Politikë
Petrit Vasili mesazh Xhafajt dhe Dvoranit/ “Ju pret fati i Katicës!”
Ish kreu i LSI-së, Petrit Vasili i është përgjigjur deklaratave të ish-ministrit të Brendshëm Fatmir Xhafajt, i cili kritikoi sot anëtaren e Gjykatës Kushtetuese Vitore Tusha, ku tha se ajo nuk ka respektuar vendimet e KED-së për anëtaret e rinj të Kushtetueses.
Përmes një postimi në rrjetet sociale, Vasili shkruan se Xhafaj po tenton të mbrojë palaçollëkun e kreut të KED-së, Ardian Dvoranin, i cili sipas tij ka tentuar të kapë Gjykatën Kushtetuese për ta vënë më pas atë në shërbim të Rilindjes.
Ndërsa i krahasan këta dy të fundit me Janeva Katicën e Maqedonisë së Veriut.
Postimi i Vasilit:
Katica politike,qe mbron Katicen e KED dhe betimin te Bregu i Lanes! Sot Katica politike e reformes ne drejtesi Fatmir Xhafaj po guxon te mbroje palacollekun e Katices Dvorani Kryetar i KED, qe shkeli e dhunoi Kushtetuten e Ligjin per ti sherbyer kapjes se Gjykated Kushtetuese nga rilindja dhe per ta kthyer drejtesine ne pronen kriminale te saj.
Sot Katica politike guxon te shantazhoje edhe anetaret e KED ne mbrojtje te Katices Dvorani te KED. Mashtrimi publik arriti deri aty sa Katica politike te genjeje edhe per vendime te KED, qe nuk jane marre kurre si dhe per vendime qe KED e ka te pamundur me ligj qe ti marre dhe te shpalle fitues.
KED ka marre vendim vetem, qe vendimet e saj te publikohen ne faqen e Gjykates se Larte dhe kjo eshte e zeza mbi te bardhe e nuk e luan topi. Katica Dvorani dhe Katicat e tjera thjesht shnderruan Gazeten Zyrtare ne Landfill Zyrtar gje te cilin mbron sot Katica politike Xhafaj. Mbi Katicen Dvorani bie e gjithe pergjegjesia individuale penale per kete veprim dhe te shume te tjera ne funksion te rolit te tij ne puçin kushtetues duke filluar nga loja kriminale me dergimin e listave,manipulimin e vleresimit te kandidateve etj etj ndaj edhe do te pergjigjet deri ne nje.
Katica politike Xhafaj, qe ben presion gjoja ne emer te reformes duke permendur vecanerisht partneret amerikane,eshte dita sot qe ti kujtojme se SHBA eshte simboli i drejtesise pavarur,te pakapur dhe te pashantazhuar. Katica politike nuk mund te shperdoroje e keqperdore dot më SHBA dhe ate qe ato simbolizojne, si alibi per te kapur drejtesine dhe Gjykaten Kushtetuese.
Katica politike, qe bekoi zgjedhjen antikushtetuese te Arta Markut,qe vuri Ministrine e Brendeshme ne funksion te vellait trafikant,qe deklaroi 24 ore perpara vazhdimin dinjitoz te reformave dhe 24 ore me pas iku me bisht ne shale flet sot per parime e per kushtetute.
Katica politike me shoke e cuan kushtetuten ne ate derexhe qe kandidatja e vetshpallur te betohej te Bregu i Lanes. Nje notere e thjeshte u tregua shume me dinjitoze se te gjithe Katicat e kapura te marra bashke. I gjithe populli i sheh me neveri Katicat e Bregut te Lanes, qe mbrojne njera tjetren dhe kerkon vec ndeshkimin e tyre./CNA.al
Politikë
Opozita parlamentare kërkon ulje të pragut zgjedhor/ Të bëhet 2%, ai 5% thellon hendekun me votuesit
Grupi demokrat i opozitës parlamentare ka dalë me një propozim të ri sa i përket Reformës Zgjedhore duke kërkuar ulje të pragut zgjedhor.
Deputetët Korab Lita, Myslim Murrizi dhe Rudina Hajdari kanë kërkuar një ulje të pragut zgjedhor në 2%. Sipas Litës, një prag 5% bashkë me ndalim koalicionesh thellon hendekun e partive me votuesit. Ai ka shtuar se në zgjedhjet e fundit për shkak të pragut 3% shumë votues kanë ngelur të papërfaqësuar.
Fillimisht propozimi u hodh nga Korab Lita dhe u mbështet më pas nga kolegët Myslim Murrizi dhe Rudina Hajdari.
