Connect with Us

Qeveria e re LDK-Vetëvendosje/ Ditmir Bushati, ministër i Jashtëm?

Kosova & Rajoni

Qeveria e re LDK-Vetëvendosje/ Ditmir Bushati, ministër i Jashtëm?

Publikuar

-

ish-ministri per europen dhepunet e jashtme, ditmir bushati deklarate

Përveç publicistit Veton Surroi, për ministër të Jashtëm të Kosovës të një qeverie të mundshme LDK-Vetëvendosje po përmendet edhe ish-kryediplomati Ditmir Bushati.

Ish-ministri i Jashtëm i Shqipërisë, që ka qenë ndër kundërshtarët më të mëdhenj të idesë së ndryshimit të kufijve të Kosovës po spekulohet se është një nga emrat në radarin e Vetëvendosjes dhe LDK’së për ta emëruar në krye të diplomacisë.

Bushati në Qeverinë e Edi Ramës është zëvendësuar me kosovarin Gent Cakaj, ndërsa Gazeta Express merr vesh që koalicioni i ardhshëm qeverisës planifikon që ta marrë ish-kryediplomatin në Kosovë.

Bushati në një intervistë të dhënë javë më parë, ka zbuluar shumë detaje rreth idesë së ndryshimit të kufijve, për të cilën ai ka dalë gjithmonë kundër. Madje ai tha se në tavolinën e tij i është zbuluar harta se si po planifikohej ndarja e Kosovës.

Derisa kryeministri i Shqipërisë po e mbronte presidentin Hashim Thaçi që po promovonte idenë e ndryshimit të kufijve, supozohej se deklaratat e Bushatit për këtë temë ishin arsyeja e shkarkimit të tij nga pozita e ministrit të jashtëm të Shqipërisë. Tash, Bushati, siç i kanë thënë burimet Gazetës Express, është një nga emrat e mundshëm që Kurti e LDK’ja do ia ofrojnë udhëheqjen e diplomacisë kosovare.

LEXO EDHE:  Mini Shengeni në Ballkan/ Rama: Nëse Serbia do të vendoste veto për Kosovën, unë nuk do të isha këtu

Për pozitën e ministrit të Jashtëm në Kosovë se fundmi është përmendur edhe publicisti Veton Surroi, i cili gjatë fushatës së zgjedhjeve të 6 tetorit, ka dalë në përkrahje të partive opozitare, LDK’së e VV’së.

Ndërkaq kandidatja e LDK’së për kryeministre, Vjosa Osmani, të enjten në emisionin Pressing ka lënë të kuptojë se nuk e dëshiron pozitën e kryediplomates, për çka është përmendur shumë herë.

‘’Nuk e kam marrë këtë vendim. S’mundem me kundërshtu njëherë. Ata në disa intervista kanë insitu dhe për ministre të jashtme. Nuk kanë lënë pozitë pa përmend. Pavarësisht kësaj, më duhet me mendu si mund të ndihmoj vendin tim në radhë të parë, pastaj koalicionit dhe përfaqësimit sa më të mirë të LDK’së’’, ka thënë Osmani. /Express

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Albin Kurti paralajmëron/ Nëse s’merremi vesh me LDK-në, vendi shkon në zgjedhje të reja

Publikuar

-

Nga

Kryetari i Lëvizjes Vetëvendosje, Albin Kurti, deklaroi sot se vendi do të shkojë në zgjedhje të parakohshme, nëse  nuk arrihet një koalicion me Lidhjen Demokratike të Kosovës.

“Jam i udhëhequr nga interesi i përgjithshëm, nga interesi shtetëror që kërkon sa më parë një udhëheqje qeverisëse nga VV dhe LDK”, u shpreh Kurti në RTK.

Kreu i VV-së tha se partinë e tij nuk e trembin zgjedhjet e reja, pasi pretendon se pas zgjedhjeve të 6 tetorit është rritur përkrahja nga qytetarët.

