Connect with Us

“Opozita nuk ka asnjë mekanizëm për të ndaluar Ramën”/ Kryemadhi vendos pikat mbi “i”

Politikë

“Opozita nuk ka asnjë mekanizëm për të ndaluar Ramën”/ Kryemadhi vendos pikat mbi “i”

Publikuar

-

“Opozita nuk ka asnjë mekanizëm për të ndaluar Ramën”, kështu është shprehur kryetarja e LSI-së Monika Kryemadhi gjatë një takimi me gazetarët pas vizitës në SHBA.

Për Kryemadhin ngritja e Gjykatës Kushtetuese do të sjell çmontimin e kontrollit të shtetit nga grupet kriminale.

“Rama nuk do t’i ketë shancet dhe mundësitë për ta prishur Teatrin Kombëtar. E provvoi në verë një gjë të tillë, por nuk ia arriti dot qëllimit. Nuk po e them arsyen se pse, e di vetë ai arsyen…

Sikurse nuk mundi të prishte dot Teatrin Kombëtar ashtu nuk do të mund të vazhdojë dot të kap më institucionet e tjera.

Mendoj se vërtet opozita nuk ka një mekanizëm për të ndaluar Ramën. Përsa kohë erdhi në një rezultat të djegies së mandateve do të thotë se erdhi si rezultat i bejsbollit kushtetues që përdori Rama, duke përdorur grupe të caktuara kombëtare dhe ndërkombëtare për të nxjerrë jashtë loje opozitën dhe për të instaluar një sistem në pamje të jashtme demokratik por që në të vërtetë ishte autokratik.

LEXO EDHE:  Dëmet nga tërmeti/ Rama zbulon skenarët për Tiranën, Durrësin dhe Kurbinin

Por shumë shpejt ky kontroll kriminal do të fillojë të çmontohet dhe ngritja e Kushtetueses është hapi i parë.

Çmontimi i këtij ngërçi politik dhe institucional që zoti Rama ka krijuar, por edhe vijimi i punës së opozitës për informimin e të gjithë partnerëve dashamirës të Shqipërisë përsa i përket kapjes së sistemit të drejtësisë nga zoti Rama është një fazë e dytë.

Ky grusht shteti që ka bërë Rama, me ndihmesën edhe të individëve të caktuar, ca nga padija dhe ca nga shantazhi dhe ca të tjerë nga korrupsioni, sigurishtë që e ka bërë situatën të vështirë”, është shprehur Kryemadhi./CNA.al

Për të rejat më të fundit behuni pjesë e grupit tonë në facebook : City News Albania
1 Koment

1 Koment

  1. t

    19 Nentor, 2019 at 3:02 pm

    Opozita nuk ka,por populli ka

Komentoni

Your email address will not be published. Required fields are marked *

Politikë

Arben Malaj tregon përplasjet me Fatos Nanon/ Ku gaboi Edi Rama

Publikuar

-

Nga

Arben Malaj tregon përplasjet me Fatos Nanon/ Ku gaboi Edi Rama

Ish-ministri i Ekonomisë dhe Financave, Arben Malaj ka folur për bashkëpunimin e tij me ish-kryeministrin Fatos Nano.

I ftuar në emisionin “Ekopolitikë”, Malaj ka treguar se me Nanon ka pasur shumë përplasje, megjithatë pavarësisht zënkave dhe përplasjeve, ish-ministri ka shpjeguar sesa i qetë ndehej me të, pasi e dinte vizionin e Nanos lidhur me projektet që kishin marrë përsipër.

Gjithashtu Malaj ka theksuar se kur punonte me Fatos Nanon, e dinte se nuk kishte gjë pas shpine, por e kishte përballe me të gjitha qëndrimet.

“Për mua Nano kishte vizion të qartë për atë që do të bëhej, e dyta kishte delegim nuk ndërhynte, e treta kishte respekt për shkresën ndoshta dhe nga përvoja e hidhur që kishte kaluar.

Mbi të gjitha kur punoja me kryeministrin e dija se nuk kisha pas shpine diçka tjetër. Kisha atë ballë për ballë me të gjitha qëndrimet e mundshme.

Mund të bëje debat, mund të thoshe se unë po iki dhe zgjidh një tjetër, mund të ndodhte gjithçka por ajo mbetej brenda asaj zyre.