Korab Lita: Pragu 5% dhe ndalimi i koalicioneve ngushtojnë hendekun. Pragu 2% e plotëson më së miri nevojën e shfaqur. Propozoj që në pikën 2 të nenit të parë, të bëhet jo më pak se 5% të votave të vlefshme por 2% të votave të vlefshme.
Myslim Murrizi: Edhe unë mbështes propozimin e relatorit në emër të opozitës. Që paragrafi 2 i nenit, të ndryshojë pragu. Në propozimin fillestar ka qenë 5%. Por në ndonjë mbledhje tjetër të merret parasysh që të ndryshohet nga 5% në 2%.
Rudina Hajdari: Propozimi i pragut zgjedhor 5% nuk ka ardhur nga grupi demokrat, ka ardhur nga deputetë të tjerë. Ulja e pragut do ishte më e drejtë dhe do të krijonte konkurrueshmëri.
Politikë
Zbulohet pse iu hoq viza amerikane Ben Blushit
CNA.al një ditë më parë raportoi se një ndër personazhët publikë, që iu është hequr viza nga ambasada e SHBA, është edhe ish-politikani, aktualisht drejtor i Top Channel, Ben Blushi.
Ndërkohë, CNA.al ka zbuluar nga burime zyrtare se disa biznesmenë të rëndësishëm në vend kanë çuar letra për përplasje, shantazhe, gjoba pranë ambasdës së SHBA-ve në Tiranë.
Mësohet se dy personat e parë që kanë pasur kontakte me ambasadën është biznesmeni Nadir Çausholli dhe Klodian Allajbeu i Spitalit Amerikan.
Por, CNA.al ka mësuar se edhe dy persona të tjerë kanë çuar letra për Ben Blushin pranë ambasadës së SHBA.
Pallati në Tiranë
Andon Dhima, biznesmeni në ortakëri me vjehrrin e Ben Blushit, ku dyshohet se shkak është bërë një pallat i ndërtuar tek Stadiumi Dinamo, për të cilin ka pasur përplasje të forta, dhe pronësia është në emër të ish-politikanit, Ben Blushi. Gjithçka e përfituar gjatë kohës që ai ka qënë deputet.
Një tjetër letër në ambasadë është ajo e biznesmenit Arben Rreli.
Nuk është një, por burime zyrtare theksuan se janë më shumë se katër personazhe të botës së biznesit që i janë drejtuar selisë diplomatike amerikane, në lidhje me përplasjet dhe problematikat që kanë me Ben Blushin.
Nga ana tjetër kujtojmë këtu edhe një reagim të bërë kohë më parë, nga një zyrtar i Ambasadës së SHBA.
Shefi i Marrëdhënieve me Publikun në Ambasadën e SHBA në Tiranë, Brian Beckmann në prill 2019, u shpreh se mediat përdoren si armë kundër biznesit, personave apo partive politike dhe jo si mjet për të treguar të vërtetën. “Shohim histori që janë shkruar, jo të bazuara në të gjitha faktet e vlefshme, por në të kundërt, me informacion të pjesshëm, të shtrembëruar që ofrohet për të promovuar interesin e një industrie, partie, një individi kundrejt një tjetri. Ata përdorin median me qëllimin e vetëm që të arrijnë atë që duan. Çdo takim ditor editorial në Shqipëri duhet të fillojë me pyetjen “Cila është historia që duhet të tregojmë?” dhe jo “Kujt do t’i vihemi nga pas sot? Lajmet duhet të përqendrohen tek e vërteta, dhe jo si mund të përdoret forca e shtypit si një armë kundër një personi, biznesi, apo një partie politike”, deklaroi në atë kohë Brian Beckmann.
Për kë e kishte fjalën zyrtari Amerikan, këtë mund ta dijë më mirë vetë Ben Blushi./ CNA.al
A udhëton dot Ben Blushi në SHBA?!
Ekskluzive/ Ambasada amerikane i heq vizën Ben Blushit
Foto ekskluzive/ Ben Blushi kapet me ortakun e inceneratorëve dhe Vjollcës
Pse Blushi nuk ndahet dot nga krimi?
Dokumentet/ Ben Blushi shtoi pasurinë një miliard lekë, me Rilindjen
Ekskluzive-Zbulohet gazetari oligark që ia kalon edhe Alfred Pezës
Ekskluzive/ Dy biznesmenë në Ambasadën e SHBA kundër Blushit, Vjollcës dhe Top-it
Fotot/ Zbulohet prona 500 milionë e Ben Blushit
Politikë
A udhëton dot Ben Blushi në SHBA?!
