Connect with Us

I shpallur në kërkim për atentatin ndaj prokurorit Ndoj/ Julian Sula, live nga shtëpia

Kronika

I shpallur në kërkim për atentatin ndaj prokurorit Ndoj/ Julian Sula, live nga shtëpia

Publikuar

-

Julian Sula, i shpallur në kërkim për atentatin e kryer në mbikalimin e Shijakut, ndaj makinës së prokurorit Arjan Ndoj, në një lidhje telefonike live nga shtëpia për TV “ABC News”, është shprehur se nuk ka qenë në dijeni të ngjarjes.

Nuk e di se sot erdha kam qenë vizitë në Turqi se jam keq nga mushkëritë. Më ka njoftuar avokati im për ngjarjen. Ka qenë ai që ka kontaktuar me Shefin e Policinë dhe Drejtorun për më tepër informacion dhe i kanë thënë nga ne nuk ka gjë. I pyeti pse i keni vajtur për kontroll dhe ata i thanë për të bërë disa verifikime. Kemi shkuar dhe tek të tjerë”

LEXO EDHE:  Atentati ndaj Prokurorit/ Klodian Tomorri: Sistemi është infektuar në çdo qelizë

I pyetur nëse kishte lidhje me ngjarjen apo njohje me Redjan Rrajën, Syla e ka mohuar një gjë të tillë.

“Nuk kam asnjë lidhje me ngjarjen, nuk i njoh ata persona. Në momentin që ka ndodhur ngjarja unë kam qenë në Turqi”, është shprehur Syla, teksa deklaroi se nesër në mëngjes do të shkonte në Polici për sqarimin e situatës: “Unë do të shkojë në Polici që nesër në mëngjes,” u shpreh Sula/CNA.al

Në foto: Julian Sula

KLIKO PER TE KOMENTUAR

Komentoni

Your email address will not be published. Required fields are marked *

Kronika

Përplasjet në Astir/ Procedohen penalisht 26 protestues

Publikuar

-

Nga

Policia e Tiranës ka dhënë shifrat zyrtare lidhur me personat e shoqëruar për përplasjet tek Unaza e Re.

Policia sqaron se ka proceduar 26 persona të moshave 22 deri në 73 vjeç me pretendimin se kanë sulmuar me gurë, sende të forta dhe bomba molotov efektivët e policisë.

Ndër të tjera policia shprehet se si pasojë e sulmit të banorëve mbetën të plagosur 5 punonjës Policisë nga FNSH-ja, Shqiponjat dhe nga Patrullat e përgjithshme si dhe është dëmtuar një automjet.

Njoftimi i Policisë, Tiranë

26 të proceduar për sulmin me gurë, sende të forta dhe bomba molotov ndaj punonjësve të Policisë.

Sot, në rrugën “Teodor Keko”, në afërsi të sheshit “Shqiponja”, Tiranë, rreth orës 06:00 të mëngjesit një grup personash, në bashkëpunim me njëri-tjetrin kanë goditur me gurë, sende të forta dhe bomba molotov punonjësit e policisë si dhe punonjësit e policisë bashkiake, të cilët ishin dislokuar në këtë rrugë për të ushtruar detyrën në lidhje me zbatimin e planit të masës për shembjen e 33 objekteve që preken nga projekti i rrugës.

Si pasojë e sulmit me gurë, sende të forta dhe bombave molotov mbetën të plagosur 5 punonjës Policisë nga FNSH-ja, Shqiponjat dhe nga Patrullat e përgjithshme. Gjithashtu, gjatë sulmit me gurë e sende të forta dhe bombave molotov, është dëmtuar 1 automjet i Policisë.

LEXO EDHE:  Atentati ndaj Prokurorit/ Klodian Tomorri: Sistemi është infektuar në çdo qelizë

LEXO EDHE:  Atentati ndaj Prokurorit/ Klodian Tomorri: Sistemi është infektuar në çdo qelizë

Në lidhje me ngjarjen, specialistët për Hetimin e Krimit në Komisariatin e Policisë Nr. 6 në përfundim të veprimeve hetimore, bazuar prova dhe pamje filmike të ditëve paraardhëse nën drejtimin e Prokurorisë së Rrethit Gjyqësor Tiranë bënë ndalimin për veprën penale “Kundërshtim me dhunë të punonjësit të policisë së rendit”, të shtetasit në kërkim Sh.S., 46 vjeç, banues në Tiranë.

