Connect with Us

Media në zi/ Ndahet nga jeta veterani i gazetarisë

Sociale

Media në zi/ Ndahet nga jeta veterani i gazetarisë

Publikuar

-

Është ndarë nga jeta në moshën 78-vjeçare gazetari i mirënjohur Sotiraq Gjordeni.

Lajmin për ndarjen nga jeta e ka dhënë Unioni i Gazetarëve Shqiptarë, dega Durrës.

Gjatë karrierës së tij, Gjordeni iu përkushtua gazetarisë dhe mbuloi me profesionalizëm raportimin e ngjarjeve të rrethit të Durrësit.

Për një kohë të gjatë, Gjordeni ishte korespodent i gazetës ‘Zëri i Popullit’ për Durrësin, duke qenë një figurë qendrore i publicistikës durrsake. Ndërsa vitet e fundit ka punuar dhe si korrespondent i Agjencisë Telegrafike Shqiptare./CNA.al

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Ushqeheshin nëpër kazane, “Fiksi” i bën me shtëpi të re

Publikuar

-

Nga

Në redaksinë e “Fiks Fare” mbërrin një ankesë nga një vajzë e vogël, e cila kërkonte një shtëpi për familjen e saj, pasi shtëpia në të cilën banonin po shembej e jetonin me frikën se do i zinte poshtë.

Gazetarët udhëtuan drejt fshatit Këmishtaj të Lushnjes për të parë nga afër gjendjen e familjes Gjini. Kjo familje përbëhet nga katër persona, të cilët jetonin në një mjerim të tejskajshëm. Çatia e shtëpisë nga çasti në çast rrezikonte rënien, muret e çarë dhe si rrjedhojë të gjithë pjesëtarët flinin vetëm në një dhomë të ftohtë e cila frynte nga të gjitha anët.

Kryefamiljari Mihali ka pësuar një aksident, nga i cili ka vrarë këmbën dhe ecën me vështirësi, ndaj edhe nuk mund të punojë. Po ashtu edhe bashkëshortja e tij ka probleme shëndetësore të cilat e vështirësojnë edhe më shumë gjendjen në të cilën ata ndodhen. Për të mbajtur shpirtin gjallë siç shprehet zonja e shtëpisë, mbledhin kanaçe nga të cilat mund të fitojnë 10 mijë lekë të vjetra në muaj ” ndihmë të madhe kemi edhe fqinjët përreth të cilët na sjellin ushqime se ndryshe nuk mund t’ia dalim dot”.

Por ajo që e ndjen më shumë skamjen është më e vogla e shtëpisë, vajza 13 vjeçare. Nxënëse e shkëlqyer në mësime , por që asnjëherë nuk kishte mundur të festonte ditëlindjen e saj për shkak të kushteve të mjerueshme në të cilat jeton.

“Unë fle ende me mamin dhe babin. Kam dëshirë t’i ftoj edhe unë shoqet për ditëlindje, por nuk kam mundësi. Më vjen turp të dal sepse do më shohin shoqet dhe ato nuk e dinë gjendjen në të cilën unë jetoj.” tregon 13 vjeçarja. Me trishtimin në sy apelon vetëm për një shtëpi ku të fusin kokën e tu plotësojë kushtet më minimale të jetesës.

Por me gjithë probleme që duhet të përballej kjo familje, prej 9 muajsh i është ndërprerë edhe ndihma ekonomike prej 53 mijë lekësh të vjetra. Shkak është bërë vajza e madhe e shtëpisë e cila figuron e siguruar dhe automatikisht është skualifikuar nga sistemi familja. E zonja e shtëpisë tregon për Fiksin se me anë të zyrës së punës vajza e madhe u regjistrua në një kurs rrobaqepsie dhe praktikën e ushtroi pranë një biznesi privat. Këta të fundit e kanë deklaruar si punonjëse ndërkohë që ajo ishte thjesht një kursante dhe në asnjë rast nuk është paguar.

LEXO EDHE:  Zhduket ish-gazetari i Klanit/ Familja e shpall në kërkim

LEXO EDHE:  Gazetari denoncon/ Kryetari i PS-së, merr gjashtë rroga

Gazetarët e “Fiksit”, iu drejtuan Bashkisë Divjakë për të kuptuar se pse kësaj familje në nevojë i ishte ndërprerë ndihma ekonomike. Përgjegjësi i ndihmës ekonomike pranë kësaj bashkia, Ledio Muço u shpreh se e njihte shumë mirë rastin e familjes Gjini. Ai shpjegon se kjo familje është skualifikuar nga skema e ndihmës ekonomike, pasi nuk kishin bërë deklarimin se vajza e tyre ishte e punësuar në rrobaqepsi pasi në sistem ajo figuronte me kontribute. Kjo nga ana e zyrës së ndihmës ekonomike lexohej si ndryshim i gjendjes ekonomike të familjes “Në sistem del që asaj i kanë hedhur kontribute pavarësisht se ajo thotë se nuk ka marrë pagesë dhe sistemi e ka refuzuar automatikisht” shpjegon Muço. Pasi kanë marrë vërtetim nga zyra e punës familjes Gjini i është thënë të aplikojë sërish ku në muajin tetor kanë dal fitues.

