Connect with Us

Basha përkujton 30-vjetorin e rënies së Murit të Berlinit: Ditë refleksioni kundër autokracisë

Politikë

Basha përkujton 30-vjetorin e rënies së Murit të Berlinit: Ditë refleksioni kundër autokracisë

Publikuar

-

Kryetari i Partisë Demokratike, Lulzim Basha ka përkujtuar sot 30-vjetorin e rënies së Murit të Berlinit.

Në një postim në rrjetet sociale ndër të tjera Basha shkruan se rënia e kjo është një ditë refleksioni dhe përbashkimi kundër autokracisë, populizmit e racizmit.

“Në 30-vjetorin e shembjes së Murit të Berlinit, fatkeqësisht shqiptarët po kuptojnë e po provojnë përditë se muret nuk janë vetëm fizike. Muret e reja të izolimit janë edhe më të vështirat për t’u shembur. Shqiptarëve dhe Shqipërisë rrezikojnë tu ngrihen mure prej keqqeverisjes, e cila ka rrënuar themelin e demokracisë, zgjedhjet e lira, ka zëvendësuar Sundimin e Ligjit me sundimin e njëshit, ka shënuar rekorde të turpshme me vjedhjen, korruosionin dhe krizën ekonomike dhe që për eksport të vetëm me botën perëndimore, ka krimin dhe emigracionin.” shkruan ndër të tjera Basha.

Postimi i plotë i Bashës:

30 vjet më parë, shqiptarët kthyen sytë me shpresë nga Gjermania, atje ku në pjesën e saj lindore po ndodhte realizimi i një ëndrre, shembja e murit që ndante Berlinin, rënia e diktaturës. Komunizmi po shpallte edhe formalisht falimentimin dhe po i dorëzohej revoltës së gjermanëve, të cilët kërkonin liri, demokraci dhe bashkim. Ngjarjet e Gjermanisë nuk ishin vetëm histori për shqiptarët. Ata gjetën tek rënia e Murit të Berlinit aleatin e tyre më të madh, shpresën se ndryshimi po vinte, edhe më shpejt sesa shpresonin më optimistët.

Brenda 12 muajve, kombi gjerman rrëzoi Murin e Berlinit, simbol të diktaturës e të ndarjes që gjatë 28 viteve të ekzistencës së vet përçudnuese, ishte shndërruar në varrin e mbi 200 disidentëve, të vrarë në përpjeke për të ikur nga ferri lindor e për të kaluar në anën e demokracisë.

Në të njëjtin hark kohor, inteligjencia në Shqipëri ngriti zërin e saj, qytetarët sulmuan klonet që rrethonin shtetin në të gjithë hapësirën e tij dhe shoqëria jonë pagoi një tribut të rëndë, me vrasjet në kufi të dhjetëra të rinjve, nga Shkodra në Sarandë.

Nën shembullin e përpjekjes gjermane dhe me shembjen e Murit të Berlinit si metafora e shpresës, pas 5 dekadash diktature, shqiptarët i dhanë jetë Lëvizjes “E duam Shqipërinë si e gjithë Europa”, një revolucion paqësor që shembi regjimin më gjakatar të përtej Perdes së Hekurt.

LEXO EDHE:  Basha zbulon kush mund ta rrëzojë Edi Ramën, nga pushteti

Bashkë me këtë Lëvizje lindi Partia Demokratike, e para në këtë pjesë të ish-botës komuniste që aplikoi për anëtarësimin e vendit në aleancën e kombeve të lira, në NATO. Ajo i mishëroi idealet mbi të cilat u ngjiz edhe lëvizja që shembi Murin e Berlinit, me nisma që e drejtuan Shqipërinë drejt hapësirës euroatlantike dhe mbështetën ngritjen e ekonomisë së lirë të tregut.

Në 30-vjetorin e shembjes së Murit të Berlinit, fatkeqësisht shqiptarët po kuptojnë e po provojnë përditë se muret nuk janë vetëm fizike. Muret e reja të izolimit janë edhe më të vështirat për t’u shembur. Shqiptarëve dhe Shqipërisë rrezikojnë tu ngrihen mure prej keqqeverisjes, e cila ka rrënuar themelin e demokracisë, zgjedhjet e lira, ka zëvendësuar Sundimin e Ligjit me sundimin e njëshit, ka shënuar rekorde të turpshme me vjedhjen, korruosionin dhe krizën ekonomike dhe që për eksport të vetëm me botën perëndimore, ka krimin dhe emigracionin.

Kjo klikë që u ka mohuar shqiptarëve edhe të drejtën e votës po e largon vendin nga gjiri i familjes perëndimore dhe drejt hapësirave të tjera, ku vota nuk njihet e ku klikat kthehen në autokraci të korruptuara. Në 30-vjetorin e shembjes së Murit të Berlinit, regjimi kleptokrat shkumëzon kundër Perëndimit dhe sheh ëndrra me aleanca autokratike orientale.

