Connect with Us

Si i tradhëtoi Basha banorët e Unazës së re

Politikë

Si i tradhëtoi Basha banorët e Unazës së re

Publikuar

-

Mëngjesin e sotëm IKMT dhe policia mësynë banorët e Unazës së re, duke shembur banesat e tyre, një pjesë të legalizuar dhe një pjesë pa leje dhe kërkojnë të dëmshpërblehen nga qeveria, duke e konsideruar si një çështje të madhe sociale, pasi ata kanë paguar taskat rregullisht në shtet, pasi në atë zonë kanë ngritur bizneset e tyre, etj.

Në fakt ka këndvështrime të ndryshme sa i takon kësaj çështje. Nga ata që e shohin nga skandali me Dh Albania dhe që më pas fitues i tenderit doli Salillari, një nga të ashtuquajturit oligarkë nga Lulzim Basha, por që tani nuk ia përmend më emrin.

Ashtu siç harroi Agron Papulin dhe Long Hillin, ashtu Luli mesa duket ka harruar edhe Salillarin.

Lulzim Basha sot i tradhëtoi banorët e Unazës së re dhe për këtë nuk ka asnjë diskutim të mëtejshëm. Nuk mjafton Edi Paloka, nuk mjafton Flamur Noka, Oriola Pampuri apo dhe Klevis Balliu, ky i fundit më i veçanti nga të gjithë në rezistencën e banorëve të Unazës së re.

Është e drejtë apo jo kauza e tyre, Lulzim Basha ka shkuar dhe ka firmosur një kontratë me ta, ndërsa sot i braktisi.

Basha shkoi pranë tyre vetëm në drekë, kur spitali u mbush me banorë të lënduar, por edhe policë të plagosur.

Luli sot i tradhëtoi banorët e Unazës së re dhe kjo tashmë nuk ka asnjë dyshim. Ai u shfaq vetëm pas shtatë orësh, pasi policia mësyu këtë zonë.

Dje banorët kanë bërë apel publik është gjatë qëndrimit, edhe gjatë daljes së ministrit Sandër Lleshaj në emisionin “Opinion”, ku e pranoi publikisht se do të kishte veprime nga ana e policisë. Banorët janë njoftuar ditë më parë në lidhje me atë që do të ndodhte sot në mëngjes.

Pra, këto fakte na tregojnë se Lulzim Basha ka qënë në dijeni se do të kishte një mësymje në Unazën e re. Mund të kishte persona që do të përplaseshin me policinë dhe që mund të kishte të lënduar. Por nuk zgjodhi të ishte në krah të tyre sot në mëngjes. Nuk zgjodhi të ishte në krah të banorëve, të cilët prej më shumë se një viti protestojnë.

Nuk i mbështeti banorët e Unazës së re, të cilët kanë qënë pjesë e çdo proteste të Lulzim Bashës. Por, i tradhëtoi. Nuk shkoi atje.

Në qoftë se do të ishte një lider opozite, ashtu siç do bënte PD-ja e vërtetë, Basha do të kishte shkuar dhe do të kishte ngritur çadrën dhe të rrinte përkrah banorëve, për kauzën e tyre, nëse kauza do të ishte e drejtë.

Por, nuk e bëri këtë. Lulzim Basha u shmang dhe u shfaq vetëm pas shtatë orësh, dërgoi disa nga ish-deputetët e tij dhe më pas doli në media, a thua se dikë e kishte marrë malli.

LEXO EDHE:  Listat/ Edith Harxhi: Koha për të larguar Bashën

Në fakt, ai duhet të kishte qënë në krah të banorëve që në mëngjes, në rast se ata kishin një kauzë të drejtë dhe Basha i vlerëson ata, ose të dalë publikisht dhe të thotë se është tallur me banorët e Unazës së re. Ose të thotë publikisht se kauza e tyre nuk është e vërtetë.

Pra, që na ka gënjyer të gjithë në qëndrimet që ka mbajtur pro tyre.

Sot Lulzim Basha bëri tradhëtinë e radhës, ashtu siç bëri me çadrën e 2017-ës, ku u fut disa muaj dhe më pas u hodha në “shtratin” e Edi Ramës.

