Connect with Us

“Lëreni djalin të shkojë në shtëpi dhe kthehuni merrni të tjerët, nëse ua mban”

Politikë

“Lëreni djalin të shkojë në shtëpi dhe kthehuni merrni të tjerët, nëse ua mban”

Publikuar

-

Gazetari Mentor Kikia e quan shfaqje përtej çdo logjike atë që po ndodh pas lirimit të Alvinit nga kampi në Siri.

Sipas Kikisë, i gjithë ky show, shqiptaro-italian, është një tym që hidhet për të mbuluar heshtjen skandaloze të të dy shteteve për të tërhequr nga ky kamp njerëzit e tyre.

“Operacioni për marrjen e Alvinin ishte një shoë politik pasi historia e tij shkaktoi një reagim shumë të madh mediatik e publik në Itali. Alvinin e shpëtoi një baba i përkushtuar, që për 5 vjet nuk reshti së kërkuari, si dhe dy gazetarë, një italian e një shqiptar, që shkuan dhe e gjetën mu brenda në kamp.
Ndërsa gara mes qeverisë dhe presidencës shqiptare se kush dha më shumë kontribut për shpëtimin e Alvinit është qershia mbi tortë e kësaj hipokrizie”, shkruan mes të tjerash Kikia.

Postimi i plotë:

Lëreni djalin të shkojë në shtëpi dhe kthehuni merrni të tjerët. Nëse ua mban…
Një shfaqje përtej çdo logjike vazhdon prej dy ditësh me marrjen e djaloshit 11 vjeçar Alvin Berisha nga një kamp në Siri, ku mbahen ish luftëtarë të ISIS si dhe gratë e fëmijët e tyre. Video dhe foto pa fund. Njësoj si ata bamirësit që, edhe kur i japin një copë bukë fukarait, bëjnë disa bubla filmimi që të kapet imazhi më i mirë.
Në Romë një ushtri me zyrtarë, dolën në një konferencë për shtyp duke treguar me radhë se si e morën Alvinin nga kampi. A thua kanë evakuuar të gjithë kampin. Ministri yne i brendshem udhetoi nga Bejruti ne Rome, per te qene edhe ai pjese e gostise mediatike.
Në fakt i gjithë ky shoë, shqiptaro-italian, është një tym që hidhet për të mbuluar heshtjen skandaloze të të dy shteteve për të tërhequr nga ky kamp njerëzit e tyre.
Atje besohet se janë të paktën 80 shqiptarë, shumica gra e fëmijë, të cilët shteti ynë nuk pranon ti riatdhesojë, sikundër edhe vendet e BE-së. Sepse ata ikën vullnetarisht.
Operacioni për marrjen e Alvinin ishte një shoë politik pasi historia e tij shkaktoi një reagim shumë të madh mediatik e publik në Itali. Alvinin e shpëtoi një baba i përkushtuar, që për 5 vjet nuk reshti së kërkuari, si dhe dy gazetarë, një italian e një shqiptar, që shkuan dhe e gjetën mu brenda në kamp.
Ndërsa gara mes qeverisë dhe presidencës shqiptare se kush dha më shumë kontribut për shpëtimin e Alvinit është qershia mbi tortë e kësaj hipokrizie.
Për të marrë njerëzit nga kampi në Siri nuk ka nevojë për Rambo, apo luftëtarë Ninxha. Mjafton të duash ti marrësh./CNA.al

KLIKO PER TE KOMENTUAR

Komentoni

Your email address will not be published. Required fields are marked *

Politikë

“Studentët e vetmja opozitë kundër Ramës”/ Topi akuza palëve politike

Publikuar

-

Nga

“Studentët e vetmja opozitë e fortë kundër Ramës”, kështu është shprehur  ish Presidenti Bamir Topi, teksa fajson opozitën për krizën aktuale politike në të cilën ndodhemi.  Në një intervistë për RTV Ora, Topi është shprehur se ka qenë pikërisht politika në sinkron e opozitës dhe mazhorancës ato të cilat shkatërruan çdo frymë apo lëvizje të re politike që mund të vinte në Shqipëri pas protestës së studentëve.

“E kam të vështirë të interpretojë se si do të shkojë situata politike,  ndërkohë që opozita ka dalë jashtë parlamentit.

Por ky është edhe faji i opozitës që kemi ardhur në këto kushte. Unë mendoj se opozita me këtë punë që po bën, me këtë fjalor të vjetër politik të përdorur është ajo që po mban në këmbë pushtetin e Ramës. E vetmja opozitë e fortë kundër Ramës kanë qenë studentët.

LEXO EDHE:  Foto-denoncimi/ “Lal plehu” bën show, ndërsa…

Madje kam një dyshim të madh se mbas asaj lëvizje në qoftë se do të lindte diçka e re në terrenin politik, ishte pikërisht politika në sinkron e mazhorancës dhe opozitës që e shkatërruan.

