Connect with Us

Macron: Sistemi ndërkombëtar në një krizë “pa precedent”

Bota

Macron: Sistemi ndërkombëtar në një krizë “pa precedent”

Publikuar

-

Presidenti francez Emmanuel Macron shprehu keqardhjen për “krizën e paprecedentë” në sistemin politik global dhe bëri thirrje për aleanca të reja që do të zgjidhnin problemet e botës, një thirrje kjo që u mbështet nga udhëheqësit kinezë dhe ata të Bashkimit Evropian.

Zoti Macron priti kryetarë shtetesh dhe qeverish në Forumin e Paqes në Paris vetëm pak ditë pasi shkaktoi valë tronditjeje në kryeqytetet perëndimore duke paralajmëruar për paqëndrueshmërinë e NATO-s dhe BE-së.

Po përjetojmë një krizë të paprecedentë në sistemin tonë ndërkombëtar”, tha zoti Macron, duke vazhduar në linjën e intervistës dhënë të enjten revistës “The Economist”, ku ai paralajmëroi se NATO po përjetonte “vdekje klinike” dhe se BE-ja rrezikon të bëhet e parëndësishme.

Forumi për Paqen
Forumi për Paqen

Presidenti francez, i cili ka kërkuar të zërë një vend parësor në skenën ndërkombëtare që kur mori pushtetin në vitin 2017, tha se “mënyra të reja bashkëpunimi, aleanca të reja” nevojiten mes shteteve dhe organizatave.

Ai shtoi se sistemi global politik dhe ekonomik i ndërtuar pas përfundimit të Luftës së Dytë Botërore, pati sjellë paqe në disa rajone dhe nxorri nga varfëria shumë njerëz.

Por, pabarazi të reja janë shfaqur mes njerëzve dhe vendeve duke shkaktuar rilindjen e nacionalizmit dhe unilateralizmi “madje edhe mes atyre që janë gardianët më të fundit të këtij sistemi ndërkombëtar”, tha zoti Macron.

Për t’u përballur me sfidat e sotme, varfëria, lufta, rritja pa kontroll e popullsisë, emigracioni dhe burimet e paqëndrueshme natyrore, botës i duhet “më shumë bashkëpunim”, tha ai.

Në vazhdim, zoti Macron paralajmëroi se nuk duhet të ketë më “hipokrizi” nëse vjen fjala për të vënë në pikëpyetje funksionimin organizatave shumëkombëshe si OKB-ja, të cilën e quajti “të bllokuar”.

Intervista e zotit Macron me revistën “The Economist” pati shkaktuar shumë debat. Kancelarja gjermane Angela Merkel u shpreh se komentet e tij ishin shumë “drastike”. Sekretari amerikan i Shtetit Mike Pompeo këmbënguli se NATO është “e rëndësishme dhe vendimtare”.

Por, komentet e zotit Macron, i cili gjithashtu ka qartësuar se dëshiron të dialogojë me Presidentin rus Vladimir Putin, u mbështetën me ngrohtësi nga Rusia.

Ndoshta duke iu drejtuar kritikëve të tij, zoti Macron tha të martën se e folura pa doreza është e rëndësishme. “Mendoj se na duhet e vërteta… heshtja nuk është zgjidhje”, tha ai.

LEXO EDHE:  Pse “truri” i NATO-s nuk ka vdekur ende

Ministri i Jashtëm gjerman Heiko Maas ra dakort se ekziston “nevoja për veprim në bashkëpunimin ndërkombëtar” përfshirë edhe brenda NATO-s, duke shtuar se çështja të tilla “diskutohen haptazi”.

Në po këtë forum, Presidentja e zgjedhur e Komisionit Evropian Ursula von der Leyen këmbënguli se trajtimi i sfidave të sotshme kërkon “institucione të forta dhe një bashkëpunim ndërkombëtar më efektiv”.

“Megjithatë, ndodh shpesh e kundërta; fuqitë ekzistuese po ndjekin të vetmuar shtegtime të reja; fuqi të reja po shfaqen, të tjera po rishfaqen dhe po konsolidohen”, tha zonja Von der Leyen.

