Connect with Us

Pse presidenti Meta ka të drejtë kur tallet me ekspertët e nivelit të lartë!

Politikë

Pse presidenti Meta ka të drejtë kur tallet me ekspertët e nivelit të lartë!

Publikuar

-

Presidenti Meta ka vendosur dje të deklarojë pezullimin prej tij, të proçedurës së përzgjedhjes nga ai të emrit të dytë për Gjykatën Kushtetuese për listën e dytë që i ka shkuar atij, me arsyetimin që në bazë të Kushtetutes, radha i takon Kuvendit të zgjedhë plotësimin e vendit të dytë dhe pastaj përsëri presidentit për të zgjedhur anëtarin e tretë.

CNA.al edhe më parë ka parashikuar përplasjet, për shkak të faktit se të gjitha listat e kandidaturave për secilin nga vendet vakante janë pothuajse identike.

Ekspertët e nivelit të lartë, midis shumë gjërash të tjera, nuk paskan parashikuar as sesi do të behet përzgjedhja në rastet kur listat janë identike. Formulat zhbllokuese të ekspertëve, rezulton në fakt se nuk kishin parashikuar zgjidhje të asnjë prej situatave reale zhbllokuese, që po pasojnë njëra-tjetrën. Ligji i ekspertëve të nivelit të lartë p.sh, thotë që nëse institucionet përzgjedhese nuk ushtrojnë të drejten e tyre, i pari i listës përzgjidhet automatikisht.

Nëse sot për shembull, (por edhe nesër sa kohë që Shqipëria është vend ku historia përsëritet), as Kuvendi, as Presidenti nuk do e ushtronte të drejtën për të zgjedhur një nga tre emrat e listave. Atëherë me ligjin e ekspertëve “shumë të lartë” dhe të Fatmir Xhafës, po aq të lartë, Arta Vorpsi do emërohej 3 herë për tre karrige të Gjykatës Kushtetuese.

Kushtetuta nuk është akt që zbatohet duke u interpetuar sa herë e lexon. Është akt që zbatohet në mënyrë të drejtpërdrejtë. Dhe Presidenti Meta këtë ka bërë kësaj rradhe. Po zbaton Kushtetutën në mënyrë të drejtpërdrejtë. Me një arsyetim perfekt kushtetues, kësaj rradhe fitues edhe për shkak të faktit se dora që e ka shkruar tekstin është ajo e  një kandidateje për anëtare të Gjykatës kushtetuese, Presidenti përcjell vullnetin e tij për të pritur radhën në zbatimin e drejtpërdrejtë të Kushtetutës.

Nëse studion listat e kandidaturave, vë re që tek lista në pritje që i la shkuar Presidentit Meta, emri i katërt në listë është ai i Marsida Xhaferllarit.

E radhitur e pandarë nga kandidaturat e tjera dhe kjo e bërë me bashkëpunimin aktiv të pakten të kryetarit të KED, ekspertit tjetër shumë shumë të lartë, Ardian Dvoranit!

Ligji thotë që përzgjedhja bëhet midis tre emrave të kualifikuar si të parët.

Shkresat e Ardian Dvoranit nuk i kanë vënë me vete tre emrat nga të cilët mund të bëhet përzgjedhja sipas Kushtetutës.

Pastaj po të kishte qejf për të shuar kuriozitetin e presidentit dhe të shqiptarëve mund të kishte listuar edhe emrat/emrin e kandidatëve të tjerë që plotësonin sidoqoftë kriteret. Kandidatet e tjerë që sidoqoftë plotesojnë kriteret, nuk paraqesin interes për ligjin. Ligjvënësi ka thënë: organi i emertesës duhet të zgjedhë midis tre të parëve dhe nëse organi i emërtesës nuk vepron, i pari del automatikisht.

LEXO EDHE:  A do ta votojë shkarkimin e Metës?/ Përgjigjet Rudina Hajdari

KED me dorën e Dvoranit ose Dvorani me siglen e KED, në listën ku është emri i Marsida Xhaferllarit i ka reshtuar në të njejtën listë (1,2,3,4). Pra KED i ka çuar në zarf presidentit një listë në të cilën duket sikur ai mund të zgjedhë midis 4 emrave dhe jo midis 3 të parëve.

Meta po pret që Kuvendi të zgjedhë një emër nga lista tjetër (identike me 3 emrat e parë ku Marsida Xhaferllari është e katërta), që pastaj Marsida Xhaferllari mos jetë e katërta, por e treta.

Kjo do të thotë që 30 minunat pasi Kuvendi të zgjedhë emrin,  presidenti do nxjerrë dekret për përzgjedhjen e Marsida Xhaferllarit me arsyetimin që tani lista e tij ka tre dhe jo katër emra.

Pastaj pjesa tjeter e procedurës është e sigurtë që është në dorën e Presidentit Meta.

Anëtaret e Gjykatës Kushtetuese marrin detyren, pasi bëjnë betimin tek Presidenti.