“Përsa i përket muajve nga marsi deri në shtator nuk do t’i rimbursohen pasi kanë bërë deklarim të rremë “pohon Muço. I pyetur nga gazetarët e Fiksit se çfarë ndihmese ka marrë kjo familje nga Bashkia Divjakë, punonjësi i bashkisë shprehet se bashkia është e vogël dhe nuk ka pasur mjaftueshëm fonde për të ndërhyrë në ndërtimin e shtëpisë së familjes Gjini. Por ai shprehet për Fiks Fare se në fillim të janarit do të bëjnë të mundur për të gjetur fondin e rindërtimit të shtëpisë.

Me fillimin e vitit të ri 2020 familja Gjini falenderon “Fiks Fare”, pasi me interesimin e emisionit u bë e mundur reagimi i Bashkisë Divjakë, ku më në fund familjes Gjini do i rikonstruktohet nga e para shtëpia. Gjatë kësaj kohe familjes Gjini iu sigurua edhe bonusi i qirasë deri në përfundimin e ndërtimit të shtëpisë./Top Channel

LEXO TE PLOTE

Sociale

Rastet e menengjitit/ ISHP qetëson qytetarët: Nuk ka vend për panik 

Publikuar

-

Nga

Instituti i Shëndetit Publik ka qetësuar qytetarët, duke theksuar se nuk ka vend për panik në lidhje me situatën gripale në vend.

Në një deklaratë për mediat, Silva Bino tha se kemi intensitet të ulët të personave me gjendje gripale, ndërsa shtoi se ISHP është duke monitoruar situatën në vend.

Sa i takon rastit në Durrës, pasi në media u raportua se një 33-vjeçare ka humbur jetën, Silva Bino tha se janë mostrat dhe po bëhen analizat përkatëse.

“Sa i takon rastit të Durrësit, kemi marrë mostrat dhe po bëjmë analizat përkatëse. Nuk mund të jap detaje për këtë, duhet të respektojmë personin që ka vdekur.

Duhet të presim edhe rezultatin e analizave, por unë ju them se nuk ka vend për panik. Nuk kemi epidemi gripi dhe nuk kemi asnjë rrezik nga menengjiti”-tha Silva Bino.

Në lidhje me rastin e vdekjes tragjike të policit të Rrugores, Mariglen Mestani, në moshën 27-vjeçare, Shefja e Departamentit të Sëmundjeve Infektive në ISHP, Silva Bino, tha se polici vdiq nga sëmundja e meningjitit, ose meningokoksemisë.

LEXO EDHE:  “Akt i shëmtuar kriminal”/ Berisha dënon dhunën ndaj gazetarit

LEXO EDHE:  Reagimi i gazetarit/ “Protesta e opozitës rrezatoi kulturë”

Sipas Binos, ky është një infeksion i rëndë, që ka një evolucion tepër të shpejtë dhe është fatal.

“Është infeksion i rëndë, fatal, që ka një evolucion tepër të shpejtë. Është një sëmundje e transmetueshme dhe për personat e kontaktojnë marrë masat e duhura. Nuk ka rrezik, pasi të gjithë personat që kishin kontakt me personin e prekur kanë marrë antibiotikët. Kemi vetëm një rast të evidentuar.

Më tej, ajo këshilloi që të gjithë personat që kanë simptoma të tilla si temperatura e lartë, patjetër që duhet të këshillohen me mjekët./ CNA.al

LEXO TE PLOTE

Sociale

“Dëgjojini gratë dhe vajzat, pasi nuk ka sfidë që mund t’i pengojë ato për të arritur ëndrrat e tyre”

Publikuar

-

Nga

Fushata “WE” e RCC-së për Fuqizimin e Grave vazhdon t’ju sjellë në vëmendje historitë e grave të mrekullueshme të Ballkanit Perëndimor. Këtë herë do t’ju tregojmë për Uta Ibrahimin: “Në fillim më thoshin që alpinizmi ishte për burrat e jo për gratë. Unë punova shumë që t’u tregoja që kjo nuk ishte e vërtetë dhe që ta ndryshoja këtë lloj mendësie. Edhe ju mund të bëni të njëjtën gjë: dëgjojini gratë!”

