Prokuroria e Tiranës ka dërguar në gjykatë dosjen kundër kreu të PD-së, Lulzim Basha, ish-sekretarit të përgjithshëm të kësaj force Arben Ristani dhe financierit Ilir Dervishi të cilët akuzohen për “Falsifikim të dokumenteve dhe formularëve”, pasi nuk kanë bërë deklarimin e shumës në pasqyrat financiare të Partisë Demokratike pranë Komisionit Qendror të Zgjedhjeve.

Dosja e dërguar nga prokuroria është regjistruar në sekretarinë e gjykatës së Tiranës mesditën e sotme, ndërsa tashmë pritet që brenda 10 ditëve të hidhet shorti për të përcaktuar trupën në seancën paraprake.

Prokuroria e Tiranës nisi hetimet për këtë çështje Hetimet pas një shkrimi të revistës amerikane, Mother Jones, e cila hidhte dyshime të forta se kompani të lidhura me shtetas rusë kishin financuar në favor të Partisë Demokratike./CNA.al

Kreu i LZHK-së, Dashamir Shehi, i ftuar në “45 minuta” në Report Tv, u pyet dhe lidhur me ngritjen e Strukturës së  Posaçme Anti-Korrupsion  dhe pdeklaratën e Ambasadës Amerikane, e cila përmes një video ditën e sotme, paralajmëroi se me tu ngritur SPAK, do të shënjestrojë korrupsionin në nivele të larta.

Shehu u shpreh se ka pak besim se diçka mund të ndryshojë në sistemin e drejtësisë edhe me ngritjen e kësaj strukture pasi askush nuk jep garanci, që nuk do kapet përsëri nga Edi Rama”.

“Kam shumë pak besin se diçka do të ndryshojë për të qenë i sinqertë. Megjithatë, në kohën kur s’ka asgjë, edhe paku është i rëndësishëm.

Unë kam gjithë dyshimet e mia. Që të besojmë tek drejtësia, duhet të ndryshojë politika. Si mund të besoj unë kur drejtësinë mund ta kapi prap Edi Rama. Kushti i parë dhe i domosdoshëm është të largohet ky njëri bashkë me atë grupin e tij të vogël.” u shpreh Shehi./CNA.al

Kryeministri Edi Rama ka thumbuar të gjithë opozitarët dhe kritikët mbrëmjen e sotme gjatë një vizite në familjen Poçi në Farkë, e cila ka hyrë në banesën e re pas shkatërrimit të së vjetrës nga tërmeti i shtatorit.

Gjatë bisedës me më të vjetrin e familjes, kreu i qeverisë nuk ia ka ndalur thumbimet për kritikët, teksa tha se i moshuari është më i zgjuar se opozitarët.

“Thotë çuni jot nuk sheh mirë dhe unë i them ky mund të mos shohë mirë, po ti shihke më mirë se të tjerët”, i tha Rama, ndërsa i moshuari i tregoi se problemet shëndetësore për të nuk janë të pakta.

“Unë 10% shikoj, 10% dëgjoj, 10% të këmbëve më kanë ikur”, u shpreh ai.

“Ti ke 10% te këto tjerat, por je shumë më i zgjuar se ne tjerët”, ia ktheu menjëherë Rama, ndërsa nuk i kurseu kritikat për opozitarët.

“Unë po të kisha ty në televizor, do rrija duke parë televizor, po këta tjerët nuk kam ç’i dua, nuk dua ti shoh fare”, tha kreu i qeverisë dhe më pas përfundoi vizitën

“Atë të kisha në opozitë unë, e kisha rregulluar 7 herë deri më tani. Shyqyr nuk kemi këtë në opozitë, na kishte hedh 20 herë. Uee sa i madh gjigand, monument kulture, i jashtëzakonshëm. Ai ishte kompjuter në tru. Ue!”, deklaroi kreu i qverisë teksa largohej nga familja Poçi./ CNA.al