Connect with Us

“Shqipëria vendi i tretë për korrupsionin”/ Basha prezanton platformën e PD-së

Politikë

“Shqipëria vendi i tretë për korrupsionin”/ Basha prezanton platformën e PD-së

Publikuar

-

Kryetari i Partisë Demokratike, Lulzim Basha gjatë një takimi që po zhvillon sot me fermerët në Devoll, ka hedhur akuza të forta në drejtim të kryeministrit Edi Rama.

“Koorporata e investimeve është koorporatë e hajdutërisë që është bërë për t’i marrë pronat shqiptarëve, pasuritë publike të shqiptarëve, për t’ia dorëzuar 3-4 miqve të Edi Ramës. Ja pse Edi Rama e ke jetike kapjen e drejtësisë

Kemi një qeveri që ka mbyllur sytë dhe veshët para halleve të njerëzve, flet me propagandë nga mëngjesi në darkë dhe të gjitha paratë e buxhetit i devijon dhe ia jep një grushti oligarkësh.

Të gjitha paratë e taksave tuaja i devijon dhe i bën rrush e kumbulla me të ashtuquajturat konçensione e PPP që në fakt janë emra të sajuar sepse bëhet fjalë për vjedhje të pastra.”-tha Basha.

Më tej, ai tha se platforma e Partisë Demokratike, është dhënia fund e këtyre praktikave, të përmednura më sipër.

“Platforma jonë është e qartë dhe e thjeshtë.

Dhënie fund të këtyre praktikave abuzive që e kanë renditur Shqipërinë vendin e tretë më të korruptuar të botës, Sierra Leone, Laosi dhe Shqipëria.

Ky është realiteti, të tjerat janë propaganda e njeriut që hyri në histori si njeriu që e futi Shqipërinë në rekordin më të zi të korrupsionit të ekzistencës së shtetit shqiptar.

Askush nuk e ndjen këtë më shume se sa ju dhe nuk ka propagandë ta fshijë. Nuk ka gënjeshtra dhe mashtrime nga mediat e kapura nga qeveria, ta fshijë.”-u shpreh kreu i PD-së.

Më tej, Basha theksoi se dhjetëra milionë euro janë zhdukur pa lënë gjurmë, i jep 2-3 miqve të tij.

“Shikoni koorporatën e investimeve, koorporatën e hajdutërisë që është bërë për t’i marrë pronat shqiptarëve, pasuritë publike të shqiptarëve, për t’ia dorëzuar 3-4 miqve të Edi Ramës.

Shikoni tenderat që janë pa konkurrencë, sepse janë paracaktuar ata që do t’i fitojnë me çmimin maksimal dhe masi i marrin me çmimin maksimal e rrisin edhe më shumë vlerën e kontratës. Kush paguan? Ju paguani. Shqiptarët paguajnë.

Njësoj siç paracakton tenderat, paracakton edhe gjyqtarët e Gjykatës Kushtetuese, pa garë, ata që do Ardian Dvorani, simboli i korrupsionit dhe i kapjes së shtetit, vegla dhe masha e Edi Ramës që nuk do të lërë institucion pa kapur sepse ai e ka jetike t’i kapë institucionet.

Nëqoftëse institucionet funksionojnë i pari që duhet të shkojë për ndjekje penale, për dhjetëra vepra penale është Edi Rama dhe gjysma e kabinetit dhe ish-kabinetit të tij qeveritar.

LEXO EDHE:  Basha përkujton 30-vjetorin e rënies së Murit të Berlinit: Ditë refleksioni kundër autokracisë

Prandaj ai e ka jetike të kapë drejtësinë, të bllokojë reformën në drejtësi, prandaj ai cakton si kukulla prokurorë, gjyqtarë, Gjykatë Kushtetuese.

Paligjshmëria dhe padrejtësia prodhojnë vetëm varfëri dhe mjerim.

Zgjidhja e vetme janë zgjedhjet dhe kthimi i legjitimitetit të parlamentit.”- u shpreh Basha.

Po ashtu, ai garantoi fermerët se do të ketë subvensione direkte në bazë të prodhimit për të zëruar koston e prodhimit.

