Connect with Us

Të gjithë janë përgjegjës/ Kasta politike duhet shembur

Politikë

Të gjithë janë përgjegjës/ Kasta politike duhet shembur

Publikuar

-

Tre fytyrat kryesore të kastës politike shqiptare, Edi Rama, Lulzim Basha dhe Ilir Meta, në artikulimin e tyre politik përpiqen që të reflektojnë ndryshime. Pra, të tregojnë se nuk ngjasojnë me njëri-tjetrin.

Rama thotë se “unë nuk jam më i  miri, por më të mirë se unë nuk ka”. Gënjeshtër më të madhe se kjo zor se mund të gjesh në Shqipëri.

Lulzim Basha del e thotë se është i shkolluar në Perëndim dhe i ndershëm dhe se me mendimet e tij perëndimore do të ndryshojë Shqipërinë. Një gënjeshtër tjetër kjo aq e pabesueshme, sa nuk ia besojnë as ata të shpisë që ia kanë mbushur mendjen.

I treti është Ilir Meta, i cili do të tregojë se është një burrë shteti, që mban në krah ca karagjozë dhe sharlatanë mediatikë, por edhe kjo një gënjeshtër. Veçse ndryshe nga dy të parët, Ilir Meta ka treguar se ka një kokë të fortë dhe ndoshta është po aq i korruptuar, sa edhe ata dy të mësipërmit.

Por, le të kthehemi tek faktet dhe detajet.

rama dergon meten ne kushtetuese

Lulzim Basha akuzon Edi Ramën se ky është përgjegjësi i kaosit që ka sot Shqipëria. Gjithashtu edhe Ilir Meta.

Në fakt ky i fundit, presidenti i Republikës, është ai që e solli në vitin 2013, Rilindjen në pushtet. Është ai që bashkëqeverisi me Edi Ramën deri në dy vitet e fundit dhe është ai që u zgjodh nga Rama, president. Është ai që ndau pazare të pista me Edi Ramën. Është ai që u denoncua me bllok në dorë. Është ai që u ndaj Partia Socialiste dhe e çoi atë në humbje, dy herë rrjesht.

Pra, Ilir Meta i floririt në Kërrabë, Ilir Meta i vilave, bizneseveve, me përgjime telefonike për qindra euro për blerje votash, që është sot president i Republikës, është një nga përgjëegjësit kryesorë të situatës ku ndodhet vendi. Është një nga personat e shumë akuzuar për korrupsion. Është përgjegjës po aq sa Lulzim Basha dhe Edi Rama, po të dojë edhe sa Sali Berisha, për situatën ku ndodhet Shqipëria.

avokati zbulon marreveshjen

Le të shkojmë më tej, tek Lulzim Basha. Njeriu i cili flet se ka vizion Perëndimor për Shqipërinë. Por kush është ky vizion? Mos vallë Lulzim Basha i ardhur në Shqipëri në vitin 2005, kur ende nuk kishte përfunduar studimet master?

I njëjti Lulzim, i cili u shkollua me lekët e Sorosit dhe erdhi në krye të PD-së me një milion dollarë pasuri, kur kishte punuar si një përkthyes i thjeshtë në Kosovë.

Me gjashtë vite punë, student dhe kamarier dhe më pas përkthyes, Luli u bë milioner. Ose kishte bërë të paktën miliardshin e parë. Është ai person që ishte ministër i Transporteve, që lidhet me skandalin e Rrugës së Kombit, ku akuzohet për zhdukjen e qindra milionë eurove. Akuza të cilat nuk u vërtetuan nga prokuroria, pasi çështja u mbyll me procedurë, nga Gjykata e Lartë.

Më pas është ministër i Jashtëm i skandalit të marrëveshjes së ujërave me Greqinë.

Bëhet ministër i Brendshëm dhe me 21 janar, me vrasje në Bulevard. A nuk janë ato vrasje një krim ashtu si krimet që ndodhin në rrugë, por vetëm ndryshe, se këtë herë e kishte bërë shteti?