Gjithashtu, në vijim të veprimeve u proceduan në gjëndje të lirë për veprat penale “Organizimi dhe pjesmarrja në grumbullime dhe manifestime të paligjshme”, “Goditje për shkak të detyrës”, “Kundërshtimi me dhunë i punonjësit të policisë së rendit”, “Prishje e rendit dhe e qetësisë publike”, “Mbajtja dhe përdorimi i lëndëve plasëse dhe piroteknike”, dhe “Shkatërrim prone” i 25 shtetasve, nga 22 deri në 73 vjeç.

Vijon puna hetimore nga ana e strukturave të policisë në bashkëpunim e Prokurorinë e Rrethit Gjyqësor Tiranë, për identifikimin e personave të tjerë përgjegjës në lidhje me këtë ngjarje.

Materialet procedurale i kaluan Prokurorisë së Rrethit Gjyqësor Tiranë, për veprime të mëtejshme hetimore./CNA.al

 

LEXO TE PLOTE

Kronika

Plotësimi i vendeve vakante për Gjykatën e Lartë/ Kush janë 3 kandidatët që do të dalin para KLGJ

Publikuar

-

Nga

Këshilli i Lartë Gjyqësor ka njoftuar se do të nisë  verifikimine  kushteve ligjore për tre kandidatë për anëtarë të Gjykatës së Lartë.

Mësohet se tre emrat e përzgjedhur janë Ilir Panda, Ervin Pupe dhe Sokol Sadushi.

Njoftimi:

Shqyrtimi i projektvendimeve të përgatitura nga Komisioni i  Zhvillimit të Karrierës:

1- “Për verifikimin e kushteve dhe kritereve ligjore për emërimin si gjyqtar pranë Gjykatës së Lartë të kandidatit z. Ervin Pupe”, relatore Marçela Shehu;

LEXO EDHE:  Atentati ndaj Prokurorit/ Klodian Tomorri: Sistemi është infektuar në çdo qelizë

LEXO EDHE:  Atentati ndaj Prokurorit/ Klodian Tomorri: Sistemi është infektuar në çdo qelizë

2- “Për verifikimin e kushteve dhe kritereve ligjore për emërimin si gjyqtar pranë Gjykatës së Lartë të kandidatit z. Ilir Panda”, relator Alban Toro;

3-“Për verifikimin e kushteve dhe kritereve ligjore për emërimin si gjyqtar pranë Gjykatës së Lartë të kandidatit z. Sokol Sadushi”, relator  Dritan Hallunaj./CNA.al

LEXO TE PLOTE

Kronika

Avioni privat i bosit malazez të drogës më 10 janar 2019 fluturoi nga Shqipëria në Gjenevë, pastaj në Basel

Publikuar

-

Nga

Malazezi Michael Dokovich dyshohet të ketë trafikuar drogë nga Amerika Latine në Europë dhe kontinente të tjera. Një avion i shfrytëzuar prej tij më 10 janar 2019 fluturoi nga Shqipëria në Gjenevë, pastaj në Basel, shkruan gazeta zvicerane «Tages Anzeiger». Dokovich, i cili prezantohet si pronar hoteli në Tuz, u arrestua në maj në një garazh në Basel të Zvicrës – me 600 kilogramë kokainë.

Më 16 maj 2019 hetuesit e drogës rrethuan një automjet transporti, i cili ishte parkuar në garazhin nëntokësor të një kazinoje në Basel të Zvicrës. Më parë hetuesit ishin paralajmëruar mbi arritjen e një sasie të konsiderueshme të drogës në aeroportin Basel-Mulhouse. Deri aty droga ishte transportuar me një avion privat.

Hetuesit nuk kishin llogaritur se në automjetin e markës «Ford Transit» gjendej edhe vetë bosi i drogës: Michael Dokovich, një malazez me të kaluar të dyshimtë. Bashkë me të në garazh ndodheshin edhe një pilot dhe një ekspert i informatikës. Në bagazhin e automjetit hetuesit gjetën 21 valixhe me drogë, në tërësi 600 kilogramë kokainë. Ky është deri më tani konfiskimi më i madh i drogës në territorin e Zvicrës.

Koloneli i xhandarmërisë franceze François Després i tha gazetës zvicerane «Tages Anzeiger» se arrestimi i malazezit 60-vjeçar ishte një «befasi e këndshme». Arrestimi i Dokovich u bë edhe me ndihmën e autoriteteve çeke dhe kroate.

