Connect with Us

Thellohen përplasjet me ndërkombëtarët/ LSI akuza të forta BE-së

Politikë

Thellohen përplasjet me ndërkombëtarët/ LSI akuza të forta BE-së

Publikuar

-

Pas “shpërthimit” të presidentit Ilir Meta kundër ndërkombëtarëve, duket se edhe LSI, partia e themeluar prej tij, nuk po rri duarkryq dhe kanë thelluar akuzat kundër BE.

Nënkryetari i LSI-së, Petrit Vasili në një postim në rrjetet sociale, shkruan se Vettingu i gjyqtarëve dhe prokurorrëve në Shqipëri ishte një “eksperiment” i BE-së.

Sipas Vasilit, BE nuk ka dhënë “OK” për fillimin e Vettingun në Maqedoni, duke e justifikuar me faktin se nuk kishte mjaftueshëm njerëz për vendet e lëna bosh, ndërsa Shqipëria për ta ka qënë një vend eksperimenti.

“Ambasadori i BE ne Tirane Luigi Soreca me shume “entuziazem”ka deklaruar pak kohe me pare per Euroneës se:

“Reforma në Drejtësi është ndoshta ‘perla e Shqipërisë’, jashtë rajonit apo në botë.”

Po perse “perla e Shqiperise, qe ishte me aq vlere per gjithe boten nuk u lejua te kryhej as ne Maqedoni nje vend ballkanik kaq afer me Shqiperine edhe gjeografikisht edhe si mentalitet ??

Cfare eshte Shqiperia per BE vend eksperimentesh ??

Po pse genjejne kaq hapur??

Apo shfrytezimi i servilizmit dhe komplekseve te inferioritetit te politikes shqiptare eshte nje “aset” interesant per BE ??”-shkruan ndër të tjera Vasili.

Më tej ai shkruan “Mjaft më me pranimin e cdo budalleku si ar te kulluar vetem se nuk eshte thene shqip.”

Postimi i plotë:

Skandali!!BE kunder Vetingut ne Maqedoni, po ne Shqiperi pse beri “eksperiment”???

Zaev Kryeministri i Maqedonise ne nje interviste pak dite me pare tha:

“Unë e pata premtuar në zgjedhje, jo vetting, por atë që e cilësoj njohje e së drejtës për t’u rizgjedhur e gjyqtarëve dhe prokurorëve. Ishte pjesë e programit. Por, kur mora detyrën,
BE nuk dha mundësi të nisja procesin.
Pse? Sepse ndoshta duhet të ndiqnin si po shkonte në Shqipëri, si do të mbyllej. Ata na thanë se nuk keni njerëz, nuk keni si të plotësoni vendet që do të mbeten bosh”.
“Shqipëria tani nuk ka kapacitete si ti mbushe vendet e zbrazura dhe po funksionon pa Gjykatë Kushtetuese dhe pa Gjykatë Supreme, gjë që nuk lejohet.” perfundon Zaev.

Ambasadori i BE ne Tirane Luigi Soreca me shume “entuziazem”ka deklaruar pak kohe me pare per Euroneës se:

LEXO EDHE:  Takimi për diasporen/ Rama “harron” luftën ndaj LSI

“Reforma në Drejtësi është ndoshta ‘perla e Shqipërisë’, jashtë rajonit apo në botë.”

Po perse “perla e Shqiperise, qe ishte me aq vlere per gjithe boten nuk u lejua te kryhej as ne Maqedoni nje vend ballkanik kaq afer me Shqiperine edhe gjeografikisht edhe si mentalitet ??

Cfare eshte Shqiperia per BE vend eksperimentesh ??

Po pse genjejne kaq hapur??

Apo shfrytezimi i servilizmit dhe komplekseve te inferioritetit te politikes shqiptare eshte nje “aset” interesant per BE ??

