Ish kreu i Emergjencave Civile, Shemsi Prençi, i ftuar në emisionin “360 Gradë”, u shpreh se qeveria ka keqpërdorur Kushtetutën, pasi sipas tij, Shqipëria është në gjendje të fatkeqësisë natyrore dhe jo në gjendje të jashtëzakonshme.

“Dua të ndalem te serioziteti i qeverisë në raport me Kushtetutën, ligjin për mbrojtjen civile të Republikës së Shqipërisë.Në zbatim të Kushtetutës, në nenin 174 të saj, referohet shpallja e gjendjes së fatkeqësisë natyrore në një pjesë të territorit apo të gjithë territorin e Shqipërisë nisur nga përmasat e një fatkeqësie.

Ndërkohë që këtë e ka bërë qeveria më datë 27 nëntor, 24 orë me vonesë, por ndërkohë ende sot të gjithë zyrtarët e lartë përfshirë dhe kryeministrin e trumbetojnë si gjendje e jashtëzakonshme.Edhe në takimet me të huajt unë ndihem keq kur personalitete të larta të shtetit u thonë të huajve se Shqipëria është në gjendje të jashtëzakonshme dhe do të vazhdojmë dhe për shumë kohë se pasojat janë të rënda.

Ndërkombëtarët e dinë shumë mirë se kur është gjendja e jashtëzakonshme, që do të thotë cënim të integritetit apo rendit dhe sigurisë dhe cila është gjendja e fatkqesisë natyrore që do të thotë prishje e ekuilibrave të jetës normale të ardhur nga një fatkeqësi. Që këtu kemi një keqpërdorim të Kushtetutës në raport me gjendjen e jashtëzakonshme dhe gjendjen e fatkeqësisë.”/CNA.al

Presdienti i Shoqatës së Ndërtimit, inxhinjer Luigj Aleksi, është pjesë e emisionit “Real Story” ku po diskutohet lidhur me situatën post-tërmet, dëmet dhe qytezat e reja të cilat kryeministri Edi Rama i dëklaroi se do nisin të ngrihen për të sistemuar me banesa qytetarët e goditur.

Ndërkohë që po diskutohej për këto, inxhinjeri i ndërtimtarisë, Luigj Aleksi, vlerësoi se ndëtimet që do të ngrihen nëpër këto qyteza do të jenë të mirëmnduara nga ana urbanistike.

“ Qytezat e reja do të jenë me një koncept të menduar mirë urbanistik, nuk do të jenë banesa emergjente”, deklaroi Aleksi, sipas të cilit:

“Banesat që do shëmben ose janë të ligjit të legalizimit ose të ndërtuara shumë vite më parë”./CNA.al

Në studion e emisionit “Open” vijon të diskutohet për situatën pas termetit dhe zgjidhjet që duhet të vijnë. I pranishëm në studio është dhe analisti Andi Bushati i cili dha opinionin e tij rreth reagimit të kryeministrit Rama pas tragjedisë. Bushati për projektin e lagjeve shprehu habinë e tij për faktin se Rama, menjëherë pas tragjedisë deklaron se do të ndërtojë lagje moderne, madje duke gjetur edhe arkitektin, që në këtë rast është Marko Kazamonti. Përpara të gjitha kontrolleve dhe inspektimeve që duhen bërë, thotë Bushati, Rama premton lagje moderne. “Një javë pasi ndodh termeti, del Rama dhe thotë do të ndërtojmë lagje. Kjo është e çuditshme, pasi pas një tragjedie ai merr përsipër të thotë se lagjet do të ndërtohen nga Marko Kazamonti, pra ai gjen arkitektin. Në nxitim për të marrë frenat dhe për të treguar se “unë vendos gjithçka” riskon të na çojë drejt një propabiliteti gabimi”, tha Bushati./ CNA.al