Connect with Us

Denoncimi në “Fiks Fare”/ Komisariatit të Policisë së Divjakës i del pronari, shteti e sorollat

Denoncim

Denoncimi në “Fiks Fare”/ Komisariatit të Policisë së Divjakës i del pronari, shteti e sorollat

Publikuar

-

I moshuari vjen nga Amerika për t’u ankuar në Fiks Fare për pronën e tij në Divjakë. Ai i bën thirrje kryeministrit të rishikoj VKM e vitit 2004 që po pengon privatizimin e objekteve mbi pronën e tij. Gabimisht në këtë vendim, prona e tij është kategorizuar si zonë e mbrojtur, apo në funksion të zonës së mbrojtur, kur faktikisht nuk është, dhe ndodhet brenda vijës së verdhë të qytetit.

Për këtë arsye ministritë për vite me radhë kanë nisur dhe kanë ndaluar procesin e privatizimit të godinave që ndodhen mbi pronën e tij. Por nëse vendimi është i 2004, flet për mostjetërsimin e këtyre pronave, kjo nuk ka ndaluar as shtetin të regjistroj si të tijën njërën prej tyre, që është komisariati i policisë, dhe as dy individë të tjerë që kanë regjistruar në hipotekë, objektet mbi truallin e zotërisë.

Për këto dy objekte hipoteka e Lushnjës mban dy qëndrime, në përgjigjen e Fiksit thotë që dy objekte janë të regjistruar në emër të dy individëve, ndërsa në përgjigjen dhënë Peti Petushit vetëm pak ditë më parë citohet se i regjistruar në hipotekë figuron vetëm Komisariati i Policisë, ndërsa dy objektet e tjera janë shtet.

Zoti Peti Petushit erdhi posaçërisht nga Amerika në Fiks Fare për t’u ankuar për pa drejtësitë e bëra mbi pronën e tij dhe për për t’i bërë një thirrje kryeministrit të vendit. Ai është përfaqësues i fisit Petushi nga Divjaka. Me vendim të KKPP-së të vitit 1995, ka rimarrë pronën e babait të tij, rreth 10 mijë metra katrorë, që ndodhet brenda vijës së verdhë të qytetit, ish Batalioni i Këmbësorisë. Në vendim, i cili ka marrë formë të prerë edhe në gjykatë, të drejtën e parablerjes se objekteve mbi këtë truall e ka familja Petushi. Sipas tij njëri prej tyre është aktualisht edhe godina e Postës së Policisë së këtij qyteti dhe është regjistruar si e tillë në hipotekë. Individë të ndryshëm, por edhe shteti kanë arritur t’i tjetërsojnë godinat mbi truallin e tij, por ai jo.

Pavarësisht kërkesave të vazhdueshme, pranë Ministrisë së Ekonomisë, pronari i ligjshëm i truallit, që ka edhe të drejtën e parablerjes së këtyre objekteve në rast privatizimi, nuk ka marrë asnjëherë përgjigje nëse këto objekte do të dalin në ankand apo z.Petushi do të kompesohet.Procesi i privatizimit ka nisur dhe është ndalur disa herë. Shkak është bërë një VKM e 2004 që ndalon tjetërsimin e këtyre pronave pasi ndodhen në zonë të mbrojtur, kur në të vërtetë nuk janë.

Bashkia Divjakë, për Fiks Fare, thotë që është e vërtetë këto objekte janë nën pronësinë e tyre. Në bazë të VKM nr 792, datë 26.11.2004 këto prona i janë kaluar atyre me për t’i përdorur për menaxhimin e Parkut Kombëtar dhe të zonës së Mbrojtur të Ekosistemit Kavajë. Bashkisë Kavajë po sipas kësaj VKM-je i ndalohet të ndryshoj destinacionin e pronave të përcaktuara në këtë vendim, t’i tjetërsojë apo t’ua japë në përdorim të tretëve. Por sipas tyre, në të vertetë kjo zonë nuk është brenda zonës së mbrojtur dhe nuk ka lidhje me mbrojtjen e ekosistemit. Ajo ndodhet brenda vijës së verdhë të qytetit.