Më pas kryetar i Bashkisë së Tiranës, me skandale dhe dështime.

Më tej zgjidhet në krye të PD-së, e shkatërron atë përfundimisht dhe së fundi iu kërkon edhe falje publikisht shqiptarëve se kishte bërë zgjedhje të gabuara, lista të gabuara e të tjera si këto, si ato maskat që Luli i heq dhe i vë shpesh. Ky është Lulzim Basha. Është po aq përgjegjës sa Edi Rama. Sepse ka qënë ministër dhe është pjesë e kastës politike dhe kërkon të lahet dhe të shplahet, duke na thënë ai ai ka denoncuar.

LEXO EDHE:  Pas denoncimit të CNA.al/ Basha rikthehet tek Astiri

Por, a mjaftojnë vetëm denoncimet? Po marrëveshjet me Edi Ramën? Po vilat? Po bizneset e familjarëve të tij? Po paratë e fituara dhe pasuria e shtuar në opozitë? Si ka mundës? Këtë Lulzim Basha nuk ka për ta sqaruar kurrë. Gjithmonë i shmanget dhe thotë se akuzon Edi Rama për të shpëtuar. Por, në fakt Edi Rama e akuzon shumë më pak sesa e akuzojnë mediat, të cilat i kërkojnë të vërtetën, për të cilën sa më pak flet aq më shumë ngre dyshime. Ose sa më shumë flet , aq më shumë gënjeshtra thotë.

I fundit në radhë, por jo nga rëndësia është kryeministri ynë Edi Rama. Kryeshefi i Rilindjes. Njeriu i “madh” i qeverisjes së vendit. Ai që ka bërë një qeveri si të ishte një zyrë bashkie. Ku kryetari i Bashkisë ka disa drejtorë që i urdhëron. E ka mbushur me ish-vartësit e tij, me çetën e Mjaft-it që rrëzuan socialistët nga pushteti.

Krimi lulëzon, ministrat e tij janë jo për të qeshur, por për të vjellë. Sharlatanë dhe karagjozë, të paaftë dhe të dështuar. Në gjashtë vite disa prej tyre, të cilët u larguan ndoshta treguan se janë më të zotët se ata që janë tani, të cilët nuk po bëjnë dot asgjë. Gjithçka në Shqipëri ka ngelur. Atë që pretendon Rama, se do të bëjë luftë me krimin, në fakt ka gjashtë vite që nuk e bën.

Kush e ndali dhe e pengoi kryeministrin? Pse bëri aleancë me krimin gjashtë vite? Kush e pengoi ta luftonte, Ilir Meta apo Lulzim Basha?

Se në fakt, secili ka kriminelët e tij në gjirin e partisë.

qeveria e re Rama3 ne elbasan

Kanabizimi i Shqipërisë, rritja e varfërisë, shtimi i taksave, rritja e papunësisë, rritja e çmimeve, ekonomia në ngërç, janë faktet të cilat tregojnë se Edi Rama është një kryeminisër i dështuar. Është një kryeminisër i paaftë, i cili nuk ndryshon shumë nga Ilir Meta apo Lulzim Basha. Prandaj dhe përfiton.

Janë të tre njësoj, por ai ka zgjedhur të jetë më manovrator, më lojtar me të dy. Të parin e mori në krah në 2013 deri në 2019, të dytin e mori në krah në 207-ën, me shpresën se mund ta rrëzonte Edi Ramën, pasi dështuan që të qeverisnin të dy.

Pra, të gjithë janë përgjegjës dhe fajtorë për situatën që ka sot Shqipëria. E gjithë kasta politike, duke filluar që dje e deri sot. Askush nuk mund të justifikohet se PD-ja është në opozitë. Nuk mund të shpëtojë Luli nga skandalet dhe dështimet e tij. Ashtu sikundër sapo Ramës i del një bëmë apo një gjëmë, Luli ia mbulon. Kështu ia mbulon edhe atij Rama. Kështu ia mbulojnë edhe Metës. Kështu edhe Meta atyre.

