Connect with Us

Procesi hetimor ndaj Presidentit Trump do të transmetohet në televizor

Bota

Procesi hetimor ndaj Presidentit Trump do të transmetohet në televizor

Publikuar

-

Ligjvënësit demokratë të Dhomës së Përfaqësuesve po e bëjnë publik procesin për hetimet kundër Presidentit Donald Trump, ndërsa të mërkurën fillojnë seancat dëgjimore që do të transmetohen drejtpërdrejt në televizion.

Seancat dëgjimore publike po vënë në shënjestër zotin Trump, duke e akuzuar për abuzim të pushtetit për përfitime politike personale.

Deri tani, procesi hetimor është kryer pas dyerve të mbyllura, me të dhëna të publikuara në formën e transkriptimeve dhe raporteve mediatike.

Profesori i shkencave politike dhe të komunikimit Leonard Steinhorn me Universitetin Amerikan, thotë se seancat dëgjimore do të tërheqin vëmendjen e shumë amerikanëve.

“Njerëzit do të ndjekin seancat në televizor sepse duan të dinë se çfarë po flitet dhe çfarë po ndodh në vend. Mendoj se do të tërheqë vëmendjen në masë të madhe të popullit amerikan.”

Anëtarët e Dhomës së Përfaqësuesve po shqyrtojnë nëse zoti Trump shkeli betimin duke i kërkuar Ukrainës që të hetojë rivalin e tij politik, Joe Biden dhe djalin e tij Hunter, ndërsa u bllokua ndihma ushtarake për Ukrainën, një vend aleat evropian.

LEXO EDHE:  Mbështetja për zotin Trump, më e ulëta në shtatë dekada për një president amerikan

Për javë të tëra Presidenti Trump ka mohuar se telefonata e tij në korrik me presidentin e Ukrainës mund të cilësohej si kushtëzim për dhënien e ndihmës ushtarake në shkëmbim të hetimeve për zotin Biden dhe djalin e tij.

Ndër dëshmitarët e parë këtë javë do të jenë tre diplomatë të Departamentit të Shtetit që kanë dhënë dëshmi që vërtetojnë veprimet e qeverisë. Republikanët duan të dëgjojnë nga të tjerët, përfshi zotin Hunter Biden dhe individin anonim që nxiti hetimet. Nga ana tjetër, demokratët nuk ka gjasa që të bien dakord./VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Kadri Veseli niset për në Hagë/ Jam krenar që i shërbeva UÇK-së

Publikuar

-

Nga

Kreu i PDK-së, Kadri Veseli është nisur drejt Hagës ku do të merret në pyetje nga hetuesit e Gjykatës Speciale.

Veseli u shpreh se Gjykata Speciale është sfidë përballë krimeve makabre serbe.

“Tani jam duke udhëtuar për në Hagë me ftesë të dhomave të Specializuara, jam i ftuar për intervistim, gjykata Speciale është sfidë përballë krimeve makabre serbe, por të njejtën kohë është sfidë përballë krimeve makabre serbe po edhe një moment ndërkombëtar për të rikonfirmuar pastërtinë e luftës së popullit tonë të UCK-së, çdo luftëtar i lirisë është krenar që ka pas fatin t’i shërbejë atdheut të vetë, edhe unë, jam shumë krenarë e falënderoj zotin për këtë dhe dua ta them se me asnjë gjë nuk e ndrroj asnjë pjesë të jetës time krenare, historia e UCK është histori për liri dhe pavarësi”, tha Veseli.

LEXO TE PLOTE

Bota

Foto-Tërmeti godet Italinë/ Qytetarët dalin në rrugë nga paniku, dëme të mëdha në banesa

Publikuar

-

Nga

Një tërmet me magnitudë 4.5 ballë ka goditur Italinë, në orët e para të mëngjesit të sotëm.

Lëkundjet më të fuqishme janë ndjerë në Scarperia San Piero, në provincën e Firences dhe në Mugello, duke shkaktuar frikë dhe panik tek banorët.