Fiks Fare u interesua pranë Zyrës Kadastrale Lushnjë. Lidhur me këtë problem kjo e fundit ka mbajtur dy qëndrime. Në përgjigjen zyrtare për Fiksin, thotë se në këtë pronë figurojnë të regjistruara tre objekte, njëra Posta e Policisë Divjakë, dy të tjerat individë.Ndërsa në përgjigjen dhënë pronarit të truallit pak ditë më parë thotë se ka vetëm një objekt të regjistruar, dhe ky është Posta e Policisë Divjakë. Gjithashtu, në përgjigjen e vonuar zyrtare, për dokumentacionin e regjistrimit të Postës së Policisë, sipas kartelës së pasurisë rezulton se objekti ka kaluar në pronësi të Ministrisë së Rendit në vitin 2005. Një vit pas daljes së VKM-së ku ndalohej ndryshimi i destanicionit, tjetërsimi apo përdorimi nga të tretë. Vetëm në rast se do të përdoreshin për menaxhimin e Parkut Kombëtar dhe të zonës së mbrojtur të Ekosistemit të Divjakës.

Nga ana tjetër, Ministria e Financave në përgjigjen e saj me shkrim thotë se procesi i privatizimit të këtyre objekteve ka nisur dhe është ndaluar disa herë pikërisht për shkak të VKM-së që nuk lejon tjetërsimin e këtyre objekteve. Sipas saj “Kushtet ose kufizimet e vendosur sipas këtij ligji mbi pronën e transferuar, do të kenë fuqi deri sa ato të hiqen me vendim të Këshillit të Ministrave.

” Pra është kryeministri që duhet të marr një vendim për çbërjen e këtij gabimi, por që në ankesat e bëra në portalin “Shqipëria që Duam” nuk ka marrë asnjëherë zgjidhje. Në bazë të dokumentacionit zyrtar, arrihet në përfundimin se VKM-ja e vitit 2004 ka sjellë pasoja vetëm për pronarin e truallit, por jo për individët apo Ministrinë e Rendit Publik që i kanë regjistruar këto prona si të tyre pranë zyrës Kadastrale Lushnjë./Top Channel

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

“Fiks Fare”-Skandali me fondet në ISHPSHSH/ Procedura fiktive për karburant, dieta dhe fatura hoteli

Publikuar

-

Nga

Emisioni “Fiks Fare” denoncoi mbrëmjen e së martës një skandal në zyrat shtetërore, ku drejtuesit e Inspektoriatit Shtetëror të Punës dhe Shërbimeve Shoqërore bëjnë procedura fiktive për karburant, dieta dhe fatura hoteli. Me zë dhe figurë, emisioni investigativ zbuloi skemën e zyrtarëve të këtij Inspektoriati për zhvatjen e fondeve shtetërore.

“Fiks Fare” zbuloi se të përfshirë janë nga shefa financash,  deri te ish-shoferi i titullarit të institucionit. Ata bisedojnë për të marrë para nga arka e këtij institucioni sikur të ishte gjëja më normale, pasi siç deklarojnë edhe vetë “kjo gjë po bën vite që ndodh”.

Në regjistrimin e parë që transmetoi “Fiks Fare”, shoferi i titullarit i kërkon drejtoreshës së Shërbimeve Mbështetëse që të bëjë dalje karburant më shumë sa është distanca e përcaktuar në urdhër shërbimi. Shoferi i thotë kësaj drejtoreshe se të hedhë karburant në makinën e e dy punonjësve të nisur me shërbim , pasi grupi që është nisur në Gjirokastër do të zgjasë shërbimin. PA patur asnjë tagër të zgjasë urhdërat e shërbimit, ish-shoferi flet në emër të titullarit të institucionit.

