Connect with Us

“Stop”/ Zbulohen biznese të tjera të italianit që mashtronte shqiptarët për punë

Denoncim

“Stop”/ Zbulohen biznese të tjera të italianit që mashtronte shqiptarët për punë

Publikuar

-

Një javë më parë, emisioni “Stop” në Tv Klan transmetoi një rast mashtrimi për punësimin e shqiptarëve jashtë vendit. Bëhet fjalë për Giuseppe Zito, një shtetas italian me disa aktivitete tregtare në Shqipëri.

U zbulua se Zito është administrator i një kompanisë së punësimit “Akademia europiane shpk” me seli në Tiranë. Supozohet se kjo kompani u siguronte kontrata pune në Itali qytetarëve shqiptarë. Këta të fundit, pasi paguanin tarifën e kërkuar, duhet të niseshin në Itali për trajnim dhe aty lidhnin më pas kontratën e punës që garantohej nga kjo kompani me bazë në Tiranë.

E gjithë kjo procedurë zgjaste 2 muaj e gjysmë. Në rastin e javës së kaluar që emisioni “Stop” denoncoi përmes kamerës së fshehtë, një qytetar pagoi 140 Euro për formularin e aplikimit dhe palët ranë dakord që ai të nisej për punë në Itali brenda 16 Tetorit. Por ai nuk u nis kurrë dhe nuk i mori paratë mbrapsht.

Pas denoncimit nga emisioni “Stop”, kjo kompani ka mbyllur zyrat që i kishte tek kullat binjake në mes të kryeqytetit. Jo vetëm kaq, por nuk ka paguar qiranë as për dy muajt e fundit dhe është zhdukur.

Gazetari: Si jeni? Një informacion duam për këtë italianin, Xhuzepe Xito…, për qiranë! E ka paguar?

Agjencia imobiliare: S’pagoi gjë dy muaj …

Gazetari: Dy muaj…?!

Agjencia imobiliare: Por jo për atë ambientin atje, për këtë këtu.

Gazetari: Mirë! Faleminderit! Punë të mbarë!

Emisioni “Stop” ka siguruar të dhëna të tjera për italianin Giuseppe Zito. Sipas të dhënave në Qendrën Kombëtare të Biznesit, rezulton që në emrin e tij janë të regjistruara edhe 13 biznese private, disa prej të cilave fiktive. Në zonën e ish-bllokut ka një restorant, si dhe në “Don Bosko” një piceri.

Gazetarja: Flet italisht?

Punonjësi i lokalit: Po, sigurisht!

Gazetarja: Kërkoj Xhuzepen! E kam parë aty te stenda.

Punonjësi i lokalit: Kë Xhuzepe?

Gazetarja: Xhuzepe Xito!

Punonjësi i lokalit: Aaa.., Xhuzepe Xito!

Gazetarja: E njeh? Te pizzeria Don Bosko! Unë banoj këtu dhe…

Punonjësi i lokalit: Nuk është këtu!

Gazetarja: Nuk ka ardhur?

Punonjësi i lokalit: Ncuq!

Gazetarja: Po a vjen? Më tha: hajde më tako, se kam një lokal!

Punonjësi i lokalit: Sinqerisht, nuk e di! Di, që janë ortakë diku.

Gazetarja: Aaa, ok! Janë ortakë këtu, po thua?

Punonjësi i lokalit: Këtu nuk e di unë, se unë kam një tip menaxheri të parë, që flas vetëm me të. Pastaj gjërat e brendshme të tyre, nuk i di..

Gazetarja: Janë ortakë mes tyre?

Punonjësi i lokalit: Po! Ortakë mes tyre. Kanë edhe “Pasta mia” në qendër.

Gazetarja: Aaa… edhe në lokalin “Pasta mia” janë bashkë?

Punonjësi i lokalit: Po! Por këtu vjen, por jo çdo ditë. Dje ishte për shembull, sot nuk është.

Përpos këtyre bizneseve, në emër të italianit Giuseppe Zito figuron edhe një OJF, që ai pretendon se është nën ombrellën e Dhomës Tregtare Italo-Shqiptare. Por nga verifikimet rezulton se ky organizëm nuk njihet nga shteti italian dhe as nga ambasada italiane.

Dhoma e Tregtisë Italiane në Shqipëri është shoqata zyrtare, e cila thotë se nuk ka asnjë lidhje me Giuseppe Ziton, madje shton se ky i fundit i përdor edhe emrin.

Gazetari: Si je? Genci Angjellari, Tv Klan, Emisioni Stop! Ne thjesht duam të verifikojmë…Këtu është dhoma tregtare italo-shqiptare, zyrtarja?

Dhoma Tregtare Italo-Shqiptare: Kjo është dhoma tregtisë italiane në Shqipëri.

Gazetari: Zyrtarja?

Dhoma Tregtare Italo-Shqiptare: Zyrtare! Kjo është e njohur nga Ministria Zhvillimit Ekonomik në Itali dhe Ambasada Italiane.

Gazetari: Sepse ne kemi një të dhënë.., një shtetas italian, Xhuzepe Xito…

Dhoma Tregtare Italo-Shqiptare: Është një kopje e shëmtuar e jona…

Gazetari: E keni dhe ju këtë informacion?