Dhe këtë praktikë kushtetuese Presidenti e lexoi, kolaudoi dhe e shkroi në Dekret me Besnik Muçin. Per kaq i duhej Besnik Muçi, sepse sot zoti Muçi me shumë gjasë do të shkarkohet nga KPA.

Presidenti do pranojë t’u bëjë proçedurat e betimit, vetëm kandidaturës që do zgjidhet nga Kuvendi dhe Marsida Xhaferllarit, që do dekretohet nga ai 30 minuta pasi Kuvendi të “përzgjedhë” si sovran. Edhe Fatmir Xhafaj do votojë për më të mirën nga tre kandidaturat.

Në fakt pas një beshtje të gjatë, që prej një jave që kur është hapur pazari për tre nga emrat, është bërë shumë aktiv duke “testuar” votën e vet.

Në çdo rast, Marsida Xhaferllari dhe kandidatura e zgjedhur nga Kuvendi do marrin detyrën pas betimit…

Meta sinjalin për atë që po pergatiste e dha që në momentin që zgjodhi Besnik Muçin tha: “e zgjodha si mashkullin e vetëm të listës”. Tani loja është mes grave. Kuota e burrave nuk respektohet dot!

E vetmja pyetje që kemi ne mbetet për KED:

Pse KED i rreshtoi gjithë kandidaturat dhe nuk identifikoi cilat ishin tre kandidaturat midis të cilave organet e emertesës mund të bënin perzgjedhjen?

M(arsida)ETA ka të drejtë të tallet kësaj rradhe…

Sa kohe që as ekspertët e nivelit të lartë, as Fatmir Xhafaj nuk shpjegon që zgjidhja është aty. Në leximin dhe zbatimin e drejtpërdrejtë të dispozitave kushtetuese. Atje e kanë zgjidhjen. Duhet vetëm të pranojnë, që ose janë të trashëe, ose po bëjnë lojë të përbashkët. Dhe nga kjo lojë rezultati është barazim: nga dy anëtare të rinj të Gjykates Kushtetuese, pas datës 15 Nëntor një do jetë nga mazhoranca dhe një nga opozita.

Shqiptarët do gëzojnë ndërkohë që Gjykata Kushtetuese filloi të plotësohet./ CNA.al

KLIKO PER TE KOMENTUAR

Komentoni

Your email address will not be published. Required fields are marked *

Politikë

“GJK dhe Gjykata e Lartë në duart e një personi”/ Juristi i njohur zbardh prapaskenat e politikës

Publikuar

-

Nga

“Krijimi i Gjykatës Kushtetuese është i pamundur, pasi që nuk janë numrat për funksionimin e saj”, kështu është shprehur gjatë një bisede në studio juristi Sokol Azizi.

Sipas Azizit, nuk është respektuar radha për përzgjedhjen e anëtarëve të kushtetueses, ndërsa qeveria ka gjetur justifikimet e duhura për ta ndërlikuar situatën me çështjen e afateve prekluzive.

Duke e shpjeguar në mënyrë të thjeshtuar procedurën e zgjedhjes së anëtarëve , për Azizin, kjo tentativë e fundit, për përzgjedhjen e anëtarve të Gjykatës Kushtetuese, duke mos respektuar normat ligjore është tregues i qartë se Gjykata Kushtetuese dhe Gjykatës së Lartë po tentohet të kapen nga dora e një personi.

“Gjërat janë më të thjeshta sesa i komplikojnë këta. Është një drejtëz në të cilin qëndron Presidenti, Kuvendi dhe Gjykata e Lartë, nga e cila pritet të dalin nga 3 përfaqësues për secilin. Secili sipas rradhës, nuk kanë pse lodhen së tepërmi me politikë për afate prekluzive.

Radhën e kishte Presidenti e bëri, radhën e ka tashmë Kuvendi dhe më pas Gjykata e Lartë.

I drejtohet kushtetuesja Gjykatës së Lartë për anëtarë, nëse nuk ka kthehet përgjigje përmes kancëlarit.

Këto janë gjëra të shkruara në Kushtetutë. Gjyqtari i Gjykatës Kushtetuese fillon punë më pas me firmën e Presidentit.

LEXO EDHE:  A do ta votojë shkarkimin e Metës?/ Përgjigjet Rudina Hajdari

LEXO EDHE:  Drejtimi i Ministrisë së Jashtme/ Rama sfidon Metën

Tani si është proceduar: zgjodhi Presidenti, zgjedh Kuvendi 2 anëtarë. Po ku është parë kjo? Nejse këta i gjëjnë edhe argumentat për ta mbështetur këtë veprim, padyshim që i gjejnë, por kjo nuk është çështja.

Problemi nuk është se ekspertët e huaj janë më të mirë se shqiptarët.

Këta kanë prodhuar një ligj që mjafton ta lexosh e kupton. Pastaj afatet prekluzive janë 5 ditor 30 ditor dhe ta gëzojmë gjykatën kushtetuese.

