Connect with Us

“Nuk punoj për historinë”/ Basha komenton deklaratën e Macron, mesazh për Ramën

Politikë

“Nuk punoj për historinë”/ Basha komenton deklaratën e Macron, mesazh për Ramën

Publikuar

-

Kreu i Partisë Demokratike, Lulzim Basha, vijon turin e tij të takimeve me të rinjtë. Nga qyteti i Krujës ditën e sotme Basha ka komentuar deklaratat e Presidentit të Francës, Emmanuel Macron, për përgjigjen negative dhënë Shqipërisë  për çështjen e negociatave.

Teksa shprehet se, Rama duhet të falenderojë Macron që na mbrojti nderin, sipas Bashës “jo”-ja e Europës “ishte një ndërshkim për Edi Ramën, që po na ndërshkon ne”.

Kreu i demokratëve përpara të rinjve të Krujës ka deklaruar se nuk punon për historinë, dhe se shpërblimi më i madh për të është që “rinia shqiptare të ketë shanse të barabarta me rininë europiane.”

“Njerëzit që punojnë për të hyrë në histori, në përgjithsi, janë njerëz të tmerrshëm, o diktatorë, o psikopatë, u shkaktkojnë shumë vuajtje popujve të vet, ose janë kaq shumë në dashuri me veten, sa nuk duan jeri tjetër. Prandaj, mos më kërko të jem kryeministër që bëj gjithçka për të mbetur në histori. Rama, ndryshe nga sa thua ti, mendoj se do të hyjë në histori për shumë të këqija që i ka bërë vendit.  Neroni ka ngelur në histori se dogji Romën, ky është Neroni i Shqipërisë, vetëm se nuk ia ka vënë flakën në kuptimin fizik dhe nuk do ta lëmë, pork a djegur shumë.

LEXO EDHE:  Zgjidhja e krizës/Basha në zyrën e Berishës menjëherë pas takimit me aleatët

Meqë përmende BE, Makron në një intervistë që i dha “The Economist”, Makron tha ekzaktësisht atë që u thashë unë shqiptarëve para 4 javëve. Ai duhet t’i thotë falemidnerit Makronit sena shpëtoi nderin. Macron tha se nuk do ta ndajmë Shqipërinë nga Maqedonia e Veriut, sepse gjysma e vendeve ishin për ta ndarë Shqipërinë. Pse? Është rinia e Maqedonisë së Veriut më e zonja se rinia jonë?! Ishte ndëshkim për Edi Ramën, që na ndëshkon ne. Ishte dështim i tij që na ndëshkon ne.

Shpërblimi më i madh për mua nuk është të mbetem në histori, por t’i shoh shqiptarët, veçanërisht rininë, të kenë të njëjtat shanse dhe mundësi si rinia Europiane, kam jetuar në Europë, kam qenë student dhe një nga gjërat që më ka motivuar tek çështje publike, politika pra, ishte se jo vetëm nuk kishim asnjë inferioritet prej hollandezëve, por në shumë fusha ne garonim dhe dilnim të parët. Shqiptarit, po I dhe mundësi, nuk ka kufi në suksesin e vet”, është shprehur Basha./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Ndryshimet kushtetuese/ Rama futet në Këshillin Politik, Gjiknuri thërret edhe opozitën

Publikuar

-

Nga

Ndryshimet kushtetuese/ Rama futet në Këshillin Polit, Gjiknuri thërret edhe opozitën

Damian Gjiknuri reagon pas deklaratës së opozitës për diskutime të përbashkëta në Këshillin Politik. Bashkëkryetari i Reformës propozon që mbledhja të mbahet të hënën ose të martën (20 ose 21)  korrik, ndërsa objekt diskutimi do të jenë ndryshimet kushtetuese të miratuara nga Komisioni i Ligjeve. Gjiknuri njofton edhe pjesëmarrjen e Ramës në takim, ndërsa fton që të bashkohen për diskutim kryetarët përkatës të opozitës jashtëparlamentare.