Sarajevë – Kosova* ka popullsinë më të re në Europë. Më shumë se gjysma e 1.8 milionë banorëve të Kosovës janë nën moshën 25 vjeç dhe pothuajse gjysma i përket gjinisë femërore. Megjithësë bota e politikës vazhdon të mbetet e dominuar nga meshkujt, gratë kosovare – të reja, të talentuara e të guximshme – vazhdojnë ta bëjnë Kosovën* të njohur me arritjet e tyre mahnitëse e jo me mosmarrëveshje politike.

Uta Ibrahimi është një prej këtyre grave të mahnitshme, e cila nuk ka frikë nga asnjë sfidë që i del përpara. Në vitin 2017 ajo u bë femra e parë nga Kosova* që u ngjit në Everest, në majën më të lartë të rruzullit tokësor. Që atëherë ajo ka arritur të ngjitet në katër maja të tjera, që, si Everesti, gjenden mbi 8 mijë metra mbi nivelin e detit, dhe po përgatitet që të pushtojë edhe nëntë majat e tjera për të përmbyllur kështu projektin e saj për të arritur në të 14 majat më të larta të Himalajeve.

Jeta e saj është një histori vërtetë e veçantë.

“Kam punuar në marketing për gjithsej 12 vjet, shtatë prej të cilave isha drejtoresha e një agjencie marketingu. Në vitin 2015, pata ndjesinë e fortë që të ndiqja ëndrrat e mia, pra të bëja ç’më pëlqente më shumë se gjithçka tjetër,” tregon Uta, pasi vendosi që ta linte pas punën që kishte dhe t’i përkushtohej alpinizmit dhe turizmit, për t’i treguar bukuritë natyrore të Kosovës* dhe të rajonit sa më shumë njerëzve që të ishte e mundur.

“Si fillim, u mora me disa projekte që kishin lidhje me Via Dinarikën dhe në vitin 2016 krijova agjencinë time të turizmit të aventurës, të cilën e quajta “Butterfly Outdoors”. Bëra trajnimet ATTA dhe tani drejtoj grupe për ngjitje, joga, çiklizëm dhe alpinizëm.”

Uta përpiqet që të marrë në punë sa më shumë gra që të punojnë si guida, ndërsa ajo vetë i kushton një pjesë të kohës së saj fëmijëve me nevoja të veçanta.

LEXO EDHE:  Gazetari denoncon/ Kryetari i PS-së, merr gjashtë rroga

LEXO EDHE:  “Akt i shëmtuar kriminal”/ Berisha dënon dhunën ndaj gazetarit

“Kur fillova të merresha me alpinizëm, më thoshin që ky sport ishte për burrat e jo për gratë, kështu që unë punova shumë jo vetëm që t’u tregoja që kjo gjë nuk shte e vërtetë, por edhe që ta ndryshoja këtë lloj mendësie. Edhe ju mund të bëni të njëjtën gjë: dëgjojini gratë!”

Uta e di që numri i turistëve në rajonin e Ballkanit Perëndimor është rritur me më shumë se dhjetë përqind në vit dhe se në vitin 2018 gjithsej 12 milionë turistë vizituan rajonin. Të dhëna të tjera tregojnë se turizmi përbën 25 përqind të të gjithë eksporteve nga rajoni dhe pothuajse një të pestën e PBB-së, ndërkohë që 20 përqind e të punësuarëve në Ballkan punojnë në fushën e turizmit në mënyrë të drejtpërdrejtë ose të tërthortë.

“Alpinizmi është pasioni im i vërtetë. Ekspeditat e Himalajeve i kam përdorur për të promovuar Kosovën* dhe për të rritur interesin tek Ballkani. Këtë gjë bëra edhe me ekipin e “National Geographic”, edhe me alpinistët e tjerë, kur arritëm pikën 7.800 metra në anën jugore në Lhotse vjet. Këtë gjë do të vazhdoj të bëj edhe gjatë nëntë ekspeditave që më kanë mbetur.”

Uta është një nga heroinat e Ballkanit Perëndimor, ashtu si edhe Nada Markoviç dhe Aida Çorbaxhiç nga Bosnja-Hercegovina dhe Iris Gjinovci nga Shqipëria. Fushata “WE” e RCC-së do të vazhdojë t’ju sjellë historitë e grave të mrekullueshme të Ballkanit Perëndimor, atyre grave që po bëjnë gjëra mahnitëse e që janë burim frymëzimi për të tjerët që të arrijnë majat e tyre në jetë.

Më shumë informacion për fushatën “WE” mund të gjeni në rrjetet sociale, si Instagram, Facebook dhe Twitter.

LEXO TE PLOTE