Connect with Us

Bashkia Kukës gjobit me 52 mln dollarë kompaninë minerare/ I bllokon aktivitetin

Lajme

Bashkia Kukës gjobit me 52 mln dollarë kompaninë minerare/ I bllokon aktivitetin

Publikuar

-

Një kompani minerare në Kukës është gjobitur me 52 milionë dollarë për dëmtim ambienti.
Raportohet se Bashkia e Kukësit ka pezulluar aktivitetin e kompaninë “IMI sh.p.k”.

Sipas kreut të Bashkisë, Safet Gjicit kompania nuk ka respektuar ligjin dhe punon pa leje.

“Kompania nuk ka respektuar ligjin duke hapur disa rrugë pa leje nga bashkia. Ne kemi kërkuar që kompania të respektojë ligjin dhe derisa të jetë në bazë të rregullave dhe ligjit. Ne nuk do ta heqim bllokimin. Mbi të gjitha kompania në zonë ka bërë masakër mjedisore. Të gjitha inertet janë hedhur në liqen. Kompania nuk ka zbatuar kontratën me ministrinë e linjës sa përket investimit në zonë nga fitimi.
Në zonë nuk ka bërë asnjë investim infrastrukturor. Pra do të thotë se ne mbrojmë interesin publik dhe banorëve dhe mbi të gjitha kërkojmë që të zbatoj ligjet për pyjet dhe mjedisin. Drejtoria dhe inspektorati i mjedisit nga kontrollet në terren ka konstatuar dëme të llahtarshme në mjedis dhe për këtë kompania është gjobitur. Kjo kompani prej vitesh punon pa letra, punon në të zezë. Derisa kompania të paguaj 52 milionë dollarë gjobë dhe dëm mjedisor sa është konstatuar nga ekspertet e bashkisë, kompania do të jetë e bllokuar. Të jenë të bindur se nuk vëmë shirita në mëngjes e t’i heqim pasdite. Shiriti do të hiqet vetëm atëherë kur kompania të zbatojë ligjin e të paguajë borxhin. Ne jemi në të drejtën tonë”, u shpreh Gjici./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Lajme

Dëmet nga tërmeti i 26 nëntorit/ Gjermania dhuron 11 milionë euro për Shqipërinë

Publikuar

-

Nga

Gjermania ka dhuruar 11 milionë euro për rindërtimin e e zonave të prekura nga tërmeti në Shqipëri.

Ministri i Jashtëm Federal Heiko Maas sot në Konferencën e Donatorëve për Rindërtimin bëri të ditur se këto do t’i shërbejnë rindërtimit dhe mirëmbajtjes së shkollave, kopshteve dhe institucioneve arsimore.

“Tërmeti i rëndë i nëntorit, që goditi Shqipërinë, mori 51 jetë njerëzish dhe shkaktoi dëme serioze. Gjermania ofroi menjëherë ndihmën e saj nëpërmjet ekspertëve të Agjencisë të Asistencës Teknike. Por tani bëhet fjalë për rindërtimin. Qytetarët në zonat e prekura kanë nevojë për banesa, shkolla dhe kopshte. Gjermania vë në dispozicion për këtë 11 milionë euro. Është një dëshmi e fortë e solidaritetit të BE-së me Shqipërinë fakti që Komisioni Evropian po koordinon asistencën ndërkombëtare të emergjencës dhe ka thirrur për këtë qëllim konferencën e sotme të donatorëve”, tha ministri.

Ndërsa Suedia ka dhuruar 5.6 milion euro për shqiptarët për të prekurit nga tërmeti i 26 nëntorit.

LEXO EDHE:  Vdekja e 11-vjeçarit/ Gjykata dënon me gjobë mjekun irlandez, tjetri shpallet i pafajshëm

LEXO EDHE:  Kompanitë e veshjeve refuzuan këtë modele

“Suedia po e mbështet Shqipërinë me 5.6 milion euro pas tërmetit. Sot Ministri ynë për Bashkëpunim Ndërkombëtar dhe Zhvillim @petererikssonmp është në Bruksel, pjesëmarrës në Konferencën e Donatorëve për Shqipërinë”, njofton ambasada suedeze./CNA.al

LEXO TE PLOTE

Lajme

Bashkimi Europian i jep 100 milion euro Shqipërisë/ Ursula Von der Leyen mesazhe të forta

Publikuar

-

Nga

Në nisje të konferencës së donatorëve në Bruksel, presidentja e KE-së, Von der Leyen u shpreh se do të ndihmojmë Shqipërinë.

