Connect with Us

Trump i vendosur të takohet me homologun turk

Bota

Trump i vendosur të takohet me homologun turk

Publikuar

-

Presidenti amerikan Donald Trump do të presë më 13 nëntor në Shtëpinë e Bardhë homologun e tij turk, Recep Tayyip Erdogan. Vizita vjen vetëm disa javë pas ofensivës turke kundër luftëtarëve kurdë në Siri, të cilët për një kohë të gjatë ishin aleatë të Shteteve të Bashkuara në luftën kundër terroristëve të Shtetit Islamik.

Ligjvënës në SHBA nga radhët e të dyja partive e kritikuan Presidentin Trump për tërheqjen e trupave amerikane nga Siria. Demokratët kritikuan edhe ftesën për vizitë të zotit Erdogan, ndërkohë që Turqia vazhdon të sulmojë kurdët.

Sulmet e Turqisë kundër forcave kurde në veri të Sirisë nxitën thirrjet e shumë anëtarëve të Kongresit që Shtetet e Bashkuara të ndërmarrin sanksione të fuqishme ekonomike ndaj Turqisë.

“Do të vazhdojmë thirrjet për sanksione ekonomike, të cilat do të veprojnë për aq kohë sa qeveria e Erdoganit sulmon aleatët tanë në luftën kundër ISIS-it, Forcat Demokratike Siriane”, i tha shërbimit turk të Zërit të Amerikës senatori demokrat Chris Van Hollen.

Një senator tjetër i kërkoi Presidentit Donald Trump që t’i tregojë Kongresit, se si do të sigurohet që Shteti Islamik nuk është ringjallur pas tërheqjes së trupave amerikane. Senatori Chuck Schumer e bëri po ashtu të qartë se nuk pajtohet me ftesën e zotit Trump për Presidentin turk Erdogan.

“Sinqerisht, është e habitshme se si Presidenti Trump po i shtron qilimin e mirëseardhjes një autokrati, veprimet e fundit të të cilit kërcënuan aleatët dhe partnerët tanë”, tha senatori demokrat Chuck Schumer.

Presidenti Trump i dërgoi letër homologut të tij Erdogan ditën kur filloi ofensiva turke, muajin e kaluar, ku thuhej “Mos luaj të fortin. Mos u bëj i marrë”. Zoti Erdogan e quajti letrën akt të pasjellshëm. Prandaj, ishte e paqartë nëse vizita në Shtëpinë e Bardhë do të realizohej.

Por ekspertët thonë se megjithtë kritikat për mundësinë e krimeve të luftës në Siri, të dy presidentët Trump dhe Erdogan shpresojnë të riafirmojnë lidhjet e vjetra midis dy vendeve aleate të NATO-s.

“Kur hedh sytë nga Shtetet e Bashkuara, Presidenti Erdogan shikon vetëm një mik në të gjithë vendin. Për fatin e tij, është një mik shumë i rëndësishëm, është presidenti i Shteteve të Bashkuara. Zoti Trump sheh një udhëheqës në Turqi, me të cilin pajtohet, për çfarëdo arsye, ndoshta sepse kanë një botëkuptim të ngjashëm në jetë…”, thotë eksperti Alan Makovsky i Qendrës për Zhvillimin Amerikan.

Eksperti i tha Zërit të Amerikës se megjithë letrën, Presidenti Trump duket se e admiron kokëfortësinë e Erdoganit dhe dëshiron të punojë me të.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Pasi i caktoi një afat prej 48 orësh/ Thaçi letër publike Albin Kurtit

Publikuar

-

Nga

Presidenti i Kosovës, Hashim Thaçi, i ka dërguar sot një letër kreut të Lëvizjes Vetëvendosje, Albin Kurti.

Pasi i caktoi një afat prej 48 orësh për formimin e qeverisë së re, Thaçi paralajmëron se do të ndjekë të gjithë hapat kushtetues që qytetarët e Republikës së Kosovës ta kenë sa më shpejtë qeverinë e tyre.

“Si President i Republikës së Kosovës jam i obliguar që të ndërmarr veprime pa vonesa të mëtejme, duke ndjekur të gjithë hapat kushtetues që qytetarët e Republikës së Kosovës ta kenë sa më shpejtë qeverinë e tyre.

Duke marrë parasysh parimet demokratike, transparencën dhe korrektësinë politike, ua kam dhënë mundësinë dhe kam kërkuar në vazhdimësi që ta propozoni kandidatin/en për Kryeministër”, i ka shkruar Thaçi-Kurtit, duke theksuar se ka parasysh edhe Pikën 87 të Aktgjykimit të Gjykatës Kushtetuese në rastin nr. K0103/14, e cila vëren “se nuk përjashtohet që partia ose koalicioni në fjalë do të refuzojë të marrë mandatin”. – shkruan Thaçi.

LEXO TE PLOTE

Bota

Tragjedia e avionit/ Goditje padashur me raketa në Teheran?

Publikuar

-

Nga

Avioni ukranias, Boeing 737 që u rrëzua në Teheran mund të jetë qëlluar nga raketa iraniane. Kryeministri kanadez, Trudeau bëri të ditur, se ka të dhëna për një goditje jo të qëllimshme të avionit në Teheran.