Por shqiptarët nuk e kanë ndjekur e nuk e ndjekin pas turravrapin e tij oriental. Idealet që shembën Murin e turpit në Berlin janë idealet e demokracisë dhe të votës së lirë. Edhe sot, rinia dhe inteligjencia shqiptare janë bashkë me lidershipin europian, i cili në 30 vjetorin e shembjes së Murit të Berlinit, e ka 9 nëntorin një ditë refleksioni, një ditë përbashkimi kundër autokracisë, kleptokracisë, populizmit e racizmit.

Këto ideale i ndan edhe shoqëria shqiptare, prandaj 9 nëntori i shqiptarëve është dita e rinovimit të zotimit kombëtar “E Duam Shqipërinë si e gjithë Europa”. Është dita e evokimit të ëndrrës, shpresës dhe qëllimit për një Shqipëri ku çdo shqiptar të zgjedhë të jetojë me liri, mundësi, dinjitet dhe mirëqenie të garantuar.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Një përgjigje për Mero Bazen dhe Ben Blushin

Publikuar

-

Nga

Një ditë më parë, CNA.al publikoi një material investigativ, i cili tregonte se ish-politikani, aktualisht drejtor i Top Channel, Ben Blushi ka një pronë në Korçë, me vlerë mjaft të konsiderueshme.

Ben Blushi ka marrë marrë rreth 140 metër katëror në katin e parë të një godine në një nga ajkat e qytetit të Korçës, në një nga zonat më të preferuara për biznes, me një çmim mesatar në atë zonë që nuk shkon kurrësesi më pak se dy deri në tre mijë euro. Por, kjo pronë është blerë me një vlerë qesharake. Gjithashtu ka marrë edhe një garazhd 60 metër katëror, i cili shërben ambientit prej 140 metër katëror. ( Lexo këtu)

Po ashtu, prej ditësh CNA.al ka publikuar një sërë materialesh të tjera investigative, ku tregohen lidhjet media-politikë-ligarkë, dhe ku del i përfshirë Ben Blushi. Linqet e shkrimeve të plota mund t’i lexoni më poshtë.

Por, pas këtyre investigimeve që CNA.al ka publikuar prej disa ditësh, mesa duket Ben Blushi po tenton të gjejë një “komardare shpëtimi”, duke tentuar të thotë se këto shkrime janë nga Sandri apo nga Berisha.

Për këtë sot është përdorur edhe gazetari Mero Baze, i cili në një shkrim të publikuar në median e tij sot, shkruan se “Frangaj hedh në sulm Berishën, kundër Blushit”.

Por, ka edhe një tjetër detaj, të cilin nëse Mero nuk e di ia kujtojmë ne. Shkrimin për 500 milionshin e ka nxjerrë CNA.al, i pari dhe po ashtu kemi publikuar edhe disa shkrime të tjera, të cilat mund ti lexoni më poshtë.

Ky është një investigim që do të vazhdojë dhe në ditët në vijim do të nxjerrim edhe të tjera materiale.

LEXO EDHE:  Zbulohen detajet/ Rilindja i jep biznes kryetarit të Republikës së re

LEXO EDHE:  Basha zbulon kush mund ta rrëzojë Edi Ramën, nga pushteti

Mero bën mirë të mësojë që Berisha ka reaguar, pas denoncimit nga CNA.al. Berisha ka reaguar sepse ne po themi të vërtetat e korrupsionit në media dhe në politikë. Për pasuritë dhe transaksionet prej miliona dollarë.

Në qoftë se Mero nuk e di, e rekomandojmë të lexojë shkrimet tona, të cilat i kopjon dhe nuk na citon.

Duke ngrënë drekë me Ben Blushin nuk na ndalon dhe as nuk na intimidon dot.

Nesër do të ketë të tjera prova edhe për Meron, edhe për Blushin, edhe për Sandrin edhe për doktorin. Që megjithëse është i veçantë për ne, Mero bën mirë të lexojë CNA.al për të kuptuar se kush është Luli dhe shokët e tij.

Kërkojnë të gjejnë shpëtim, por e vërteta është e vërtetë dhe kjo dosje do të përfundojë në SPAK, kjo nuk ka asnjë diskutim.

Në qoftë se SPAK nuk do të hapë hetimet, do të jemi ne media e parë në Shqipëri që do të çojmë një dosje të plotë investigative, ku do të tregojmë me fakte dhe prova konkrete pasuritë, milionat e dollarëve, dhe gjithçka tjetër ndodh mes medias, qeverisë dhe politikës.