Tërmeti u shoqërua edhe me shumë pasgoditje, njerëzit të panikosur janë larguar dhe shumë kanë fjetur në makina, bashkë me femijët.

Ndërkohë, mediat vendase raportojnë se ka filluar menjëherë raportimi i dëmeve dhe është pëzulluar mësimi në shkollat dhe çerdhet e zonës.

LEXO EDHE:  A ka lidhje George Soros dhe fitorja e Trump me IMPORTIN E PLEHRAVE ne Shqiperi dhe menaxhimin dhe kontrollin e Protestes nga MJAFT i Veliaj???

LEXO EDHE:  BEN BLUSHI NË KOHËN E VET

Nga ana tjetër, për shkak të panikut tek qytetarët dhe për çështje sigurie, shkollat u mbyllën edhe në Borgo San Lorenzo, Marradi, Barberino dhe Viçhio si dhe në komunat përrreth.

Sikurse shikohet nga fotot e mëposhtme, dëme kanë pësuar në ndërtesat Scarperia San Piero dhe Barberino, nërkaq autoritetet italiane kanë pezulluar edhe lëvizjen e trenave.

Për më tepër shikoni galerinë e fotove të mëposhtme: / CNA.al

 

LEXO TE PLOTE

Bota

Samiti i Ukrainës në mëshirë të Putinit

Publikuar

-

Nga

Para takimit me Putinin në samitin e formatit të Normandisë në Paris presidenti i Ukrainës, Selenskyj ndodhet nën presion. Ai synon paqen, por duke bërë lëshime ai mund të rrezikojë duke shkaktuar kryengritje në vend.

Pritshmëritë janë të jashtëzakonshme. Qoftë në media apo në politikë, atmosfera është e njëjtë: Samiti për Ukrainën lindore në të ashtuquajturin formati i Normandisë të hënën (10.12) në Paris mund të jetë një pikëkthese. Kryesisht në Ukrainë ka shumë analiza për këtë, se çfarë duhet të kenë parasysh krerët e shteteve dhe të qeverive nga Rusia, Ukraina, Gjermania e Franca dhe se çfarë mund të dështojë. Opozita pro-perëndimore ukrainase e paralajmëron presidentin Volydimir Selenskyj, që të mos i kalojë vijat e kuqe, kur të takohet për herë të parë me shefin e Kremlinit Vladimir Putin. Presion shtesë vjen prej botës së jashtme, ku edhe presidenti i SHBA-së Donald Trump bën fjalë për një “përparim të madh”.

Përse Putin udhëton me ndjesinë e fitimtarit për në Paris

Arsyeja që ngjall shqetësim është gatishmëria e Selenskyjt, që për paqen në lindje të Ukrainës të hyjë në kompromise me Rusinë. Vendosja e paqes në një luftë që vazhdon nga viti 2014 – ky ka qenë premtimi kryesor i 41 vjeçarit ish-komikut televiziv – që në pranverë u zgjodh president i Ukrainës. Rruga për paqen është përcaktuar në Marrëveshjen e Minskut në vitin 2015, por që deri tani nuk është zbatuar. Moska, që mbështet separatistët  në lindje të Ukrainës dhe qeveria në Kiev fajësojnë reciprokisht palën tjetër.

Takimi në formatin e Normandisë nuk është zhvilluar që nga viti 2016, sepse Rusia e cilësoi si bllokues paradhësin e Selenskyt, Petro Poroshenko  dhe nuk donte ta pranonte më atë. Pas ndryshimit të pushtetit në Kiev, Moska u shpreh e gatshme për bisedime, por vendosi kushte për samitin në Paris: tërheqjen e trupave të ushtrisë ukrainase dhe të separatistëve në tri krahina të caktuara si dhe një pranim me shkrim të nismës politike nga ana e Kievit, që Moska e quan “formula e Steinmeier-it”. Me këtë kihet parasysh propozimi i ish-ministrit të Jashtëm gjerman, sot president i Gjermanisë, Frank-Walter Steinmeier për një status të posaçëm të territoreve të separatistëve. “Formula Steinmeier” përcakton, se kur dhe si duhet të hyjë në fuqi një ligj përkatës.