Ashtu bëri dhe më vonë me banorët e Kukësit, me koncesionin e Rrugës së Kombit. Ashtu bëri dhe më vonë pasi oligarkët paguan paratë tek familjarët e tij dhe sot nuk ua përmend më emrat. Ashtu siç i tradhëtoi edhe protestuesit, të cilët nga muaji shkurt deri në qershor mbushën sheshet e Tiranës.

Por, Luli tashmë i ka harruar të gjitha. Ai është rikthyer në “krevat” me Edi Ramën dhe vazhdon të shesë çdo kauzë të çdo qytetari, thjeshtë dhe vetëm për interesat personale dhe të familjes së tij.

Sot banorët e Unazës u tradhëtuan nga Lulzim Basha. Ai nuk ishte atje me ata. Por, çoi disa ish-deputetë më vonë, për të larë gojën, ashtu siç bëri dhe me daljen e tij televizive. Kur, në fakt Lulzim Basha ishte në dijeni më përpara se banorët do të sulmoheshin nga policia. Basha duhet të kishte qënë atje që në sekondën e parë në mbrojtje të kauzës së tyre, në qoftë se ajo do të ishte e vërtetë, siç pretendon Luli.

Në të kundërt si gjithmonë është bërë gjobaxhi i oligarkëve, i parave të bizneseve, që paguajnë në mënyra të ndryshme, në mënyrë të drejtpërdrejtë dhe indirekte tek ai.

Duke e kthyer PD-në, nga partinë e idealeve të dhjetorit ’90 dhe vlerave demokratike, në partinë e gjobave, për interesat klienteliste të Lulzim Bashës. Interesa të cilat ky i fundit na i ka treguar ditë pas dite. Ato që përmendëm më sipër dhe atë skenar që ne e pamë dhe sot.

Nga ata që paguajnë për eventet e tyre tek kunati apo nga ata që ndërtojnë vila, të cilat Luli i merr me qera, apo ata të cilëve nuk ua zë emrin me gojë, pasi haraçi i tyre i ka zënë gjuhën Lulzim Bashës.

Sot banorët e Unazës së re u tradhëtuan, ashtu siç janë tradhëtuar gjithë të tjerët. Kështu ka për t’i tradhëtuar edhe ata artistë që protestojnë tek Teatri. Kjo është vetëm çështje kohe. Sepse Lulzim Basha nuk di të bëjë gjë tjetër. Por, di vetëm të tradhëtojë./ CNA.al

Koncesionari i Rrugës së Kombit “rrëmben” tenderin e Unazës së re në Tiranë

Basha, gjobaxhiu i biznesit/ Zbulohet pse i tradhëtoi kuksianët

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

“Nuk bëhet vaji i korbit në ditë zie”/ Balla thumbon deputetët e opozitës

Publikuar

-

Nga

Kryetari i grupit parlamentar socialist, Taulant Balla i bëri apel deputetëve të opozitës parlamentare të bashkëpunojnë me mazhorancën dhe të mos marrin shembullin e opozitës joparlamentare.

Nga foltorja e Kuvendit, Balla i tha deputetëve të mos bëjnë “vaj korbi” në ditë zie dhe kërkoi të mos merren me PPP-të.

“I them kolegut të ri në Shqipëri nuk bëhet korbi në ditë zie, as vaji i korbit. Shqipëria prej 26 nëntorit po kalon një nga momentet më të vështira, më të hidhura. Tërmeti i tmerrshëm që goditi Shqipërinë e që u shoqërua me një bilanc tragjik, përbën një sfidë që shkon përtej mundësive të qeverisë sonë, e të kombit tonë.

Por qeveria nuk po rri. Për ata që ende nuk e dinë, 29 të lënduar po marrin një kujdes të veçantë dhe janë nën mbikqyrjen e bluzave të bardha, 3 janë dërguar jashtë për një mjekim më të specializuar.