Njoftimi i Gjiknurit

Sikurse jeni në dijeni, përmes Komisionit Parlamentar për Çështjet Ligjore, Administratën Publike dhe të Drejtat e Njeriut, Kuvendi i Shqipërisë ka filluar shqyrtimin e projektligjit për ndryshime në Kodin Zgjedhor, dokument i depozituar nga një grup deputetësh të maxhorancës dhe që përmban produktin e dakordësuar në tryezën e Këshillit Politik.

Gjithashtu, paralelisht përmes Këshillit për Legjislacionin dhe Komisionit për Çështjet Ligjore, Administratën Publike dhe të Drejtat e Njeriut, Kuvendi i Shqipërisë ka shqyrtuar nismën e 28 deputetëve të opozitës parlamentare të cilët propozojnë ndryshime në Kushtetutën e Republikës së Shqipërisë që lidhen me hapjen e listave zgjedhore dhe vendosjen e një pragu kombëtar.

Duke ndjekur deklarimet e opozitës jashtëparlamentare në lidhje me procesin e shqyrtimit nga Kuvendi të propozimit të deputetëve të opozitës parlamentare, për ndryshimet në Kushtetutën e Republikës së Shqipërisë dhe me vullnetin për të ballafaquar pikëpamjet tona përmes dialogut konstruktiv, ju propozoj: Mbledhjen ditën e hënë apo të martë (përkatësisht në 20 ose 21 Korrik, sipas disponimit tuaj), ora 11:00, të një tryeze të Këshillit Politik me temë diskutimi ndryshimet e miratuara nga Komisioni i Ligjeve në Kushtetutën e Republikës së Shqipërisë. 

Duke ju informuar se në këtë mbledhje Partia Socialiste do të përfaqësohet përveçse nga unë edhe nga kryetari Rama, ju bëj me dije se në rast dëshire edhe prezenca e kryetarëve përkatës të opozitës jashtëparlamentare, do të ishte plotësisht e mirëpritur nga ana jonë.

Vendi i zhvillimit të tryezës propozoj të mbetet i njëjti në mjediset e Pallatit të Kongreseve. /CNA.al



LEXO EDHE:  Masakra me tetë të vrarë/ Shokon Rama, numëron viktimat për statistikë

 

LEXO EDHE:  “Honxhobonxhot vazhdojnë merren me qeverinë”/ Rama i kthehet opozitës: Duan të vrasin me një gur dy zogj

 

 

 

 

 

LEXO TE PLOTE

Politikë

Opozita e Bashkuar: Rikthehemi në Këshillin Politik, Kuvendi të miratojë marrëveshjen e 5 qershorit

Publikuar

-

Nga

Opozita e Bashkuar: Rikthehemi në Këshillin Politik, Kuvendi të miratojë marrëveshjen e 5 qershorit

Opozita e Bashkuar ka dalë me një deklaratë për mediat pasi kryeministri Edi Rama pranoi kërkesën e presidentit Ilir Meta dhe kryetarit të Republikës së Re Lulzim Basha, për të diskutuar edhe njëherë në Këshillin Politik hapjen e listave dhe koalicionet.

Opozita deklaron se marrëveshja e 5 qershorit duhet të miratohet pa asnjë vonesë në Parlament, ndërsa shprehet se është e gatshme të ulet në tryezën e Këshillit Politik për të diskutuar mbi çështje të tjera në lidhje me Reformën Zgjedhore.

Më tej, opozita thekson se ndryshimet nuk duhet të vonojnë ose pengojnë kodifikimin e Marrëveshjes së 5 Qershorit, si dhe duhet të jetë në përputhje me Rekomandimet dhe praktikat më të mira të OSBE dhe Komisionit të Venecias.

“Opozita e Bashkuar rikonfirmon se i qëndron marrëveshjes së 5 Qershorit dhe apelit të përsëritur të  partnerëve strategjikë për miratimin e saj sa më parë në Kuvend, pa asnjë ndryshim dhe pa ndryshime kushtetuese të njëanshme. Ndryshimet kushtetuese, të hartuara në mënyrë të njëanshme nga Partia Socialiste, jashtë Këshillit Politik dhe pas Dakordësisë së 5 Qershorit, prishin marrëveshjen e arritur mes palëve. Këto ndryshime kushtetuese të njënashme bien ndesh edhe me traditën 30 vjeçare të miratimit të rregullave elektorale, që janë bërë gjithmonë me gjithëpërfshirje dhe konsensus, me qëllim rritjen e besimit të qytetarëve tek zgjedhjet dhe forcimin e demokracisë pluraliste.



