Modelja me famë botërore Angela Martini është pritur nga kryetari në detyrë i bashkisë së Durrësit, Zhyljen Varfi ku zhvilloi një takim me strukturat lokale të qytetit bregdetar.

Në këtë takim ishin të pranishëm dhe zv ministrja e Brendshme Rovena Voda si dhe drejtoresha e Bashkëqeverisjes në kryeministri Eridana Çano. Çano është shprehur se ndihen shumë të kënaqur për praninë Angela Martinit në Durrës.

“Jemi shumë të kënaqur që të kemi sot këtu duke dhënë një mesazh pozitiv të gjithë bashkëkombasve që u gjendesh pranë në këto momente të vështira”, tha znj Çano. Zv ministrja e Brendshme Rovena Voda, si kryetare e shtabit të Emergjencave për qarkun e Durrësit, ka ndarë me modelen punën që po kryhet në zonat e prekura nga tërmeti. “Është shumë mirë që në momente kaq të vështira shohim figura të dashura për ne, të dimë se në këto momente, banorët e prekur nga tërmeti nuk janë vetëm”, tha zvministrja Voda.

Angela Martini e emocionuar është shprehur: “Faleminderit ju për punën që keni bërë. Ju jeni tamam heronjtë e vërtetë jo unë, sepse unë kam bërë një pjesë shumë të vogël, kurse keni bërë punën e vërtetë.. Unë kam qenë shumë e prekur kur e kam marrë vesh për ngjarjen. Si e kam shkruar në Instagram, është e vërtetë kur sje në vendin tënd është më keq se është gjaku yt, vendi yt.Unë kam bërë kontributin tim, por duhet të bëj edhe më shumë. Gjëja që dua të them është se unë besoj te kryeministri ynë shqiptar dhe unë jam e sigurt se do të bëjë të pamundurën për të rindërtuar vendin dhe cdo gjë do të jetë transparente”, tha modelja Angela Martini./CNA.al

Godina nr.15 në Qytetin Studenti është shpallur e pabanueshme pas dëmtimeve nga tërmeti i 26 nëntorit.

Pas konstatimeve nga Instituti i Ndërtimit, u mor vendimi që kjo godinë të shembet për të mos rrezikua rjetën e banorëve.

“Kemi marrë tre akt konstatime nga Instituti i ndërtimit, të cilat dëshmojnë se godinat 15, 18 dhe 19, në Qytetin Studenti janë të dëmtuara përtej ç’mund të riparohet, kanë dëmtime në strukturë. Fillimisht do të marrim vendim vetëm për godinën numër 15, kurse relacionet për 18 dhe 19 do t’i keni tek takimi sot pasdite. Janë tre godina të cilat nuk banohen nga studente, tejet të amortizuara, të zaptuara në vitin 1991. Ka 30 vite që rrinë të zaptua, është shprehur kryebashkiaku Veliaj./CNA.al

Ish kryeministri Sali Berisha ka publikuar mesazhin e një qytetari i cili denoncon kreun e bashkisë së Tiranës, Erion Veliaj.

Sipas qytetarit, Veliaj ka lejuar shtimin e kundraligjshëm të 3 kateve mbi pallatin ekzistues me 8 kate.
Qytetari shprehet se pallati ndodhet në rrugën “Shkëlqim Fusha” tek Komuna e Parisit.

“Pronari vazhdon ndërtimin edhe sot dhe na kërcënon të mos flasim sepse ndihet i plotfuqishëm. Zoti Berisha, Durrësi e Tirana po shkatërrohen ata vazhdojnë të ndërtojnë dhe na vënë ne në rrezik jetën”, shkruan qytetari dixhital./CNA.al

Foto-Tërmetet trondisin Tiranën/ Pallatet shtojnë katet