Drejtoresha e shërbimeve mbështetëse e kundërshton dhe kërkon që urdhëri i shërbimit t’i vijë me shkrim, por shoferi i kryeinspektorit vazhdon duke thënë se po flet me të pasi i del “i zënë Beni, kështu si ta gjykosh”. Me këtë ton urdhërues dhe kërcënues, shoferi e paralajmëron disa herë këtë drejtoreshë.

Ndërkohë, në një rast tjetër, përgjegjësja e financës në këtë Inspektoriat porosit fletë hoteli pa fjetur fare. Pas një shërbimi të kryer në degën e ISHPSHSH në lezhë, vetë shefja e financës tregon e si ka siguaruar fletë hoteli fiktive për të përfituar disa ditë dietë.

“Unë me thënë të drejtën e bëra vajtje ardhje. Kam ikur shpejt. Porosita për hotel fature dhe ishalla ma gjejnë dhe mundohem ta… se edhe drejtori është i ri”, thotë përgjegjësja e financës, ndërsa në bisedë thotë se “për situata pune edhe lejohen”.

Duke nisur nga përmbajtja e kamerave të fshehta, duket se në këtë institucion abuzimi ka qenë i hapur dhe me dijeninë e të gjithëve. “Fiks Fare” faktoi edhe abuzimet me dietat e Vitit të Ri.

Vitin e kaluar, Ministria e Financave urdhëroi anulimin e çdo tenderi për dreka dhe darka të institucioneve, pasi nuk parashikohen në ligj. Denoncimet e vazhdueshme të “Fiksit”, se shtetarët bëjnë pikërisht dreka dhe darka me lekët e taksave, solli këtë masë drastike nga ministria. Por, zgjidhjen përfekte e ka bërë pikërisht Inspektoriati Shtetëror i Punës, i cili ka bërë fatura fiktive dhe ka paguar me disa dieta çdo punonjës, me qëllim që të organizonte pikërisht darkën e Vitit të Ri.

“Gjithë stafi tha, do bëjë mbrëmje të Vitit të Ri dhe nuk dua të nxjerrë asnjë lekë nga xhepi tha shefi. Foli për fond të veçantë në ministri me ministrin, i tha që jo, nuk bëhet. Dhe u ra dakort që të mbulohen me dieta” thuhet në bisedë mes shefes së financës dhe drejtoreshës së shërbimeve mbështetëse në këtë Inspektoriat ndërsa vijon se “do nxjerrim një urdhër ne, për trajnim këtej nga qendra nëpër ca drejtori e rrethe, t’i bëjmë ndonjë trajnim ketu. Mbrëmja është në datë 27 në drekë”.

Punonjësja e Financës pohon se dietat do të jenë fiktive dhe e për çdo punonjës me urdhër të titullarit të institucionit do të firmosen nga 4 dieta të plota për të përballuar shpenzimet e drekës, shpenzimet e të ftuarve dhe pjesën tjetër të lekëve do ta mbajnë vetë punonjësit.

Drejtoresha e shërbimeve mbështetëse e kundërshton vazhdimisht këtë veprim, por përgjigjja që merr disa herë nga shefja e financës është: “Fol me shefin, është urdhër i shefit”.

Një tjetër abuzim në këtë institucion ishin prokurimet fiktive për serviset e makinave. Në biseda, shefja e financës pranon se këto tendera bëhen fiktive, madje këto “gjëra kështu bëhen gjithmonë”. Shefja e Financës thotë se “s’ka asgjë të keqe”, ndërkohë thotë se nëse nuk bëhen “digjen 10 milionë lekë”.

LEXO TE PLOTE

Denoncim

Denoncimi në “Fiks Fare”/ Kavalishenca ku humbi jetën Kryekomisari e pabanueshme që më 21 shtator!

