Connect with Us

“O babi na gjuajtën, jam plagosur”/ Zbulohet telefonata e fundit e Andi Malokut pas atentatit

Kronika

“O babi na gjuajtën, jam plagosur”/ Zbulohet telefonata e fundit e Andi Malokut pas atentatit

Publikuar

-

Disa ditë pas vdekjes së Andi Maloku, shoferit të prokurorit Arian Ndoja, familjarët e tij akuzojnë qeverinë se i është bërë padrejtësi.

Xhaxhai i 24 vjeçari, Bashkim Maloku është shprehur se ditën e ngjarjes nuk janë lejuar të futen në spital, por u rrethuan me policë në ambientet e jashtme.

Gjithashtu, Maloku tregon edhe komunikimin e të riut pasi ishte qëlluar me breshëri arme.
“Kur ndodhi atentati ne e morëm vesh përmes djalit. Andi kishte folur me të atin në telefon dhe i kishte thënë “o babi na gjuajtën, jam plagosur”, tregon xhaxhai i viktimës nw një intervistë për Gazetën Shekulli.

Kujtojmë që Andi Maloku humbi jetën dias ditë pas atentatit që i bënë 2 javë më parë, teksa udhëtonte në makinë me prokurorin Arian Ndoja dhe Pëllumb Muharremin.

Në media qarkulloi se Andi ka punuar si efektiv policie në Krujë. Sa e vërtetë është kjo gjë?
Jo, Andi nuk ka punuar asnjëherë efektiv policie, por media ka trilluar dhe me moshën ku thanë se ishte 34 vjeç. Që në moshën 16-vjeçare ka punuar kamerier, ndërkohë që ishte dhe në shkollë. Më pas ka mbaruar studimet për Menaxhim Turizëm dhe ka rreth dy muaj që kishte vazhduar punë me prokurorin si shofer i tij.

A kishte lidhje familjare me prokurorin?
Absolutisht që jo, nuk kishte lidhje familjare fare. Ne të gjithë aktualisht punojmë në shtet po ashtu dhe i ati, por edhe unë jam punonjës i shtetit. Ky shtet na bëri shumë padrejtësi. Na bënë padrejtësi pasi, ditën kur ndodhi atentati nuk na lanë ta shikonim djalin, por na rrethuan me policë te spitali i Traumës.

Si e morët vesh kur ndodhi atentati?
Kur ndodhi atentati ne e morëm vesh përmes djalit. Andi kishte folur me të atin në telefon dhe i kishte thënë “o babi na gjuajtën, jam plagosur”. Ky ishte komunikimi dhe më pas na lajmëruan që të shkonim te spitali se i kanë gjuajtur djalit. Ne nuk ishim në dijeni se për çfarë bëhej fjalë, a i kanë gjuajtur me armë, a ka bërë aksident nuk e dinim fare. Vetëm kur shkuam atje në vendin e ngjarjes dhe e dërguam për në spital. Por ne gjithashtu kemi vërejtje dhe nga policia. Jemi shumë të zhgënjyer nga Policia e Shtetit se kemi punuar dhe vetë në polici.

Pse keni vërejtje kundrejt policisë?
E para, nuk ngritën postblloqe, por u morën me familjarët që ishin të spitali për t’i shoqëruar. Së dyti, te urgjenca e spitalit nuk na la asnjë që të shohim djalin, madje as prindërit e tij nuk i lënë që të hyjnë të shohin djalin. Ndërsa të nesërmen, një ditë pas atentatit, nuk kishte asnjë polic. Ishte fasadë. Dhe së fundmi, kur vdiq djali, e çuan në morg. Ndërsa morgun e rrethuan me policë. Nuk na lanë as për ta qarë në orët e fundit.

LEXO EDHE:  Zbulohen detaje nga telefonata e Metës me Palmer/ Presidenca: Jemi gati të publikojmë bisedën

Fillimisht Andi kishte dalë nga reanimacioni dhe më pas u ridërgua në reanimacion. A mundët të bisedonit me të dhe si ishte gjendja e tij?
Po e takuam djalin. Biseduam dhe folëm gjatë me të. Por i ra trombozë e pjesshme, nga ana e mushkërisë. Me drejtësinë jemi të pakënaqur fare, dhe nga qeveria jemi të pakënaqur sidomos ne që kemi kontribuar për këtë qeveri. Sidomos dhe djali që ka qenë në komision. Anëtar komisioni në Shijak, se ne jemi nga Shijaku. Më parë ka punuar kamerier. Asnjë lloj pune tjetër s’ka bërë. Djali ishte 23 vjeç për pak ditë mbushte 24 vjeç dhe nuk ka punuar asnjë punë tjetër. Ne jemi të gatshëm të gjithë që të tregojmë dokumentet e djalit se ku ka punuar. Ai nuk kishte lidhje fare as me policinë, as nuk ka punuar si efektiv policie. Nuk ka bërë asnjë sherr në lagje. Nuk ishte problematik dhe nuk ka konflikt me asnjë person. Ne e çuam djalin për të qenë më i sigurt si shofer prokurori. Nuk e dinim që do përfundonte kështu.

