Connect with Us

Ministri gjerman: Do t’ja dalim të gjejmë një zgjidhje për integrimin e Shqipërisë

Kosova & Rajoni

Ministri gjerman: Do t’ja dalim të gjejmë një zgjidhje për integrimin e Shqipërisë

Publikuar

-

Gjatë një prononcimi për “Dojçe Welle”, ministri i Jashtëm gjerman Heiko Maas, është pyetur lidhur me “momentin e hidhur për integrimin e Ballkanit Perëndimor në BE” dhe mesazhin që ai do të përcjell Maqedonisë së Veriut gjatë vizitës së tij në Shkup, si përfaqësues i  Gjermanisë vëndit të angazhuar fort nëpërmjet Procesit të Berlinit. Në përgjigjen e dhenë z.Maas ka përfshirë dhe fatin e mbrapshtë të integrimit të Shqipërisë, duke pohuar se  Gjermania është duke punuar për të arritur unanimitetin brenda BE-së.

“Për Gjermaninë është e qartë: Vendet e Ballkanit Perëndimor janë pjesë integrale e Europës dhe e ardhmja e tyre është në Bashkimin Europian. Një pjesë e konsiderueshme e vendeve të BE, e mbështesin fillimin e bisedimeve të pranimit me Shqipërinë dhe Maqedoninë e Veriut, sepse kjo është edhe në interesin tonë strategjik. Por për këtë çështje na duhet unanimiteti brenda BE-së, dhe për të arritur këtë jemi duke punuar. Gjermania është duke luftuar me të gjitha forcat, për të arritur një qëndrim të përbashkët në BE, që bisedimet e pranimit me Shqipërinë dhe Maqedoninë e Veriut të fillojnë shpejt. Unë dua edhe një herë ta bëj këtë gjë të qartë në Shkup”.

“Nuk duket që Franca, presidenti Macron, dhe kundërshtarët e tjerë të zgjerimit të kenë ndër mend të ndryshojnë mendimin. Cila është strategjia juaj për Ballkanin Perëndimor nëse BE vazhdon ta bllokojë zgjerimin? Çfarë do të bëjë Gjermania?” ka qenë një tjetër pyetje e DW të cilës z.Maas i është përgjigjur:

LEXO EDHE:  Bushati flet “pa doreza”/ Çfarë e pengon integrimin e Shqipërisë

“Forca e Bashkimit Europian ekziston në faktin se në fund ne gjithnjë gjejmë një zgjidhje, edhe kur temat janë të vështira. Unë jam i sigurt, se ne do ia dalim edhe kësaj herë. Presidenti Macron, ka shpjeguar se krah vazhdimit të reformave në Shqipëri dhe Maqedoninë e Veriut, i domosdoshëm është edhe reformimi i procesit të zgjerimit në BE. Për këtë ne do të zhvillojmë javën e ardhshme bisedime intensive në BE.

Por, njëkohësisht edhe Shqipëria e Maqedonia e Veriut duhet të vazhdojnë pa ndalur procesin e reformave, në mënyrë që të arrijnë suksese të tjera. Sidomos tani duhet që nëpërmjet sukseseve të binden edhe ata skeptikë që kanë mbetur. Gjermania do të angazhohet që të mbështesë vendet e Ballkanit Perëndimor në rrugën e tyre drejt BE… Unë dua t’u jap zemër Maqedonisë së Veriut dhe Shqipërisë, si edhe vendeve të tjera të Rajonit që të vazhdojnë me konseguencë kursin reformues edhe për një arsye tjetër: Reformat nuk shërbejnë vetëm për afrimin me BE, ato janë të rëndësishme sepse janë në dobi të njerëzve. Forcimi i shtetit të së drejtës, luftimi me vendosmëri i korrupsionit dhe kriminalitetit të organizuar janë detyrat kryesore të çdo qeverie, që do të ardhmen e vendit të vet. Edhe opozita mban përgjegjësi. Konkurenca politike dhe idetë konkuruese, që janë të zakonshme dhe të domosdoshme në demokraci nuk duhet ta paralizojnë zhvillimin e vendit”.

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Tym i zi sërish nga VV – LDK/ Besian Mustafa: Ka përpjekje për marrëveshje

Publikuar

-

Nga

Kryetari i Lëvizjes Vetëvendosja, Albin Kurti, dhe Kryetari i LDK-së, Isa Mustafa, kanë kryer sot një takim i cili ka zgjatur tre orë. Mirëpo siç ka ndodhur me takimet e fundit të liderëve kosovarë, nuk ka ende një marrëveshje për qeverinë.

Zëdhënësi i LDK’së, Besian Mustafa, ka folur pas takimit mes dy krerëve të partive që supozohet të arrijnë një marëveshje për të krijuar qeverinë e re të Kosovës.

