Në degën e Partisë Socialistë në qytetin e Durrësit, vijojnë përplasjet. Edhe pse Vangjush Dako nuk është më kryebashkiak i Durrësit, ai vijon të ketë influencë të lartë në degën e PS-së, gjë që si duket ka sjellë edhe përplasje.

Një ditë pas dorëheqjes nga gara për kreun e Partisë Socialiste në Durrës, Ardit Kërtusha, ka hedhur akuza të forta ndaj Dakon.

I ftuar në rubrikën “Opinion”, në Neës24, Kërtusha sulmoi direkt ish-kryebashkiakun e Durrësit, ndërsa tha se “Ata që drejtojnë PS në Durrës, me Vangjush Dakon dhe kandidatin, që nuk ka asnjë lloj vendimmarrje. E vetmja vendimmarrje e tij është përfitimi. Unë isha një kandidat, që nuk u informove as për datën, as për komisionin, apo nëse do të kisha një përfaqësues në komision. Unë lobova për një garë ‘një anëtar, një votë’.

LEXO EDHE:  Ku u zhduk Monika Kryemadhi?/ Në pazar me Edi Ramën

Dako e mori në mënyrë jolegjitime mandatin dhe ashtu e zhvilloi dhe punën. Në muajin e fundit që kishte zgjedhje ai plotësoi një listë, ku emrat as vetë nuk e kishin idenë që janë anëtarë të kësaj liste. Mendova që do ishte i pavend vazhdimi i kandidimit tim.

Po ashtu, Kërtusha u shpreh se listat për kandidatë nuk ishin reale, por farse, që përcaktonin fituesin.

“Listat nuk ishin reale, por farse të fryra në mënyrë artificiale, në mënyrë që të përcaktonin fituesin. Unë nuk kisha asnjë komunikim nga drejtuesit e PS.

Listat kam që në muajin dhjetor që i kërkoj, por më janë mohuar. Është e padrejtë që njëri kandidat të kishte lista të plota dhe njëri fare. Edhe kur më erdhën, ishin të paplota”, tha Kërtusha./ CNA.al

Gazetari Klodian Tomorri ka reaguar në lidhje me debatet e fundit politike, për ndryshimin ose jo të sistemit zgjedhor në Shqipëri.

Në një postim në rrjetet sociale, gazetari Tomorri, pavarësisht se shprehet kundër këtij sistemi ku kryetari i partisë zgjedh deputetët, thekson se faji për situatën ku ndodhemi nuk është vetëm i sistemit zgjedhor.

Ndërsa bën një rezyme të ngjarjeve në vite, gazetari Tomorri thekson se sërish në do të vijojnë të na vjedhin.

“Sikur te ishte vetem sistemi zgjedhor

Ne vitin 1996, deputetet u zgjodhen nga populli me maxhoritar te paster. Por Shqiperia perfundoi ne lufte civile.

Ne vitin 1997 dhe 2001, deputetet u zgjodhen nga populli, prape me maxhoritar te paster. Por Shqiperia u ngjit ne majen e piramides boterore te korrupsionit. Qeveria e dale nga Parlamenti i zgjedhur nga populli instaloi nje nga sistemet qeverisese me kleptokratike ne bote, nga i cili nuk po shpetojme dot me.

Ne vitin 2005, deputetet serish u zgjodhen nga populli. Por ne Gerdec korrupsioni luante loja luftash.

Ideja eshte qe vjedhja ne Shqiperi nuk filloi nga ky sistemi zgjedhor qe kemi sot.

Edhe une e urrej nje sistem zgjedhor ku kryetari i partise emeron deputetet. Por kam frike se ne te gjitha sistemet e mundshme elektorale, deputetet ne Shqiperi prape do jene ushtaret e kryetarit. Dhe ne prape do na vjedhin.”-shkruan Klodian Tomorri në postimin e tij./ CNA.al

Presidenti Meta priti sot në një takim Ministrin e Mjedisit dhe Urbanizimit të Turqisë, Murat Kurum.

Meta i shprehu mirënjohjen e thellë për ndihmën e menjëhershme që qeveria turke i ofroi Shqipërisë pas tërmetit tragjik të 26 nëntorit 2019.

Kreu i Shtetit e falenderoi gjithashtu edhe për angazhimin e Turqisë dhe Presidentit Recep Tayyip Erdogan për ndërtimin e 500 apartamenteve të banimit për të prekurit nga tërmeti në zonën e Kurbinit.

Presidenti Meta theksoi rëndësinë e bashkëpunimit me Turqinë, me qëllim forcimin e kapaciteteve të Emergjencave Civile në vendin tonë.