Po pse nuk u mor ne konsiderate nga BE rekomandimi i Komisionit te Venecias ne vitin 2015 qe thoshte:

“Komisioni i Venecias evidenton se zgjidhje të tillë radikale (si procesi i rivlerësimit) janë të paarsyeshme në kushte normale, pasi krijojnë tensione të mëdha brenda gjyqësorit, destabilizojnë punën e gjyqtarëve, shton mosbesimin e publikut në gjyqësor, shmang vëmendjen e gjyqtarëve nga detyrat e tyre normale, dhe, si çdo masë të jashtëzakonshme, krijon rrezikun e kapjes së gjyqësorit nga ana e forcës politike që kontrollon procesin.”

Ky skandal duhet te jete nje moment reflektimi per te gjithe.

Yes man-et e politikes dhe shtetit te propagandes mund ta cojne me kenaqesi Shqiperine ne gremine me qellimin e kapjes dhe BE duhej te kundervihej fort kesaj. Por BE zgjodhi te kunderten !??

Pasi Shqiperia u derrmua ekonomikisht me teorine e “çekut te bardhe” ne fillimet e pluralizmit, vazhduam me reformen e “plepave” ne drejtesi dhe tani na shesin per “perle” ate qe Maqedonise i thone absolutisht mos e bej se eshte e demshme dhe e paperballueshme per te.

Mjaft më me eksperimente skandaloze ne kurriz te Shqiperise.

Mjaft më me servilizma qe pasurojne zyrtarucë te huaj ne kurriz te shqiptareve.

Mjaft më me pranimin e cdo budalleku si ar te kulluar vetem se nuk eshte thene shqip.

Mjaft më me plaçkitjen e shqiptareve dhe zhbërjen e shtetit ne emer te reformave korruptive dhe qe kapin shtetin, por te bekuara nga ca te huaj.

Eshte koha per te thene nje here e mire “Jo”!!!/ CNA.al

I quajti ambasadorët palaço/ BE shuplakë Metës

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Video-Rama një vit që nuk është më kryeministër/ Lëvizja e radhës e Bashës

Publikuar

-

Nga

Pas një protestë të zhvilluar në 16 shkurt 2019, kryetari i Republikës së re, Lulzim Basha tha se tashmë Rama është rrëzuar, se ai nuk ishte më kryeministër.

“Falë sakrificës dhe qëndresës tuaj sot Edi Rama nuk është më kryeministër. Mirupafshim të enjten”-tha një vit më parë Lulzim Basha.

Por, pas kësaj proteste, Basha zhvilloi edhe rreth 10 protesta të tjera kombëtare, ku në secilën prej tyre shpallte rrëzimin e Edi Ramës.

Pra, sipas deklarimeve të kreut të Republikës së re, prej një viti Rama nuk është më në pushtet, pasi ai e ka rrëzuar një vit më parë.

Por, çfarë ka ndodhur?

Edhe pse e “rrëzoi” me protesta, Basha nuk mund ta linte ortakun e tij pa asgjë. Kështu që dogji mandatet e deputetëve, dhe i dhuroi Edi Ramës një mazhorancë kushtetuese, të cilën nuk ia dhanë shqiptarët.

Por, jo vetëm kaq. Lulzim Basha si një lider i vërtetë opozite bojkotoi edhe zgjedhjet vendore të 30 qershorit, duke i dorëzuar në tavolinë Edi Ramës 61 bashki. Pra, me zemërgjerësinë e tij, Luli i dhuroi Ramës të gjithë pushtetin lokal.

LEXO EDHE:  “Një pyetje për presidentin”/ Artan Hoxha “kryqëzon” Metën 

LEXO EDHE:  LSI zgjedh strukturat drejtuese

Por, tani mesa duket Luli tani pasi një viti u mërzit i vetëm në pushtet, pa “ortakun” e tij, dhe kështu shkoi e bëri sërish marrëveshje me Ramën, skenar ky i ngjashëm më atë të majit të vitit 2017.

Tashmë Luli kërkon sërish të qeverisë me ortakun dhe pastaj të shkojë në zgjedhje të parakoshme, dhe t’i “dhurojë” sërish Ramës timonin i vetëm.