Ju thoni që nuk e njihte prokurorin, si përfundoi Andi i punësuar aty?
Nuk e njohim. Edhe pse në media qarkullonte se kishin njihje të mëparshme. Prokurori është nga zona e Veriut ne nga Shijaku nuk kishim lidhje fare me të. Thjesht shkoi për punë, kishte dëshirë të bënte atë punë. Nuk ka asnjë precedent penal. Ndaj dhe ne jemi dhe të zhgënjyer nga informacionet që kanë dalë nga mediat por edhe nga shteti. Shteti duhet të kishte dalë në media të kishte bërë një deklaratë për shtypi që ky djalë nuk ka qenë asnjë ditë polic, të saktësonte informacionet. Kaq i paaftë qenka ky shtet që mirë kriminelët nuk i kap por të paktën të dilte e të bënte një deklaratë përmes zëdhënësve të shtypit që Andi nuk ka qenë asnjëherë polic Shteti. Ndaj dhe ne jemi shumë të zhgënjyer, që opinioni publik të dinte se kush ishte djali. Ata e dinin djalin 34 vjeç. Nuk bënin dot lidhjet. I ati i tij është 44 vjeç, si mund të ishte djali 34 vjeç. Si mund të punonte në polici. Ai tani kishte mbaruar shkollën.

Para se të fillonte punë si shofer i prokurorit, çfarë pune ka bërë më parë Andi?
Punonte si kamerier dhe më pas mori një lokal me qira. Punonte si dhe e menaxhonte vetë lokalin për disa muaj. Më pas e pa që nuk po i përballonte dot se nuk paguante dot qiranë sepse ishte e lartë dhe e mbylli. Ishte pa punë pasi e mbylli lokalin dhe ishte në kërkim të punës.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kronika

Aksident i rëndë/ Makina përplas për vdekje një grua

Publikuar

-

Nga

Një aksident me pasojë vdekjen e një 49- vjecareje ka ndodhur në Malësinë e Madhe.

Raportohet se një automjet i drejtuar nga B. Jubani ka përplasur për vdekje shtetasen A. Çulajn në fshatin Pjetroshan.

Sipas policisë, aksidenti ka ndodhur rreth orës 18:25 dhe drejtuesi i automjetit me banim në Shkodër është shoqëruar në Drejtorinë Vendore të Policisë Shkodër për veprime të mëtejshme.

LEXO EDHE:  Erdhën në Shqipëri për festat e fundvitit/ Ja dyshimet e para për atentatin në Elbasan

LEXO EDHE:  Atentat me armë zjarri te liqeni/Ekzekutohet ish-drejtori i Policisë

Grupi hetimor vijon punën për sqarimin e rrethanave të aksidentit./CNA.al

LEXO TE PLOTE

Kronika

Aksident në Tiranë/ Makina përplas këmbësorin te vijat e bardha

Publikuar

-

Nga

Një aksident rrugor ka ndodhur pasditen e sotme në Tiranë ku një makinë ka përplasur një këmbësor.

Mësohet se këmbësori është përplasur nga makina tek vijat e bardha në “rrugen e Durrësit”.
I plagosuri është transportuar në spital dhe ndodhet jashtë rrezikut për jetën.

Nuk dihen ende rrethanat e aksidentit, ndërkohë autoritetet kanë mbërritur në vendngjarje dhe po punojnë për zbardhjen e plotë të tyre./CNA.al

LEXO TE PLOTE

Kronika

50 vjeçarin e zë poshtë traktori/ Dërgohet në spital në gjendje të rëndë

Publikuar

-

Nga

Një 50 vjeçar me inicialet A.Gj ka marrë dëmtime të rënda në trup pasi e ka zënë poshtë nga traktori.

Raportohet se 50-vjecari ka qenë duke punuar tokën pasditen e sotme, ndërsa traktori është përmbysur dhe e ka zenë poshtë.
50 vjeçari ka marrë dëmtime të rënda në trup dhe është transportuar në gjendje kritike në Spitalin Rajoanl të Vlorës.

Autoritetet kanë nisur hetimnin për shkaqet dhe rrethanat e aksidentit./CNA.al

LEXO TE PLOTE