Kjo kastë politike duhet shporrur. Vetëm ajo është zgjidhja për Shqipërinë dhe asgjë më shumë sesa kaq./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Dita Ndërkombëtare e Demokracisë/ Mesazhi i fortë i Yuri Kim

Publikuar

-

Nga

Dita Ndërkombëtare e Demokracisë/ Mesazhi i fortë i Yuri Kim

Ambasadorja e SHBA, Yuri Kim ka dhënë një mesazh në Ditën Ndërkombëtare të Demokracisë.

Kim shprehet se çdo qytetar ka të drejtë të marrë pjesë në proceset demokratike.



“Çdo qytetar ka të drejtë të marrë pjesë në proceset e vetëqeverisjes demokratike. Demokracitë janë të përgjegjshme para qytetarëve të tyre. Ata respektojnë Sundimin e Ligjit, mbrojnë jetën dhe pronën, dhe respektojnë liritë, dinjitetin dhe barazinë e çdo personi”, shkruan Kim në një postim në Twitter./CNA.al

LEXO TE PLOTE

Politikë

Të gjitha sukseset e “kapter” Sandër Lleshajt në Ministrinë e Brendshme

Publikuar

-

Nga

"Kapter" Sandër Lleshaj reagon për makinën luksoze/ CNA.al i përgjigjet

Sandër Lleshaj u emërua ministër i Brendshëm në nëntor të vitit 2018, pas largimit të papritur të paraardhësit të tij, Fatmir Xhafaj.

Pasi la gradat e gjeneralit dhe veshi ato të kapterit të partisë, Sandër Lleshaj filloi të numërojë “sukseset” e tij të njëpasnjëshme.

Sapo mori detyrën e ministrit të Brendshëm, në vend që të merrej me rendin dhe sigurinë, Lleshaj e filloi me urdhëra qesharakë, si ai që ndalonte punonjësit të frekuentonin ambientet e jashtme të institucionit gjatë orëve të punës.

Më pas Lleshaj ka nxjerrë një tjetër urdhër, po kaq të “rëndësishëm”.

Lleshaj urdhëroi që “Policët mbi peshë dhe me bark nuk do kryejnë shërbim në vende të dukshme”.

Por ajo që bine në sy është pika 8 e urdhëresës ku thuhej se punonjësit e policisë në mbipeshë të cilët në dokument quhen “barkdërra” do bëjnë shërbim vetëm në vende të padukshme, kjo për të mbajtur larg syrit të opinionit publik, paraqitjen jo estetike të tyre.

Në rreth dy vite në krye të këtij institucioni, përveç faktit që mbyti opozitën me gaz, sapo mori detyrën e ministrit të Brendshëm, Sandër Lleshaj ka numëruar “suksese” të pafundme në detyrën e tij. Sidomos në 6-mujorin e parë të vitit 2020, ai shënoi si gjashtë-mujorin e parë me më pak aksidente dhe më pak vrasje dhe ngjarje kriminale.

Në fakt Sandër Lleshaj shet mend dhe e promovon këtë si rezultat spektakolar, kur në këto gjashtë muaj, tre muaj Shqipëria ishte e izoluar.

Nuk kishte as makina në rrugë, as njerëz.

Shyqyr që shqiptarët nuk vranë veten duke parë Sandër Lleshajn në televizor, apo së fundi me një BMW luksoze që e ka përfshirë ministrin në një skandal të papërsëritshëm.

LEXO EDHE:  Sekretarja e PD-së ia përplas Bashës në fytyrë

LEXO EDHE:  Sekretarja e PD-së ia përplas Bashës në fytyrë

Ish-gjenerali që u bë “kapter” partie, duket se po ngrys ditët e fundit në Ministrinë e Brendshme, por ende nuk ka sqaruar se pse urdhëroi Policinë e Shtetit që t’i blinte makinën luksoze, me një procedurë skandaloze, të cilën po përpiqet ta mbajë të fshehtë.

