Connect with Us

Denoncimi në “Fiks Fare”/ Mësuesit përcaktojnë librarinë ku nxënësit duhet të blejnë mjetet mësimore

Denoncim

Denoncimi në “Fiks Fare”/ Mësuesit përcaktojnë librarinë ku nxënësit duhet të blejnë mjetet mësimore

Publikuar

-

Në tre shkolla të Kamzës “Nënë Tereza”, “Demokracia” dhe “Korb Muça”  mësueset e klasave të para dhe një mësues i klasës së pestë , kanë përcaktuar në listën që ju kanë dhënë nxënësve edhe librarinë ku duhet t’i blejnë mjetet mësimore,  e cila quhet librari “Fabler” në Kamëz.

Pas kësaj verifikimi vazhdoi edhe në librarinë që të orientonin mësueset , ku pyetën për çmimin e mjeteve që ishin shkruar në listë, ku në total kapte shifrën prej 45 mijë lekë të vjetra. Ndërkohë që në një librari tjetër vetëm pak metra më tutje e njëjta listë shkonte deri në 20 mijë lekë të vjetra.

Pas këtyre fakteve gazetarët e Fiksit shkuan në të treja shkollat, drejtuesit e të cilave përgjigjen të gjithë në të njëjtën mënyrë, duke marrë përsipër që mësuesit t’i nxjerrin para këshillit të disiplinës për të marrë masa për ta.

LEXO EDHE:  Boçi publikon mesazhin/ "Drejtoria e Arsimit urdhëron mësuesit dhe nxënësit të ndjekin Besa Shahinin"

Mësuesja e klasës së parë në shkollën 9 vjeçare “Demokracia” Vjollca Nazeraj  pranoi se ka shpërndarë një listë ku përcaktohej dhe libraria por sipas saj , listën ja dha një kolege. Debati mes saj dhe drejtorit të shkollës u bë në prezencën e gazetarëve, ku drejtori i thoshte se ke bërë shumë gabim që ke shpërndarë listë , e ndërkohë mësuesja mbrohej me idenë se nuk e dinte se po bënte gabim.

Në shkollën 9 vjeçare “Korb Muca”, mësuesi i klasës së pestë që ka shpërndarë listën e mjeteve me librarinë e përcaktuar, mohoi ta ketë bërë këtë gjë, ndërkohë drejtori i shkollës tha se do e verifikonte dhe nëse kjo gjë ka ndodhur do të mblidhet menjëherë këshilli i disiplinës.

Drejtori i shkollës 9 vjeçare “Nënë Tereza”, shkollë në të cilën dy mësueset e klasave të para kishin shpërndarë listat, tha për Fiksin se kjo është absolutisht shkelje dhe se kjo gjë nuk duhet të ndodhë. Ai tha se do ngrejë menjëherë këshillin e disiplinës për rastin dhe do merret masë./Top Channel

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Drejtori i AKEP, tender 23 mln lekë për riparimin e 8 makinave/ Denoncimi: Problemi nuk janë vaji dhe filtrat

Publikuar

-

Nga

Drejtori i AKEP, tender 23 mln lekë për riparimin e 8 makinave/ Denoncimi: Problemi nuk janë vaji dhe filtrat

Një prokurim i hapur në 29 qershor në AKEP, i verifikueshëm në Agjencinë e Prokurimeve Publike është sjellë në vëmendje në rrjetet sociale nga Sali Berisha. Ish-kryeministri përcjell mesazhin e një qytetari, i cili përmes denoncimit përpiqet të shpjegojë pse tenderi lë shije abuzivizmi. Qytetari shtron pyetje të llojit; pse riparim për 8 mjete njëherazi? Pse kaq shumë lekë për llogarinë e riparimit (2.3 mln lekë)? Pse duhet rregulluar një mjet, i cili praktikisht i ka të gjitha pjesët për t’u ndërruar etj. Por le të shohim më poshtë denoncimin:

“Një tender me të vërtetë i çuditshëm është ky që ka organizuar Tomi Frashëri për institucionin që drejton, AKEP, i njohur gjatë si Autoriteti i Komunikimeve Elektronike dhe Postare (ish ERT). Ky tender që mban numër reference REF-63016-06-26-2020 është hapur më datë 29-06-2020 Ora : 09:00 dhe ka si datë mbyllje 13-07-2020 Ora : 10:00.