Dje CNA.al raportoi se në lidhje me heqjen e vizës amerikane, drejtorit të Top Channel, Ben Blushi.
Burime zyrtare thanë për CNA.al se heqja e vizës ka ndodhur disa muaj më parë pas disa akuzave të forta nga biznesmenë të ndryshëm pranë ambasadës, se janë sulmuar padrejtësisht nga Ben Blushi me gjobëvënie.
Kujtojmë këtu se disa kohë më parë, CNA.al raportoi përplasjen e Top Channel me biznesmenin Nadir Çausholli dhe disa biznese të tjera. (Lexo këtu)
Më pas, Ben Blushi me disa nga biznesmenët i ka zgjidhur raportet e tij ndërsa ambasada ka vepruar. Në atë kohë mediat raportuan se një prej drejtuesve të këtij institucioni kishte mbajtur një qëndrim publik ndaj Blushit.
Shefi i Marrëdhënieve me Publikun në Ambasadën e SHBA në Tiranë, Brian Beckmann në prill 2019, u shpreh se mediat përdoren si armë kundër biznesit, personave apo partive politike dhe jo si mjet për të treguar të vërtetën. “Shohim histori që janë shkruar, jo të bazuara në të gjitha faktet e vlefshme, por në të kundërt, me informacion të pjesshëm, të shtrembëruar që ofrohet për të promovuar interesin e një industrie, partie, një individi kundrejt një tjetri. Ata përdorin median me qëllimin e vetëm që të arrijnë atë që duan. Çdo takim ditor editorial në Shqipëri duhet të fillojë me pyetjen “Cila është historia që duhet të tregojmë?” dhe jo “Kujt do t’i vihemi nga pas sot? Lajmet duhet të përqendrohen tek e vërteta, dhe jo si mund të përdoret forca e shtypit si një armë kundër një personi, biznesi, apo një partie politike”, deklaroi në atë kohë Brian Beckmann.
Ndërkohë pas shkrimit të CNA.al, Ben Blushi, reagoi nga media që përdor për shantazhe ndaj bizneseve, duke publikluar dhe vizën e tij marrë në vitin 2019.
Që Ben Blushi të flejë i qetë, por dhe të sqarohet opinioni publik, ne nuk kemi thënë që ai s’ka marrë vizë kohë më parë, se pa marrë vizë nuk ka sesi të të hiqet. Ne e kemi thënë shqip dhe po e theksojmë: “Ambasada Amerikane i ka hequr vizat një sërë zyrtarësh, persona të drejtësisë dhe pronarë e drejtues mediash. Së fundmi personi që i është hequr viza disa muaj më parë, është edhe Ben Blushi.”
Beni mund ta ketë marrë vizën një vit më parë, por a udhëton dot sot në SHBA?
Për ta provuar ne jemi të gatshëm t’i paguajmë Benit bileten e një udhëtimi vajtje-ardhje. Ne e dimë se Beni nuk e ka problem se ai është bashkëortak me pronarët e inceneratorëve, por opinioni publik të jetë i qartë. A udhëton dot Ben Blushi në SHBA, këtë ai e di më mirë se kushdo tjetër./ CNA.al
Ekskluzive/ Ambasada amerikane i heq vizën Ben Blushit
Ekskluzive/ Dy biznesmenë në Ambasadën e SHBA kundër Blushit, Vjollcës dhe Top-it
Ekskluzive-Zbulohet gazetari oligark që ia kalon edhe Alfred Pezës
Dokumentet/ Ben Blushi shtoi pasurinë një miliard lekë, me Rilindjen
Pse Blushi nuk ndahet dot nga krimi?
Foto ekskluzive/ Ben Blushi kapet me ortakun e inceneratorëve dhe Vjollcës
Fotot/ Zbulohet prona 500 milionë e Ben Blushit
Lajme të Rekomanduara:
Reforma zgjedhore/ Si po i fut në “burg” Luli Basha, përfaqësuesit e PS në KQZ
Kur e thotë e bën! Ky është Luli Basha, kreu i Republikës së Re. Kështu ka ndodhur edhe me përfaqësuesit socialistë në KQZ. Lulzim Basha...
“Politika, një pazar i pistë”/ Basha zbulon ofertën e Ramës
Kryetari i Partisë Demokratike, Lulzim Basha ka aluduar sot për një pakt të mundshëm so ofertë e kryeministrit Edi Rama. Në një deklaratë për mediat,...