Presidenti francez bisedon me Presidenten e zgjedhur të Komisionit Evropian Ursula Von der Leyen
Presidenti francez bisedon me Presidenten e zgjedhur të Komisionit Evropian Ursula Von der Leyen

Ajo shtoi se Bashkimi Evropian duhet të ushtrojë më shumë peshë politike në skenën ndërkombëtare.

Zonja Von der Leyen tha se nën mbikqyrjen e saj shpreson ta bëjë komisionin “vërtet gjeopolitik”.

Dëshiroj një Bashkim Evropian të orientuar më shumë jashtë tij, një Evropë që të mbrojë kolektivisht vlerat dhe interesat tona të përbashkëta në botë”, tha ajo.

Zonja Von der Leyen tha se multilateralizmi krijoi një Evropë të pasluftës e cila më në fund ishte “në paqe, e bashkuar dhe që zgjidhte dallimet tona përreth tryezave dhe jo në llogore”.

“Nuk duhet të harrojmë kurrë sa larg kemi mbërritur dhe pse”, tha ajo duke iu bashkuar paralajmërimit të zotit Macron ndaj hegjemonisë dhe nacionalizmit, për të cilin Presidenti francez tha se është testuar më parë dhe “na dha luftën”.

Nënpresidenti kinez Wang Qishan iu bashkua thirrje për unitet më të madh global.

Përhapja e unilateralizmit, proteksionizmit dhe populizmit, si dhe tendenca për të zëvendësuar mendimin dhe veprimin racional me shpërthimin e emocioneve, nuk ndihmojnë në zgjidhjen e problemeve”, tha zoti Wang.

“Kemi shpresë se vendet mund të punojnë së bashku për të reduktuar defiçitin e paqes, duke zgjeruar interesat e ndërthurura, duke përforcuar masat mbrojtëse të paqes, duke ruajtuar multilateralizmin… dhe duke forcuar lidhjen e paqes nëpërmjet inkurajimit të dialogut mes civilizimeve”, tha ai.

Marrë nga Agjensia Franceze e Lajmeve (AFP)

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

1 milion njerëz i kundërvihen presidentit Macron/ Protestuesit pushtojnë rrugët

Publikuar

-

Nga

Trenat nuk po funksionojnë këtë fundjavë në Paris, metrotë janë pezulluar dhe rrugët janë mbushur me protestues që këmbëngulin për të drejtat e tyre.

Nisma e protestave në Francë ka filluar që përpara një viti kur mijëra njerëz dolën në rrugë kundër rritjes së planifikuar të taksave të gazit.

Një tjetër protestë, këtë herë drejtuar Presidentit Emanuel Macron, ka nisur këtë fundjave për shkak të Reformës së pensioneve të inicuar nga Presidenti francez. Bëhët fjalë për një grevë të organizuar, e cila vijon të jetë aktive, duke bërë që rreth 1 milionë njerëz të jenë ende nëpër rrugët kryesore.

LEXO EDHE:  Eshtë Macron Merkel i ri i Europës?

LEXO EDHE:  Pse BE gaboi me bllokimin e negociatave për Maqedoninë e Veriut dhe Shqipërinë

Duket se qytetarët kanë marr shkas nga deklarata e Kryeministrit Edouard Philippe, se “francezët duhet të punojnë më shumë dhe më gjatë, ashtu si dhe në vendet e tjera”, gjë që i ka dhënë jetë nismës së protestave.

Meqenëse protesta e kësaj fundjave është organizuar edhe në formën e një greve në shumë qytete të Francës inistitucionet nuk po funksionojnë, pasi shkolla do të mbyllen, transporti hekurudhor është pezulluar, madje ka pasur ndikim edhe në trafikun ajror.

Protestuesit këmbëngulin  se nuk do t’i japin fund grevës deri sa të plotësohen kërkesat e tyre./CNA.al

LEXO TE PLOTE

Bota

Mbretëresha Elisabeth hedh poshtë spekulimet/ Nuk ka në plan të dalë pensionin në moshën 95-vjeçare

Publikuar

-

Nga

Kohët e fundit, mediat britanike kanë përhapur lajmin se Mbretëresha Elisabeth II do të heqë dorë nga detyra e saj në moshën 95-vjeçare, duke ndërmarrë kështu, një akt daljeje në pension.