Kështu duket se Luli po i çon demokratët nga “fitorja në fitore”./ CNA.al


Basha rrëzoi Ramën/ I jep edhe shqelmin e fundit

LEXO TE PLOTE

Politikë

Njohja e patentave shqiptare në Gjermani/ Rama jep lajmin e mirë

Publikuar

-

Nga

Kryeministri Edi Rama ka dhënë sot një lajm të mirë, sa i takon njohjes së lejeve të drejtimit të automjetit në Gjermani.

Në një postim në rrjetet sociale, Rama ndërsa citon Ministrin Federal të Transporteve në Gjermani, bën të ditur se ky i  fundit do t’i përcjellë Qeverisë Federale një opinion pozitiv, sa i takon kësaj çështje.

“Një lajm i mirë për miqtë e kësaj faqeje që presin njohjen e patentave të drejtimit të makinave të tyre në Gjermani.

Në Konferencën e Sigurisë në Mynih, bisedova edhe me Ministrin Federal të Transporteve, i cili më tha, citoj, “Misioni ynë teknik në Tiranë është befasuar nga transformimet që keni kryer në Drejtorinë e Transportit Rrugor, përmes digjitalizimit të shërbimeve! Zgjidhjet e reja digjitale që keni realizuar janë origjinale dhe bindëse për t’i përcjellë Qeverisë Federale një opinion pozitiv”.-shkruan Rama.

Po ashtu kreu i qeverisë thekson se kjo do të kërkojë pak kohë, por shton se çdo aprovim bën që në landin përkatës njohja të hyjë në fuqi menjëherë.

LEXO EDHE:  LSI gati grupin parlamentar/ Ja deputetët e rinj të Kuvendit

LEXO EDHE:  "Një pyetje për presidentin"/ Artan Hoxha “kryqëzon” Metën 

“Aprovimi i shumëpritur i njohjes së patentave shqiptare të drejtimit, kalon përmes të 16 parlamenteve të landeve të Republikës Federale të Gjermanisë dhe kjo do të kërkojë pak kohë, por ndërkohë çdo aprovim bën që në landin përkatës njohja të hyjë në fuqi menjëherë. Pak durim tanimë, se provimin e kemi kaluar me sukses dhe ky është një fakt që na inkurajon shumë për vazhdimin e  #RevolucionitDigjital2020📲💻

Një bravo të madhe ekipit drejtues të DPSHTRRSH që po e transformon çdo ditë atë strukturë nga një vatër korrupsioni legjendar, në një mekanizëm shtetëror në shërbim të qytetarëve”-përfundon mesazhin e tij kryeministri Edi Rama.

LEXO TE PLOTE

Politikë

Faktet-Ligji për Arsimin e Lartë/ Mashtrimi dhe hipokrizia e Bashës ndaj studentëve

Publikuar

-

Nga

Kryetari i Republikës së re, Lulzim Basha na ka surprizuar shumë së fundi. Pas serialit të telenovelës turke, ku Luli luante rolin e “djalit të mirë”, që kalon kohë me njerëz të zakonshëm, edhe pse vetë me veshje luksoze, tashmë ka edhe një tjetër risi.

Pas “serialit po të dëgjoj”, një ditë më parë, Lulzim Basha komunikoi me qytetarët me anë të rubrikës “Më bëj një pyetje” në Instastory.

Basha dje u kujtua për arsimin e lartë dhe i kërkoi të rinjve që të japin mendimin e tyre se çfarë do të bënin ata, nëse do të ishin për një ditë Ministër Arsimi.

Pas kësaj, me anë të një videoje, Basha premtoi se sapo të vijë në pushtet do të anullojë Ligjin për Arsimin e Lartë.

“Jam shumë i befasuar që vetëm brenda pak orësh mijëra prej jush ndjekës në Instagram i jeni përgjigjur pyetjes se cili do të ishte vendimi i parë nëse do të t’ju besohej drejtimi i Ministrisë së Arsimit. Mes mijëra sugjerimeve dhe propozimeve spikat anulimi i Ligjit për Arsimin e Lartë. Është pika e parë e programit tim, programit të PD për Arsimin e Lartë.”-tha Basha.

