LEXO PA REKLAMA!

SHKARKO APP

Pse na duhet Aurela kryetare “de jure” e PD-së

25 Nëntor 2019, 10:55, Politikë CNA
Pse na duhet Aurela kryetare “de jure” e PD-së

Në dy ditët e fundit përballë përplasjeve politike midis presidentit dhe kryeministrit, kanë dalë edhe disa foto të kreut të Repiblikës së re, Lulzim Basha dhe bashkëshortes së tij Aurela, të cilët udhëtonin me avion në ?Bussiness class?, ku shfaqeshin, dikush duke dëgjuar muzikë në njërin krah dhe bashkëshortja e tij me këmbët përpjetë, duke lexuar një libër në anën tjetër.

Në momentet e para fotoja shkaktoi një zhurmë, por reagimi i zëdhënësit jo zyrtar të PD-së, kunatit të famshëm të Lulit, Erion Isufi, disa kllounave të oborrit apo dhe ndonjë të dënuari për drogë, tentuan që të zbusnin zhurmën që po bëhej në media, duke theksuar se ishte një foto normale, ku dy persona, njëra lexonte dhe tjetri dëgjonte muzikë.

Megjithëse si çift dukeshin si të ndarë dhe zemëruar, por kjo nuk u tha as nga zëdhësi as nga të tjerët. Por, ndërkohë gjithcka ishte një përpjekje për të justifikuar foton. Kur në fakt fotoja nuk kishte asgjë të keqe, pot ë mendosh vetëm detajin që Basha dhe Aurela udhëtonin në ?Bussiness class?.

Ndërkohë, kreu i Republikës së re prej më shumë se 14 vitesh paguhet nga taksat e shqiptarëve dhe demokratëve të varfër. Por udhëton me ?Bussiness class? në Europë, ku distancat nuk janë më shumë se dy orë apo dy orë e 30 minuta.

Luli udhëton me ?Bussiness class? me kuotat që paguajnë anëtarësia e PD-së, me ato pak para të shqiptarëve të varfër, dëgjon muzikë dhe shoqërohet nga bashkëshortja e tij në këto udhëtime të shtrenjta.

Por, gjithësesi përtej kësaj ajo foto na tregoi diçka tjetër. Ajo foto me “traun” përpara Lulit,  tregoi se kush është në krye të PD-së, gjë që në fakt CNA.al e kishte thënë me kohë, por rrallë shkruhet apo dëgjohet në media.

Fotoja na tregon çiftin e kryetarëve të PD-së, kryetarin “de fakto” dhe kryetarin ?de jure?.

Pra, atë që drejton dhe atë që ka vulën.

Në fakt shumë thonë se pas Lulzim Bashës qëndron Aurela. Ajo është një person i fortë. Një femër me ego të madhe, mjaft e përgatitur dhe që lufton, ka ide dhe në politikë, për PD-në është ajo që vendos.

Por, përtej këtyre aludimeve ndoshta ka ardhur koha që të shkohet drejt të vërtetës. Nuk ka pse PD-ja të ketë dy apo më shumë kryetarë. Një kryetar ?de fakto? dhe një kryetar ?de jure? dhe Doktorin që flet vetëm me njërin.

Pra një që qëndron në detyrë dhe mban vulën dhe një tjetër që është nga pas.

Nga pas qëndronte Sali Berisha, por sot duket qartë se pas Lulzim Bashës, qëndron Aurela, e cila ndoshta ka ardhur koha që të bëhet kryetarja ?de jure? e PD-së, kështu shpëto  dhe Doktori.

Nuk ka pse PD-ja të vuajë dhe të mbajë një kryetar që duhet të shkojë dhe të pyesë gruan. Të marrë vendime, pasi t?i japë leje familja. Të bëjë pazare me Edi Ramën për paratë e pallateve të shembura të familjes, të përmbysë dhe të çmontojë PD-në me lista klienteliste dhe korruptive.

Do të ishte më mirë që këtë ta bënte direkt kryetari ?de fakto? i PD-së, bashkëshortja e Lulzim Bashës, Aurela.

Këtë e di mjaft mirë edhe doktor Berisha, e di edhe Mond Spaho, e di edhe Paloka dhe gjithkush në PD. E dinë mjaft mirë edhe njerëz të tjerë afër Bashës, se vendimmarrja nuk është e këtij të fundit, por është pikërisht tek Aurela.

Atëherë ka ardhur koha që ta legalizojnë Aurelën. Ka ardhur koha që mos ta fshehin më si ndërtim pa leje në mes të Tiranës.  Do ishte më mirë që ajo të bëhej kryetarja ?de jure? dhe PD-ja do të fitonte më shumë kohë.

Luli është burrë, por nuk ka forcën e gruas që ka Aurela.

Basha ka treguar në këto gjashtë vite që ai nuk bëhet më. Është i paaftë, mediokër dhe infantil në politikë, ndërsa Aurela duket më me energji, më e fortë dhe më energjike se Lulzim Basha.

Kështu do të ishte më e lehtë për demokratët. Ka ardhur koha ta pranojnë Aurelën si kryetaren e tyre. Mjafton vetëm legalizmi me një kuvend për ta pasur më pas drejtuese. Mbiemrin le ta mbajë si të dojë vetëm emrin e PD mos e ndërrojë se ai e urren, do Republikën e Re.

Majtas po pret, se vjen nga Tepeelena. I heq vota PS e Rilindjes, si i pëlqen dhe Doktorit, se dhëndri nuk na doli gjë.

Kështu PD-ja do të kishte më pas kryetaren e saj reale dhe jo maskën që iu del përpara, pasi konsultohet me shefen. Dhe nga ana tjetër do të ishte një betejë e fituar me Ramën vendosja e Aurelës në krye të PD-së.

Ai gjithë kohës thotë se gratë janë më të ndershme, gratë janë më të zonjat dhe kanë krijuar një kabinet me gra kudo, megjithëse qeveria thuhet se i ka dështuar.

Në këtë rast vendosja e Aurelës në krye të PD-së do të ishte një kauzë e fituar kundër Ramës. Një zonjë në krye të PD-së, është e vërtetë dhe ashtu nuk do të kishte nevojë më të qëndrojë pas Lulit.

Kjo do të ishte një fitore përballë Edi Ramës, kështu edhe Lulin e lë të qetë dhe kështu nuk do të kishim dy kryetarë, një ?de fakto? e një ?de jure?. Por, do të ishte më mirë për PD-në dhe më shpejt do të rrëzonin Edi Ramën./ CNA.al

Faktet-Kush e drejton vërtetë PD-në?

Fotot/ Luli me bashkëshorten drejt Holandës

Lajmet e fundit nga