Hulumtimet e European Investigative Collaboration (EIC) tregojnë se si funksionon «modeli i biznesit» i Michael Dokovich. Në fund të vitit 2017 hetuesit filluan operacionin «Familia». Atëbotë në kufirin kroato-slloven afër Zagrebit doganierët zbuluan një milion euro në një Mercedes. Në veturë ishte e dashura e Michael Dokovich. Hetuesit konfiskuan paratë, ndërsa të dashurën e Dokovich e lanë të lirë, por filluan ta përgjojnë. Në telefonatat me të dashurën, malazezi lavdërohej se si viteve të fundit shumë herë ka organizuar transporte të ngjashme të parave.

Në vitin 2017 Dokovich nuk fshihej. Në Facebook ai postonte fotografi si pronar i një hoteli në Tuz të Malit të Zi, afër kufirit me Shqipërinë. Sipas hetuesve ai merrej me tregti me drogë nga banesa e tij në Zagreb. Këtë e bënte me disa pseudonime. Emri i tij i vërtetë mendohet të jetë Ilmija Frljuckic. Pjesëtar i bandës së tij është edhe një polic kroat, i cili e furnizonte me informata dhe i ndihmonte të krijojë identitete të rrejshme. Dokovich ishte pasuruar në SHBA, ku banda e tij vodhi kodet e 20 mijë klientëve të bankave. Pas arrestimit të ndihmësve të tij, Dokovich iku në Europë, ku dyshohet se ndërtoi një rrjet me shtrirje të gjerë dhe u mor me trafikimin e drogës. Rrjeti i tij shtrihet deri në Hongkong, ku policia në prill të këtij viti konfiskoi 421 kilogramë kokainë. Droga ishte paraparë të transportohej në Australi, shkruan «Tages Anzeiger».

LEXO EDHE:  Atentati ndaj Prokurorit/ Klodian Tomorri: Sistemi është infektuar në çdo qelizë

LEXO EDHE:  Atentati ndaj Prokurorit/ Klodian Tomorri: Sistemi është infektuar në çdo qelizë

Dora e djathtë e Dokovich është Petro «Pjer» Sarac (Sharac). Ky i fundit krijoi kontakte në Amerikën Latine dhe solli në Zagreb edhe kriminelë nga Kosta Rika. Sipas hetuesve tregtarët e mëdhenj të drogës në Ballkan po lidhen direkt me bandat në Amerikën Latine – kjo është risi në veprimtarinë e tyre. «Këto grupe nga Ballkani perëndimor po përpiqen të veprojnë ngjashëm si italianët dhe nigerianët para tyre», tha një polic zviceran. «Ata janë direkt të pranishëm në Amerikën Latine – me gjasë për të negociuar apo për të organizuar transportin». Sipas hetuesve grupet serbe, malazeze dhe shqiptare janë shndërruar në fuqi në rritje në tregtinë me kokainë.

Ndonëse shumica e drogës nga Amerika Latine vjen në Europë me kontejnerë, Michael Dokovich zgjodhi metodën më të shpejtë për të shpërndarë mallin e tij: avionët privatë. Në fillim të vitit 2019 ai themeloi kompaninë ajrore «MD Global Jet». Për t’u dukur kompani serioze, ai punësoi pilotë çekë, të cilët transportonin pasagjerë VIP.

Sa shpesh Dokovich ka shfrytëzuar avionët e tij, tregojnë lëvizjet e një «Gulfstream V» me kodin «M-FISH». Me këtë avion Dokovich kishte sjellë nmë 16 maj 2019 kokainën në Basel. Këtë e konfirmon një vendim gjyqësor në Zvicër. Që nga viti 2016 avioni «Gulfstream V» me kodin «M-FISH» aterroi mbi dhjetë herë në Zvicër. Më 10 janar 2019 ky avion fluturoi nga Shqipëria në Gjenevë, pastaj aterroi në Basel, shkruan «Tages Anzeiger».

Mes tetorit të vitit 2018 dhe marsit të vitit 2019 ky avion privat fluturoi katër herë në Amerikën Latine. Sipas vendimit gjyqësor zviceran qëllimi i tri fluturimeve ishte tregtia me kokainë. Dokovich dhe ndihmësit e tij pritet të ekstradohen në Kroaci. Ankesat e tyre janë refuzuar nga drejtësia zvicerane./dialogplus.ch

LEXO TE PLOTE