Po ka edhe disa detaje në lidhje me Ligjin për Arsimin e Lartë, që tregojnë hipokrizinë dhe tradhëtinë e kreut të Republikës së re ndaj studentëve.

Ligji për Arsimin e Lartë, i cili në dhjetor të vitit të kaluar nxori studentët në rrugë, është një ligj korruptiv dhe klientelist, i cili u miratua nga qeveria në vitin 2015 dhe pasojat i dha në dhjetor të vitit 2018, kur studentët nisën protestat.

Është një ligj për të cilin përgjegjësi kanë si qeveria që e përgatiti, LSI që e votoi dhe Lulzim Basha që nuk e dërgoi kurrë në Gjykatën Kushtetuese, edhe pse premtoi se do ta bënte një gjë të tillë.

Në 22 korrik të vitit 2015, Lulzim Basha tha se “Partia Demokratike do të ndërmarrë një aksion masiv institucional, që nga Presidenti e deri tek Gjykata Kushtetuese, ku opozita do të jetë në krah të studentëve dhe pedagogëve që kanë të drejtë”.

Por, Basha nuk e dërgoi kurrë ligjin në fjalë në Gjykatën Kushtetuese. Ndërkohë, gjatë protestave të studentëve, Basha tentoi të justifikohej, duke thënë se nuk e coi për ta anulluar në Gjykatën Kushtetuese, sepse sipas tij kjo e fundit ishte e kapur nga Edi Rama.

LEXO EDHE:  Takimi për diasporen/ Rama “harron” luftën ndaj LSI

LEXO EDHE:  LSI zgjedh strukturat drejtuese

“Ç’rëndësi ka përse nuk e çuam në Gjykatë Kushtetuese? Sepse Gjykata Kushtetuese ishte e kapur nga Edi Rama, jua kam thënë. Dhe, do ta hidhte poshtë dhe Edi Rama  do të thoshtë “ E shikon, ishte edhe kushtetuese”.-tha Lulzim Basha, në një prononcim për mediat në 17 dhjetor 2018.

Në fakt ajo çfarë pretendon Lulzim Basha nuk qëndron, për faktin se në atë kohë ka çuar në Kushtetuese edhe ligje të tjera të qeverisë dhe janë rrëzuar. Ndërkohë në lidhje me ligjin në fjalë, në një prononcim ekskluziv për CNA.al në atë kohë u tha se ligji do të çohej në Gjykatën Kushtetuese brenda datës 6 dhjetor dhe se për këtë ishte ngarkuar Ivi Kaso.

Por, Lulzim Basha jo vetëm që nuk e çoi kurrë në Gjykatën Kushtetuese, ligjin në fjalë, por “harron” të tregojë se sa orë qëndronte duke u “zhgrryer” me Alfred Lelën, Henri Çilin dhe sektin e UET-it.

Lulzim Basha harron edhe sesi “mori në gji” Alfred Lelën me shokë, të cilët me shpatë në dorë bënë avokatët e Ligjit për Arsimin e Lartë.

Nëse Lulzim Basha do ta kishte çuar në Gjykatën Kushtetuese ligjin në fjalë, studentët nuk do ta kishin refuzuar gjatë protestave të dhjetorit 2018. Lulzim Basha ndoshta është i vetmi lider opozite në botë, që nuk pranohet në një protestë.

Faktet tregojnë se ai është i zhytur dhe është fajtor po aq sa Rama që e përgatiti dhe LSI që e votoi. Prandaj ajo çfarë ai deklaroi dje është vetëm një hipokrizi dhe tallje me studentët./ CNA.al

Ligji për Arsimin e Lartë/ Basha justifikohet, protesta e studentëve është politike

Basha kërkon komardare shpëtimi/ Gënjen publikisht për Ligjin e Arsimit të Lartë

Ligji i arsimit të lartë/ Meta, Rama, Basha e Kryemadhi bashkëfajtorë

“Ligji për Arsimin e Lartë shqetësimi kryesor”/ Basha premtim studentëve

LEXO TE PLOTE