I rekomandojmë Meros dhe Blushit, që të dy të marrin deklaratat e pasurisë së këtij të fundit, ta lexojnë fillim e mbarim se nga një gazetar dhe politikan është kthyer në një oligark./ CNA.al

Fotot/ Zbulohet prona 500 milionë e Ben Blushit

Zbulohet biznesi i dytë i Ben Blushit me Vjollca Hoxhën

Ekskluzive dokumenti/Zbulohet ortakëria e Klodit të inceneratorëve me Ben Blushin

Ekskluzive dokumentet/ Klodi i inceneratoreve dhe Ben Blushi, blejnë “Lori Kafe”

 

Noterja në skandal/ Ortakëria me Vjollca Hoxhën dhe Klodët e inceneratorëve

LEXO TE PLOTE

Politikë

Mosçelja e negociatave/ Rama në Konferencën e Donatorëve: Ishte tërmet politik

Publikuar

-

Nga

Gjatë fjalës së tij në Konferencën e donatorëve në Bruksel, kryeministri Edi Rama deklaroi se moshapja e negociatave ishte një tërmet politik për Shqipërinë.

Rama theksoi se Shqipëria bëri gjithçka që BE kërkoi për të hapur negociatat, dhe sërish vendi ynë ka shpresa për të ardhme më të mirë.

“Ne kemi nevojë për grante për të rregulluar banesat e banorëve që iu janë shembur shtëpitë. Ndihma që iu kërkojmë është përtej ndihmës financiare. Na duhen 1 miliardë euro. Në nëntor tërmeti na tronditi. Vërtetë u tronditëm sikur na ishte marrë fryma. Ne u ndjemë të pafuqishëm përpara fuqisë së Zotit apo natyrës. Edhe pse të goditur, ne jemi plot shpresë për të ndërtuar një të ardhme më të mirë. Ne kemi pasur tërmet fizik dhe politik e na duhet të përballemi me to.
Moscelja e negociatave ishte për ne një tërmet politik. Ne bëmë gjithçka u kërkua dhe në fund na u tha ‘jo’”. Ne patëm tërmet politik, por kemi shpresa për një ardhmëri më të mirë. Ne mund të jemi të vegjël, por kemi zemër të madhe. Ju jeni miqtë tanë të nderit. Faleminderit që na dëgjoni e faleminderit për mbështetjen. Zoti iu bekoftë ju dhe shtetet tuaja”, tha Rama./CNA.al

LEXO TE PLOTE

Politikë

“Ju lutem na ndihmoni”/ Rama në konferencën e donatorëve: Flamuri shqiptar të zëvendësojë atë britanik

Publikuar

-

Nga

Kryeministri Edi Rama ka mbajtur fjalën në konferencën e donatorëve për Shqipërinë në Bruksel.

Rama nisi fjalën e tij më fjalën “faleminderit” thënë në gjuhë të ndryshme në shenjë mirënjohje për vendet që ndihmuan vendin tonë pas tërmetit të 26 nentorit.

Kryeministri kërkoi ndihmë dhe mbështetje të mëtejshme pë rimëkëmbjen e Shqipërisë.

Gjatë fjalës së tij, Rama u shpreh se do ishte i lumtur nëse Shqipëria do të zëvendësonte flamurin e Britanisë të Madhe në BE.

“Jam thellësisht i prekur, dhe dua ta nis duke thënë shumë thjesht, “Faleminderit” do të thoja faleminderit në të gjitha gjuhët. Faleminderit nga thellësia e zemrës, flas këtu nga zemra e të gjithë shqiptarëve: Ju lutem na mbështetni më tej. Faleminderit që pranuat ftesën e presidentes së Komisionit Eropian, po ju lutem na ndihmoni ndërsa përpiqemi të rimëkëmbeni, nga goditja e pamëshirme që na goditi. Na treguat prej momentit të parë, frymën e BE, të këtij organizmi që ka bërë kaq shumë, për të çuar para paqen e prosperitetin. Ju patët vetë tërmetin tuaj me Brexit, dhe isha kaq i trishtë, dhe sa çudi ishte unë nga një vend i vogël, kërkojmë të hyjmë në BE, ndërsa Britania një vend i madh del jashtë. Do isha i lumtur sikur flamuri shqiptar, të ngrihej të zëvendësojë flamurin britanik, por nuk do ta bëj këtë. Sic ndodh një këngë e John Lenon ‘Jeta të ndodh’, ndërsa bën plane të tjera. në fakt ishim të zënë me plane, por toka u trondit e prej atij momenti gjithçka është përqëndruar te ai moment. Ndjehem kaq mirë të zbulonim se nuk ishim të vetëm, kishim kaq shumë miq, që ishin me ne për të shpëtuar jetë, për të vlerësuar dëme e tashmë në përpjekje për të ndërtuar shtigje të reja. Faleminderit miq nga Turqia, nga SHBA, miq në Azi të gatshëm të ndihmoni në këtë konference.” u shpreh Rama./CNA.al

LEXO TE PLOTE