Rama nuk është i pathyeshëm, madje mendoj se ka thyer shumë rregulla kryesore për demokracinë. Nuk po na lejon fare të merremi dhe të diskutojmë për mirqënien dhe ekonominë. Institucionet janë themeli i cdo vendi demokratik dhe fakti se neve ndodhemi diku pa institucione e diku me institucione të cunguara, tregon se faji kryesor bie mbi mazhorancën, por pse jo edhe mbi opozitën”, është shprehur Topi./CNA.al

LEXO TE PLOTE

Politikë

“Shkon në Parlament si në mbledhje të partisë”/ Topi ironizon Ramën

Publikuar

-

Nga

Ish presidenti, Bamir Topi, duke komentuar situatën politike në vend është  shprehur se pikënisja e të gjitha deformimeve janë ndryshimet kushtetuese të bëra në 2008-ën.

Në një intervistë në studion e lajmeve në RTV Ora, i pyetur nëse krijimi i Kushtetueses do të mund të zgjidhte krizën institucionale në vend për 30 Qershorin, Topi është shprehur se arsyeja e institucioneve të dobëta  në Shqipëri është vendosja e tyre në shërbim të një individi.

Topi madje ka ironizuar edhe kreun e qeverisë Rama, teksa shprehet se “shkon në sallë të parlamentit sikur shkon në mbledhje të partisë”. Për ish presidentin është pikërisht një situatë e tillë politike ajo që krijon vakumin institucional.

“Institucionet shqiptare kanë marrë goditjen e fortë që në 2008, nga vullneti i përbashkët i sinkronizuar i opozitës me mazhorancën. Aty është pikënisja e të gjitha deformimeve. Bota nuk bën luftë politike. Janë ndërruar elitat politike disa herë.

LEXO EDHE:  Ish-drejtuesi i lartë i Policisë: Fatmir Xhafaj bën show në Elbasan

Këtu vijohet të luftohet mbi bazën e emrit: Ç’mendon Basha, ç’mendon Rama.

Nëse do të ishte e kundërta  që individi të vendosej në shërbim të institucioneve do të kishim institucione të forta. Tek e fundit kryeministri është zgjedhur nga partia e tij për të drejtuar qeverinë. Parlamenti është zgjedhur nga populli. Mirëpo, kur shikon një kryeministër që shkon në sallë të parlamentit sikur shkon në mbledhje të partisë, kjo krijon një vakum të tmerrshëm institucional.

Në vend që parlamenti të kontrolloj punën e qeverisë është kryeministri ai që i tregon parlamentit se ku duhet të shkojë. Madje disa deputet janë zgjedhur rishtas dhe kjo nuk është një rregull normal, është një gabim i rëndë”, është shprehur Topi./CNA.al

LEXO TE PLOTE

Politikë

“Shqipëria Republikë Kryeministrore”/ Topi ‘shuplakë’ opozitës: S’kam asnjë lloj respekti

Publikuar

-

Nga

“Shqipëria është defacto një republikë kryeministrore”, kështu është shprehur ish presidenti Bamir Topi teksa komentonte situatën politike në vend, me ngërçin kushtetues.

I ftuar në studion e lajmeve në RTV Ora, Topi ka bërë opozitën si përgjegjësen kryesore për keqqeverisjen e Ramës, ndërsa shprehet se “braktisja e parlamentit nga kjo e fundit, e ka bërë Ramën një kryeministër pa një barrikadë bllokuse, duke dëmtuar demokracinë.”

Po ashtu, Topi ka dhënë një vlerësim negativ për opozitën parlamentare dhe deputetët e mazhorancën, për të cilët shprehet se nuk ka asnjë lloj respekti, për shkak të mënyrës së të vepruarit.

“Në qoftë se në Kushtetutë është një Republikë Parlamentare, Shqipëria defakto është një Republikë Kryeministrore. Kjo sepse praktikisht edhe sikur Rama të ndihej i dobët fillimisht, dita ditës do ta kuptonte  se ai pushtet do ta fuqizonte me oreksin për të marrë pushtetet e tjera.

LEXO EDHE:  Foto-denoncimi/ “Lal plehu” bën show, ndërsa…

Unë kam respekt të madh për institucionin, por jo për trupën aktuale të deputetëve të Parlamentit të Shqipërisë.

Nuk më kanë lënë asnjë lloj shanci që unë të mendoj pozitivisht. Por, në këtë kontekst unë nuk mund të justifikojë braktisjen e parlamentit nga opozita. Në rast se sot Edi Rama konsiderohet edhe realisht apo psikologjikisht shumë i fuqishëm, nëse do të shihnim në fillim trajektoren që ka ndjekur Rama, do të shihnim një kryeministër timid, dita ditës të pasigurt në vetëvete.

Braktisja  e opozitës Parlamentin e ka bërë Ramën një kryeministër pa një barrikadë bllokuse përpara dhe kjo është e rëndë për institucionet dhe demokracinë”, është shprehur Topi./CNA.al

LEXO TE PLOTE