Connect with Us

Fushatë e vrazhdë zgjedhore në Britaninë e Madhe

Bota

Fushatë e vrazhdë zgjedhore në Britaninë e Madhe

Publikuar

-

Boris Johnson është i njohur për sulmet e tij verbale. Në luftën për të fituar çdo votë, ai po provon tani metoda të tjera. Në Britaninë e Madhe ka filluar ndërkohë zyrtarisht fushata zgjedhore.

Brexiti vjen në muajin pas zgjedhjeve, kreu i laburistëve, Jeremy Corbyn krahasohet me diktatorin sovjetik, Stalin, dhe opozita nuk ka gjë tjetër në mendje veçse të shkatërrojë pasurinë britanike – deklaratat e Boris Johnsonit nuk sinjalizojnë asgjë të mirë për fushatën e shkurtër zgjedhore në Britaninë e Madhe.

Në “Daily Telepgraph”, Boris Johnson shkroi mbi planet e politikës ekonomike të socialdemokratëve, se partia laburiste nën Jeremy Corbyn ka zhvilluar gati një urrejtje të plotë kundër çdo lloj përpjekjeje për përfitim. Sipas tij, laburistët janë gati të shkatërrojnë edhe bazat e mirëqenies britanike. “Me kënaqësi dhe me ndjenjë hakmarrjeje”, tregohen me gisht individë, “si nuk është parë kurrë më parë që nga koha e Stalinit dhe kulakëve”. Me qëllim Boris Johnson përdor nocionin kulak, përcaktim përçmues për disa fermerë të pasur në kohën e Stalinit, nga të cilët mijëra u vranë nën sundimin e terrorit stalinist.

Großbritannien Wahlkampf (AFP/A. Dennis)Protesta kundër Boris Johnsonit

Laburistët duan revolucionin e gjelbër

Corbyn i hodhi poshtë menjëherë sulmet e Boris Johnsonit. “Kjo është çmenduria, që super të pasurit e përdorin aq shumë për të kursyer edhe ca më shumë tatime.” Partia e tij synon të ngrejë brenda një dekade një milionë apartamente të përballueshme në çmim dhe të nisë punën për “revolucionin e gjelbër”, shkroi ai në twitter. Vërtet laburistët duan të bëjnë ndryshime në politikën ekonomike të Mbretërisë së Bashkuar. Kjo parti kërkon të ngrejë tatimet për të pasurit dhe sipërmarrjet. Por më i kontestuar është plani, që sipërmarrjet me më shumë se 250 punëtorë, duhet të dorëzojnë 10% të aksioneve të tyre në një fond, që kontrollohet nga punonjësit dhe që në fund të vitit u jep punëtorëve dividentët.

“Dalja nga BE brenda janarit”

Boris Johnson ka bërë edhe lidhjen mes sulmit me helm ndaj ish-spiunit rus, Sergej Skripal në Salisbury dhe laburistëve. “Bashkohuni me ne”, thirri ai. “Apo do qëndroni me Jeremy Corbyn dhe partinë laburiste, që kaluan në anën e Putinit, kur Rusia porositi sulmin me helm në rrugët e Salisburyt.”

LEXO EDHE:  Zgjedhjet "boshatisën" bankat, u tërhoqën miliarda lekë/Zyrtari i qeverisë zbulon arsyet

Të mërkurën u hap fushata zgjedhore zyrtarisht në Britaninë e Madhe. Në Pallatin Buckingham tek Mbretëresha Elisabeth ai vulosi shpërndarjen e parlamentit britanik. Pas kësaj në Downing Street ai bëri të ditur, se” nga dita e parë e parlamentit të ri”, do të paraqesë marrëveshjen e Brexit, me qëllim që dalja e Britanisë së Madhe nga BE të hyjë në fuqi në janar.

Bildergalerie Hoffnungsträger der britischen Politik (picture-alliance/empics/S. Rousseau)John Bercow

“Gabimi më i madh në politikën e jashtme që pas kohës së luftës”

Startimi i fushatës zgjedhore të konservatorëve britanikë nuk ka qenë shumë pozitiv. Alun Cairns dha dorëheqjen nga posti i ministrit të Wales, sepse ai me gjasë ka pasur dijeni për rolin e një ish-punonjësi të tij në një proces përdhunimi. Edhe i besuari i Johnsonit, Jacob Rees-Mogg, duhet të kërkonte falje publikisht për një deklaratë shumë të kritikuar. Përfaqësuesi i linjës së ashpër të Brexitit ishte shprehur me përçmim për viktimat e zjarrit në Grenfell me 72 viktima.

Ndërkohë ish-presidenti i parlamentit britanik, John Bercow shprehu indinjatën e tij. Sapo la detyrën që e detyronte për neutralitet të plotë, konservatori e deklaroi Brexitin si “gabimin më të madh të politikës së jashtme që pas kohës së luftës”. Dalja e Britanisë së Madhe nga BE nuk do të ndikojë pozitivisht në imazhin ndërkombëtar të Britanisë së Madhe, tha ai. “Tani nuk jam më “‘speaker’, tani nuk duhet të jem më i pavarur.”