Edhe nëse ndodhte një debat ishte i pari Nano që merrte në telefon dhe kërkonte që palët të qetësoheshin.



LEXO EDHE:  Dëmet nga tërmeti/ Rama zbulon skenarët për Tiranën, Durrësin dhe Kurbinin

Nano kishte një avantazh, sepse kishte akses në gjuhët e huaja. Ishte i vështirë në atë që synonte,”-tha ai.

LEXO EDHE:  Dëmet nga tërmeti/ Rama zbulon skenarët për Tiranën, Durrësin dhe Kurbinin

Malaj është shprehur ndërkohë se kreu i qeverisë Edi Rama i ka bërë një dëm të jashtëzakonshëm Partisë Socialiste pasi sipas tij bëri krushqi politike me njerëzit që kanë pasur lidhje me botën e krimit.

“Për fat të mirë nuk kam qenë në rrethin e ngushtë të tij. Kemi qenë në mënyrë simetrike të baraslarguar nga njëri tjetri.

Ai në korsinë e tij, me të cilën i ka bërë një dëm të jashtëzakonshëm Partisë Socialiste, sepse ai arriti të bënte krushqi politike edhe me njerëzit e kriminalizuar.

Jemi i vetmi parlament në botë që bëmë ligj për dekriminalizmin e deputetëve. Janë bërë deputetë me votë populli, ne i dekriminalizojmë. I bëmë kryetarë bashkie, i bëmë deputetë, i vumë në poste drejtuese.

Çfarë është kjo? Kjo është cënim i qeverisjes së një vendi. Kjo mënyrë mentaliteti, do të prodhonte, krizë, dhe ne jemi në krizë,”-tha Malaj./ CNA.al

LEXO TE PLOTE

Politikë

Babëzia e Blendi Gonxhes nuk njeh kufij/ Si përfitoi 220 milionë lekë nga qeveria për kompaninë e tij private  

Publikuar

-

Nga

Babëzia e Blendi Gonxhes nuk njeh kofi/ Si përfitoi 220 milionë lekë nga qeveria për kompaninë e tij private  

Zëdhënësja e Partisë Demokratike, Ina Zhupa ka hedhur akuza të forta sot në drejtim të Drejtori i Transportit Rrugor të Shqipërisë, Blendi Gonxhe.

Në një deklaratë për mediat, Zhupa tha se Gonxhe është paguar mbi 220 milionë lekë nga qeveria për kompaninë e tij private të transporteve.

“Blendi Gonxhe përfiton miliona lekë nga buxheti i shtetit përmes një kompanie private, të vendosur në emër të bashkëshortes.

Drejtori i Përgjithshëm i Transportit Rrugor ka në pronësi një kompani private për transport udhëtarësh, të cilën e përdor për t’u dhënë makina me qera kolegëve të tij në institucione të tjera shtetërore. Janë rreth 220 milionë lekë që Blendi Gonxhe ka përfituar me këtë biznes në konflikt të hapur interesi.

Nëse do të këtë një hetim nga Inspektorati i Kontrollit të Pasurive, do të gjejë se institucione qendrore, të drejtuar  nga miq të Blendi Gonxhes, kanë paguar miliona lekë për kompaninë e tij, ndërkohë që ky vetë është në këtë pozicion kyç të sektorit të Transporteve.



Ministria e Jashtme, Ministria e Mbrojtjes, Ministria e Arsimit, Parlamenti, Drejtoria e Shërbimeve Qeveritare, por veçanërisht Agjencia e Planifikimit të Territorit, paguajnë me miliona lekë kompaninë private të Blendi Gonxhes së Drejtorisë së Transporteve për të siguruar makina me qera apo shërbime të tjera transporti.

LEXO EDHE:  Sfidon Paloka/ “Fitojmë 82 mandate”

LEXO EDHE:  Sfidon Paloka/ “Fitojmë 82 mandate”

Janë miliona lekë për transport privat që paguhen nga taksat e qytetarëve direkt e në xhepin e mikut të kryeministrit që drejton Transportin Rrugor të  Shqipërisë. Ky është një aktivitet në konflikt të hapur interesi.

Është shkelje e ligjit, që tregon sesa të babëzitur janë këta që na drejtojnë. Blendi Gonxhe, që përdor miqësinë me Edi Ramën për të zhvatur çdo qindarkë nga taksat dhe nga xhepat e shqiptarëve në çdo formë dhe mënyrë, është funksionari tipik i korruptuar i qeverisë në ikje.”-tha Zhupa.