LEXO EDHE:  BE: Dorëzimi i mandateve minon progresin e Shqipërisë

LEXO EDHE:  Ja çfarë thonë VIP-at për fitoren historike të Kombëtares (Foto)

Mirëpo, duket se edhe pse pa një rezultat përfundimtar, ka lajme të mira, pasi Besian Mustafa u shpreh se ka lëvizje e përkjekje për marrëveshje. Ai gjithashtu  paralajmëroi një takim për nesër.

“Ka përfunduar. Kemi lëvizje në përpjekje për marrëveshje. Do të kemi edhe një takim të radhës nesër”, ka thënë Mustafa./CNA.al

LEXO TE PLOTE

Kosova & Rajoni

Sulmi në bazën ushtarake të SHBA/ Reagon ashpër Haradinaj: Akt i rëndë agresioni

Publikuar

-

Nga

Kryeministri në ikje i Kosovës, Ramush Haradinaj ka reaguar pas sulmit të Iranit ndaj bazave ushtarake të SHBA.

Haradinaj shkruan se Kosova qëndron e palëkundur në mbështetje dhe përkrahje të SHBA, ndërsa e cilëson sulmin si një akt të rëndë agresioni ndaj Amerikës.

“Kosova qëndron e palëkundur në mbeshtetje dhe përkrahje te ShBA-ve.
E dënojmë sulmin e Iranit ndaj bazave ushtarake amerikane në Irak dhe e vlerësojmë këtë sulm si akt i rëndë agresioni ndaj ShBA-ve.
Njëkohësisht institucionet e Kosovës, janë duke i përcjellur me vëmendje këto zhvillime që prekin edhe jetën e qytetarëve tanë, të cilët punojnë përkrah trupave amerikane në këto baza.
Qeveria e vendit qëndron përkrah ShBA-ve, në ofrimin e paqes dhe sigurisë ne botë”, shkruan Haradinaj./CNA.al

LEXO TE PLOTE

Kosova & Rajoni

Shprehu pikëllim për Gjeneralin iranian/ Policia arreston Drejtoreshën e Institutit Kërkimor

Publikuar

-

Nga

Drejtoria Kundër Terrorizimit në bashkëpunim me Prokurorinë e Posaçme të Kosovës ka arrestuar një grua, e cila në rrjetet sociale kishte shprehur pikëllimin pas vrasjes së gjeneralit iranian Qassem Soleimani

Sikurse njoftojnë mediat lokale dhe radioja amerikane VOA, Policia nuk dha më shumë hollësi dhe as e bëri të ditur identitetin e të arrestuarës veçse konfirmoi se ka kryer bastisje dhe e dyshuara është intervistuar para se t’i caktohej masa e ndalimit prej 48 orësh.

Sipas mediave lokale, e arrestuara është Ikballe Berisha (Huduti), drejtoreshë e Institutit Kërkimor Ndërkombëtar “Naim Frashëri”, në Prishtinë.

Pas vrasjes së gjeneralit iranian ajo kishte shkruar në rrjetet sociale: “Njerëzit si ti nuk vdesin, por të vdekurit që ecin mbi tokë e mbajnë gjak krimineli, janë të vdekur por vetëm frymojnë për tu turpëruar vet dhe kombin e vet kriminel. Kriminelët ta deshën vdekjen e cila nuk është vdekje por shehidllëk me i bukur që ka mund ta ketë dikush në shekullin 21”, kishte shkruar ajo në rrjetin facebook.

Më pas ajo e kishte fshirë postimin e saj dhe kishte paralajmëruar padi ndaj medieve që e kishin cituar atë.

Operacioni amerikan për vrasjen e gjeneralit iranian ishte mbështetur nga autoritetet në Kosovë.

Presidenti Hashim Thaçi shprehu mbështetjen për “veprimet amerikane ndaj veprimtarive të Iranit në Lindjen e Mesme që kanë shkaktuar terror, paqëndrueshmëri dhe shqetësim global. Qëndrojmë së bashku në mbrojtjen e vlerave tona dhe mënyrës sinë të jetesës në kërkim të paqes e sigurisë”, shkroi ai.

Kryeministri në largim, Ramush Haradinaj, tha se “Kosova qëndron e palëkundur në përkrahje të Shteteve të Bashkuara në të drejtën për vetëmbrojtje. Veprimet e fundit vetëmbrojtëse ndaj gjeneral Soleiman-it janë mbrojtje, jo vetëm për ShBA-të por për lirinë dhe demokracinë gjithandej. Ne dënojmë ashpër sulmet e Iranit dhe çdo shteti që kërkon të shkatërroj paqen në Irak dhe vendet tjera. Në këto tensione Irani dhe përkrahësit e këtij shteti duhet të ndërmarrin hapat e domosdoshëm që te mos eskalojnë situatën. Kosova qëndron pranë Amerikës dhe do ta shtojë përkrahjen ndaj Koalicionit Global të udhëhequr nga ShBA-të’ shkroi ai në rrjetet sociale.
LEXO TE PLOTE