Ajo që të bën habi është se këtij institucioni i janë prishur 8 automjete në të njëjtën kohë. Për riparimin e tyre, Tomit të AKEP-it i nevojiten jo pak por plot 23 milionë lekë të vjetra me TVSH. Tenderin nuk ke ku ta kapësh më parë për nga çuditë.

Së pari vëren se të 8 automjetet janë bërë për të ndërruar vaj e filtra në të njëjtën kohë të gjitha së bashku, çka praktikisht është e pamundur për shkak të viteve të ndryshme të prodhimit dhe faktit se secili automjet bën kilometra të ndryshëm në sasi.

LEXO EDHE:  Fiks Fare publikon skandalin/ Dëmshpërblimet e tërmetit: Bashkia e Matit jep para’ vetëm për pleqësinë dhe militantët e PD-së

LEXO EDHE:  Skandali/ Fiks Fare kap avokatët sekserë të gjyqtarëve

Denoncimi i publikuar në profilin FB të Sali Berishës

Së dyti, vëren se për habi automjetet kanë nevojë për pjesë të tilla këmbimi saqë të bën të mendosh se u kanë ndodhur të gjitha defektet në të njëjtën kohë. Përshembull për automjetin me targë TR 3103 L dhe Nr. shasie JMB0NK9405J001310, rezulton se i duhen ndërruar veç filtrave e vajit, edhe freksioni, rripi i fazës, sistemi i drejtimit, leva e marshit, parakolpi, dinamo, motorrino, ferrota, llamba e madje edhe fshirëset e xhamit. Pra praktikisht makinës po i ndërrohen thuajse të gjitha pjesët, çka është praktikisht e pamundur që të ndodhin të gjitha në të njëtën kohë.

Por prisni, prisni, se ka edhe më. Automjeti tjetër me me targë AA029JX dhe Nr. shasie WVGZZZZ7PZED054881 rezulton se gjithashtu ka nevojë të ndërrojë ferrotat, tamburët, pompën e ujit, rripin e fazës, pulexho, gomat e madje edhe batërinë. E njëjta histori vijon dhe me automjetin me targë TR3107L dhe Nr. shasie WV2ZZZ2KZ6X026231, ku duket se edhe këtij nuk paska ngelur defekt pa i ndodhur, pasi i nevojiten këmbë motorri, këmbë kambio, rrip motorri, pompë uji, kokë zbare, kokë paraleli, suporte, injektorët, llamba, amortizator, e madje edhe bori e re.

Siç qartësisht kuptohet, kjo është një skemë e pastër për të “kullufitur” dhe shpërdoruar paratë publike”, shkruhet në statusin e qytetarit dixhital. /CNA.al

 

 

LEXO TE PLOTE

Denoncim

Foto-Plazhi zaptohet dhe rrethohet me beton/ Resorti bllokon lëvizjen e pushuesve në Golem

Publikuar

-

Nga

Foto-Plazhi zaptohet dhe rrethohet me beton/ Resorti bllokon lëvizjen e pushuesve në Golem

CNA.al  ka raportuar ditë pas dite problematika të ndryshme që fillojnë në Gjirin e Lalzit, Durrës, Lezhë, Vlorë por edhe në perlën e jugut në Drymades inn.

Së fundmi në redaksinë e CNA.al ka ardhur një denoncim me foto ku tregohet se si “Prestige Resort” në Golem, po zapton hapësirat publike.

Kompleksi ka filluar të ndërohet pak vite më parë,  madje dhe është inauguruar, por tashmë jashtë çdo rregulli ka bllokuar shëtitoren a thua e kanë të tyren personale.