Në fakt sot përtej “sukseseve”, Sandër Lleshaj është sot “kapteri” me Limuzinë, që dje hëngri dru politik nga lart dhe që sot nuk vlen më të merret askush.

Sandri nuk vlen më për asgje, tani as ne skemi pse merremi me të, ai ka ikur tashmë, ka njerëz më tërëndësishëm që pritet ta zëvendësojnë si Klevis Balliu apo Grida Duma me Mirela Tabakun, “kapteri i rahur nga Rama”, vlen më pak se këta./ CNA.al

Lleshaj merr vendimin drastik/ Zbulohet urdhëri për “policët barkderra”

Publikoi skandalin e makinës luksoze/ Gazetari sfidon publikisht Sandër Lleshajn

“Kapter” Sandër Lleshaj reagon për makinën luksoze/ CNA.al i përgjigjet



Ekskluzive-Sandër Lleshaj dhe Ardi Veliu kapen në mega-skandal/ Si u “përvetësua” makina 100 milionëshe

Sandër Lleshaj, “kapteri” me limuzinë

“Ministri i Lalzit”/ Sandër Lleshaj hesht për vilën luksoze

Skandali me BMW-në 100 milionëshe të Sandër Lleshajt/ Mjeti qarkullon pa siguracion

Foto+Video/ Zbulohet vila e ministrit të Ramës në Gjirin e Lalzit

Skandali me BMW-në luksoze të Sandër Lleshajt/ Makina qarkullon me targa falso

Ministri i Brendshëm përfshihet në skandal/ Fshehu një vilë në Gjirin e Lalzit?

Foto+Video/ Zbulohet vila e ministrit të Ramës në Gjirin e Lalzit

LEXO TE PLOTE

Politikë

“Po pengon hapjen e negociatave”/ PAA: Rama kërkon shkatërrimin e zgjedhjeve

Publikuar

-

Nga

Korrupsioni dhe dhe kapja e shtetit rrezikojnë financimet e BE për Shqipërinë/ Duka: Këmbanë alarmi për Ramën

Partia Agrare Ambientaliste ka hedhur akuza të forta në drejtim të kryeministrit Edi Rama, për të cilin thotë se po pengon me vetëdije çeljen e negociatave.

Sipas PAA-së, kryeministri Edi Rama kërkon të shkatërrojë zgjedhjet e 2021.

“Me qëndrimin arrogant dhe të papërgjegjshëm të bllokimit dhe mos-respektimit të marrëveshjes së 5 Qershorit 2021, Rama po vonon dhe pengon me vetëdije çeljen e negociatave, po vonon dhe dëmton fillimin e përgatitjes së partive politike dhe koalicioneve respektive për zgjedhjet parlamentare 2021.



Kjo sjellje politike e Ramës është tipike e liderëve autoritarian dhe neo-diktatorial që janë armiq të përbetuar të demokracisë, të lirisë së fjalës së lirë dhe të ndarjes së balancës dhe kontrollit të tre pushteteve kushtetuese, kuvendit, ekzekutivit dhe gjyqësorit.

LEXO EDHE:  Meta zbardh bisedën me Lu/ Ja kur largohem nga politika  

LEXO EDHE:  Paralajmëron kryeministri/ Ndotja e mjedisit është krim dhe do ndëshkohet

Rama nuk i do por edhe nuk është i lirë të lejojë zgjedhje të lira sepse edhe sipas vlerësimeve ndërkombëtare Rama drejton qeverinë më të paaftë dhe thellësisht të korruptuar deri në kapje të shtetit.

Përballë pasojave të kësaj situate kritike për të sotmen dhe të ardhmen, është koha për reagim protestues, është koha për të arritur një votë plebishitare kundër diktaturës së pushtetit absolut të Ramës dhe hajdutëve të tij.”-thuhet në deklaratën e PAA-së.

LEXO TE PLOTE