Miratimi i Reformës Zgjedhore, gjithëpërfshirëse dhe konsensuale, është edhe kërkesë e Bashkimit Europian për hapjen e negociatave. Opozita e Bashkuar ka qenë dhe mbetet seriozisht dhe në mirëbesim e angazhuar në përmbushjen e këtij objektivi madhor për vendin dhe ka dhënë kontribut real në përmbushjen e këtij kushti. Kjo arritje e përbashkët nuk duhet të zhbëhet nga interesat e ngushta politike. Marrëveshja politike e 14 Janarit dhe Dakordësia e 5 Qershorit të arritura me ndihmën e partnerëve strategjikë SHBA dhe BE duhen respektuar plotësisht dhe pa ndryshime nga të gjitha palët.

LEXO EDHE:  “Honxhobonxhot vazhdojnë merren me qeverinë”/ Rama i kthehet opozitës: Duan të vrasin me një gur dy zogj

LEXO EDHE:  Çuni i Fahriut zbulon me kë fle Rama në krevat

Sipas këtyre marrëveshjeve, çështjet e dakordësuara në 5 Qershor duhet të aprovohen pa asnjë ndryshim dhe pa vonesa të mëtejshme për të mundësuar zbatimin e dispozitave të reja zgjedhore, duke përfshirë ngritjen e KQZ së re dhe fillimin nga puna për zbatimin e identifikimit biometrik të zgjedhësve. Për pasojë, çdo diskutim tjetër, sipas Marrëveshjes, NUK mund të vonojë apo pengojë kodifikimin e Marrëveshjes së 5 Qershorit, si dhe duhet të jetë në përputhje me Rekomandimet dhe praktikat më të mira të OSBE dhe Komisionit të Venecias.

Rikonfirmojmë qëndrimin tonë se nëse Partia Socialiste është vërtetë e interesuar për të diskutuar mbi çështje të tjera në lidhje me Reformën Zgjedhore, ajo është e obliguar nga Marrëveshja e 14 Janarit dhe nga Marrëveshja e 5 Qershorit t’i parashtrojë ato për diskutime dhe vendimmarrje konsensuale në Këshillin Politik. Për vijimin e punës në Këshillin Politik palët kanë dakordësuar edhe në pikën 11 të Marrëveshjes së 5 Qershorit. Opozita e Bashkuar shpreh gatishmërinë të vazhdojë diskutimin dhe punën në Këshillin Politik për çdo temë dhe çështje që lidhet me zgjedhjet, duke nisur nga sot, por pa penguar apo vonuar miratimin pa ndryshime, sa më parë të dakordësisë së 5 Qershorit”, thuhet në deklaratë./ CNA.al

LEXO TE PLOTE

Politikë

Shkarkimi i Metës/ Artan Hoxha publikon deklaratën e Ramës: Komandanti i Tërmetit po e ha turpin me ngjala…

Publikuar

-

Nga

Shkarkimi i Metës/ Artan Hoxha i publikon Ramës deklaratën e një viti më parë: E ha turpin me ngjala…

Gazetari Artan Hoxha ka reaguar sërish ashpër dhe ka ironizuar kryeministrin Edi Rama pasi Komisionin hetimor Parlamentar hoqi dorë nga shkarkimi i presidentit Meta.

Hoxha ka publikuar një deklaratë të bërë nga Rama në foltoren e kuvendit më 8 korrik të 2019-ës dhe i kërkon llogari se përse nuk e dërgoi nismën deri në fund.

Gazetari thotë se Rama na rokanisi kokën një vit rresht duke sharë Metën se ka shkelur Kushtetutën dhe se do rrëzojë qeverinë, ndërsa tani thekson se po e ha turpin me ngjala.

Reagimi i plotë i Hoxhës:

O komandanti i Termetit, po na rokanise koken nje vit rresht.

