Connect with Us

KSSH letër Kuvendit/ Boll me PPP, të rriten pagat dhe pensionet

Ekonomi

KSSH letër Kuvendit/ Boll me PPP, të rriten pagat dhe pensionet

Publikuar

-

Konfederata e Sindikatave të Shqipërisë ka reaguar në lidhje me projektbuxhetin e 2020.

Në një letër publike drejtuar Kuvendit të Shqipërisë, KSSH bën thirrje të ndalen koncesionet PPP dhe të rriten pagat minimale dhe pensionet.

“Ky projektbuxhet u hartua ne terr pasi u lanë jashtë debatit grupet e interesit dhe Këshilli Kombëtar i Punës.

Konfederata e Sindikatave të Shqipërisë konstaton me shqetësim se 120 milion euro nga taksat e shqiptarëve vitin që vjen do shkojnë për 14 kontrata koncensionare dhe se fondi për politika të reja pagash është zero, nga 2 miliard lekë që ishte në 2019.

KSSH në fillim të 2019 kërkoi që brenda vitit paga minimale të shkonte deri në 33.000 lekë dhe në vitin 2020 paga minimale të shkojë deri në 36.000 lekë.”-thuhet ndër të tjera në deklaratë.

Reagim i plotë i KSSH për projektbuxhetin e 2020:

Ministria e Financave ka prezantuar në Konferencën e Kryetarëve projektbuxhetin për vitin 2020 teksa ky projektbuxheti do kalojë dhe në komisionet parlamentare para se të votohet në kuvend dhe të dekretohet nga Presidenti i Republikës.

Ky projektbuxhet u hartua ne terr pasi u lanë jashtë debatit grupet e interesit dhe Këshilli Kombëtar i Punës.

Konfederata e Sindikatave të Shqipërisë konstaton me shqetësim se 120 milion euro nga taksat e shqiptarëve vitin që vjen do shkojnë për 14 kontrata koncensionare dhe se fondi për politika të reja pagash është zero, nga 2 miliard lekë që ishte në 2019.

KSSH në fillim të 2019 kërkoi që brenda vitit paga minimale të shkonte deri në 33.000 lekë dhe në vitin 2020 paga minimale të shkojë deri në 36.000 lekë.

Presidenti i Konfederatës së Sindikatave të Shqipërisë Kol Nikollaj gjatë punimeve të Kongresit të KSSH i kërkoi Ministrisë së Financave të rrisë sa më shpejt pagën minimale, si e vetmja rrugë që ekonomia shqiptare të shkojë drejt kolapsit.

Paga minimale në vitin 2020 duhet të bëhet 36.000 mijë lekë të reja, ndërkohë duhet parë më urgjencë rritja e pagave për arsimtarët, mjekët dhe administratën. Sot bizneset në Shqipëri po vuajnë për punëtorë dhe shkaku kryesor i hemoragjisë së punës është paga minimale.

LEXO EDHE:  Në emër të luftës kundër koronavirusit, a po shkojmë drejt diktaturës ?/ Ekrem Spahiu thirrje deputetëve: Mos votoni kundër demokracisë

Kujtojmë së paga minimale në Shqipëri është 15 herë më e ulët së në vendet Bashkimit Evropian.

Problemi më i madh i shqiptarëve është ekonomia dhe kjo është hallka kryesore në zingjirin e kushteve të Bashkimit Evropian për hapjen e negociatave për vendin tonë.

Shteti Shqiptar duhet të punojë për të luftuar rritjen e arkëtimeve,informalitetin dhe fshehjen e të ardhurave nga biznesi dhe të detyrojë këtë të fundit të bëjë deklarime reale të pagave dhe jo fiktive.

Nga rritja e pagës minimale ai që fiton vec punëmarrësit është punëdhënësi, pasi rritja e pagës pasohet me rritje të produktivitetit dhe rritje të kualifikimeve profesione.

Bizneset në Shqipëri e ndjejnë nevojën e profesionistëve dhe vendimin e qeverisë për rritje të pagës minimale nuk do ta shihnin me skepticizëm. Konfederata e Sindikatave të Shqipërisë kërkon që të shikohet mundësia edhe për rritjen e pensioneve për vitin 2020.

Sot një pensionist shqiptar, ndonëse gjithë jetën ka punuar në kushte tmerrësisht të vështira me pensionin që merr nuk siguron dot as ilaçet.

Konfederata e Sindikatave të Shqipërisë i kërkon Ministrisë së Financave që pensionet e qytetit të rriten me 10% dhe ato të fshatit të rriten me 15% Rritja e pagës minimale dhe rritja e pensioneve do ishin në kure e fuqishme edhe për plagët sociale më të cilat përballet shoqëria jonë.

Konfederata e Sindikatave i kërkon qeverisë Rama që këtë vit të akordojë pagën e 13 për arsimtarët dhe shpërblim për pensionistët.