“Subvencioni funksionon në këtë mënyrë; nga kosto e prodhimit, qoftë patatja, qoftë qepa, molla, domatet, bostan, mish, bulmet, juve t’ju mbetet vetëm kosto e krahut të punës. Pra, shuma e parave që destinohet për prodhimin që ju sillni në treg nga shteti, shteti iu paguan aq para sa të çojë në zerimin e kësaj kosto. Ky pra është qëllimi i mbështetjes tonë direkte për fermerët. Këtë bën sot Kosova. Kosova ka një listë dhe thotë: nëse dorëzon kaq tonë speca, do të marrësh kaq mijë euro. Nëse dorëzon kaq tonë spinaq apo mollë, do të marrësh kaq mijë euro. Gjithçka është e parashpallur, transparente.
Me planin tonë fermeri duhet të bëjë dy gjëra;
E para e punës të certifikohet sasia e prodhimit që ka,
Dhe e dyta të certifikohet që ka cilësinë minimale pë rtë hyrë në treg,
Me certifikimin e tyre menjëherë fermeri përfiton për çdo kuintal prodhim dhe në funksion të kësaj do të buxhetohet çdo vit nga buxheti ynë që në vitin e parë 100 milionë euro nga buxheti i shtetit. 100 milionë euro vetëm për mbështetje direkte për fermerin. Nuk do të mbështetën prodhime kuturu, por ato që sjellin një vlerë të shtuar. Gjithçka do të bëhet digjitale pa pasur nevojë të shkoni tek zyra, do të eliminohet e gjitha kjo. Avantazhi i digjitalizimit me një kartë, me një cip mund të shmangim hallkat që bëjnë korrupsioni dhe gjithçka të vërtetohet siç është.

Dy gjëra: E para, një tabelë e shpallur, transparente vit për vit e subvencionit që do të jetë për prodhim për të gjithë fermerët, pa dysheme, pa tavan.

Mbështetje e drejtpërdrejtë për të gjithë fermerët duke shmangur mundësitë për abuzime dhe korrupsion.”-u shpreh Basha./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Bashës tani i mungojnë deputetë

Publikuar

-

Nga

Bashës tani i mungojnë deputetë

Gati një vit e gjysmë më parë, Lulzim Basha në një aksion të çmendur politik të gjithëpranuar nga vetë ai dhe mbështetësit e tij si dështim, shkoi te djegia e mandateve të deputetëve.

Ky akt që bëri Lulzim Basha tregoi  dy faktorë.

E para, që kishte përgatitur një listë servilësh, dhe nga ana tjetër mbushja e parlamentit ishte përgatitur me emra të pavlerë, po edhe me personazhe të shitur apo të blerë, të cilët i ka akuzuar vetë Lulzim Basha dhe mbështetësit e tij; pa folur këtu për emra si Rudina Hajdari, Myslim Murrizi të cilët Basha i vendosi në 2017-n në lista për të sulmuar personalitetet e PD-së, elitën e saj dhe për të treguar se caktoi vajzën e Azemit.

Në fakt, në të njëjtën kohë edhe ata e kuptuan se kush ishte Lulzim Basha dhe sot pas gati një vit e gjysmë të aksioneve politike dha fakte të pakontestueshme, të cilat kanë provuar se  Lulzim Basha kishte përgatitur një listë të dështuar, listë nga e cila një pjesë e personazheve pritet të jenë edhe në zgjedhjet e ardhshme, por vetë akti i djegies së mandateve ishte një tjetër dështim.

Sot ka ndodhur një përplasje e madhe në parlament; nuk ka pasur pushkë, nuk ka pasur krisma, nuk ka pasur as konflikt fizik, por u pa qartë se Edi Rama dhe Lulzim Basha nuk kanë 84 vota për të miratuar reformën zgjedhore.

Megjithëse ata janë bashkë dhe kanë firmosur një marrëveshje bashkë, votat nuk i kanë.

Pra,  Luli ka përgjegjësinë e votave të munguara në parlament dhe vetë Lulit i duhet të plotësojë numrat, në mbështetje të Edi Ramës dhe të mbajnë njëri tjetrin sa më fort.

LEXO EDHE:  Basha përkujton 30-vjetorin e rënies së Murit të Berlinit: Ditë refleksioni kundër autokracisë

LEXO EDHE:  Berisha braktis hipokrizinë e Lulzim Bashës

Ajo që po ndodh është e vërtetë dhe ne të gjithë e shohim me sy. Edi Rama nuk i ka 84 mandate, përveç gjoksit që i bie sa herë do ai.

Tani politikanët që ndodhen në parlament, janë përtej pazareve dhe interesave personale dhe nuk është çudi që shumë shpejt të na shfaqen deputetët e munguar të Lulzim Bashës.

Basha ka paralajmëruar se gjatë momentit të djegies së mandateve dhe kur shumë aktorë politikë thyen urdhrin e tij, ai ka futur në parlament disa personazhe, të cilët kërkonte t’i mbante brenda opozitës parlamentare për të krijuar konflikte e diversion, por edhe për t’i larguar sipas interesit të tij.

Sot u pa qartë se opozita la nam me këtë vepër, pra ajo parlamentare dhe ende nuk janë shfaqur “Lulzimsat” e opozitës parlamentare. Tani Lulit i mungojnë këta deptutë dhe pritet që kokat e tyre do të shfaqen shumë shpejt dhe të shohim dy skenarë”.