Më tej, ajo theksoi se Gonxhe duhet të japë dorëheqjen dhe prokuroria të hetojë këtë skemë vjedhjeje dhe skemën gjigande të korrupsionit me patentat, të denoncuar në media.

“Më e pakta që Blendi Gonxhe mund të bëjë sot është të japë dorëheqjen. Ndërsa prokurorisë i takon të mos heshtë. Kjo skemë e përfitimit të parave duhet hetuar, njësoj siç duhet hetuar edhe skema e vjedhjes gjigande përmes sistemit të patentave.”-theksoi Ina Zhupa.

LEXO TE PLOTE

Politikë

Nga Ditmir Bushati/ Rruga e vërtetë

Publikuar

-

Nga

* Dante Aligieri te “Komedia Hyjnore” shkruante “në mes të shtegtisë së kësaj jete, u gjeta në një pyll krejt errësi, se kisha humbë unë rrugën e vërtetë”. Metafora e humbjes së rrugës së vërtetë i shkon për shtat situatës në të cilën gjendet Kosova në raport me procesin e shtetësisë.

Gjatë viteve të fundit kemi dëgjuar në mënyrë të përsëritur se rendi liberal ndërkombëtar që krijoi shtetin e Kosovës vdiq; se një rend i ri ndërkombëtar do ta ketë zanafillën tek shkëmbimi i territoreve mes Kosovës dhe Serbisë; se nuk është e nevojshme, dy dekada pas përfundimit të luftës, të këmbëngulet në zbardhjen e krimeve të kryera nga Serbia, e madje të vendosen shenja barazie në krime mes Serbisë dhe Kosovës e të kërkohet paturpësisht amnestimi i tyre. E gjithë kjo strategji u ndërtua në mënyrë të atillë që njerëzit të sundoheshin nga dobësia e imagjinatës së tyre, e të mos ishin në gjendë të dallonin mashtrimin e embël nga e vërteta e hidhur.

Është e vërtetë se dekadën e fundit rendi ndërkombëtar që çliroi dhe më pas krijoi shtetin e Kosovës, mund të jetë dukur si i sëmuri në sallën e reanimacionit. Prirjet për fragmentim dhe rajonalizim, e në disa raste mungesa e bashkërendimit brenda familjes euroatlantike reflektohen edhe në reduktimin e vëmendjes dhe interesit për rajonin tonë.

Mirëpo, nuk duhet harruar se në këtë mjedis të ndryshëm ndërkombëtar që projektohet edhe në Europën Juglindore, u nënshkrua dhe po zbatohet Marrëvëshja e Prespës, që i dha fund një mosmarrëveshje të gjatë mes Athinës e Shkupit, duke zhbllokuar edhe rrugën euroatlantike të kësaj të fundit. Një marrëveshje që u negociua mes dy palëve, ku njëra ishte anëtare e NATO-s dhe BE-së, dhe tjetra aspironte të ishte pjesë e të dyjave. Një proces aspak i lehtë, ku palët synonin harmonizimin e qëndrimeve të vendeve të Quintit dhe jo shfrytëzimin e diferencave ndërmjet tyre, kufizimin e influencës së aktorëve të tjerë me peshë ndërkombëtare, që gëzojnë të drejtën e ushtrimit të vetos në OKB, duke qenë se marrëveshja u depozitua në OKB, për t’u zbatuar më pas. Si në çdo negociatë, palët vihen përballë njëra-tjetrës për shkak të nevojës së dyanshme për t’i dhënë fund një mosmarrëveshje apo konflikti. Në shumicën e rasteve palët nuk kanë të njëjtën peshë ndërkombëtare apo fuqi negociuese. I gjithë procesi që shoqëroi Marrëveshjen e Prespës u ndërtua tek fryma e besimit mes palëve dhe respektimi i parimeve të së drejtës ndërkombëtare. Kjo është arsyeja që marrëveshja u mbështet nga të gjithë fqinjët, të cilët e promovuan atë me të njëjtin zë si palët nënshkruese.

