Prokurori i Përgjithshëm Olsian Çela realizoi sot një takim në ambientet e Prokurorisë pranë Gjykatës së Rrethit Gjyqësor Tiranë me prokurorë dhe drejtues të këtij institucioni.

Në takim u diskutuan probleme që lidhen me funksionimin e policisë gjyqësore, vleresimin e performancës së saj, organizimin e punes pas rritjes së numrit të prokurorëve në këtë prokurori, çështje që lidhen me zbatimin e ligjit për prokurorinë, pavarësinë dhe përgjegjshmërinë e prokurorëve, ndërtimin e një sistemi efikas të monitorimit të zbatimit të ligjit në këto aspekte, si dhe u trajtuan çështje që lidhen me zbatimin e ligjit, “Për parandalimin dhe goditjen e krimit të organizuar”.

Në fokus të vecantë të takimit ishte mbështetja që Prokurori i Përgjithshëm Olsian Çela i ofroi drejtuesve dhe prokurorëve të kësaj prokurorie për procedimet që lidhen me dëmet e shkaktuara nga tërmeti i datës 26 Nëntor, përmes sigurimit të asistencës teknike dhe ekspertizës që do të ndihmojnë në hetimin e shpejtë dhe të plotë të rasteve.

Ai inkurajoi prokurorët të kryejnë hetime gjithëpërfshirëse, për të individualizuar autorët e veprave penale dhe për t’i vënë ata para përgjegjësisë penale./CNA.al

Ish kryeministri Sali Berisha ka publikuar mesazhin e qyetarit dixhital, sipas të cilit, pak ditë më parë iu është ushtruar presion personave përgjegjës të hipotekës për të marrë nga aty dosjet që koorespondojnë me ato të humbura në bashki.

Gjithashtu qytetari dixhital ka publikuar edhe foton ku shafqet kryeministri Edi Rama, Vangjush Dako dhe Dritan Leli në hotelin Fa Fa.

“Deri para pak ditësh nuk kanë pranuar dhe ishin gati të jepnin dhe dorëheqjen nqs do vazhdonin po me të njëjtën ritëm presioni. Me rilindjen e Gjushit me statusin e fuqiplotit kanë rifilluar dhe problemet presioneve si ndaj drejtuesve të instituciove por dhe prokuroreve të cilet jane të angazhuar në këtë proces. Duke qenë se jeni i vetmi që kemi besim po ju drejtohemi ju duke u munduar që të paktën ata viktima t’ju pushojë shpirti në paqe”, thuhet në mesazhin e qyteterit.

Bashkëngjitur këtij mesazhi Berisha shkruan: Rikthehet kontrolli i Gjushit mbi hipotekën në Durrës./CNA.al

Analisti Fatos Lubonja ka sulmuar sot kryeministrin Edi Rama, duke mos kursyer as të ndjerën Kristi Reçin, për të cilën vetë kreu i qeverisë pranoi në emisionin e Bruno Vespës “Porta a Porta” se ishte e fejuara e Gregorit.

“…Në vazhdën e këtyre hipokrizive e pamë para disa ditësh të luajë rolin e arkivolit në mort në emisionin e Bruno Vespës “Porta a Porta”.

Me një pamje të pikëlluar, i veshur me kostum dhe kravatë të zezë, kërkoi t’i bënte italianët të mendonin se çfarë djali inteligjent e me shpirt të ndjeshëm u ka rënë për hise si Kryeministër shqiptarëve, si dhe që të derdhnin ndihma në numrin e llogarisë bankare që ka hapur qeveria. Ato 15-20 minuta intervistë, ishin një shfaqje aktoriale gënjeshtrash manipulative”, deklaron analisti.

Lubonja ka ngritur dyshimet se Kristi ka qenë vërtet e fejuara e Gregorit, pasi sipas tij Rama e ka përdorur për të mbledhur para vajzën, e cila humbi jetën së bashku me familjen në tërmetin e 26 nëntorit

“Lajmi i shpërndarë në rrjet prej të birit, ku thoshte se edhe një e afërmja e tij kishte vdekur, i amplifikuar nga makina e propagandës në lajmin e vdekjes së një njeriu të shtrenjtë të familjes kryeministrore: të dashurës apo të fejuarës së të birit, kishte arritur edhe në veshët e Vespës, i cili, me një pamje ngushëlluese, e filloi intervistën me këtë lajm. Kryeministri e kaloi ngushëllimin duke kaluar te pikëllimi i tij për të gjithë shqiptarët.

Ndoshta i erdhi zor nga i biri, i cili nuk e ka quajtur “të dashur” apo “të fejuar”, por “të afërme” dhe këtë e ka bërë o për të ruajtur diskrecionin, o pse nuk e ka pasur të dashur, aq më pak të fejuar, dhe, në fakt, nuk kemi parë asnjë fotografi të të birit me këtë vajzë, aq më pak me vjehrrin e mundshëm.

Por kur do të bësh arkivolin në mort, e vërteta apo diskrecioni nuk kanë pikë rëndësie. Aq më pak kur një sendërgji e tillë të çliron nga përgjegjësia e vdekjes së të ndjerës e 50 të tjerëve, sepse në këtë rast distancohesh nga vrasësit dhe bashkohesh me viktimat”, shprehet Lubonja./ CNA.al