Në Korçë është mbajtur për të disatin vit radhazi, Festivali i Dritave. Qindra, mijëra drita janë ndezur njëkohësisht duke lajmëruar kështu ardhjen e festave të fundvitit.

Ashtu si çdo vit, festa ka nisur me numërimin mbrapsh pranë zonës së këmbësorëve, në sheshin para bashkisë, për të kulmuar më tej në një koncert solidarizues për të prekurit nga tërmeti tek Pazari i Vjetër.

Vetë kryebashkiaku, Sotriaq Filo, është kujdesur që qyteti të zbukurohet në çdo detaj, ndërkohë që koncertit iu bashkuan qindra qytetarë.

Për më shumë, pamjet e mëposhtme flasin vetë./CNA.al

Pas lajmit të publikuar dje se, një përplasje e fortë verbale që ka shkuar deri në përplasje fizike ndodhi mes aktivistëve të  “Aleancës për Tetarin”, ka reaguar dhe regjiszori Kastriot Çipi.

Teksa pranon përplasen mes aktivistëve të  “Aleancës për Tetarin”, Çipi thotë se disa protestues që mbrojnë Teatrin thirrën policinë që të largonin nga sheshi ca protestues të tjerë që mbrojnë Teatrin.

“Mbrëmë ca protestues që mbrojnë Teatrin thirrën policinë që të largonin nga sheshi ca protestues të tjerë që mbrojnë Teatrin.

Sonte ata ta që thirrën policinë i kanë hapur skenën e Teatrit një artisti që doli nga të parët pro shembjes së Teatrit.

“Përditë shoh qartë e ma qartë.

Edhe vuej, thellë e ma thellë…” Kështu thoshte Migjeni”- shkruan Kastriot Çipi./CNA.al

Një shpërthim me lëndë plasëse është regjistruar në Tiranë pak para mesnatës së mbrëmshme.

Sipas uniformave blu, shpërthimi ka ndodhur rreth orës 23:55 në rrugën “Shyqyri Brari”, në afërsi të lokalit me pronësi të shtetasit M. H., duke shkaktuar vetëm dëme materiale.

Grupi hetimor po vijon punën për zbardhjen e rrethanave të ngjarjes, identifikimin dhe kapjen e autorit. Aktualisht policia po heton në lidhje me zbardhjen e plotë të ngjarjes./ CNA.al