Natyrshëm, nënshkrimi i Marrëveshjes së Prespës rriti pritshmëritë edhe për një epilog të dialogut Kosovë-Serbi, pavarësisht dallimeve dhe specifikave që ka kjo çështje. Për fat të keq, ky moment jo vetëm nuk u shfrytëzua, por i gjithë procesi u fut në një turrjelë dhe ç’është më e keqja opinioni publik u “bombardua” më atë që njihet ndryshe si, procesi i shpëlarjes së trurit, ku u tentua të fshihej vija ndarëse mes realitetit dhe fantazisë e mashtrimit.

LEXO EDHE:  Braçe-Opozitës/ “Digjeni bulevardin, ia keni marrë dorën”

LEXO EDHE:  Sfidon Paloka/ “Fitojmë 82 mandate”

Ndaj, pyetja themelore që kërkon përgjigje është pse u humb durimi dhe besimi tek rruga e vërtetë? Pse dialogu për normalizimin e marrëdhënieve ndërmjet Kosovës dhe Serbisë, u kthye në një dialog për statusin e Kosovës dhe kompensimin e Serbisë? Pse ideja e vjetër serbe për copëtimin e Kosovës dhe “ndërkufizimin kufitar” mes serbëve dhe shqiptarëve u promovua nga shqipfolës dhe u prezantua si një mundësi historike? Pse u vendosën shenja barazimi ndërmjet dialogut për normalizimin e marrëdhënieve Kosovë-Serbi me marrëdhëniet shqiptaro-serbe në rajon? Pse u shfrytëzuan diferencat transatlantike për zgjidhje etnocentrike që shkojnë kundër vlerave thelbësore, që vetë SHBA-ja dhe BE-ja kanë promovuar për dekada në rajon? Cili është çmimi i njohjes së Kosovës nga Serbia? A është ky një proces i njëanshëm ku vetëm Kosovës i kërkohen lëshime, apo i dynashëm me impakt rajonal e europian ku të dyja palët kanë nevojë të gjejnë një zgjidhje të qëndrueshme dhe të punojnë drejt anëtarësimit në BE? Pse u shpërfillën mendimet dhe paralajmërimet e miqve që kanë punuar me Kosovën dhe për Kosovën që në ditët e para të projektit të shtetësisë së saj?



Yuval Noah Harari në librin e tij “21 Leksione për Shekullin e Njëzetenjë” shkruan se, “Pushteti dhe e vërteta udhëtojnë së bashku për një farë kohe. Herët ose vonë rrugët e tyre ndahen”. Politikanët që mendojnë se projekti i shtetësisë është një sport i personalizuar, që mund ta luash duke vënë në lojë aleatët strategjikë apo përmes flamur valvitjeve, në varësi të nevojave të ditës, duke shpërfillur dijen, historinë, traditën, mendimin kritik, thjeshtë gabojnë. Mirëpo gabimet në këtë proces janë si gabimet në shkencat e aplikuara. Ato është e vështirë t’i shlyesh.

Vështruar në këtë kontekst, Kosova ka nevojë për të rigjetur rrugën e vërtetë. Rifillimi i procesit të dialogut nën ndërmjetësimin e BE-së, imponon para së gjithash një analizë të esëllt të arritjeve dhe dështimeve në vite, sikundër përcaktimin e piketave të rëndësishme të së ardhmes, të cilat duhen trajtuar në mënyrë strategjike.

Zgjidhja përfundimtare kalon përmes një procesi që kërkon parime udhërrëfyese, objektiva të qarta dhe frymë besimi në negocimin mes palëve, pasi zgjidhja e një çështje apo mosmarrëveshje sjell në mënyrë të pashmangshme nevojën për të zgjidhur çështje të tjera. Për pasojë, të menduarit duhet të jetë afatgjatë dhe sistematik, bazuar në dijen e akumular nga zhvillimet gjatë dy dekadave të fundit.

Ushtrimi i suksesshëm i projektit të shtetësisë ndërkombëtare varet nga faktorë objektivë dhe subjektivë. Ndër faktorët kryesorë objektiv mund të përmendim mirëqëverisjen, ndërtimin e marrëdhënieve të mira me fqinjët dhe mbi të gjitha nëvojën për konsensus sa më të gjerë për drejtimet kryesore dhe parimet udhërrëfyese të këtij procesi. Proces, që kërkon disiplinë strategjike dhe politikbërje të shëndetshme.

Ndaj, sot nuk është koha për të vajtuar, as për t’u viktimizuar, por për të rigjetur rrugën e vërtetë.

*Shkrimi i botuar sot në “Koha Ditore”

LEXO TE PLOTE