Lajmet kanë mbërritur në veshin e Mbretëreshës Elisabeth gjë që ka bërë që familja mbretërore të reagojë përmes një deklarate.

Zëdhënësi nga zyra e Princit Charles ka hedhur poshtë thashethemet e përhapura duke thënë se nuk ekziston ndonjë plan për largimin e Mbretëreshës nga detyra e saj, gjë që do të kishte si pasojë dorezimin e kësaj detyre tek i biri 71-vjeçar, Princi Charles.

LEXO EDHE:  Pse BE gaboi me bllokimin e negociatave për Maqedoninë e Veriut dhe Shqipërinë

LEXO EDHE:  Pse BE gaboi me bllokimin e negociatave për Maqedoninë e Veriut dhe Shqipërinë

“Nuk ka plane për ndonjë ndryshim kur Mbretëresha të mbushë 95 vjeç – apo ndonjë moshë tjetër,” tha zëdhënësi nga zyra e Princit Charles.

Lajmet rreth pensionit të supozuar të Mbretëreshës Elisabeth u përhapën pas heqjes dorë të Princit Andreë nga statusi mbretëror./CNA.al

LEXO TE PLOTE

Bota

Pas disa muajsh tensione/ SHBA dhe Irani shkëmbejnë dy të burgosur

Publikuar

-

Nga

Sot, Irani dhe Shtetet e Bashkuara bën një shkëmbim të burgosurish.
Irani liroi një student amerikan të diplomuar në Universitetin Princon në shkëmbim të një shkencëtari iranian, duke shënuar kështu një përparim të mundshëm mes Teheranit dhe Uashingtonit pas muajt të tërë tensionesh.

Kryediplomati iranian Mohammad Javad Zarif bëri njoftimin e parë për shkëmbimin në rrjetin social Twitter. Shkëmbimi përfshin studentin e diplomuar Xiyue Wang dhe shkencëtarin Massoud Soleimani.
“Jam i kënaqur që Profesor Massoud Soleimani dhe zoti Xiyue Wang do të bashkohen me familjet e tyre së shpejti. Falenderoj të gjithë të angazhuarit në këtë proces dhe kryesisht qeverinë zvicerane”, postoi në rrjetin Twitter Zarif.

Kryediplomati iranian konfirmoi në Twitter thashethemet që qarkullonin prej disa ditësh se po punohej për një marrëveshje për të liruar zotin Wang.

Përmes një deklerate të Shtëpisë së Bardhë, Presidenti Trump pranoi se zoti Wand ishte i lirë, duke u shprehur se “ai po kthehej në Shtetet e Bashkuara”.
“Zoti Wang ishte mbajtur nën pretendimet për spiunazh që nga gushti i vitit 2016″, tha zoti Trump. “Felenderojmë partnerët zvicerianë për ndihmën e tyre në negociatat me Iranin për lirimin e zotit Wang”.

LEXO EDHE:  Eshtë Macron Merkel i ri i Europës?

LEXO EDHE:  Berisha falenderon Macron/ Damkosi dje botërisht politikën e shpopullimit të Shqipërisë

Ambasada e Zvicrës përfaqëson interesat amerikane në Teheran që nga mbyllja e ambasadës amerikane në Iran në vitin 1979, kur studentët pushtuan ambasadën dhe morën peng personelin e saj në një krizë që zgjati 444 ditë.
Brian Hooks, përfaqësuesi i posaçëm amerikan për Iranin, shoqëroi shkencëtarin iranian në Zvicër për të

bërë shkëmbimin dhe do të kthehet me zotin Wang, sipas një zyrtari amerikan që foli në kushte anonomiteti. Shkëmbimi ndodhi në Zurih ndërsa zoti Hook dhe Wang u nisën në drejtim të Landstuhlut të Gjermanisë, ky zoti Wang do të ekzaminohet nga mjekët, thanë zyrtarët. Zoti Wang do të mbahet në Gjermani për disa ditë për ekzaminime të mëtejshme.

Megjithëse zoti Hook ishte i pranishëm për shkëmbimin, zyrtari tha se këshilltari i sigurisë së zotit Trump Rober O’Brian luajti rolin kryesor në negociatat që datojnë nga koha kur ai ishte përfaqësues special për çështjet e pengjeve në Departamentin e Shtetit./VOA

LEXO TE PLOTE