Edhe falë gatishmërisë së qeverisë italiane, ne menaxhuam momentet e vështira. Kryeministri Rama ka qënë çdo ditë në kontakt me kryeministrin italian, i cili vazhdon të jetë në gatishmëri për çdo nevojë që ne kemi”, deklaroi numri 2 i PS-së, ndërsa thumboi deputetët opozitarë që ofendojnë në parlament.

“Ju dëgjova me vëmendje ju të opozitës, dhe ndonjëri nga ju për efekt të karriges, ka trashëguar fjalorin e opozitës së parë. Ky Kuvend sot mbështet të gjitha aktet që bëri qeveria menjëherë për t’i ardhur në ndihmë banorëve të prekur.

LEXO EDHE:  Paralajmëron Basha/ Protesta deri në rrëzimin e Ramës

LEXO EDHE:  Negociatat/ Basha “sulmon” ambasadorët e SHBA dhe BE

Qeveria solli sot në mëngjes aktin normativ, dhe Kuvendi ka sot detyrë ta miratojë.

Lidhur me buxhetin, në këtë situatë u alokua fondi i duhur pa prekur fushat e tjera të jetës. Qeveria i akordoi pension të posaçëm të gjithë familjarëve të viktimave.

Mjaft më me këngën e  Albana Vokshin, PPP, PPP, këtu skanë lidhje fare. Po flasim për rikuperimin e banorëve të prekur.

Dhe sa për PPP-të, të jeni të sigurt që gjithçka kemi bërë ë këmi bërë më bindjen e plotë, për të mirën e Shqipërisë. Brenda vitit ngrihet SPAK, kush ka ankesa le ti bëjë.

Dua të falenderoj Forcat e Armatosura, Policinë e Shtetit, Urgjencën Kombëtare, vëllëzërit tonë nga Kosova për ndihmën e jashtëzakonshme dhe padyshim, pa përmendur emra se kam frikën mos gaboj, të gjitha shtetet që u solidarizuan dhe ndihmuan Shqipërinë në këto momente dramatike.

Thirrja e kryeministrit për opozitën jashtë paralmentit vlen edhe për ju këtu, mbështesni shqiptarët’, theksoi Balla./ CNA.al

LEXO TE PLOTE

Politikë

Rama deklaron nga Kuvendi se buxhetin po e programon që të ndërtojmë me forcat tona/ Donatorët kanë refuzuar ndihmën???

Publikuar

-

Nga

Kryeministri Rama zgjodhi të sfidoje akuzuesit, duke deklaruar që nuk është e vërtetë që buxheti nuk ka fonde për të përballuar situatën. Ai tha se buxheti është riprogramuar me idenë që të gjitha shpenzimet e rindërtimit do përballohen vetë duke konsideruar sikur mos ketë asnjë ndihmë nga jashtë.

Nëse kjo është e vërtetë, sa të pritshme janë donacionet e premtuara? Rama e bëri këtë deklaratë, pasi u kthye nga një tur i deklaruar po prej tij, si turi i sigurimit të donacioneve. Ndaj nëse kjo që deklaron sot, është e vertetë, çfarë duhet të mendojmë se i ka ndodhur gjatë turit të mbledhjes së donacioneve?

Nëse kjo që deklaron sot është e vërtetë dhe nëse turi i tij dhuratambledhës ka qënë i suksesshëm, çfarë do bëjë Rama me donacionet? Do i kthejë mbrapsht? Apo thjeshtë, nuk do përdore milionat e akordura për rindërtime në buxhet?

Është interesante se me sa qetësi dhe krenari, kryeministri deklaron gjithë sa deklaroi, pa u merakosur hiç për padijen që dëshmon në raport me rregullat dhe ligjësitë e planifikimit buxhetor dhe mirëpërdorimit të fondeve buxhetore. Buxheti bëhet për tu shpenzuar me eficencë. Nuk është një llogari depozite që po nuk e perdore e llogarit si kursim.