Jo Baba Likja, jo Baba Xhikja, jo presidenti ka marre malet, jo do rrezoje qeverine, jo ka frike se mos e burgose reforma ne drejtesi, jo keshtu e jo ashtu.

The e ç’nuk the.

E bere terbjet te ziun, sa dynjaja nisi te mendoj, se e ke seriozisht.

Po ja ku jemi tani, po i vendos vetem nje verejtje, ne librezen e punes.

Mire e ke.

I fut dhe nje bardhak dhalle, nga ai i Termetit dhe…e ha turpin me ngjala.

Apo ç’e deshe, ne keto kohera qe jetojme, “eshte turp, te kesh turp…

Pjese nga fjalimi i kryeministrit Rama, perpara kuvendit, per shkarkimin e Ilir Metes, si president i republikes…8 korrik 2019

“Ashtu i dizekuilibruar prej frikës nga drejtësia, i çoroditur prej disfatës së operacionit antikombëtar, që bashkëudhëhoqi me 3 kalorësit e tjerë të apokalipsit imagjinar, hakërrues dhe qesharak njëkohësisht, në pafuqinë e tij, ai është sot, faktikisht, një aset i vyer politik i kësaj shumice qeverisëse. Me atë lloj figurine kërcënuese në Presidencë, edhe më të pakënaqurit ndaj nesh do të trembeshin ta çonin votën gjetkë pas dy vitesh….

Mirëpo ne jemi të ndaluar ta përdorim kryetarin e shtetit si një gogozhel për të trembur zgjedhësit e pakënaqur ndaj nesh dhe jemi të detyruar ta ndalojmë Ilir Metën të gabojë më tej, sepse për ne, dinjitet i këtij shteti është më i rëndësishëm sesa çdo interes partiak, apo kalkulim elektoral.

Ilir Meta duhet hetuar dhe ndëshkuar deri në fund nga ky Kuvend dhe reagimi ynë ndaj tij, si deputetë të këtij Kuvendi, duhet të jetë frontal, përtej dallimeve tona politike dhe në emër të Kushtetutës, demokracisë parlamentare dhe vetë dinjitetit të shtetit shqiptar. Në këtë pikë, graviteti i parimeve themelore të Kuvendit, që na mbledh si përfaqësues të popullit, është një emërues që duhet të na bashkojë natyrshëm në vendim dhe në veprim, pavarësisht çdo interesi politik që natyrshëm na ndan.



Ilir Meta nuk është më thjesht kundërshtari i njohur i qeverisë. Ai sot është armiku i hapur i vetë Kushtetutës së Shqipërisë.

Nuk është më thjesht frymëzuesi i ofensivës destruktive kundër zgjedhjeve dhe drejtësisë. Ai sot është armiku i deklaruar i vetë Parlamentit të Shqipërisë.

Nuk është më thjesht politikani i frikësuar deri në palcë nga reforma në drejtësi. Ai sot është vetë shëmbëlltyra e tërbimit të të tremburve nga drejtësia, i cili edhe me shtrirjen e rrezes së agresionit të tij mbi miqtë dhe partnerët amerikanë dhe europiane na turpëron të gjithëve, ne këtu si deputetë, edhe ty si qytetar, si popull, si shtet.

Si mund të ketë Shqipëria e sotme, Shqipëria në NATO, Shqipëria kandidate për në Bashkimin Europian, një kryetar shteti që duket si një aktor komik që imiton Presidentin e Republikës; Një kryetar shteti që, kur flet seriozisht, të bën për të qeshur dhe kur flet me të qeshur, të bën për të qarë; Një kryetar shteti që e parafytyron veten si një Vojo Kush me kravatë mbi çatinë e ambasadës së Bashkimit Europian dhe që e imagjinon ambasadën amerikane si topin ku vendos gjoksin e tij prej Mic Sokoli me kostum banjoje?!

LEXO EDHE:  “Honxhobonxhot vazhdojnë merren me qeverinë”/ Rama i kthehet opozitës: Duan të vrasin me një gur dy zogj

LEXO EDHE:  Çuni i Fahriut zbulon me kë fle Rama në krevat

Si mund të ketë Shqipëria e sotme, një kryetar shteti që arrin thotë në konferencë për shtyp se është gati të përballet me testin e shëndetit mendor, çka në fakt nuk ia ka kërkuar askush, edhe pse askush nuk ka mbetur pa pyetur veten se mos vallë ky njeri është realisht i ikur nga mendja e kokës….

