Connect with Us

Nga Mitro Çela/ Dy gratë e mia: Antoneta dhe Ezmerka

Satire Politike

Nga Mitro Çela/ Dy gratë e mia: Antoneta dhe Ezmerka

Publikuar

-

Kam dy gra. E para: Antoneta. 30 vjet bashkë. Dy dasma. Një djalë.

E dyta: Ezmerka. Personazh i krijuar sipas shijeve të mia.

Antoneta: më zotëron. Më kullot kuletën. Dorëshpuar për fustane, këpucë, syze.

Kërkon para për tek Alma – më e mira në Tiranë për kremrat, i merr në Paris – pedikurë, manikyr. Duhen euro për turizëm: Barcelonë, Nisë, Soronto, Lisbonë, Korfuz, Firence. Harrova jogën – tri herë në javë.

Ezmerka: është e butë. Manare. Pa kosto. E vesh dhe e zhvesh pa vënë dorën në xhep. Bëj ironi. Sarkazëm. Humor. Pa doganë.

Në fillim Antoneta u bë xheloze për Ezmerkën. Nuk i lexonte haberet.  “Më vjen turp nga shoqet.”

Ezmerka qesëndisej. Ishte personazh. Nuk kishte ndjenja. Jetë i jepja unë. E shumta imitonte Antonetën.

Kaluan disa vite. Ezmerka u bë VIP. Ishte pjesë e bisedave në tavolina. Jo rrallë edhe djali i thërret Ezmerkë! Mua nisën të më pyesin: Si e ke Ezmerkën?

Por ka edhe më keq. Shoqet, nën ndikimin e habereve, nuk i thërrisnin Antoneta, por Ezmerkë.

Antoneta u thartua, duke më qerasur me fjalë zemre: “Ka të drejtë Filipi kur thotë: Mitroja është eksiq! E fortë je ti Neti, që nuk i jep duart”.

LEXO EDHE:  Haberet e Mitros / MËKATI

Një ditë e kapa Antonetën me presh në duar: Po lexonte haberet.

– Çfarë të kthej përmbys?!

– Takova një shoqen e shkollës.

“Si je moj Ezmerka e Mitros?” më tha.

U tromaksa. I thashë:

“Më quajnë Antoneta!”…

“Po kjo, ç’pati!” tha ajo.

Dëgjo, Mitro! Të të kisha pranë, do të të çaja më dysh.

– Pse, “Maks Mara” mos jep gjë mall xhaba? Po ngordha unë, ngordhin edhe leftatë.

– Mitro! Ironitë bëji me ato buzësilikonet që u lëpihesh në ekran! Por dëgjo, se ka dhe më. Takova shkallëve Feliksin, nëndrejtorin. Më tha:

“Ezmerkë, lexova një haber të Mitros: Tampona për Ezmerkën! I madh! Qesha me vete si i lojtur. Ja tregova gruas: U shkri…”

Çudia ndodhi, – vazhdoi Antoneta, – kur edhe Bruna, parukierja më tha:

“Ezmerkë! Do të shkosh me pushime në Lisbonë?”

E pikasa. Nuk ka më xhelozi. Ezmerka e ka bërë për vete Antonetën! Aleluja!/ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Satire Politike

Basha tersi i Karaibeve/ Pas pushimeve, bie tërmet

Publikuar

-

Nga

Një seri tërmetesh janë regjistruar gjatë ditës së djeshme dhe asaj të sotmes në ishullin e Karaibeve, ku më i fuqishmi ishte me magnitudë 6.4 ballë.

Ky ishte tërmeti më i fuqishëm në 102 vite e fundit që ka goditur ishullin ekzotik, ndërsa si pasojë ka mbetur viktimë një person.

Guvernatori i Porto Rikos, Wanda Vazquez ka shpallur gjendjen e jashtëzakonshme dhe konfirmoi se të paktën 346 qytetarë kanë mbetur pa shtëpi.

Tërmeti i paparë që prej më shumë se një shekulli ka rënë menjëherë pasi u largua kryetari i opozitës shqiptare Lulzim Basha, i cili, pas vitit të ri, u raportua nga media, se pushimet i kaloi në Karaibe dhe është kthyer vetëm dy ditë më parë.

LEXO EDHE:  Nga Mitro Çela/HABERET E MITROS. MOSHA KUR NGRE KANDARI?!

LEXO EDHE:  HABERET E MITROS/SEVDA ME KONSULLEN KANADEZE

Ka qenë një fat i madh për Shqipërinë dhe për kombin shqiptar që Lulzim Basha kishte ikur në Karaibe dhe që tërmeti u mbyll në dy ditë, pasi mediat ndërkombëtare raportojnë se tërmetet e fuqishme janë të rralla në Porto Riko./ CNA.al

 

LEXO TE PLOTE

Satire Politike

“Kupton mo apo je pykë në diell?!”/ Mitro Çela zbulon çfarë i tha Koço Devole për poturet e Ramës

Publikuar

-

Nga

Mitro Çela njihet për ironinë e tij therëse. Së fundi në një postim në rrjetet sociale, ndërsa publikon një foto me Koço Devolen, ironizon edhe kryeministrin Edi Rama.