LEXO EDHE:  Takimi i ambasadorit Lu me Bashën/ Ja për çfarë u diskutua

LEXO EDHE:  Listat/ Edith Harxhi: Koha për të larguar Bashën

Fondet e papërdorura në buxhet, nuk dëshmojnë që je më i mençur se paraardhësit. Dëshmojnë që nuk di se për çfarë po flet. Mençuria në planifikimin buxhetor qëndron tek planifikimi dhe përdorimi me nikoqirllëk i buxhetit.

Shqipëria nuk e ka luksin që të parashikojë si shpenzime buxhetore miliona që mund edhe të mos përdoren.

Ndaj Rama duhet ta ndajë mendjen. Ose po pret donacione e në këtë rast ato duhen kalkuluar dhe duhet të fillojnë përgatitjet se si do futen në punë me eficencë, ose ka marrë refuzime nga donatorët ndaj sot i duhet të përballojë gjithçka me forcat e veta. Si revolucionar në rrethim!

Por mos bëjë leksione mbi mençurinë e Rilindjes aq më shumë që krahasimin nuk ka se ku dhe me kë e bën. Opozita nuk hyn fare në historinë e sotme. As që dëshiron të hyjë me sa kuptohet. Miliardat e buxhetit do tenderohen për ndërtuesit. Dhe ndërtuesit në këtë vend janë masivisht me pronësi 50/50. Në fund të fundit, përdorimi i fondeve të buxhetit nuk kontrollohet nga donatorët. Donatorët janë të bezdisshem nganjëherë./CNA.al

LEXO TE PLOTE

Politikë

Basha në Lezhë/ Milionat e oligarkëve të shkojnë për të pastrehët

Publikuar

-

Nga

Kreu i Partisë Demokratike, Lulzim Basha, ka  qenë pasditen e sotme në Lezhë ku është njohur nga afër me problematikat e banorëve të prekur nga tërmeti i 26 nëntorit.

Teksa shprehet se është e rëndësishme të bëhet gjithçka për të zbutur tronditjen e madhe tek banorët,ndërsa shtoi se paratë që ndahen për oligarkët, duhet të ndahen për të pastrehët.

Postimi i plotë

Sot në Lezhë takova banorë që janë në dilemë të rikthehen apo jo në banesat e tyre të dëmtuara sepse ende nuk është bërë vlerësimi përfundimtar nëse janë të banueshme.

Është shumë e rëndësishme të bëhet gjithçka për të zbutur tronditjen e madhe që shkaktoi tërmeti i 26 nëntorit dhe të rikuperojmë pasojat që la pas në mijëra banesa të dëmtuara dhe të shkatërruara.

Ka nevojë urgjente të shtohen grupet e vlerësimit. Edhe pse kanë kaluar 10 ditë nga tërmeti, ende në shumë banesa nuk është bërë vlerësimi duke lënë banorët në pasiguri.

LEXO EDHE:  Takimi i ambasadorit Lu me Bashën/ Ja për çfarë u diskutua

LEXO EDHE:  Takimi i ambasadorit Lu me Bashën/ Ja për çfarë u diskutua

Realiteti nuk ndryshon duke e mohuar, por duke u përballur me të dhe duke dhënë zgjidhje. Zgjidhja fillon që nga ndihmat emergjente për të cilat banorët kanë nevojë, e deri te çertifikimi zyrtar i banesave.

Vëmendja në këto ditë të vështira për vendin, duhet të shkojë te profesionistët e vërtetë, sepse fatmirësisht vendi ynë ka shumë inxhinierë të zotë, por ka munguar vullneti për ti vënë në punë. Nuk ka kohë për të humbur! Është e pakuptueshme mosangazhimi i shumë inxhinierëve që kanë shprehur gatishmërinë për të kontribuar vullnetarisht!

Duhet urgjentisht të alokohen dhe shpërndahen fonde për familjet në zonat rurale në mënyrë që të nisin riparimin dhe rindërtimin e shtëpive të dëmtuara. Qindra milionat e ndara për oligarkët dhe që nuk kanë asnjë impakt në jetën e qytetarëve duhet tu kalojnë njerëzve të mbetur pa strehë, ndërsa moti është ftohur, dhe pritet të intensifikohen reshjet.

LEXO TE PLOTE