Publikuar

-

Nga

Shtëpia e Pushimit në Durrës, ku humbi jetën kryekomisar Bajram Hajdarmataj më 26 nëntor, ka qenë e dëmtuar rëndë nga tërmeti i datës 21 shtator.

Pavarësisht raportit të ekspertëve që e konsideruan me “rrezikshmëri të lartë”, godina nuk u mbyll, por vazhduan normalisht aktivitetet. Dhe, lëkundjet e fund nëntorit, sollën shkatërrimin e saj. “Fiks Fare” investigoi këtë ngjarje të paralajmëruar ku askush nuk mori masë. Madje, edhe pas tërmetit të 26 nëntorit, në ambientet e Kavalishencës, pavarësisht se dy godina janë cilësuar si të pabanueshme, qëndrojnë qytetarë që janë strehuar që në shtator.

Sipas dokumenteve që ka siguruar “Fiks Fare”, Shtëpia e Pushimit në Durrës e ka pranuar edhe vetë që hoteli nr.4 në Kavalishencë ka qenë i shkatërruar që nga tërmeti i parë. Madje, ka bërë edhe një tender për të projektuar ndërhyrjet në këtë godinë. Sipas këtyre dokumenteve, pas tërmetit të 21 shtatorit, është bërë një akt konstatimi nga disa ekspertë për hotelin nr.4. Në të thuhet se: U konstatuan dëme fizike të muraturave… Objekti nuk mund të funksionojë në kushtet se si është në gjendjen aktuale, pasi muraturat e dëmtuara demonstrojnë rrezikshmëri të lartë! Megjithatë, në tërmetin e datës 26 nëntor, në godinë humbi jetën kryekomisar Bajram Hajdarmetaj. Në ambiente kishte edhe rreth 120 studentë, por fatmirësisht strehoheshin në një tjetër godinë.

Tenderi pas 21 shtatorit: Godinë e rrezikshme!

Pak javë më parë, sipas një dokumenti që ka siguruar “Fiks Fare”, Shtëpia e Pushimit në Durrës, në varësi të Ministrisë së Brendshme, ka hapur një tender me objekt “Shërbim projektimi për hotelin nr. 4”. Fondi për këtë tender ka qenë rreth 50 mijë euro. Dokumenti është firmosur nga kreu i këtij institucioni, Ahmet Doda, ndërsa dokumentet duhet të dorëzoheshin deri më datë 18 nëntor. Në një dokument, është edhe objekti i punës që kërkohet. Mes rreshtave, thuhet se “Pas tërmetit të datës 21 shtator 2019, në “Aktkonstatimi mbi situatën e objekteve/banesave në Hotelin Nr.4 të Shtëpisë së Pushimit të Ministrisë së Brendshme në rajonin nr.5” të grupit të ekspertëve, të ngritur enkas për të bërë vëzhgimin e pasojave te tij në objekte të ndryshme në qytetin e Durrësit, u konstatuan dëme fizike të muraturave. Nga konstatimet, lihet të kuptohet qartazi që objekti nuk mund të funksionojë në kushtet se si është në gjendjen aktuale, pasi muraturat e dëmtuara demonstrojnë rrezikshmëri të lartë”. Ndërkohë, në dokument thuhet mjaft qartë se dëmet nuk mund të riparohen në sipërfaqe dhe se objekti është në kushtet minimale ekzistenciale, madje edhe me një amortizim “moral” dhe fizik të godinës. Për këtë arsye, kërkohet rikonstruksion total të objektit.

