Connect with Us

Meta në konferencë të jashtëzakonshme/ “Janë shkelur të gjitha, po shkohet drejt paralizimit…”

Politikë

Meta në konferencë të jashtëzakonshme/ “Janë shkelur të gjitha, po shkohet drejt paralizimit…”

Publikuar

-

Presidenti i Republikës Ilir Meta  në një konferencë të jashtëzakonshme për mediat tha se Kushtetuta është vija e kuqe,  ndërsa solli në vëmendje 22 nëntorin që përmes refernedumit popullor solli Kushtetutën e re.

“Kushtetuta e 98-ës vendosi rotacionin normal politik. Kjo kushtetutë gëzon nderimin e shqiptarëve, por u zhbë në errësirë të plotë nga marrëveshja politike e vitit 2008.

Ndryshimet që u bënë në 2016-ën kanë nxjerrë në pah probleme akute që u paralajmëruan se do të ndodhnin. Kushtetuta u kthye në rregullore me data dhe afate që janë shkelur që të gjitha, që kanë shkaktuar një kaos ligjor që po con në paralizimin e sistemit të drejtësisë.”, theksoi Meta./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

VOA: Presidenti Meta kthen në Kuvend paketën anti-shpifje

Publikuar

-

Nga

Presidenti i Shqipërisë, Ilir Meta ktheu për rishqyrtim në parlament ndryshimet në dy ligje “Për mediat audiovizive” dhe “Për komunikimet elektronike”. Sa i takon ligjit të parë, Presidenti Meta vlerëson se ai bie në kundërshtim me parimet themelore kushtetuese të ndërtimit të një shteti demokratik, sigurisë juridike dhe të proporcionalitetit.

Po ashtu ligji, sipas tij, bie në kundërshtim me dispozitat kushtetuese që mbrojnë të drejtën e lirisë së shprehjes, të lirisë së shtypit dhe të drejtës së informimit, bien në kundërshtim me jurisprudencën e Gjykatës Kushtetuese të Republikës së Shqipërisë, vendimet e së cilës përbëjnë norma të detyrueshme për zbatim, si dhe nuk është në harmoni me standartet e Konventës Europiane të të Drejtave të Njeriut.

Presidenti Meta tha se miratimi i këtyre dispozitave në thelb përmban elementë censurues të drejtëpërdrejtë që kufizojnë të drejtën e lirisë së shprehjes dhe të medias.

“Kjo gjendje censure krijohet përmes aplikimit të masave ndëshkuese jo proporcionale që këto dispozita parashikojnë, masa që mund të vlerësohen dhe vendosen nga organe administrative, të cilat në kundërshtim të hapur me rendin e brendshëm kushtetues dhe ligjor, u jepet fuqia që t’i vënë në ekzekutim të menjëhershëm këto masa, përpara se të ketë një vendimarrje përfundimtare dhe të formës së prerë mbi ligjshmërinë e tyre” – theksoi Presidenti.

Sipas tij, hyrja në fuqi e këtyre ndryshimeve do të krijojë një mjedis arbitrar dhe të pasigurtë ndaj operatorëve mediatikë elektronikë. Qeveria ka të gjitha mundësitë të shfrytëzojë këtë bazë ligjore të ndëshkojë në mënyrë të padrejtë çdo media e cila nuk i përshtatet vullnetit politik të shumicës.

“Ky realitet do të prodhonte frikësimin dhe autocensurën, mbylljen apo pezullimin me pa të drejtë të mediave elektronike, duke ndikuar drejtëpërdrejtë në cilësinë dhe objektivitetin e informacionit, ç’ka do të prodhonte furnizimin e publikut me fakte ndryshe nga realiteti, që jo vetëm keqorientojnë shoqërinë në kërkimin e të drejtave të tyre, por dhe në përmbushjen e përgjegjësive qytetare për ndërtimin dhe ruajtjen e vetë demokracisë” – tha zoti Meta.

Një situatë e tillë, sipas tij, do e vendoste vendin në kufirin e një autoritarizmi, që do të përbënte rrezik për të ardhmen dhe integrimin e Shqipërisë, si edhe ekzistencën e vetë demokracisë funksionale në vend. Nëpërmjet mekanizmave ndëshkues dhe organeve vendimarrëse që mund të vendosin këto sanksione ndëshkuese, tenton vendosjen nën kontroll politik të operatorëve mediatikë, veçanërisht medias elektronike, gjë e cila do të përbënte cenim të rëndë të së drejtës për t`u shprehur dhe për informim.

Ndërsa lidhur me ndryshimet në ligjin “Për komunikimet elektronike” Presidenti Meta shprehu shqetësim për fuqinë e tepërt ndëshkimore që merr AKEP ndaj mediave.

“Delegimi me ligj tek një organ administrativ i kompetencave që Kushtetuta nuk ia lejon, mungesa e transparencës në procedurën e vendimmarrjes, dhe aplikimi i sanksioneve disproporcionale dhe pa kaluar në shqyrtimin gjyqësor, nuk është në balancë mes interesit publik për mbrotjen nga lajmet/informacionet e rreme, dhe të drejtës për informim, lirisë së shprehjes dhe zhvillimit të aktivitetit ekonomik në fushën e publikimeve elektronike.

LEXO EDHE:  Ngjela zbulon prapaskenat e politikës/ Ja frika më e madhe e Ramës, Bashës, Berishës e Metës

LEXO EDHE:  Berisha: Meta i dërgoi kapuçonin e zi përsëri Bamit në qeli

Masat ndaj lajmeve të rreme nuk duhet të cënojnë të drejtën për informim, lirinë e shprehjes dhe të medias apo dhe lirinë për veprimtari ekonomike, të drejta këto që gëzojnë mbrojtje të posaçme nga Kushtetuta dhe aktet ndërkombëtare.