Bizneset kanë filluar ta ndajnë detin me parcela, dhe nuk pyesin as për shtet, as për gjoba as për polici.

Zaptimi i plazheve në vend është ndoshta një nga fenomenet më të zakonshme dhe i “licencuar” madje nga qeveria, edhe pse fushatat anti-informalitet me zotimin për çlirimin janë thuajse të përvitshme.

LEXO EDHE:  Skandali në “Fiks Fare”/ Fëmijë, emigrantë, të vdekur dhe të burgosur firmosin pro ndërtimit të HEC-it!

LEXO EDHE:  Kryetari i PD zbulon skandalin/Kush është pensionistja që merr dy rroga në bashki

Por rasti në fjalë, nuk duket të jetë si një zënie hapësire publike, e cila pas një denocimi qytetar mund të lirohet, pasi për të kaluar vijën e plazhit në këtë vend nga njëri-krah në tjetrin, në dy raste (jo të mira) ose duhet të paguash, ose duhet të përshkuash një distancë afro 1 km në rrethimin e resortit./CNA.al

Foto-video/ Tjetër masakër në bregun e Drimadhës

Video-Masakra në zonat turistike në Shqipëri vazhdon

Biznesmeni Lul Morina, ndërtim pa leje në Dhërmi/ Shteti mbyll sytë para “bosit”

LEXO TE PLOTE

Denoncim

Dosjet Camaj-Koliqi/ Tufa: Autoriteti i Dosjeve shkeli ligjin kur i dha dokumentet Auron Tares

Publikuar

-

Nga

Dosjet Camaj-Koliqi/ Tufa: Autoriteti i Dosjeve shkeli ligjin kur i dha dokumentet Auron Tares

Ish-drejtori i Institutit për Studimin e Krimeve dhe Pasojave të Komunizmit, Agron Tufa, ende aktiv me debatet që nxisin dosjet e sigurimit, ka sulmuar direkt apo indirekt Autoritetin e Dosjeve. Kjo, për faktin se ka favorizuar Auron Taren me kohën, në kërkesën që ky i fundit ka bërë  për dosjet e Martin Camajt dhe Ernest Koliqit, i cili më pas nxiti edhe furtunën në gotë lidhur me veprimtarinë e këtyre dy intelektualëve.

Përmes dokumentit, Tufa “denoncon” se Autoriteti i drejtuar nga Gentiana Sula ka dhënë informacion më shpejt se në rastin e çdo dosjeje tjetër.

“Zakonisht Autoriteti (AIDSSH) u kthen përgjigje kërkesave të studiuesve, maksimumi, pas një
viti. Shiheni si vepron me Taren: më 26 maj 2020 ai bën kërkesë dhe më 2 qershor 2020 merr 2 dosje.
Do të ishte interesante të dihej, psh, nëse kërkesat e të tjerëve të datës 26 maj, janë ndjekur me
të njëjtën përparësi dhe kthyer përgjigje më 2 qershor, apo ky është një rast i përzgjedhur me
dashuri?
Sepse duhet thënë, që kërkesave që bënte ISKK, Autoriteti ose u përgjigjej pas 6 muaj – një viti,
ose nuk u përgjigjej fare, për çka kemi pasur një sërë ankimesh në AIDSSH dhe në Raportet e
veprimtarisë Vjetore në Parlament. Auron Tare nuk plotëson një kusht të rëndësishëm, nuk është studiues, por enverist. Nuk ka asnjë punim shkencor apo libër. Është një bashkëpunëtor i shoqatës së Rustem Peçit dhe kaq. Kësisoj në këtë pikë Autoriteti ka shkelur ligjin”, shkruan Tufa në rrjetet sociale. /CNA.al

LEXO EDHE:  Përdhunimi i të miturës/ Zbardhen të tjera detaje tronditëse

LEXO EDHE:  Fiks Fare / Skandali me avokaten e shtetit që kërkon ryshfet

Përgjigja e Autoritetit të Dosjeve për studiuesin Auron Tare

LEXO TE PLOTE