Një, është ai i rezistencës, që faktori i tretë politik të marrë atë që i takon dhe Luli me Edin të ngelen me gisht në gojë dhe e dyta është hyrja në parlament e disa personazheve nga opozita parlamentare nga ata që ka raportuar CNA.al., të vendosur në lista me urdhër të Lulit apo të futur në parlament thjesht dhe vetëm për t’i shërbyer Edi Ramës. Pra, do të duhet edhe pak ditë për të mësuar kush janë këta emra./CNA.al

LEXO TE PLOTE

Politikë

PS bën lëvizjen e radhës/ Reforma Zgjedhore më 23 korrik në seancë plenare

Publikuar

-

Nga

PS bën lëvizjen e radhës/ Reformën Zgjedhore më 23 korrik në seancë plenare

Partia Socialiste pritet ta kalojë Reformën Zgjedhore, një javë para afatit, konkretisht në seancën e 23 korrikut.

Mësohet se kjo marrëveshje do t’i prezantohet komisionit të ligjeve javën që vjen, në mënyrë që të hidhet në votim në seancën e 23 korrikut.

Sipas asaj që raporton A2, mësohet se Partia Socialiste ka mbledhur pas seancës grupin parlamentar, për të diskutuar pikërisht për hapat që duhen ndjekur.

LEXO EDHE:  Basha tregon “arritjet” e aleatit të marrëveshjes së 18 majit

LEXO EDHE:   Basha flet me emra/ Këta janë ndërmarrja e qeverisë kriminale 

“Nuk duhet të humbasim asnjë ditë, por ta çojmë përpara marrëveshjen e dakordësuar. Duhet miratuar drafti i Reformës Zgjedhore”, mësohet të ketë thënë Balla.

Ky qëndrim i socialistëve vjen pas takimit që sekretari i  Përgjithshëm i kësaj force politike, Taulant Balla zhvilloi me ambasadoren e Shteteve të Bashkuara të Amerikës Yuri Kim.

LEXO TE PLOTE

Politikë

Bujqësia e braktisur/ Qeveria harxhon 30 milionë për të fshehur dështimin e saj

Publikuar

-

Nga

Partia Agrare Ambientaliste akuzon qeverinë se ka braktisur bujqësinë. Në një deklarët për mediat, PAA thekson se qeveria po harxhon 30 milionë për të fshehur dështimin e saj .

Po ashtu, PAA, i ka drejtuar edhe një mesazh shoqërisë civile dhe ekspertëve të talentuar të qarqeve universitare të nxisin dhe marrin pjesë aktive në strategjinë e daljes nga kriza dhe në strategjinë e zhvillimit afatgjatë të bujqësisë.

“Partia Agrare Ambientaliste (PAA) si zëri publik i fermerit, blegtorit, peshkatarit dhe agropërpunuesit shqiptar proteston për neglizhencën e institucioneve shtetërore dhe vonesën e marrjes së masave konkrete në mbështetje financiare të bujqësisë.

PAA në datën 26.06.2020 i kërkoi MBZHR të qartësonte politikat dhe paketat antikrizë për  bujqësinë dhe sektorët e saj të cilët po paguajnë dëme te mëdha nga pandemia. Fatkeqësisht edhe pas përgjigjes nga Ministria, dhe sidomos pas shkurtimeve që i është bërë mbështetjes së bujqësisë me aktin normativ të ndryshimeve në buxhetin 2020, konstatohet një strategji mediatike e fshehjes së realitetit duke e zbukuruar atë.

Siç vërtetohet nga debati publik vetëm MBZHR ka realizuar një tender me vlerë 2.913.333 milion lekë për reklama dhe makiazhin e saj politik. Reklamat janë para të keq përdorura aq më tepër në sektorin që po vuan më rëndë dhe më gjatë pasojat e pandemisë.

LEXO EDHE:   Basha flet me emra/ Këta janë ndërmarrja e qeverisë kriminale 

LEXO EDHE:  “Vepro si Berisha”/ Ristani këshillë Bashës

Sipas analizës së perfomancës buxhetore për periudhën Janar – Prill 2020 rezulton se:Me rishikimet në buxhet bujqësia ka pësuar ulje të mbështetjes buxhetore me 552 milion lekë dhe shkalla e realizimit të buxhetit gjatë 4 mujorit të parë është më e ulët se në ministritë e tjera.

Më konkretisht MBZHR për periudhën Janar-Prill 2020 ka përdorur vetëm 16% të buxhetit vjetor, por ka (keq) përdorur 25% të shpenzimeve operative, por ka realizuar vetëm 10% të investimeve kapitale që janë jetike për fermerët, blegtorët, agrobiznesin dhe agroturizmin.

Shpenzimet operative ku përfshihen edhe reklamat janë realizuar 1.5 herë më shumë se totali i shpenzimeve dhe 2.5 herë më shumë se investimet publike në bujqësi. Shifrat janë kokë forta dhe hedhin poshtë çdo demagogji dhe arrogancë të financuar nga taksat e shqiptarëve.

PAA i bën thirrje shoqërisë civile dhe ekspertëve të talentuar të qarqeve universitare të nxisin dhe marrin pjesë aktive në strategjinë e daljes nga kriza dhe në strategjinë e zhvillimit afatgjatë të bujqësisë.”-thuhet në deklartën e PAA.

LEXO TE PLOTE