Parlamenti i ri britanik do të zgjidhet më 12 dhjetor. Në sondazhe partia konservatore e Tory ka një avantazh disa pikësh para laburistëve të Jeremy Corbyn. Të enjten, kryeministri britanik udhëton në Skoci, ku shumica votoi kundër Brexit. Nacionalistët skoncezë përreth kryeministres, Nicola Sturgeon synojnë një votë të re për pavarësinë, në mënyrë që të shkëputen nga Mbretëria e Bashkuar./ DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Koronavirusi/ Koreja e Veriut ekzekuton zyrtarin që shmangu karantinën

Publikuar

-

Nga

Zyrtarët e Koresë së Veriut kanë ekzekutuar një zyrtar të lartë të tregtisë, i cili dyshohej se kishte koronavirus për shkak se ai ka shkuar në VC publike ndërsa do të duhej të ishte në karantinë.

Zyrtarët e Koresë së Veriut kanë arrestuar dhe menjëherë e kanë ekzekutuar atë, për shkak të frikës së shpërndarjes së koronavirusit, raporton dailymail.

Zyrtarët shtetërorë së fundi kanë vendosur në vende të izoluara të gjithë ata që kanë vizituar Kinën apo që kanë pasur kontakte me njerëz nga Kina.

LEXO EDHE:  Berisha konfirmon lajmin e CityNews/Pse u trajnuan me ekspertë amerikanë të rinjtë e PD

LEXO EDHE:  Kavaja si kurrë më parë/1 mijë policë në gatishmëri ditën e zgjedhjeve

Lideri suprem Kim Jong-un ka vendosur që të përdor “ligjin ushtarak”, pra për të ekzekutuar menjëherë, çdo këndë që largohet nga vendi i izoluar pa leje.

LEXO TE PLOTE

Kosova & Rajoni

Të shtëna me armë zjarri/ Plagosen dy persona

Publikuar

-

Nga

Dy persona kanë mbetur të plagosur me armë zjarri mbrëmjen e sotme në Prishtinë.

Sipas njoftimit të policisë, një person është arrestuar lidhur me ngjarjen, ndërsa po punohet për kapjen e personave të tjerë.

Ende nuk dihen motivet e kësaj ngjarje të rëndë, ndërsa dy të plagosurit po marrin trajtimin e nevojshëm mjeksorë në spital.

“Rreth orës 17:00 kemi marrë informatën se në lagjen Kolovicë në Prishtinë ka pas të shtëna me armë zjarri. Njësitet policore kanë dalë në vendin e ngjarjes dhe kanë nisur një hetim lidhur me rrethanat e këtij rasti. Në këtë rast nga arma e zjarrit janë plagosur dy persona. Të njëjtit janë dërguar për trajtim mjekësor.

LEXO EDHE:  PD pranon manipulimin/ Shpërndan mandate edhe gjatë votimit

LEXO EDHE:  PS e vendosur/ Lleshaj: Nuk tërhiqemi nga zgjedhjet

Lidhur me këtë rast Policia ka arrestuar një person të dyshuar dhe ka konfiskuar armën që dyshohet të jetë përdorur në rast. Aktualisht njësitet policore janë duke punuar në identifikimin dhe arrestimin e personave të tjerë të përfshirë në rast”, është shprehur zëdhënësja e Policisë së Kosovës për Rajonin e Prishtinës, Flora Ahmeti./CNA.al

LEXO TE PLOTE

Bota

Dy javë pas Brexit/ Ishujt Kajman futen në listën e zezë të BE

Publikuar

-

Nga

Në kohën kur Britania e Madhe po bën rreth dy javë që ka dalë nga Bashkimi Europian, Ishujt Kajman do të futen në listën e zezë të BE për parajsat fiskale.

Sipas mediave britanike, ky vendim do të firmoset për të hyrë në fuqi javën e ardhshme. Vendimi u mor si një masë për të pakësuar humbjet nga evazioni fiskal, që në vit llogaritet të jenë rreth 608 miliardë euro.

Ishujt Kajman nuk ishin llogaritur deri më tani në listën e zezë të BE, pasi janë pjesë e territorit të Britanisë së Madhe dhe ligji nuk përfshin vendet anëtare.

LEXO EDHE:  Zgjedhjet “boshatisën” bankat, u tërhoqën miliarda lekë/Zyrtari i qeverisë zbulon arsyet

LEXO EDHE:  Intervista e plotë-Eduard Selami shpërthen ndaj Bashës/Gabim historik!

Në këtë listë përfshihen edhe Ishujt Fixhi, Omani, Samoa, Trinidad dhe Tobago, Vanuatu dhe tre territoret amerikane Samoa, Guami dhe Ishujt e Virgjër./ CNA.al

LEXO TE PLOTE