Dhoma Tregtare Italo-Shqiptare: E kemi këtë informacion. E kemi kontestuar, por qëëëë..,ata thjesht perdorin një emër, qëëëë… dhe teorikisht ajo nuk duhet të ekzistojë, sepse ne jemi OJF dhe operojmë nëpërmjet regjistrit tëëë…Thjesht janë biznes, kanë përdorur një emër. QKB-ja jonë nuk i jep rëndësi fare kontekstit të emrit. Ne e kemi të regjistruar si markë, por ne e kemi Dhoma e Tregtisë Italiane në Shqipëri. Ata e kanë Italo-Shqiptare dhe ne s’mund të bëjmë asnjë gjë.

Gazetari: E kuptoj! Verifikim! Gjithë të mirat!

Edhe pse ka kaluar një javë nga denoncimi i parë i emisionit “Stop” për kompaninë mashtruese të punësimit, autoritetet shqiptare nuk kanë ndërmarrë asnjë veprim për qytetarët të cilët janë mashtruar dhe nuk u janë kthyer paratë. /tvklan.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Foto-Video/ Kaos në parkimin nëntokësor tek Sheshi “Skënderbej”, makinat prej orësh të bllokuara

Publikuar

-

Nga

Parkimi nëntokësor tek Sheshi “Skëndërbej” është kthyer shpesh herë në makth për drejtuesit e automjeteve.

Megjithëse ky parging është projektuar për rreth 3000 vende, mungesa e kordinimimit, apo abuzimi i Bashkisë ka bërë që qindra makina të mbeten të bllokuara më orë të tëra mbrëmjen e sotme.

I revoltuar nga pritja e gjatë, gazi karbonik i makinave por edhe fatura që rritet, një qytetar ka nisur në adresën e redaksisë së CNA.al, disa foto dhe video që pasqyrojnë situatën mbrëmjen e sotme.

Kjo nuk është hera e parë që që ndodh një kaos i tillë, pasi një situatë e ngjashme bëhet sa herë në shesh ka aktivitete apo afrohen festat e fundvitit./CNA.al


LEXO TE PLOTE

Denoncim

Denoncimi/ Ja kush fshihet pas shembjes së pallatit 6-katësh në Durrës ku humbën jetën 7 persona

Publikuar

-

Nga

Tërmeti tragjik i 26 nëntorit, ku humbën jetën 51 persona, nxorri në pah edhe abuzimin e madh që ishte bërë me ndërtimet në Shqipëri.

Lidhur me këtë fakt, referuar dhe mesazhit të një qytetari, ish kryeministri Sali Berisha, akuzon ish kreun e Bashkisë Vangjush Dako.

Sipas tij, shkak për shembjen e pallatit është bërë ngritja e një lokali në katin e parë, çka ka sjellë edhe dëmtimin e strukturës mbajtëse të godinës.

” Ja kush qendron prapa fundosjes se pallatit 6 katesh ne Durres
Veprimi kriminal i ish kryetarit te PS se Durresit!
7 jete te humbura!

Lexoni denoncimin e qytetarit dixhital. sb

Doktor te uroj shendet e çdo te mire familjes tende Doktor,me duhet te informoj termeti dhe fundosja me dy kate e pallatit 6 katesh,ku u mori jeten 7 qytetareve,familjes Reçi me kater antare,ka te beje 100 % me lokalin poshte, ishte i nje eksponenti te larte te Partise Siçilist,ish kryetarit te PS-se Durres dhe mikut te ngushte te Vangjush Dakos,prandaj heshtet ne kete forme !!!???Gjithe te mirat te uroj,me respekt shume”, shkruhet në postimin e plotë./CNA.al

 

 

LEXO TE PLOTE

Denoncim

Pasojat e tërmetit/ Pas punonjësve të policisë, Rama u mban rrogën edhe arsimtarëve

Publikuar

-

Nga

Ish kryeministri Sali Berisha, ka publikuar në rrjetet sociale denoncimin e disa punonjësve të administratës, të cilët shkruajnë, se pas tërmetit të 26 nëntorit, u është thënë se do u mbahet një pjesë e rrogës.

Duke e konsideruar si përdhosje e bujarisë dhe solidariteti njerëzor nga qeveria, Berisha bën thirrje që të mbahen larg duar nga pagat e punonjësve.

Kujojmë që më herët, edhe punonjësit e Policisë së Shtetit u urdhëruan të paguanin me nga rroga e tyre për pasojat e tërmetit.

“Larg duart e zeza nga pagat e punonjesve!

Lexoni denoncimin e punonjesve dixhital!

Ndalimi i rrogave te punonjeseve perdhosje e bujarise dhe solidaritetit njerezor nga narkoqeveria. sb

Pershendetje doktor jam nje punetor i bashkis tiran ne fillim na than qe do ju mbajm gjysmen e pages, pastai ne reaguam dhe se dim ca do bejn Se shperblim jo e jo anonim ju lutem se na heqin nga puna!

Zoti. Berisha sot mora vesh qe nuses te vellait tim e cila punon ne nje nga qerdhet e kukesit sot ju kan komunikuar qe 10 mi lek te vjetra do ju ndalen nga rroga per termetin. Nuk e di nqs eshte e drejt apo jo. Nuk jam kundra per ti ndimuar por un mendoj qe qeveria ka detyrime sepse ne paguajm taksa. Me respekt kukes

O i nderuar sali berisha jam nje mesues i shqetesuar se spo na hedhin akoma rogat mir termeti qe ishte nga zoti po na ka zene dhe termeti i rogave as do te di njeri.”shkruan Berisha në njoftimin e plotë./CNA.al

 

 

LEXO TE PLOTE