ekranit për këto naftëtarë pasië ata janë vëllezërit tanë, e nesër shumë prej jush do të jeni në vendin e tyre.

Kjo grevë është një këmbanë alarmi për shkeljen e të drejtave të punëtorëve në Shqipëri.
Këshilli Kombëtar i Punës është inegzistent përballë kësaj panoramë të rëndë në të cilën ndodhet klasa punëtore në Shqipëri.
Klasa politike na nxitur dhe ka mëkuar skllavërimin e punëtorit shqiptar prej 30 vitesh, ndaj sot jemi përballë faktit kur parlamenti po miraton një ligj për të krijuar lehtësira për punëtorët e huaj që të vijnë në Shqipëri.
Ky vendim do ketë pasoja fatale për atdheun dhe Shqipërinë, pasi do vendi ynë do përballet me probleme sociale të theksuara, por për këtë çështje do kemi një reagim zyrtar në ditët në vijim.
Konfederata e Sindikatave të Shqipërisë është pranë naftëtarëve që janë në grevë urie dhe do kenë mbështetjen tonë të pakursyer deri në plotësimin e kërkesave të tyre.”-thuhet në deklaratën e KSSH.

LEXO TE PLOTE