Ish-deputeti Tritan Shehu ka akuzuar pak më parë kreun e qeverisë Edi Ramën se po përpiqet t’ju ofrojë shqiptarëve “qiejtë” për kalimin e pasojave të tërmetit, por sipas tij vetëm në 3D.

Shehu thotë në një postim në rrjetet sociale se motoja e Ramës është “Shty sa ta shtysh”, teksa i cilëson si hipokrizi, takimet e këtij të fundit me ndërkombëtarët, të cilëve i ka kërkuar të ndihmojnë Shqipërinë.

“Mire ben qe i takon, por nderkaq nuk nderpret si domosdoshmeri apo si nje mesazh serioziteti ndaj qytetareve apo partnereve financimet abuzive qofte dhe te PPP-ve me skandaloze, per tja kaluar ato fonde perballimit te gjendjes, kur vetem per shendetesine me 2020 do te paguhen 40 M$ per ato.

Te aktrosh me shqiptaret e t’i kerkosh partnereve te te ndihmojne, kur vazhdon te keq perdoresh te ardhurat publike, eshte nje hipokrizi e dyfishte!”, deklaron demokrati, ndërkohë që thekson se shqiptarët në këto momente duhen mbështetur dhe jo shfrytëzuar.

“Shqiptareve u duhet thene e verteta, donacionet nga jashte do te jene vetem nje pjese ndihmese per cfare do te nevojitet nga buxheti yne ne kaperximin e katastrofes; kjo do te jete shume dhe e veshtire per ne, pra duhen mire shfrytezuar kapacitetet tona.

Prandaj per te siguruar edhe ate mbeshtetje te partnereve duhet t’i bindim ata se nuk do te abuzohet me fondet e tyre, gje qe nuk mund te behet duke vazhduar te abuzohet me buxhetin, sic po kembengul Kryeministri.

Praktika e ”Strucit” nuk funksionon me partneret, por dhe me shqiptaret nuk mund ”ta shtysh gjate” keshtu!”, përfundon Shehu./ CNA.al

8 Dhjetori këtë vit, nuk është një ditë feste. Për Kryetarin e PD, Lulzim Basha dhe për djemtë dhe vajzat e Forumit Rinor të PD, është një ditë solidariteti me të prekurit nga tërmeti. Zoti Basha dhe të rinjtë demokratë ishin në Mamurras, ku gjenden me qindra familje të prekura nga tërmeti.

“Sot është Dita e Rinisë, siç e keni parë, ne nuk kemi organizuar një festë, sepse nuk është koha për festë, por ju uroj gëzuar Ditën e Rinisë të gjithë të rinjve që kanë ndihmuar. Shumë prej djemve që janë këtu, kanë qenë që orën e parë në rrënoja, duke gërmuar me duar në operacionet e kërkim shpëtimit dhe që nga ajo ditë e deri më sot nuk kanë pushuar asnjë orë për t’i ardhur në ndihmë komunitetit. Po hyn java e tretë e fatkeqësisë, gjithçka duhet të ishte e organizuar dhe e mirëkoordinuar nga shteti, por për fat të keq, akoma janë në dorë të vullnetarëve. Për fat të mirë, ju po e bëni këtë punë si askush tjetër. Duhet të jeni krenarë, se po lehtësoni, me sa mundeni vuajtjet dhe dhimbjet e mijëra njerëzve dhe për këtë keni nderimin maksimal timin personal dhe të të gjithë shqiptarëve.”- u shpreh zoti Basha.

Të rinjtë dhe banorët dëshmuan se në Mamurras, prej gati 2 javësh, të vetmet ndihma që u janë shpërndarë familjeve të prekura nga tërmeti janë ato të vullnetarëve të rinj të opozitës.

Në ditën e 8 Dhjetorit, zoti Basha u shprehu të rinjve mirënjohjen për kontributin e tyre të çmuar dhe të pazëvendësueshëm në këto ditë të vështira për qindra familje në nevojë.

“Po hyjmë në javën e tretë të fatkeqësisë dhe nuk kanë parë asnjë njeri me sy, jo më ndihmë. Janë familje nga më të varfrat në Shqipëri. Ju e keni bërë diferencën, nëse do të flenë me barkun plot apo me barkun bosh fëmijët e kësaj zone. Nëse do të kenë ftohtë, do të kenë një batanije më shumë, do të kenë rroba më shumë apo jo. Duhet të jeni krenarë siç jam unë krenar, në veçanti sot që është edhe dita juaj, është dita e rinisë, Gëzuar Ditën e Rinisë!”- u tha zoti Bash të rinjve në këtë 8 Dhjetor solidariteti.

Kryeministri Edi Rama pak momente më parë i ka bërë ftesë kreut të opozitës Lulzim Bashës, por duket se është penduar.

Rama i shkruante Bashës se refuzimi i tryezës së përbashkët është gabim i madh, ndërsa pak çaste më pas e ka fshirë këtë propozim të hapur nga profili i tij në Twitter.

“@lulzimbashaal një pjesë e sugjerimeve të publikuara lidhur me bizneset e dëmtuara në Durrës, përkojnë me propozimet e hartuara nga kryetari i Komitetit Kombëtar të Rindërtimit & Ministrja e Financave. Por vazhdoj të them se refuzimi i tryezës së përbashkët është gabim i madh”, deklaronte kreu i qeverisë.

Kujtojmë se kjo ishte thirrja e tretë për dialog për Bashën, pas tërmetit të 26 nëntorit, i cili shkaktoi 51 viktima./ CNA.al