LEXO EDHE:  Mini Shengeni në Ballkan/ Rama: Nëse Serbia do të vendoste veto për Kosovën, unë nuk do të isha këtu

LEXO EDHE:  “President kukull”/ Meta përplaset ashpër me Andi Bushatin

Gjithashtu Kurti tregoi se në takimet me liderët e LDK-së nuk është përmendur ndonjë emër i përveçëm për president, por theksoi se duhet diskutuar për strategjinë e zgjedhjes së një presidenti të parakohshëm, vetëm pasi të plotësohen pozitat e kryeministrit, kryeparlamentarit dhe 12 ministrave./ CNA.al

LEXO TE PLOTE

Kosova & Rajoni

Përmbyset autobusi/ Plagosen 26 studentë maqedonas

Publikuar

-

Nga

Një autobus me studentë nga Maqedonia e Veriut është aksidentuar paraditen e sotme në Serbi.

Mediat maqedonase raportojnë se shoferi ka humbur kontrollin dhe autobusi është përmbysur në rrugën Bllacë-Belolin, në afrësi të Kopaonikut të Serbisë, për shkaqe ende të panjohura.

Ministria e Punëve të Jashtme të Maqedonisë së Veriut, bën me dije se si pasojë kanë mbetur të plagosur 26 studentë, 18 prej të cilëve janë duke marrë akoma mjekim në spital.

LEXO EDHE:  “President kukull”/ Meta përplaset ashpër me Andi Bushatin

LEXO EDHE:  Po transportonte drejt Kosovës 4 sirianë/ Pranga taksistit në Kukës

Gjithashtu raportohet se një person është në gjendje të rëndë shëndetësore, ndërsa të tjerët janë jashtë rrezikut për jetën.

“Ambasada e Republikës së Maqedonisë së Veriut në Beograd është në komunikim të vazhdueshëm me organet kompetente. Nga MPB e Serbisë jemi njoftuar se po këqyret vendi i ngjarjes dhe deri tani nuk mund të jepen informacione më të detalizuara”, njofton MPJ e Maqedonisë së Veriut./ CNA.al

LEXO TE PLOTE

Kosova & Rajoni

 Kosova bojkoton Ceremoninë Nobel/ Pacolli: Pres nga ambasadori shqiptar të njëjtin veprim

Publikuar

-

Nga

Ministri në detyrë i Punëve të Jashtme për Kosovën, Behgjet Pacolli, ka njoftuar se Kosova nuk do të marrë pjesë në ceremoninë e këtij viti të Çmimit Nobel që po zhvillohet në Stokholm.

Në një postim në rrjetet sociale, Pacolli ka dhënë konfirmimin e tij për bojkotin e këtij eventi nga ana e Ambasadores Shkendijë-Geci-Sherifi.

Ai ka shprehur se arsyeja për mospjesëmarrjen është vetë fituesi i çmimit Nobel, Peter Handke i cili është mbështetës i politikës së Millosheviçit. Postimin Pacolli e mbylli duke i shprehur Ambasadorit të Shqipërisë që pret edhe nga ai që ta bojkotojë eventin ndërkombëtar.

“Kosova nuk do të marrë pjesë në ceremoninë e Nobelit në Stokholm këtë vit. Unë konfirmoj se ambasadorja ynë Znj. Shkendije-Geci-Sherifi do të bojkotojë këtë event, shkaku i fituesit kontravers të Çmimit Nobel, Peter Handke, mik dhe mbështetës i politikës së Millosheviqit. Unë gjithashtu pres që edhe Ambasadori i Shqipërisë të veprojë në mënyrë të ngjashme”, ka shkruar Behgjet Pacolli.

LEXO EDHE:  Emigrimet Kosovare/ Ndërron jetë në kufi një fëmijë

LEXO EDHE:  Drejtori i SHSKUK-së akuzon vartësin për falimentim të institucionin

Kujtojmë se fituesi i çmimit Nobel ka qenë mbështetës i flaktë i Millosheviçit, i politikave të tij dhe i halokausit, gjë të cilën e ka shprehur në fjalimet e tij euforike.

Ceremonia e Çmimit Nobel po mbahet sot, me date 07 dhjetor 2019.

LEXO TE PLOTE