Nëse në këtë çështje jemi të drejtpërdrejt, kjo do të ndihmonte edhe mazhorancën.

Vendosja e Gjykatës Kushtetuese dhe Gjykatës së Lartë në duart e një njeriu, tashmë është një fakt i padiskutueshëm.

Sot Gjykata e Apelit ka marrë tagrin e Gjykatës së Lartë. Gjykata e Lartë nuk ekziston, Gjykata Kushtetuese është në dorë të mazhorancës, opozita është inekzistente, njerzit janë në hall, ky është i gjithë problemi. Nuk ka Gjykatë Kushtetuese, sepse nga 9 anëtar zgjidhen 6. Dhe nëse njëri nga këta del nga çështja, nuk formohet kuorumi i duhur për të trajtuar këtë çështje. Nuk janë numrat për funksionimin e saj”, është shprehur juristi Sokol Azizi./CNA.al

LEXO TE PLOTE

Politikë

Artan Lame i vërsulet çunit të Fahriut/ Ligjin e votoi qeveria juaj

Publikuar

-

Nga

Ndërsa Klevis Balliu e mbronte me fanatizëm çështjen e banorëve të “Unazës së re” , ku tregoi dhe një foto ku gjysma e një godine ishte legalizuar  dhe gjysma tjetër jo, ka ndërhyrë Artan Lame, drejtor i Agjencisë Shtetërore të Kadastrës duke hedhur poshtë pretendimet.

Në një lidhje me emisonin “Opinion” Lame u shpreh se ligji është votuar që nga koha e Berishës dhe se qytetarët kanë abuzuar duke bërë legalizime të jashtëligshme, ose jashtë limitit të kohës.

“Gjysëm të vërtet nuk bëjnë një të vërtetë. Duhet të dijë kur është bërë leglizimi i asaj ndërtese.

Nëse legalizimi i atij gjysmë objekti është bërë para viti 2013, se unë e kam thënë disa herë, janë bërë disa legalizime të jashtëligjshme ose jashtë limitit të kohës. Për çdo objekt ka një arsye.

LEXO EDHE:  Ngritja e Gjykatës Kushtetuese/ Kuvendi voton dy kandidatet

LEXO EDHE:  105-vjetori i krijimit të Forcave të Armatosura/ Ja mesazhi i kreut të shtetit

Projekti fillestar i Unazës ka qenë më i ngushtë dhe më pas, në kohën e zotit Berisha, projekti u zgjerua. Është e vështirë për qytetarin ta kuptojë nga telefoni.

Nga kopshti Botanik tek pallati me shigjeta hapësira ishte në rregull, pjesa tjetër ishte e ngushtë dhe  u vendos që të ndryshohej projekti. Kjo u shfrytëzua dhe u bënë legalizime të paligshme muajt pak para se ndryshohej projekti” thekoi Lame në “Opinion”./CNA.al

LEXO TE PLOTE

Politikë

“Dhunuan invalidin dhe një tjetri i thyen kockat e këmbës”/ Klevis Balliu flet me emra

Publikuar

-

Nga

Ish deputeti i PD-së, Klevis Balliu në një lidhje me emisionin “Opinion” ka mohuar se gazi lotësjellës është hedhur nga banorët e Unazës, vepër për të cilën policia shoqëroi dhe 13 persona.

Sipas Balliut, ka qenë policia ajo që i ka goditur banorët me gurë, ndërsa u shpreh se kush flet kundër banorëve është përfaqësues i krimit të organizuar në qeveri.

“Dhuna nuk është iniciuar nga banorët. Banorët kanë qenë brenda dhe gazi është hedhur nga furgonët e policisë. Policia i ka goditur me gurë, i ka hedhur nga tarraca, sot kemi një person që rrezikon të mbetet… Është Artur Muja i kanë thyer kockat e këmbës. Rrezikon të ketë probleme gjithë jetën Ky zotëria këtu është invalid, Gent Alla dhe ja çfarë i kane bërë.

LEXO EDHE:  Sikleti i Ilir Metës në fjalën e fundit si kryetar i LSI/Çfarë ra në sy?

LEXO EDHE:  “Rrumpallë që harrohen deri në marrëzitë e radhës”/ Kulluri iu “nxjerr bojën” Ramës, Bashës dhe Metës

Kush flet për ta sot është përfaqësues i krimit të organizuar në qeveri. Arta Marku nuk ka thirrur qoftë një njeri që të merret me këtë çështje nga kaq muaj. Tenderi ri i Salillari është në shkelje flagrante të ligit.

Këtu kemi një banesë, njëra pjesë që është një qytetari është e legalizuar dhe tjera e palegalizuar. Më thuaj tani, kujt do ja japësh parat? Edhe atij me letra edhe atij pa letra i ke hedhur gaz lotësjellës sot?” u shpreh Balliu./CNA.al

LEXO TE PLOTE