Nëse nga taksat e shqiptarët paguhen 120 milionë euro në vit për kontrata koncesionesh nuk ka asnjë arsye përse arsimtarët dhe mosha e tretë duhet të rrije pa shpërblim./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Ekonomi

Milot-Fier, të ardhurat e koncesionarit mbi 1.7 miliardë euro/ Shteti do t’i garantojë 121 milionë

Publikuar

-

Nga

Rruga Milot-Fier një afërë korruptive me fitues të paravendosur

Ministria e Infrastrukturës dhe Energjisë publikoi pas rreth dy javësh nga shpallja zyrtare e procedurës në një aktivitet të posaçëm garën për rrugën Milot-Fier. Në objekt të kontratës do të jetë  “Projektim, ndërtim, operim, mirëmbajtje, rehabilitim dhe transferim i segmentit rrugor Milot-Thumanë-Kashar- Luzi i Vogël- Fier”. Ashtu sikurse ka ndodhur edhe me kontratat të mëparshme të bëra publike(rasti më i fundit Aeroporti i Vlorës që ka mbetur pezull) shteti ka marrë përsipër të garantojë trafikun e munguar në këtë seksion rrugor.

Sipas dokumenteve qeveria është angazhuar që të garantojë maksimalisht 121 milionë euro për konceisonarin për 17 vitet e para të operimit nga vitit 2024 që parashikohet të jetë viti i parë deri në vitin 2040 teksa të ardhurat bazë përgjatë kësaj periudhe janë vlerësuar 1.7 miliardë euro. Konceisoni ka nje afat 35 vjecar por trafiku do te garantohet per me pak se gjysmen e viteve te operimit.  Kjo është garancia maksimale që ka vlerësuar qeveria në dokumentet e saj dhe si kriter përzgjedhës për operatorin do të funksionojë skema se kush do kërkojë më pak garanci nga shteti.

Sipas tabelës së dhënë nga MIE në vitin e parë të operimit të ardhurat bazë të vlerësuara nga shteti janë 60 milionë euro dhe garancia maksimale nga shteti është 4.2 milionë euro. Në vitin e dytë 2025 të ardhurat e parashikuara janë 62.6 dhe maksimumi që mund të garantojë shteti janë 4.3 milionë euro. E kështu vazhdon logjika me një garanci maksimlae prej 7 për qind të vlerës bazë të të ardhurave deri në 2040 kur parashikohet që vlera bazë e të ardhurave të jetë 1.7 miliardë euro për konceisonarin dhe maksimumi i garancisë që mund të jetë dhënë nga shteti në rast të mungesës së trafikut 121 milionë euro.

LEXO EDHE:  Marrëveshja Kosovë-Serbi kalon nga Kuvendi

LEXO EDHE:  Fitimet që po “vrasin” ekonominë

“Koncesionari (fituesi i procedurës se konkurimit) mund të mbështetet nga Shteti, deri në shumën (e Garancisë) përcaktuar në ofertën e tij. Koncesionari mund ta marrë këtë “shumë mbështetëse për garancinë” përgjatë periudhës se Koncesionit dhe mbulon nga viti i pare i operimit deri ne 2040 – vjetore. “Shuma totale për garancinë”’ nuk mund të tejkalojë vlerën 121.324.770 Euro” thuhet në dokumente.

Qeveria ka parashikuar që kjo pjesë pra e garancisë së shtetit të ketë edhe shumicën e pikëve kur vjen puna tek vlerësimi i ofertës financiare me plot 40 pikë.

Sa i takon elementëve të tjerë të ofertës financiare  Garancia e nivelit fillestar (nën nivelin e te ardhurave baze shteti nga viti i pare i operimit deri ne 2040)  vlerësohet me  20 (Njëzet) pike.

“Çdo Ofertues ka të drejtë të përfshijë një “shumë mbështetëse për Garancinë” nga shteti në ofertën e tij. Ofertuesi mund të përcaktojë “nivelin fillestar” në bazë të së cilit mund të kërkojë një pjesë të “shumës mbështetëse” në lidhje me të ardhurat për çdo vit. Kjo do te shprehet si përqindje % sic parapërcaktohet ne tabelën e mëposhtme si baza shtetërore e te ardhurave. Për shembull, nëse një ofertues ofron -10% te te ardhurave të raportuara do të fitojë më shumë pike se një tjetër që ofron – 5%” thuhet në sqarimin e MIE.

Shkalla e tarifës për kilometra për automjet konsiderohet elementi i tretë i ofertës financiare dhe maksimalisht është lënë në nivelin 00.75 euro/km. “Ofertuesi me tarifën më të ulët të kategorisë 2 (dy) “Automjete te lehta, do të vlerësohet me më shumë pikë, ku 0.075 eur/km është niveli maksimal. Cdo oferte mbi nivelin maksimal (0.075 eur/km) do te s’kualifikohet” vlerëson MIE./ Monitor

 

LEXO TE PLOTE

Ekonomi

Qeveria miraton fondin e rindërtimit/ Si do ndahen 4.85 mld lekë në 5 bashki

Publikuar

-

Nga

Qeveria miraton fondin e rindërtimit/ Si do ndahen 4.85 mld lekë në 5 bashki

Këshilli i Ministrave, ka miratuar sot vendimin (lexo ketu) për të akorduar rreth 4.85 miliardë lekë nga Fondi i Rindërtimit, për banesat e ndërtuara nga tërmeti i 26 nëntorit për pesë bashki në vend, atë të Durrësit, Tiranës, Kavajës, Lezhës dhe Krujës.