Ai u kthye nga presidenti problematik i Shqipërisë, në tribunin patetik të lëvizjes haxhi qamiliste kundër zgjedhjeve, duke fyer edhe miqtë e Shqipërisë me reagimet e tij dumbabdiste ndaj përfaqësive diplomatike në Shqipëri dhe me letrat e tij qesharake, drejtuar autoriteteve të larta ndërkombëtare, si të ishte qytetari dixhital që i ankohet doktorit për vjedhjen e mbathjeve të detit nga narkopolumbarët e gjirit të Lalzit.

Shkarkimi nga detyra e lartë e kreut të shtetit e këtij personazhi, i cili risolli në skenën e historisë sonë si president Haxhi Qamilin, me vulën e tij proverbiale të kompanisë së eksport-importit të kafesë, është një lëvizje me detyrim-përcaktim i këtij Kuvendi dhe është një detyrim i çdo deputeti që nuk e ka harruar betimin përpara Kuvendit.

Ilir Meta nuk e ka mbushur kupën, por e ka derdhur dhe vazhdon ta derdhe atë përditë, duke na dhënë çdo ditë një arsye për t’u ndjerë të keqardhur për të si njeri, të neveritur me të si politikan dhe të alarmuar prej tij si mbajtësi i vulës së lartë që ka humbur të drejtën të jetë.

Por, natyrisht, ndryshe nga Ilir Meta që i ka kërcyer shtetit përsipër si të ishte një tank armik dhe që e përdor firmën si bombë për ta hedhur atë në erë, ne nuk mund ta përdorim fuqinë absolute të Kuvendit të Shqipërisë mbi Presidentin e republikës, si topin e Mato Grudës mbi sarajet e Mere Fizit.

Me zakon, Ilir Meta duhej shkarkuar që ditën që u hodh si raketë antiamerikane nga tave e koranit të Faros në Pogradec, drejt avionëve imagjinarë të juntës ushtarake amerikano-shqiptare mbi pallatin presidencial në Tiranë. Por me ligj, ai mund të shkarkohet vetëm pasi komisioni hetimor parlamentar, që votojmë sot, të kryeje detyrimin kushtetues të hetimit të fakteve, të dëgjimit të dëshmive përkatëse dhe raportimit përpara Kuvendit të përfundimit të hetimeve mbi shkeljen e rëndë të Kushtetutës.

Në mbyllje të kësaj fjalë, duke u bërë apel të gjithë deputeteve ta votojnë ngritjen e komisionit të posaçëm hetimor, pikërisht në emër të interesit kombëtar dhe dinjitetit të këtij Kuvendi, i bëj dhe një thirrje publike Ilir Metës, të reflektojë dhe ta grumbullojë veten e shpërndarë dhe ta mbledhë brenda kornizës së përgjegjësive të kompetencave të tij.

Të ndërpresë çdo sulm kundër përfaqësive diplomatike të Shteteve të Bashkuara dhe të Bashkimit Europian në Shqipëri, të ndërpresë çdo sulm ndaj Parlamentit, të cilin nuk ka dyfek presidencial që e cenon në legjitimitetin e vet, siç nuk ka dekret molotov që e shkurton mandatin e tij.

Të ndërpresë aktivitetin e tij të paligjshëm politik kundër qeverisë së Republikës së Shqipërisë, me të cilën duhet të sillet siç e kërkon Kushtetuta, jo siç e urdhërojnë zërat e brendshëm të realitetit imagjinar, ku është transferuar së fundmi.

Mirë do ishte të ndalonte edhe përgojimin e figurave heroike të historisë së këtij vendi, sepse paralelizmat mes tyre dhe figurës së tij keqinformojnë brezin e ri dhe stimulojnë agresivitetin e injorancës ndaj shoqërisë dhe shtetit ligjor. Por kjo mbetet sidoqoftë një vërejtje miqësore”……

Nga Edi Rama dora vet…

LEXO TE PLOTE