Ishte një pyetje, që u shtrua menjëherë pas rrëzimit të avionit në Iran: A kishin të bënin sulmet iraniane ndaj bazave amerikane në Irak me rrëzimin e avionit atë ditë? Dyshimet po shtohen: Qeveria kanadeze duket tani, se ka informacione, sipas të cilave, “avioni është goditur nga një raketë iraniane tokë-ajër”, ka bërë të ditur kryeministri kanadez, Justin Trudeau në një fjalim televiziv. Ai iu referua “informacioneve nga burime të ndryshme, edhe nga aleatët tanë dhe shërbimet tona informative.” Një goditje e tillë mund të jetë kryer gabimisht.

Në Britaninë e Madhe, kryeministri britanik, Boris Johnson për shkak të të dhënave për goditje të avionit, kërkoi një hetim transparent dhe të gjithanshëm. Ai kërkoi nga të gjitha palët të punojnë për çtensionimin e gjendjes.

Një avion i Lufthansës ndërkohë u kthye pas një orë fluturimi nga Frankfurti mbi Main me drejtim Teheranin. Këtë e bëri të ditur Lufthansa. Kthimi i LH600 ka të bëjë me “një vlerësim të ri të gjendjes së sigurisë për hapësirën ajrore rreth Teheranit.” Edhe fluturime të tjera të premten nga dhe për në Teheran janë anuluar nga shoqëria gjermane e fluturimeve. Koncerni po e verifikon gjendjen e sigurisë, thuhet.

Zi në aeroportin e Kievit për viktimat e avionit të rrëzuar

Akuza iraniane

Avioni ukrainas me 176 pasagjerë në bord ishte nisur të mërkurën në mëngjes nga Teherani në Kiev, dhe u rrëzua pak pas startimit, menjëherë pasi Irani kishte sulmuar dy baza amerikane në Irak- 63 kanadezë ishin në bordin e këtij avioni.

Drejtuesi i autoritetit iranian të fluturimeve, Ali Abedsadeh tha se do të lejohen ekspertë nga SHBA, Kanadaja, Franca për të marrë pjesë në hetimet e arsyes së rrëzimit të avionit. Kutitë e zeza të avionit do të hetohen në Iran. Nëse kjo nuk është e mundur për arsye teknike, janë të mundura edhe hetimet jashtë. Abedsadeh është shprehur, se do të shfrytëzohen të gjitha mundësitë teknike, për të zbardhur shkakun e rrëzimit të avionit. Për Abedsadeh është absurd pretendimi, se avioni është rrëzuar nga sistemet iraniane të raketave. Sipas tij, me gjasë amerikanët i kanë shpërndarë zëra të tillë, për të mos e prishur edhe më shumë imazhin e Boeing.

Pjesë të rrëzuara të pranë Teheranit

Sinjale radari

Disa media amerikane në raportime që përputhen, janë shprehur, se zyrtarë amerikane e konsiderojnë shumë të mundur goditjen e avionit. Si arsyetim për këtë, sipas CBS, merren të dhëna të shërbimeve sekrete që kanë marrë sinjale nga një radar i aktivizuar. Përveç kësaj, satelitët amerikanë kanë regjistruar startimin e dy raketave tokë-ajër pak para shpërthimit të avionit. Kurse televizioni CNN duke iu referuar disa përfaqësuesve nga autoritetet amerikane, thekson, se po krijohet gjithnjë e më shumë bindja për rrëzimin padashur të avionit. Kjo “teori” mbështetet nga disa analiza të satelitëve, radarëve dhe të dhënave elektronike, që mblidhen zakonisht nga ushtria dhe shërbimet sekrete amerikane.

Dyshimet për goditjen e avionit i ka ndezur më tej edhe presidenti Trump me deklarata jo të specifikuara. “Kam dyshimin tim”, tha ai në Shtëpinë e Bardhë. “Nuk dua ta them, sepse edhe të tjerë e kanë këtë dyshim. Kjo është një gjë tragjike”. Më tej Trump tha, se “dikush ka mundësi të ketë bërë një gabim.” Pyetjes, nësë avioni u godit gabimisht, Trump iu përgjigj. “Këtë nuk e di vërtet”.

Gra festojnë kundërpërgjigjen me raketa të Iranit, duke sulmuar dy baza amerikane në Irak të mërkurën, 08.01.

Gjendja në Gjirin Persik u shkallëzua pasi SHBA vranë qëllimisht gjeneralin e njohur iranian, Khasem Soleimani javën e kaluar në Bagdad. Irani u u kundërpërgjigj natën e së mërkurës duke goditur me raketa dy baza ushtarake në Irak./ DW

LEXO TE PLOTE

Bota

“S’ka justifikime”/ Trump: Nuk tërhiqemi nga lufta kundër terrorizmit

Publikuar

-

Nga

Gjatë një mitingu të mbajtur në Toledo të Ohios, presidenti amerikan, Donald Trump ka thënë se nuk do të ndalet në luftën kundër terorizmit, për sa kohë është ai drejtues i vendit.

“Nën administrimin tim, ne kurrë nuk do të bëjmë justifikime për armiqtë e Amerikës – kurrë nuk do të hezitojmë të mbrojmë jetën amerikane – dhe kurrë nuk do të ndalemi së punuari për të mposhtur Terrorizmin Radikal Islamik!”- tha Donald Trump.

Nga ana tjetët, Dhoma e Përfaqësuesve të SHBA ka kaluar një rezolutë e cila synon t’i limitojë fuqitë e Presidentit lidhur me veprimet ushtarake dhe sidomos ato në Iran.

Por duket se Trump është i vendosur që t’i vijojë ato.

LEXO TE PLOTE