“Poturet Devole-Rama

Pashë foton. I them Koços:
-Më gjëj edhe mua një palë poture? Zhilenë e kam vetë.
-Jo! Nuk bën! Vetëm dy personslitete, në mëmëdheun tënë mama, mund të mbajme poture: Unë dhe zoti Rama!…
-Është e letë të qepësh njē palë poture. Por e rëndë. E rëndë shumë ti meritosh, për ti veshur si poture!
-Kupton mo Mitro Xhani, apo je pykë në diell?!”-shkruan Mitro Çela.

LEXO TE PLOTE

Satire Politike

Mitro Çela tregon të vërtetat/ “Nekrolla alla Andon Zako Çajupi”

Publikuar

-

Nga

Ndë Korçë figura më e ndritur për mua, pas Themistokli Gërmenjit, është Lenci. Më ka thënë një postulat, që e zbatoj me fanatizëm: “Kur të vish në Korçë, më bëj një sms. Të nakatos një program që Korça të të duket Paris i vogël”.

Fundjavë. Mbërritëm në Pogradec. Hëngrëm lakror me domate dhe koran në skarë. Pimë kafe turke te sheshi “Violeta Manushi” në Tushemisht . Ngava celularin…

– Alo… Lenci! Jemi rrugës për Korçë. Me Ezmerkën dhe mbesën…

– Po pse, bre Mitro, nuk më njoftove tre ditë më parë?! Kam thyer edhe këmbën…

– Lenci! Sot e gjete të thyesh këmbën, për të më lënë mua jetim sokakëve të Korçës?!

– Mitro xhani! Këmbën e kam thyer dy muaj më parë. Në orën 21:00 takohemi te “Cofiet”. Kofshë gici, turshi, verë dhe serenata.

Në BENZ. Lenci në timon.

– Ishte shaka? – i thashë.

– Jo! Shiko patericat… Dy muaj më parë rashë si thes nga tre shkallë. Theva këmbën. Por mund të kisha thyer edhe qafën. Vilani. Hapa sytë, tre mjekë me vegla në duar. Më prenë, më futën hekura në kofshë. Kirurgë artistë. Në Spitalin Ushtarak… Por çdo e keqe e ka një të mirë: Kam humbur 22 kilogramë… Të shoh të mallëngjyer?! – vazhdoi Lenci. – Nuk ma shet mua rolin e aktorit.

– Nuk e kam hallin te dhimbka jote, – i thashë. – Por më mbeti nekrologjia në xhep. Dy vjet më parë Koço Devole u operua. Shkuam në spital. Koçoja fliste përçart…

LEXO EDHE:  HABERET E MITROS/ ARI: HUMBËSI I MADH ARRNAUT…

LEXO EDHE:  Haberet e Mitros/Telefoni në bordello...

– Kaq e pat artisti, – tha Filipi. – Mitro ulu e bëj një nekrologji…

Kur e mbarova, Koçoja hapi sytë… Më vajti djersa për dhjamë qeni.

– Dy javë më parë. Hëngri dajak Elvi Fundo. U kthye Filipi nga spitali:

– Keq Fundo. Mesa duket do të shkojë të takohet me Zoi Fundon, në ferr. Bëji retush nekrologjisë së Koços e shkruaj çfarë të duash. I zoti i punës nuk ankohet…

Hapa laptopin. Bëra korrigjimet. Kur e printova, lexova deklaratën e Fundos: “Unë, do t’u vras me penë!”

– E ke veglën me vete? – tha Lenci. – Ma bën edhe mua një nekrologji?

– Gazetari pa vegël është si ushtari pa pushkë. Nesër pimë kafe me Thoma Gëllçin dhe Muharrem Mekon… Lexojmë edhe esenë.

…Të nesërmen porositëm kafe. Në pritje nxora kartën.

– Shiko, shiko! – tha Lenci, duke lexuar nekrologjine – Një kurorë e mban Rama me Niko Peleshin. Tjetrën Mimi Kodheli me Ilir Beqen… Po më habit. I shkarkuar, por nuk i harron miqtë. Paskan folur edhe profesorët e mi të shkollës në Hollandë! U ka kushtuat rruga! Fjalë të bukura edhe biznesmeni bullgar. Erdhi për investime, por iku me bisht në shalë?! Filipi ka folur pa hequr llullën nga goja? Filip, mo! Po Bodja pse ka folur? Apo vdis të të dua dhe ha, ha, ha e ku, ku, ku…

LEXO TE PLOTE