Bashkia e Durrësit do të marrë pjesën më të madhe të këtij financimi, 3 220 790 743 (tre miliardë e dyqind e njëzet milionë e shtatëqind e nëntëdhjetë mijë e shtatëqind e dyzet e tre) lekë.

LEXO EDHE:  Vettingu në politikë kthen opozitën në Kuvend/ Zbardhen katër ekipet e ngritura nga Basha

LEXO EDHE:  Këshilltari demokrat pyet Bashën: A do të flasin nesër Grida dhe Salianji?

Bashkisë Tiranë i transferohet fondi prej 703 220 000 (shtatëqind e tre milionë e dyqind e njëzet mijë) lekësh.

Bashkisë Lezhë 249 450 000 (dyqind e dyzet e nëntë milionë e katërqind e pesëdhjetë mijë) lekë.

Bashkisë së Krujës 660 700 000 (gjashtëqind e gjashtëdhjetë milionë e shtatëqind mijë) lekë.

Ndërsa Bashkia e Kavajës përfiton vlerën më të ulët prej rreth 18 milionë lekë. (tetëmbëdhjetë milionë e dyqind e pesëdhjetë mijë) lekë./CNA.al

 

LEXO TE PLOTE

Ekonomi

“Borxhi më i lartë se 80%”/ Malaj mesazh qeverisë: Amnistia nuk do e ndihmojë vendin të dalë nga kriza

Publikuar

-

Nga

Kërkoi më shumë pushime për administratën/ Arben Malaj i del në mbrojtje Beqjës

Ish ministri i Financave, Arben Malaj, ka komentuar lëvizjen më të fundit të qeverisë në lidhje me amnistinë fiskale.

Në një intervistë për abcnews, Malaj ka theksuar se në kushtet që ndodhet vendi pas pandemisë dhe tërmetit, fokusi te amnistia nuk do na e ndihmojë vendin që të dalë nga kriza.

Sipas tij tashmë kemi një shifër të lartë në lidhje me rënien ekonomike në vendin tonë që e kalon dhe atë të raportit të BERZH.

“Mbi të gjitha duhet të theksoj se reduktimi i ekonomisë informale dhe asaj kriminale janë të shëndetshme për qeverisjen dhe ekonominë e atij vendi, por rruga që ndiqet duket se nuk është  e duhura. Çdo qeveri ka një fokus, ne jemi në kulmin e pandemisë dhe në kulmin e problemeve ekonomike, ku qeveria ka deklaruar se rënia ekonomike do të jetë rreth 10 % edhe më e madhe se ajo që raportoi BERZH të kesh këto probleme dhe të merresh me amnistinë është një çështje që nuk sjell asgjë të re. Ky është një ligj që synon që të marrë disa para në buxhet, nuk ndihmon në reduktimin e ekonomisë informate dhe asaj kriminale.  Qeveria dhe kryeministri kanë humbur fokusin, merret me inaugurime infrastrukture në kohë kur duhet që të merret me fokusin në investimeve në shëndetësi, pasi mund të ndodhë që pandemia dhe të rikthehet”, ka thënë ish ministri.

LEXO EDHE:  Vettingu në politikë kthen opozitën në Kuvend/ Zbardhen katër ekipet e ngritura nga Basha

LEXO EDHE:  Vettingu në politikë kthen opozitën në Kuvend/ Zbardhen katër ekipet e ngritura nga Basha

Gjithashtu ish ministri ka theksuar se është hera e parë që tashmë qeveria nuk jep statistika reale në lidhje me nivelin ekonomik në të cilën ndodhet vendi.

Ndër të tjera ai e vë theksin edhe tek borxhi publik që thuhet se ka arritur në 80 %, por sipas tij pritet që në mungesë të të dhënave që kemi borxhi mund të jetë më i lartë.

“Është hera e parë në tranzicionin shqiptar që statistikat fiskale të vendit nuk japin statistika reale për të bërë një raport  të qartë, duke filluar me të dhënat për rritjen e borxhit publik. Borxhi për shkak të dy fatkeqësive natyrore tërmeti dhe nga pandemia borxhi do të rritej. Ndërkohë autoritetet Evropiane menjëherë me shpalljen e gjendjes së jashtëzakonshme për përballimin e pandemisë në shumë vende theksuar se borxhi në shumë vende mund të rritet në lidhje me shëndetësinë por ky borxh nuk do të quhet borxh i keq”, ka thënë Malaj./ CNA.al

LEXO TE PLOTE