Protesta në Kiev para samitit në Paris

Selenskyj i ka përmbushur kushtet e Putinit e kësisoj ka hequr dorë nga qendrimi i parardhësit të tij: fillimisht një armëpushim i qendrueshëm e më pas tërheqje e trupave. Edhe sot në lindje të Ukrainës vazhdojnë luftimet e çdo ditë vdesin ushtarë ukrainas. Nënshkrimi i “Formulës së Steinmeier” ngjalli valë protestash në Ukrainë. Në rrjetet sociale para samitit të Parisit aktivistët kërcënojnë me protesta të reja në rast se Selenskyj bën lëshime në takimin me Putinin në Paris.

LEXO EDHE:  Dhuna në studion televizive/ Prokuroria nis hetimet ndaj Milaim Zekës

LEXO EDHE:  Rama-Basha, akuza dhe pazare/ Rilindja si shpëtim për Lulin

Çfarë duan të arrijnë Selenskyj dhe Putin në Paris?

Paraqitja në Paris është një premierë për Selenskyjn: Para vitesh ai është paraqitur në skenë si aktor i një trupe humoristësh para presidentëve postsovjetikë, ndër të tjerë edhe para ish-shefit të Kremlinit, Dmitri Medvedev. Tani ai takon Putinin si president i Ukrainës.

Për Kievin në radhë të parë në Paris synohet të arrihet armëpushimi i plotë dhe një shkëmbim i të burgosurve, që me sa duket po shtyhet vazhdimisht. Së fundi në shtator pati një shkëmbim direkt mes Rusisë dhe Ukrainës, ku Rusia liroi kineastin ukrainas të dënuar me 20 vjet burg për terrorizëm, Oleg Senzov. Senzov u shpreh skeptik përpara këtij takimi dhe e paralajmëroi sërish Parlamentin e BE-së nga një kurth i mundshëm i Putinit në Paris. Edhe Olena Serkal, deri vonë zëvendësministre e Jashtme e Ukrainës, në bisedë për DW tha, se “kam dyshim në ndershmërinë e objeksioneve të Putinit.”

Edhe më parë janë zhvilluar samite për Ukrainën, këtu në samitin e tetorit 2015 me kancelaren Merkel

Shefi i Kremlinit është më pak nën presion se sa kreu i Ukrainës. Qëllimi i Putinit është ta verë në lëvizje Kievin për të bërë lëshime. Për këtë ai i var shpresat tek ligji për statusin e posaçëm për separatistët, ligj ky që është në fuqi deri në fund të vitit. Me sa duket ligji i deritanishëm duhet shtyrë sërish, përpara se të vendoset një ligj i ri. Moska do po ashtu që ta detyrojë Kievin për bisedime direkte me separatistët – me këtë Rusia do të paraqitet si ndërmjetësuese, e cila nuk është pjesë e konfliktit.

Por qëllimi kryesor i Putinit është të nxisë zgjedhjet në territoret e separatistëve dhe të legjitimojë përmes tyre statusin e autonomisë për to, kur dhe në çfarë kushtesh do të mundësohen zgjedhjet në Donjeck dhe Luhansk, nëse Ukraina do të marrë kontrollin ndaj kufijve. për këto do të bisedohet në Paris.

Tranziti për gazin përmes Ukrainës

Çështja që krijon tension në samitin e Parisit është rruga tranzite e kalimit të gazit përmes Ukrainës drejt Europës. Marrëveshja e deritanishme mes Moskës dhe Kievit skadon më 31 dhjetor, bisedimet për marrëveshjen pasuese deri më sot kanë dështuar. Samiti i Parisit do të jetë shansi i fundit, për të shmangur bllokimin e furnizimeve./ DW

LEXO TE PLOTE