Po ashtu ajo theksoi se nevojat e Shqipërisë janë të mëdha, por shtoi se BE do ta ndihmojë Shqipërinë t’ia fillojë nga e para.

Gjithashtu, presidentja e KE-së tha se përtej 15 milion eurove, KE jep 100 mln euro nga buxheti i BE-së.

“Nevojat e Shqipërisë janë shumë të mëdha, mijëra shtëpi duhen rindërtuar, shkolla, spitale. Kostoja e rindërtimit është vlerësuar 1 mld euro, vetëm Shqipëria nuk mund ta përballojë këtë barrë. Ne i premtojmë popullit shqiptar që jemi aty, që solidariteti jonë do të fillojë të jetë po aq i fortë sa ishte në orët e para. Ne angazhohemi për rindërtimin në vazhdimësi. Askush nuk mund ta plotësojë boshllëkun e atyre që kanë humbur, por ne mund ta ndihmojmë Shqipërinë që ta fillojë nga e para. Transparencë dhe llogaridhënie të plotë në terren. KE jep 100 mln euro nga buxheti i BE-së përtej 15 mln eurove” tha ajo.

LEXO TE PLOTE

Lajme

Nis Konferenca e donatorëve/ Presidentja e KE: E gjithë bota është mobilizuar në thirrjen tuaj për ndihmë

Publikuar

-

Nga

Prej orës 14:30 ka nisur në Bruksel Konferenca e Donatorëve, ku Shqipëria shpreson te një solidaritet, jo vetëm simbolik, por të ndihmuar në rindërtimin pas tërmetit tragjik të 26 Nëntorit të vitit të kaluar.

Konferenca po drejtohet nga Presidentja e KE-së, Ursula Von Derl Leyen, e cila në fjalën e saj theksoi se e gjithë bota është mobilizuar, pas kërkesës së Shqipërisë për ndihmë.

“Tërmeti i 26 nëntorit të vitit të kaluar ra natën, kur shumica e njerëzve ishin në gjumë. Nga tërmeti 51 humbën jeten, dy familje u shuan.

Por, qindra shqiptarë dolën vullnetarë për të punuar natë e ditë. Kjo është një histori humbje por një histori heronjsh dhe solidariteti. Brenda pak orësh ekipet e shpëtimit filluan të vinin në Shqipëri. Rreth 200 zjarrfikës italianë dhe rumunë filluan kërkimet nën rrënija, ekspertë dhe inxhinierët tanë mbërritën në Shqipëri për të vlerësuar dëmet.

Shqipëria është në zemër të kontinetit tonë dhe unë jam e bindur se ata do të jenë në mesin tonë. Sot solidariteti nuk ka ardhur vetëm nga BE, por sot po tregoni reagimin e fortë ndërkombëtar. Sot me këtë pjesëmarrje mbresëlënëse ju tregoni reagimin e fortë pas thirrjes së Shqipërisë, nga Mali i Zi deri në Kanada, nga Turqia deri në Izrael, nga Zvicra deri në SHBA. Ne kemi parë ekipet serbe dhe kosovare që punon krah për krah për të shpëtuar fqinjët. Solidariteti ka shpëtuar shumë jetë në Shqipëri. Ekipet e shpëtimit nxorën 49 persona nga rrënojat. Nevojat e Shqiprëisë janë shumë të mëdha, mijëra shtëpi duhen rindërtuar, shkolla, spitale. E gjithë bota është mobilizuar në thirrjen tuaj për ndihmë”-tha ndër të tjera Von Der Leyen.

LEXO EDHE:  Mbyllet një tjetër portal/ Abilekaj: Urojmë të mos këtë prapavijë politike!

LEXO EDHE:  Vdekja e 11-vjeçarit/ Gjykata dënon me gjobë mjekun irlandez, tjetri shpallet i pafajshëm

Po ashtu, ajo theksoi se “Shqipëria e vetme nuk mund ta përballojë kët barrë. Por, sot i premtojmë popullit shqiptar se solidariteti ynë do të jetë i fortë”./ CNA.al

LEXO TE PLOTE