Kryeministri Edi Rama ka deklaruar në parlament se këto ndryshime ligjore janë dakord 100 për qind me OSBE-në, por përfaqësuesi për mediat i kësaj organizate Harlem Desir është shprehur se asnjëherë nuk është arritur një dakordësim i plotë dhe për një kohë të gjatë po bashkëpunohet që projekti të afrohet me standartet ndërkombëtare. Ndërsa shefja e zyrës së medias e OSBE-së në Shqipëri, Irina Radu, është shprehur gjatë dëgjesave në parlament se “OSBE mendon që AMA ka shumë kompetenca të gjera për dënimin e mediave, po ashtu edhe përmasat e gjobave ndaj gazetarëve dhe mediave janë të larta. Po ashtu duhet ndarë qartë se çfarë janë kritikat politike dhe çfarë janë shpifjet”.

Bashkimi Europian, Këshilli i Europës dhe UNDP kërkuan rishikimin e variantit të tretë të projekt-ligjeve, ose rifillimin e punës nga e para për ligjet me ndikim mbi mediat. Bashkimi Europian është shprehur se paketa antishpifje nuk është në përputhje me standartet dhe kërkesat europiane për lirinë e medias dhe duhet bazuar në parimin e vet-rregullimit të mediave.

Edhe Këshilli i Europës deklaroi se projekt-ligjet nuk janë në përputhje me standartet dhe praktikat e Këshillit të Europës. “Këshilli i Europës rekomandon që ligjvënësit shqiptarë t’i lënë mënjanë këto propozime dhe të nisin hartimin e një strategjie të re për përmirësimin e cilësisë së gazetarisë online dhe offline” – zonja Arkanda Bujari e Këshillit të Europës.

Organizatat ndërkombëtare këmbëngulën që shumica socialiste të mos e miratojë paketën antishpifje, pa përfshirë rekomandimet e tyre, medias, shoqërisë civile dhe grupeve të interesit.

Paketa antishpifje i është nënshtruar ndryshimeve të shumta që prej një viti kur u propozua, pas shqetësimeve të vazhdueshme të shprehura nga organizatat e gazetarëve dhe shoqëria civile në Shqipëri, si edhe presioni i organizatat ndërkombëtare, përfshirë Bashkimin Evropian, Këshillin e Europës dhe vetë OSBE-në.

14 organizata shqiptare dhe 7 organizata ndërkombëtare të medias i kërkuan qeverisë shqiptare të tërheqë projektligjet, sepse sipas tyre, nuk mund të ketë regjim rregullimi administrativ për median online, dhe se një institucion administrativ si AMA nuk mund të zëvendësojë gjykatat në shqyrtimin e ankesave ndaj përmbajtjes së një publikimi./VOA

LEXO TE PLOTE

Politikë

Topollaj tallet me Bashën/ Perderisa s’të prish punë sistemi pse je kundër?

Publikuar

-

Nga

Anëtari i Bordit Drejtues të Bindjes Demokratike, Fabian Topollaj është tallur me kreun e PD, Lulzim Basha lidhur me ndryshimin e sistemit.

“Nëse s’të prish punë sistemi, pse je kundër ndryshimit të tij?
Po mirë, meqë sistemi zgjedhor nuk ka asnjë vlerë sepse problem është vetëm manipulimi, pse nuk ju bashkohesh atyre që kërkojnë ndryshimin e tij, vetëm sa për t’i bërë me vete? Se ty s’të prish asnjë punë edhe po u ndryshua”, shkruan Topollaj në një postim në rrjetet sociale.

Kujtojmë se dje kryedemokrati Basha ka deklaruar se është i hapur për çdo ndryshim sistemi, me argumentin se ky nuk është problemi i krizës poltike, e ndërsa foli për zgjedhje të parakohshme.

LEXO EDHE:  Meta: Prokuroria të dënojë bosët e kanabisit/Boll me hallexhinjtë

LEXO EDHE:  Meta: Prokuroria të dënojë bosët e kanabisit/Boll me hallexhinjtë

Në vijim të këtij qëndrimi, Basha u shpreh se asnjë sistem zgjedhor nuk garanton zgjedhje të lira dhe të ndershme, për aq kohë sa politika, më konkretisht Rama, është i lidhur me krimin./CNA.al

LEXO TE PLOTE

Politikë

Përfundon numërimi i votave në Vlorë dhe Selenicë/ Zgjidhen kryetarët e PS

Publikuar

-

Nga

Anduel Tahiraj është rizgjedhur me 267 vota pro në krye të PS, Vlorë për katër vitet në vijim.

292 ka qenë numri i votuesve që kanë marrë pjesë në procesin e sotëm të votimit nga 324 në total.

Gjithashtu, ka përfunduar numërimi i votave për kryetar të Partisë Socialiste edhe në Bashkinë e Selenicës.

LEXO EDHE:  Rama-Meta, ndryshime ne qeveri

LEXO EDHE:  Meta shpalli Borchardt "non grata" në presidencë/ Kryemadhi: Gishtin e mesit ta mbajë për vete e për ata që përfaqëson

Nertil Bellaj është rizgjedhur në krye të PS, Bashkia Selenicë.
Në garë kanë qenë kryetari aktual Nertil Bellaj dhe Ilir Fejzaj.
Rezultati pas numërimit: Nertil Bellaj- 55 vota Ilir Fejzaj- 23 vota

LEXO TE PLOTE