Tenderi duhet të përfundonte në 22, u shty më 27 nëntor…

Sipas dokumenteve që disponon “Fiks Fare” godina është ndërtuar në vitet 1980’ me strukturë beton arme. Ajo ka funksionuar si një kompleks tërësor pushimi të administratës së Ministrisë së Brendshme. Shtëpia e Pushimit thotë se “godina është ndërtuar me standardet dhe materialet e kohës dhe sot shfaq një amortizim fizik të dukshëm, përtej asaj që evidentoi tërmeti i datës 21.10.2019”. Sipas saj, perimetri i jashtëm nuk është i termoizoluar. Vetratat janë në parametra tepër të ulëta termike. Madje, janë amortizuar edhe shtresat e tarracës. Për këtë arsye, sipas akt konstatimit pas tërmetit të 21 shtatorit, kërkohej zëvendësimi i pjesës së dëmtuar dhe ribërja e disa brezave sizmikë. Pra, nga këto dokumente del qartë se godina ishte e shkatërruar që në 21 shtator. Madje, e përcakton se ndërtimet duhet të bëhen edhe për të përballuar lëkundjet sizmike. Pas shpalljes së këtij tenderi në fillim të muajit nëntor, Shtëpia e Pushimit dërgon në Agjencinë e Prokurimit Publik disa shtojca. Në këtë dokument, kjo Shtëpi Pushimi shtyn tenderin nga data 22 nëntor në datën 27 nëntor. Pra, 1 ditë pas tenderit!

120 studentë dhe dhjetëra banorë në godinat e Kavalishencës

Në orët e para të 26 nëntorit, në godinat e Kavalishencës në varësi të Ministrisë së Brendshme, kanë qenë të strehuar rreth 120 studentë të Akademisë së Policisë. Fatmirësisht, studentët kanë qenë të strehuar në një godinë tjetër. Ndërkohë, po në këto godina, qëndrojnë edhe dhjetëra banorë që janë prekur nga tërmeti i 21 shtatorit.

Për këtë situatë, gazetarët e “Fiks Fare” shkuan fillimisht në Bashkinë Durrës, ku morën insformacion se pas 21 shtatorit është bërë një raport akt konstatimi. Sipas bashkisë, godina është shpallur “e rrezikshme dhe e pabanueshme”. Bashkia thotë se akti i konstatimit është bërë në zyrën e drejtorit të Shtëpisë së Pushimit Ahmet Doda dhe gjendet në atë institucion. Pas kësaj përgjigje, gazetarët shkuan në ambientet e kësaj Shtëpie Pushimi, por nuk u lejuan të filmojnë brënda. Një punonjës thotë se në momentin e tërmetit, në godinë kanë qenë edhe 120 studentë, por kanë qenë në një godinë tjetër. Sipas tij, edhe ajo godinë ka pasur dëmtime të shumta dhe është shpallur më pas e pabanueshme. Në hotelin nr.4 ka qenë vetëm kryekomisar Bajram Hajdarmataj dhe një oficer tjetër. Gazetarët tentuan të komunikojnë me drejtorin dhe pas insistimeve morën përgjigje se “materialet e të gjithë dosjes po hetohen”./Top Channel/

LEXO TE PLOTE

Denoncim

Foto-Video/ Kaos në parkimin nëntokësor tek Sheshi “Skënderbej”, makinat prej orësh të bllokuara

Publikuar

-

Nga

Parkimi nëntokësor tek Sheshi “Skëndërbej” është kthyer shpesh herë në makth për drejtuesit e automjeteve.

Megjithëse ky parging është projektuar për rreth 3000 vende, mungesa e kordinimimit, apo abuzimi i Bashkisë ka bërë që qindra makina të mbeten të bllokuara më orë të tëra mbrëmjen e sotme.

I revoltuar nga pritja e gjatë, gazi karbonik i makinave por edhe fatura që rritet, një qytetar ka nisur në adresën e redaksisë së CNA.al, disa foto dhe video që pasqyrojnë situatën mbrëmjen e sotme.

Kjo nuk është hera e parë që që ndodh një kaos i tillë, pasi një situatë e ngjashme bëhet sa herë në shesh ka aktivitete apo afrohen festat e fundvitit./CNA.al


LEXO TE PLOTE